Հասարակություն 12:51 04/04/2021 Հայաստան

Պառակտումներն ու սերմանվող ատելությունը, անհանդուրժողության ոգին նոր ցնցումների ու անկումների վտանգի առջև են կանգնեցրել մեր երկիրը. Գարեգին Երկրորդ

Սուրբ Գրիգոր Լուսավորիչ եկեղեցում շարունակվում է Հայրապետական Սուրբ Պատարագ մեր Տեր Հիսուս Քրիստոսի Սուրբ Հարության տոնի առիթով։ Սովորաբար Զատկական պատարագին ներկա էր լինում երկրի բարձրագույն ղեկավարությունը, տարբեր պաշտոնյաներ։ Այսօր պատարագին ներկա է միայն Բարձրագույն դատական խորհրդի նախագահ Ռուբեն Վարդազարյանը։ 

Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԵՐ ՀԻՍՈՒՍ ՔՐԻՍՏՈՍԻ ՀՐԱՇԱՓԱՌ ՀԱՐՈՒԹՅԱՆ ՏՈՆԻ ԱՌԻԹՈՎ

Յանուն Հօր եւ Որդւոյ եւ Հոգւոյն Սրբոյ. ամէն:
«Քրիստոս յարեաւ ի մեռելոց»
(Շարական Հարության)։

Սիրելի բարեպաշտ հավատացյալներ,

Այսօր Սուրբ Հարության հրաշափառ տոնն է, տոն՝ վերհառնումի, մեղքի ու մահվան հանդեպ հաղթության։ Քրիստոս հարություն է առել, բացվել է գերեզմանի դուռը, հրեշտակները կյանքի լուսեղեն ավետիսն են բերել, առաքյալները զորացել և ոգեշնչվել են հարուցյալ Փրկչի հայտնությամբ։ Սքանչելախորհուրդ Հարությամբ մեր Տերը՝ Հիսուս Քրիստոս, մարդկությանը պարգևեց գողգոթաներից հառնելու, մահին հաղթելու և հավիտենական կյանքը ժառանգելու երկնային շնորհը։

Մենք այդ վստահությամբ ենք քաջալերվում, նաև գոտեպնդվում նեղությունների ու վշտերի, մահվան ահասարսուռ իրողության հանդիման` ունենալով հաստատուն հավատը, որ Քրիստոս հարություն է առել և նորոգել է կյանքը, դուրս բերել մարդկությանը մեղքի ու չարիքի խավարից, հաշտություն հաստատել մարդու և Աստծո միջև։ «Աստված հավիտենական կյանք տվեց մեզ. և այդ` այն կյանքն է, որ Նրա Որդու մեջ է»,- ասում է առաքյալը (Ա Հովհ. 5.11): Քրիստոսի Հարությամբ բացվել է օրհնյալ կյանքի, հույսի, սիրո, խաղաղության ու համերաշխության լուսավոր ուղին։ Այս կենարար ճանապարհից շեղումը հարության փոխարեն մահ ու ավեր է սփռում, փրկության փոխարեն՝ դատապարտություն և կործանում, կյանքը դարձնում ատելության, բաժանումների հորձանուտ՝ լի չարի փորձություններով ու վտանգներով։

Սիրելիներ, անցյալ տարի մեր ժողովուրդը Փրկչի նմանությամբ վերստին կրեց խաչելության տառապանքը։ Պատերազմի դժոխային հնոցում չարչարանաց գողգոթա անցնելով զոհվեցին հազարավոր մեր սիրասուն զավակներ, կորցրեցինք Արցախի՝ հարազատ հայրենիքի զգալի մասը։ Ինչպես պատերազմից առաջ, այնպես և հետպատերազմյան շրջանում մեր կյանքում հաստատուն չեղան տերունապատվեր սիրո և համերաշխության նախանձախնդրությունը, Աստծո պատգամների համաձայն կենսակերպը։ Պառակտումներն ու սերմանվող ատելությունը, անհանդուրժողության ոգին, շարունակվող քաղաքական ալեկոծումները նոր ցնցումների ու անկումների վտանգի առջև են կանգնեցրել մեր երկիրն ու ժողովրդին՝ ստվերելով նաև հայրենանվիրումի ու ազգասիրության վեհ գաղափարները։

