Քաղաքական 13:50 05/04/2021 Հայաստան

05.04.2021. «Հենակետ»-ն ամփոփել է ադրբեջանական շաբաթը

«Հենակետ» վերլուծական կենտրոնը հրապարակել է համառոտ տեղեկություններ ընթացիկ շաբաթվա ժամանակամիջոցում Ադրբեջանի հետ կապված կարևոր իրադարձությունների մասին.

Ադրբեջանի հետ կապված պաշտոնական հայտարարություներ և զեկույցներ

Ռուսաստանի նախագահի մամուլի քարտուղար Դմիտրի Պեսկովն «Аргументы и факты» թերթին տված հարցազրույցում ասել է, որ իրենք հիանալի վստահելի հարաբերություններ ունեն Ադրբեջանի հետ՝ հիմնված փոխադարձ հարգանքի վրա: Ադրբեջանի նախագահ Իլհամ Ալիևը ապրիլի 1-ին, ընդունելով ՌԴ փոխվարչապետ Ալեքսեյ Օվերչուկին, հայտարարել է, թե նվազագույն է համարում ԼՂ-ում իրավիճակի սրման ռիսկերը: Ալիևի հետ հեռախոսազրույց է ունեցել ՌԴ նախագահ Վլադիմիր Պուտինը, որի ժամանակ քննարկվել է ԼՂ-ի շուրջ տիրող իրավիճակը: Ընդգծվել է, որ իրավիճակն ընդհանուր առմամբ կայուն է, իսկ հրադադարի ռեժիմը խստորեն պահպանվում է:

Ադրբեջանի ԱԳ նախարար Ջեյհուն Բայրամովը Մոսկվայում ընթացող ԱՊՀ երկրների արտգործնախարարների խորհրդի նիստում հայտարարել է, թե Ադրբեջանը բոլոր  ռազմագերիներին վերադարձրել է Հայաստանին, իսկ հայկական կողմը Բաքվին դեռ չի տրամադրել Ղարաբաղի տարածքում ականապատ դաշտերի քարտեզը:

Շաբաթվա ընթացքում Ադրբեջանի էկոնոմիկայի նախարար Միքայել Ջաբբարովը հայտարարել է, թե Ադրբեջանն ու Թուրքիան ակտիվորեն աշխատում են համատեղ ներդրումային ֆոնդի ստեղծման ուղղությամբ, և Արցախից գրավված տարածքների վերականգնման գործում Բաքուն նախապատվությունը տալիս է Թուրքիային. արդեն թուրքական մի քանի ընկերություններ ներգրավված են ենթակառուցվածքների ստեղծման գործընթացում։ Ապրիլի 1-ին Համաշխարհային բանկի տարածաշրջանային տնօրեն Սեբաստիան Մոլինեուսի հետ հանդիպման ժամանակ Իլհամ Ալիևը ասել է, թե Արցախից գրավված տարածքներում ենթակառուցվածքների զարգացման անհրաժեշտություն կա, և իրենք հուսով են ՀԲ-ի հետ համագործակցել այս հարցերում։

ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ նշել է, թե իրենք հանդես են գալիս որպես Ղարաբաղում և հարակից շրջաններում մշակութային և կրոնական օբյեկտների պահպանման կողմնակից: Դուշանբեում Բայրամովի հետ հանդիպման ընթացքում Իրանի արտգործնախարար Ջավադ Զարիֆը նշել է, թե իրանական կողմը պատրաստ է մասնակցել Ադրբեջանի կողմից Արցախից գրավված տարածքների ականազերծման և վերականգնման աշխատանքներին։ Ադրբեջանի գլխավոր դատախազ Քյամրան Ալիևը հանդիպել է Ֆրանսիայի դեսպան Զաքարի Գրոսի հետ: Վերջինս ընդգծել է, որ Ֆրանսիան պատրաստ է մասնակցել Արցախից գրավված տարածքների նյութական ու մշակութային ժառանգության վերականգնմանը:

