Բաքուն պահում է Հայաստանի հարյուրից ավելի քաղաքացիների
Ադրբեջանը պահում է Հայաստանի հարյուրից ավելի քաղաքացիների, և այս հարցի լուծման ձգձգումը հետաձգում է Երևանի և Բաքվի միջև երկխոսության մեկնարկը: Այս մասին Ռիա Նովոստիին ասել է Սփյուռքի գործերով հանձնակատար Զարեհ Սինանյանը։
Նա նշել է, որ փետրվարի 24-ից մարտի 2-ը Ռուսաստան կատարած այցի ընթացքում նա այդ հարցը քննարկել է Ռուսաստանի Դաշնության փոխարտգործնախարար Անդրեյ Ռուդենկոյի հետ շփումներում:
«Մեզ համար ամենակարևոր թեման հայ ռազմագերիների և գերիների վերադարձն է Ադրբեջանից: Եվ ես այդ հարցը քննարկել եմ նաև Ռուսաստանի արտգործնախարարությունում կայացած հանդիպմանը։ Գիտեմ, որ նրանք հարյուրից ավելի են, բայց ես հստակ թիվ չունեմ: Եվ, հետևաբար, մենք երկխոսություն ենք վարում, քանի որ ուզում ենք նաև պարզել, թե քանի մարդ է հայտնվել ադրբեջանական գերության մեջ, նրանք (Բաքու - խմբ.) դա ավելի լավ գիտեն:
Ռազմական գործողությունների պատճառով դա պարզ է, որ մենք ունենք այն մարդկանց ցուցակը, որոնց մենք գիտենք, որ գտնվում են Ադրբեջանում, և դեռ կա անհայտ կորածների ցուցակ: Եվ այս դեպքում թվերն անընդհատ փոխվում են», - ասել է Սինանյանը։
Նրա խոսքով, Երևանը հույս ունի, որ Մոսկվան կշարունակի իր ներդրումն ունենալ այս խնդրի կարգավորմանը:
Հիշեցնենք՝ օրերս Ադրբեջանի նախագահ Իլհամ Ալիևը հայտարարեց, որ Բաքուն բոլոր ռազմագերիներին է հանձնել Երևանին, իսկ նմացած պատանդներին անվանեց «դիվերսանտներ»։
Հարակից հրապարակումներ`
- Լեհ քաղաքական գործիչն Ալիևին առաջարկում է իրեն փոխանակել հայ ռազմագերիների հետ
- Հայ ռազմագերիների և քաղաքացիական անձանց վերադարձի ձգձգումները խաթարում են մարդկային արժանապատվությունը․ ԱՀ ՄԻՊ
- Արցախի և Հայաստանի ԱԳ նախարարները քննարկել են մարդասիրական խնդիրներն ու ռազմագերիների հարցերը
- Զիջելու դեռ շատ բան կա, և դրա համար էլ շանտաժով պահում են ռազմագերիների հարցը. Սուրեն Սարսգյան
- Ալիևը հայտարարել է՝ Ղարաբաղի կարգավիճակի հարցը օրակարգից դուրս պետք է գա, ռազմագերիներն էլ՝ «դիվերսանտներ են»
- Ադրբեջանը ռազմագերիներին վերադարձնելու գործընթացն օգտագործում է քաղաքական նպատակներով. Վաղարշակ Հարությունյան
- Ռազմագերիների և այլ պահվող անձանց վերադարձի հարցի շուրջ աշխատանքները շարունակվում են․ Զախարովա
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