Իսկ հայրենիքի անվտանգության չփարատվող մտահոգությունը, հայրենական կյանքի տեսլականի բացակայությունը, հիասթափությունն ու հուսախաբությունը անորոշության խավարով են մթագնել ապագայատեսիլ մեր հույսերը։ Ոչ մի հանգամանք, ոչ մի նպատակ, ոչինչ չի կարող արդարացնել ազգի ու հայրենիքի մասնատումն ու տկարացումը, ազգային և հոգևոր մեր արժեքների, նախնյաց ավանդների ոտնահարումը, նոր սերնդի ապազգայնացումն ու բարոյազրկումը, ազգի արժանապատվության ու պատվի նսեմացումը։

Մեր առջև ծառացած քաղաքական, տնտեսական, սոցիալական բարդ հիմնախնդիրների հանդիման, ճգնաժամային դժվարին հանգամանքներում թաղման անձավի մեջ մնալով, իրավիճակից դուրս ելնելու անհրաժեշտ գործողություններում հապաղելով` մեր խաչելությունը չի պսակվի հարության կենարար զորությամբ։ Հարությունը չի կայանում մերժելի ատելությամբ ու թշնամանքով, բաժանումով ու քայքայումով, այլ սիրով և հայրենյաց սիրո շուրջ համախմբումով, նեղություններն ու դժվարությունները միասնաբար հաղթահարելով։ Մեր ժողովրդի կյանքը ի հայրենիս և ի սփյուռս սպասում է վշտերի անհապաղ սփոփման, չարչարանքներից հառնումի և հաղթական հարության։

Քրիստոսի պարգևած փրկության և հարության լույսը, սիրելիներ, ճառագում է զոհողություններ ստանձնելու առաքինության միջոցով, զոհողություններ մեկս մյուսի հանդեպ, զոհողություններ ի սեր ողջ ժողովրդի։ Այս լույսի ներքո է, որ եսապաշտությունն ընկրկում է աստվածապաշտության առջև, մահաբեր ընթացքը շրջվում է դեպի կենսատու Աստված, տառապանքների մատնող գործողությունները փոխակերպվում են հարուցյալ կյանքի արարումների՝ առաջնորդելով փրկության ու հավիտենության։

Մեր երկիրն ու ժողովրդին պատուհասներից վեր հանելը, Արցախի կյանքը ավերներից բարձրացնելը և հայության ու հայրենիքի վերածնունդը հրամայական հանձնառություն են՝ իրագործելի ազգի բոլոր զավակների, քաղաքական կուսակցությունների, մասնավորապես մեծագույն պատասխանատվությունը կրող իշխանությունների կողմից։ Հայրենաշեն ջանքերը կպսակվեն հաջողությամբ օրհասական իրավիճակից պետականությունը փրկելու նախանձախնդրությամբ, անձնական հավակնություններից հրաժարվելով, պետության ու ազգի շահը գերադասելով։ Այս ոգով հաղթական հանգրվանի պիտի հասցնենք մեր ցավագին կորուստների վերականգնման, մեր ազգային իրավունքների պաշտպանության, Հայոց Ցեղասպանության համընդհանուր ճանաչման մեր նվիրական ձգտումները։

Սիրելիներ, Քրիստոս հարություն է առել և մեզ պարգևել զորությունը նորոգելու մեր հոգիները, մեր կյանքը։ Չհուսալքվենք ու թևաթափ չլինենք մեզ պաշարած փորձությունների հանդիման։ Զորացյալ մնանք հարության հավատով։ Հարության հրաշքը կենսագործենք մեր երկրում ու կյանքում։ Ջերմ իղձերով փարված մնանք մեր հարազատ բնօրրանին՝ մեր հողին, ջրին, մեր օջախին, կանխելու համար արտագաղթը հայրենիքից և հզորացնելու մեր պետությունը։ Տիրոջ զորակցությամբ հաղթահարելու ենք մեր կյանքի դառնություններն ու արհավիրքները՝ հասնելով մեր հույսերի ու տեսիլքների իրագործմանը և հարուցյալ նոր կյանքի կերտմանը։

Հոգենորոգ այս օրը աղոթք բարձրացնենք, որ Փրկիչ մեր Տիրոջ օրհնությունն ու շնորհները սփռվեն մարդկանց սրտերում՝ խաղաղություն և բարօրություն բերելով աշխարհին, իմաստություն քաղաքական գործիչներին՝ պետական ու հասարակական կյանքը կարգավորելու և բարեկեցության առաջնորդելու պատասխանատվության մեջ։

