Վարչական խախտումների 4 հայցատեսակներով վիճարկումները 560 տոկոսով ավելացել են. Ռուստամ Բադասյան
«Առաջարկվում է Վարչական դատավարության օրենսգրքում ներդնել գրավոր քննության անցկացման ընթացակարգ, մի շար ընթացակարգերով գործերը քննել պարտադիր գրավոր եղանակով, եթե առկա չեն այն բացառող հիմքերը»-կառավարություն նիստում հայտարարեց Արդարադատության նախարար Ռուստամ Բադասյանը՝ ներկայացնելով «Հայաստանի Հանրապետության վարչական դատավարության օրենսգրքում փոփոխություններ և լրացումներ կատարելու մասին» Հայաստանի Հանրապետության օրենքի նախագծին հավանություն տալու և անհետաձգելի համարելու մասին նախագիծը
Նրա տեղեկացմամբ՝ 2019 թվականին Վարչական դատարանում ունեցել են վիճարկվող 7165 հայցադիմում, որից 5755-ը հենց ճանապարհային երթևեկության անվտանգությանն առնչվող իրավախախտումներին են վերաբերել:
Բադասյանը հայտնեց, որ նախկինում գործող Վարչական դատավարության օրենսգրքերի երկու տարբերակում էլ նման դեպքերի համար գրավոր ընթացակարգ չի նախատեսվել, ինչը մեծացրել է դատարանների ծանրաբեռնվածությունը:
Ըստ նրա՝ պարզ դատական վեճերի համար հարկ չկա դատաքննության բանավոր ընթացակարգ, այլ կարելի է սահմանափակվել գրավորով:
Նախարարները հայտնեցին, որ ըստ ԲԴԽ-ի հաղորդման՝ վարչական իրավախախտումների 4 հայցատեսակներով վիճարկումները 560 տոկոսով ավելացել են:
«Այն դատական հայցերը, որոնցով գրավոր ընթացակարգ է ներդրվում, կազմում է այդ գործերի 80 տոկոսը»,- հայտնեց նախարարը և հավելց, որ որոշ հայցեր կստանան բացառապես գրավոր ընթացակարգ՝ ինչպես առաջին ատյանում, այնպես էլ Վերաքննիչ դատարանում:
Բադասյանի խոսքով՝ Վերաքննիչ դատարան 2019 թվականին ներկայացված 5755 ակտից բողոքարկվել է 2084-ը, որից 729-ը՝ ՃՈ կողմից:
Նախարարը նկատեց, որ օրենսդրական փոփոխությամբ էականորեն թուլացվում է դատական համակարգի ծանրաբեռնվածությունը, իսկ հաջորդ քայլը այդ գործընթացի թվայնացումն է լինելու:
ԲՏԱ նախարար Հակոբ Արշակյանն էլ հավաստիացրեց, որ հատուկ աշխատանքներ են տարվում թվայնացման ստանդարտների ուղղությամբ:
Հարակից հրապարակումներ`
- Կառավարությունը Տավուշի մարզպետարանին տրամադրեց 234 միլիոն 228 հազար դրամ
- Շուռնուխ գյուղի բնակելի տների նախագծերը կավարտենք մինչև մարտի վերջ. Արմեն Ղուլարյան
- Կառավարությունը Երևանի քաղաքապետի համար նախատեսեց ևս մեկ՝ 5-րդ տեղակալի հաստիք
- Աջակցության ծրագրով նախատեսված 250 միլիոն դրամ վարկից տուրիստական ընկերությունները վերցրել են միայն 36 միլիոնը.Վահան Քերոբյան
- Կառավարության 3-րդ միջոցառման շրջանակում վարկ վերցրած տնտեսվարողների հիմնական մասը չի հասցրել օգտվել 6 ամսյա արտոնյալ ժամանակահատվածից
- Մենք այսօր իսկ վերսկսում ենք երկու հիվանդանոցների ծավալման աշխատանքները. Անահիտ Ավանեսյան
- Կառավարության այսօվա որոշմամբ Հայաստանի քաղաքացիների վարկային պատմությունները հասանելի կլինեն ԵԱՏՄ երկրներում