Իշխանությունը հասկանում է՝ այլևս չունի որևէ միջոց պաշտպանվելու յուր ժողովրդից, բացի ուժ կիրառելուց. Ալավերդյան
«Այստեղ կա անհամաչափ ուժի կամ ուժի սպառնալիքի օգտագործում»,- լրագրողների հետ զրույցում ասաց Հայաստանի մարդու իրավունքների առաջին պաշտպան, «Ընդդեմ իրավական կամայականությունների» ՀԿ նախագահ Լարիսա Ալավերդյանը՝ պատասխանելով երեկ ԱԺ- բերված դիպուկահարների, ԱԺ տարածքում տեղադրված լուսաձայնային նռնակների մասին հարցերին:
Նա նշեց, որ Հայաստանն առաջին երկիրը չէ, որտեղ ղեկավարությունն, ամբողջովին կորցնելով իր լեգիտիմությունը, փորձում է պաշտպանել ու պահպանել իր իշխանությունն ամենակոշտ մեթոդներով, մասնավորապես՝ դիպուկահարով, լուսաձայնային նռնակներով:
Իրավապաշտպանն ամբողջովին դատապարտում է այդ գործողությունները:
«2019 թվականի կեսերից բոլորովին այլ դրվագների հետ կապված ասել եմ, որ այս իշխանությունն արդեն կորցրել է լեգիտիմության պաշարի ամենամեծ մասը: Ֆիքսենք, որ այս իշխանությունն ամբողջովին կորցրել է լեգիտիմությունը: Լեգիտիմությունը միայն ստացած քվեն չէ: Ցանկացած իշխանություն, որը գալիս է ամենաբարձր քվեով, բայց խախտում է գործող օրենքներն ու Սահմանադրությունը, դրանով իսկ ինքն իրեն դնում է օրենքից դուրս, այսինքն՝ այլևս կորցնում է իր լեգիտիմությունը: Այսօր ունենք այդ վիճակը: Թե ԱԺ մեծամասնությունը, թե իրենց «առաջնորդը», ամբողջովին իրենք իրենց դատապարտել են»,- ասաց Լ. Ալավերդյանը:
Նա ընդգծեց՝ իշխանությունը հրաշալի հասկանում է, որ այլևս չունի որևէ միջոց պաշտպանվելու յուր ժողովրդից, բացի ուժ կիրառելուց, դրա համար էլ իրենք դա ցուցադրում են:
«Իրենց խմբակցության կարկառուն դեմքերից մեկը, ով Լևոն Տեր-Պետրոսյանի ժամանակներից կողմ էր, որ Արցախը մնա Ադրբեջանի կազմում, շպրտում է խոսքեր, որ իշխանությունն իրավունք ունի կրակել, իսկ մարտի 1-ին քաղաքացի Փաշինյան Նիկոլն ասում է՝ մենք չենք կրակելու, կարծես թե լավություն է անում:
Այդ բոլոր պրիմիտիվ, ամենացածր մակարդակի մանիպուլյատիվ տեխնոլոգիաներն օգտագործվում են ու տեսնում ենք, թե ովքեր են դեռ ենթարկվում այդ ուղեղների, եթե կան, լվացման գործըացներին»,- ասաց Լ. Ալավերդյանը:
Նա համոզված է, որ այսօր Հայաստանում մարդ չկա, որը համաձայն լինի ոչ միայն նոյեմբերի 9-ից հետո վարվող քաղաքականությանը, նաև դրանից առաջ:
«Պարզապես համբերության բաժակը լցվել է: Որպես մարդու իրավունքների պաշտպանության մեջ անձ՝ կոչ եմ անում պատգամավորներին, որոնք կամ անգրագետ են կամ կատարում են այլ կենտրոններից իրենց տրված այս կամ այն գործողություններն ու ծրագրերը, օր առաջ ապաշխարեն, քանի որ Հայաստանի Քրեական օրենսգիրքը շատ հումանիստական է, մասնավորապես, մենք չունենք մահապատիժ: Խոսքը վերաբերում է ամենաբարձրաստիճան պաշտոնատար անձանց, որոնք այնպիսի քայլեր են ձեռնարկել, որ բնութագրվում են բոլոր այն հատկանիշներով, որոնք գրված են Քրեական օրենսգրքի 28-րդ գլխում՝ Սահմանադրական կարգի և պետության անվտանգության դեմ հանցագործություններ»,- նշեց նա:
Լարիսա Ալավերդյանն ասաց՝ խոստովանությունը միշտ էլ մեղմացնում է պատիժը, և չարժի հասցնեն այն կետին, որ բախումնային սցենարով իշխանությունից հրաժարվեն:
Հարակից հրապարակումներ`
- Նշանառության տակ պոտենցիալ հանցագործներն էին․ իմքայլականը՝ դիպուկահարների մասին
- Գորիսի փոխքաղաքապետ. Մինչ մեր դիպուկահարները զենքներն ուղղել են դեպի ժողովուրդը, թշնամին ինժեներական աշխատանքներ է սկսել Որոտանում
- Մենք չենք տեսել դիպուկահարներ․ փոխոստիկանապետ
- Նկարի վրա նկատեցինք, որ կարծես թե գտնվում ենք դիպուկահարների թիրախում․ Ա․ Աշոտյան
- ԱԺ պատուհաններից հրազենի բացահայտ ցուցադրությունը խաղաղ հավաքին պետության կողմից գործադրված անվտանգության անհամարժեք միջոց է. ՄԻՊ
- Տարբերակ է՝ ոստիկանությունը որոշել է ուժ կիրառել ցուցարարների նկատմամբ ու այդ հայտարարությամբ հիմքեր է ստեղծում. Վանեցյան
- «Իրավական ուղի»-ն՝ դիպուկահար զենքի ցուցադրության մասին
- Ղուլյան. ԱԺ բերված հրացաններով կարելի էր շարքից հանել Շուշիի բերդից «աշխատող» թուրքի դիպուկահարներին
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