Աղոթենք պատերազմում վիրավորված մեր զավակների առողջության, գերիների և անհայտ կորածների վերադարձի, մեր զոհված քաջորդիների և համավարակից մահացածների հոգիների հանգստության համար՝ մեր Տեր Հիսուս Քրիստոսի խոսքի մխիթարությամբ. «Ես իսկ եմ hարություն և կյանք. ով հավատում է Ինձ, թեպետ և մեռնի, կապրի» (Հովհ. 11.25)։ Թող Սուրբ Զատկի հուսառատ ավետիսը հայրենաշեն երազների իրագործման զորությունը պարգևի աշխարհասփյուռ մեր ժողովրդին։ Եվ թող Հարության արշալույսով զարդարվի երկնակամարը մեր ազգային-եկեղեցական կյանքի, և խաղաղ ու ապահով մնա մեր հայրենիքը՝ Հայաստան ու Արցախ աշխարհը, հավատքով ամուր, սիրով ու միասնական՝ մեր ժողովուրդը, այսօր և միշտ և հավիտյան. ամեն։

Քրիստոս յարեաւ ի մեռելոց,
Օրհնեալ է Յարութիւնն Քրիստոսի»։



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

20:00
Խաչի Գյուտի տոնը՝ հոկտեմբերի 24-ին
Խաչափայտի գյուտից հետո Հեղինեն բարեզարդում է Երուսաղեմի սրբազան վայրերը, իսկ Գողգոթայում կառուցում Ս. Հարություն եկեղեցին, որտեղ հետագայում զետեղվում է Տիրոջ խաչափայտը:
Աղբյուր` Panorama.am
19:55
Ատեստավորման մրցույթի կազմակերպման ընթացակարգում կոռուպցիոն ռիսկեր կան․ Ուսուցիչ
Դրական է, երբ պետությունը փորձում է վերահսկել կրթական ոլորտը, սակայն այն պետք է սկսել  ճիշտ տեղից։ Այս մասին Panorama.am-ի հետ զրույցում...
Աղբյուր` Panorama.am
19:51
BBC-ն ներկայացրել է XXI-րդ դարի լավագույն հեռուստասերիալները
 BBC-ն, հիմնվելով 43 երկրների փորձագետների կարծիքի վրա, ներկայացրել է XXI-րդ դարի 100 լավագույն հեռուստասերիալների ցանկը: Ինչպես...
Աղբյուր` Panorama.am
19:46
Գառզուի և Ժանսեմի ցուցահանդեսի փակում-դասական համերգ՝ մեկ օրում նույն տանիքի տակ
Եվրոպական ժառանգության օրերի շրջանակում հոկտեմբերի 17-ից «Առնո Բաբաջանյան» համերգասրահի վերաբացված ճեմասրահներում  անցկացվում է...
Աղբյուր` Panorama.am
19:43
Պլանային ջրանջատում հոկտեմբերի 25/26-ին Երևանի Արաբկիր վարչական շրջանում և Կոտայքում
Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, կդադարեցվի հետևյալ...
Աղբյուր` Panorama.am
19:35
Միքայել Ոսկանյանը և «Տաղարան» համույթը հանդես կգան համերգով
Թառահար, կոմպոզիտոր Միքայել Ոսկանյանը և Հնագույն երաժշտության «Տաղարան» համույթը հանդես կգան համերգով։ «Զոմա , Զոմա...
Աղբյուր` Panorama.am
19:30
Բրիտանիան գաղտնի հատուկ գործողություն է սկսել Ռուսաստանի և Չինաստանի դեմ
Բրիտանիայի պաշտպանության նախարարության գաղտնի «բանկային» բաժինը իր ռեսուրսներն ուղղել է Ռուսաստանի և Չինաստանի դեմ պայքարին: Սեփական...
Աղբյուր` Panorama.am
19:26
Աշխարհի 15 ամենատպավորիչ օդանավակայանները
Ճանապարհորդելը գրավում է մարդկության մեծ մասին. շատերին գրավում է նոր մշակույթի բացահայտումը, նոր ուտելիքների համտեսը, շքեղագույն...
Աղբյուր` Panorama.am
19:17
Բժիշկը պատմել է այն մասին, թե ինչ հիվանդությունների մասին է ազդանշանում հաճախակի հորանջելը
Թերապևտ և վարակիչ հիվանդությունների մասնագետ Նուրժահան Ֆալահին «ՌԻԱ ՆՈՎՈՍՏԻ» գործակալությանը պատմել է, թե ինչ հիվանդությունների...
Աղբյուր` Panorama.am
19:11
Վարդևանյան. Իշխանությունները ցանկանան թե ոչ, պետք է գիտակցեն՝ Սահմանադրությունը գերակայում է ցանկացած ըստ իրենց ընկալման «մանդատներից»
ԱԺ «Հայաստան» խմբակցության պատգամավոր Արամ Վարդևանյանը գրում է.  «Սահմանադրությամբ ամրագրված է, որ իշխանությունը...
Աղբյուր` Panorama.am
19:08
Դիետոլոգը խոսել է դդումի վտանգների ու օգուտների մասին
Դիետոլոգ Տատյանա Դիկը «ՌԻԱ ՆՈՎՈՍՏԻ» գործակալության հետ զրույցում պատմել է, թե ինչ օգուտ կարող է բերել սննդակարգին դդում ավելացնելը:...
Աղբյուր` Panorama.am
18:59
Երևանում ելույթ կունենա համաշխարհային համբավ վայելող թավջութակահար Սթիվեն Իսերլիսը
Իր խորաթափանց կատարողականությամբ և տեխնիկայի վարպետությամբ մեծ ճանաչում վայելող բրիտանացի թավջութակահար Սթիվեն Իսերլիսի ստեղծագործական կյանքը...
Աղբյուր` Panorama.am
18:53
Եվրոպական հեղինակավոր A&A ամսագրի տնօրենների խորհուրդի նիստը 2022-ին անցկացվի Հայաստանում
Եվրոպական հեղինակավոր «Աստղագիտություն և աստղաֆիզիկա» (A&A) ամսագրի տնօրենների խորհուրդը հայտարարել է, որ ամսագիրն այսուհետ...
Աղբյուր` Panorama.am
18:48
Շվեդիայի հազվագյուտ կենդանիներին այժմ կարելի է հետևել սմարթֆոնի միջոցով
Շվեդիայի Շրջակա միջավայրի պահպանության գործակալությունը «Google»- ի հետ համատեղ ստեղծել է ընդլայնված իրականություն, որը սմարթֆոնների...
Աղբյուր` Panorama.am
18:37
Հայտարարվել են աշնանը ավիատոմսերի ամենաէժան ուղղությունները ռուսաստանցիների համար
Որոշվել են հոկտեմբերին և նոյեմբերին ավիատոմսերի ամենաէժան ուղղությունները։ Այս մասին գրում է «ՌԻԱ ՆՈՎՈՍՏԻ» գործակալությունը՝...
Աղբյուր` Panorama.am
18:28
Հետազոտություն. Ակնկալվում է ստեղծել նոր գործիքներ, որոնք հնարավորություն կտան ստանալու քիրալային կառուցվածք ունեցող նյութեր
ԵՊՀ-ի կողմից ներկայացված «Ազոլների հենքի վրա ասիﬔտրիկ օրգանոկատալիզ սինթեզ և ակտիվություն» թեման ԿԳՄՍՆ գիտության կոմիտեի կողմից...
Աղբյուր` Panorama.am
18:21
Բաքվի բռնապետին սպառնացող իրանական գործիչների մի պատկառելի հատվածը կազմում են հենց ատրպատականցիները. Ոսկանյան
«Էրդողանը հայտարարել է, որ պաշտոնական Թեհրանն իր թիրախների ցանկում չի ընդգրկի Ադրբեջանը՝ նաև հաշվի առնելով Իրանում «ադրբեջանցիների պատկառելի» քանակը»։
Աղբյուր` Panorama.am
18:06
Ծխողների միայն 5% -ն է կարող վատ սովորությունից հրաժարվել առանց օգնության
Ծխողների միայն 5%-ն է կարող վերջնականապես հրաժարվել այս սովորությունից առանց օժանդակության։ Այս մասին գրում է «medlinks.ru»-ն՝...
Աղբյուր` Panorama.am
17:59
Աշխարհի ամենատարեց ծնողները 70 և 75 տարեկան հնդիկ ամուսիններ են
Հնդկաստանի բնակչուհի Ջիվունբեն Ռաբարին 70 տարեկանում առաջին անգամ մայրացել է, ինչի արդյունքում նա դարձել է աշխարհում ամենաուշ տարիքում առաջին...
Աղբյուր` Panorama.am
17:49
Սոբչակը Իտալիայում վարել է ֆինանսների նախկին փոխնախարար Վավիլովի հարսանիքը
Հեռուստահաղորդավարուհի Քսենիա Սոբչակը, ով  հոկտեմբերի սկզբին Սոչիում մահացու ճանապարհատրանսպորտային պատահարի մեջ էր ընկել, Իտալիայում վարել...
Աղբյուր` Panorama.am
17:47
Անգլիան կոչ է անում ծնողներին թույլ չտալ երեխաներին դիտել «Squid Game»- ը
Անգլիական Բեդֆորդշիրի խորհուրդը ծնողներին կոչ է արել իրենց երեխաներին թույլ չտալ դիտել Netflix-ի հիթ համարվող «Կաղամարի խաղը» (The...
Աղբյուր` Panorama.am
17:38
Ցուցահանդես՝ նվիրված Սերգեյ Փարաջանովի թանգարանի 30-ամյակին
Սերգեյ Փարաջանովի թանգարանի նախաձեռնությամբ հոկտեմբերի 29-ին ժամը 19:00-ին «Գրանդ հոթել Երևան» հյուրանոցի ձմեռային այգում...
Աղբյուր` Panorama.am
17:34
Շոյգուն հայտնել է, որ ՆԱՏՕ-ն ուժեր է մոտեցնում Ռուսաստանի սահմաններին
Ռուսաստանի ռազմական զսպման կոչերի ֆոնին ՆԱՏՕ-ն հետևողականորեն ուժեր է մոտեցնում Ռուսաստանի Դաշնության սահմաններին: ՏԱՍՍ-ի փոխանցմամբ, այդ մասին...
Աղբյուր` Panorama.am
17:26
էլիդա Քոչարյանը՝ երիտասարդների Եվրոպայի առաջնության արծաթե մեդալակիր
էլիդա Քոչարյանը դարձել է երիտասարդների Եվրոպայի առաջնության արծաթե մեդալակիր։ Հայաստանի Բռնցքամարտի ֆեդերացիայից հայտնում են, որ 60 կգ...
Աղբյուր` Panorama.am
17:21
Երևանում ելույթ կունենա «Գրեմմիի» բազմակի մրցանակակիր Գիլ Շահամը
Համերգը կղեկավարի Սերգեյ Սմբատյանը։
Աղբյուր` Panorama.am
17:13
ԶԼՄ-ները պատմել են, թե ինչու է Ելիզաբեթ 2րդ գիշերել հիվանդանոցում
Մեծ Բրիտանիայի թագուհի Ելիզաբեթ 2-րդը գիշերել է հիվանդանոցում միայն ուշ ժամի պատճառով, որը խանգարել է նրան տուն վերադառնալ։ Այս մասին գրում է...
Աղբյուր` Panorama.am
17:09
Աֆղանստանում հարձակումների հետևանքով հինգ մարդ է զոհվել
Առնվազն հինգ մարդ է զոհվել Աֆղանստանի Նանգարհար նահանգի մայրաքաղաք Ջալալաբադում անհայտ անձանց հարձակումների արդյունքում: Լուրը «ՌԻԱ...
Աղբյուր` Panorama.am
17:04
Ռուսները օգնել են բնակարան գնել Օմսկի բնակչուհուն, որը 35 տարի ապրում էր երկաթե մեծ տակառի մեջ
Օմսկի բնակչուհի Սվետլանա Չեռնովան, որը 35 տարի ապրում է երկաթե մեծ տակառի մեջ, պատրաստվում է սեփական մեկ սենյականոց բնակարանի սեփականատեր...
Աղբյուր` Panorama.am

Տեսանյութեր

Տափերականում ոստիկաններն ուժով բացում են գյուղացիների փակած ճանապարհը
17:28 09/09/2021

Տափերականում ոստիկաններն ուժով բացում են գյուղացիների փակած ճանապարհը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}