Թուրքիայի ԱԳ նախարար Մևլութ Չավուշօղլուն իր Twitter-ի էջում գրել է, թե Ադրբեջանի հետ իրենց եղբայրությունն էլ ավելի է ամրապնդվում, և ապրիլի 1-ից հնարավոր է Թուրքիայից Ադրբեջան այցելել նույնականացման քարտով: Թուրքիան ՊՆ-ն Twitter-ի պաշտոնական էջի միջոցով մարտի 31-ին ցավակցական ուղերձ է հղել Ադրբեջանին «1918 թ.-ին հայերի կողմից ցեղասպանության ենթարկվելու» կապակցությամբ: Թուրքիայի նախագահի աշխատակազմի հանրային կապերի վարչության ղեկավար Ֆահրեթթին Ալթունը ևս այս թեմայով իր Twitter-ի իր էջում հրապարակում է արել՝ նշելով, որ իրենք կշարունակեն լինել Ադրբեջանի ժողովրդի կողքին։

Սլովակիայի Ազգային խորհուրդը Լեռնային Ղարաբաղի վերաբերյալ բանաձև է ընդունել՝ կառավարությանը կոչ անելով ապահովել գերիների անհապաղ ազատ արձակումը։ Բանաձևում խստորեն դատապարտվել են խաղաղ բնակիչների սպանությունները, քաղաքացիական ենթակառուցվածքների, մշակութային և կրոնական ժառանգության կոթողների և հուշարձանների ոչնչացումը, մտահոգություն է հայտնվել հակամարտության ընթացքում երրորդ երկրների ռազմական ներգրավվածության վերաբերյալ։ ԼՂ պատերազմում գերի ընկածների խնդրին է անդրադարձել նաև Հռոմի Ֆրանցիսկոս պապը Սուրբ Հարության տոնի իր ուղերձում:
Աշխարհում մարդու իրավունքների իրավիճակի մասին ԱՄՆ Պետքարտուղարության ամենամյա զեկույցում նշվել է, որ Ադրբեջանում մարդու իրավունքների հետ կապված լուրջ խնդիրներ կան։ Նույն զեկույցի՝ Հայաստանին վերաբերող գլխի նախաբանում ԱՄՆ-ը պաշտոնապես հաստատել է Թուրքիայի մասնակցությունը 2020 թ-ի Արցախյան պատերազմին։

Ադրբեջանի ռազմական ոլորտին վերաբերող իրադարձություններ

Ադրբեջանի ռազմական գերատեսչության մամլո ծառայությունը տեղեկացրել է, որ պաշտպանության նախարար Զաքիր Հասանովը բարձրաստիճան զինվորականների մասնակցությամբ ծառայողական խորհրդակցության ընթացքում հանձնարարել է բարձրացնել Արցախից գրավված տարածքներում տեղակայված զինվորական անձնակազմի մարտունակությունը։ Ադրբեջանի ՊՆ-ն նաև տեղեկություն է տարածել, թե Նախիջևանի կայազորի զորքերի համակարգման պլանի 2021 ուսումնական տարվա համաձայն` անցկացվել են մարտավարական զորավարժություններ «Նախիջևանի կայազորի զորքերի համատեղ գործողություններ՝ պետական սահմանի խախտումները կանխելու համար» թեմայով:

Ադրբեջանի նախագահի մամուլի ծառայությունը տեղեկացրել է, որ ապրիլի 1-ին Իլհամ Ալիևն ընդունել է «Baykar Makine» ընկերության տեխնիկական տնօրեն Սելջուկ Բայրաքթարին, ով Թուրքիայի նախագահ Էրդողանի փեսան է, և «ASELSAN» ընկերության գլխավոր տնօրեն Հալուկ Գյորգյունին:

Բայրաքթարն Ալիևի կողմից պարգևատրվել է «Ղարաբաղ» շքանշանով՝ Ադրբեջանի և Թուրքիայի միջև համագործակցության զարգացման, Ադրբեջանի տարածքային ամբողջականության ապահովման գործում կատարած աշխատանքի համար: Թուրքական լրատվամիջոցներն, անդրադառնալով Ս․Բայրաքթարի պարգևատրմանը, գրել են, որ վերջինիս ընկերության կողմից արտադրված անօդաչու թռչող սարքերը` մասնավորապես «Bayraktar TB2»-ը, որոշիչ դեր են ունեցել Արցախյան երկրորդ պատերազմում: 

Ադրբեջանի ՊՆ մամուլի ծառայությունը հայտնել է, որ ապրլիլի 1-ին Ադրբեջանի պաշտպանության նախարար Զաքիր Հասանովը հանդիպել է Ս․Բայրաքթարի գլխավորած պատվիրակության հետ: Հանդիպման ընթացքում կողմերը քննարկել են Ադրբեջանի և Թուրքիայի միջև ռազմատեխնիկական համագործակցության զարգացման ներկա վիճակն ու հեռանկարները:

Ադրբեջանում Ս․Բայրաքթարը հայտարարել է, որ այս տարի Թուրքիայում անցկացվելիք ավիացիոն տեխնոլոգիաների «Techno» փառատոնին Ադրբեջանից կմասնակցի 200 ներկայացուցիչ, և հավելել, որ Բաքվում նախատեսվում է իրականացնել մի շարք նախագծեր՝ մասնավորապես օդային տեխնոլոգիաների փառատոն։

Ապրիլի 1-ին սկսել է գործել Հայաստանի հետ սահմանակից Սանասարի (Կուբաթլուի) շրջանի տարածքում բացված ադրբեջանական նոր զորամասը: Ալիևը հրամանագիր է ստորագրել Արցախից գրավված տարածքներում նոր ռազմական դատախազություններ ստեղծելու մասին:

Թուրքիայի ՊՆ-ն Twitter-ի էջի միջոցով հաղորդել է, որ Թուրքիայում շարունակվում են ադրբեջանական բանակի զորավարժությունները, որոնք անցկացվում են Իսպարտայի հակաահաբեկչական ուսումնամարզական կենտրոնում։ Ադրբեջանի ՊՆ-ի հաղորդած տեղեկության համաձայն՝ ապրիլի 6-ից մինչև 8-ը նախատեսվում են թուրք և ադրբեջանցի կապավորների համատեղ զորավարժություններ, որի ընթացքում երկու երկրների զորքերը մշակելու են հաղորդակցման միասնական համակարգի կազմակերպման խնդիրները։

Շաբաթվա ընթացքում Թուրքիայի զինուժի ականների և ռումբերի վնասազերծման խմբերը շարունակել են դասընթացներ անցկացնել ադրբեջանական բանակի սակրավորական ջոկատների հետ:  Թուրք մասնագետների կողմից Իզմիրում անցկացվող դասընթացների տևողությունը 8 շաբաթ է լինելու: Ադրբեջանի ՊՆ-ն հաղորդագրություն է տարածել, որում նշվում է, թե հայկական կողմը պետք է ընդմիշտ ընտելանա ադրբեջանցի զինծառայողների ներկայությանը, ովքեր ծառայում են երկու երկրների պետական սահմանին՝ Կովսականի (Զանգելանի), Սանասարի (Կուբաթլուի), Բերձորի (Լաչինի) և Քարվաճառի (Քելբաջարի) շրջանների երկայնքով:

Թուրքիայի արտահանողների խորհրդի զեկույցում, որում թվարկված են ռազմական արտադրանք արտահանող ավելի քան 95 ընկերությունների անուններ, նշված է, թե Թուրքիան մարտ ամսվա ընթացքում 41 միլիոն դոլարի ռազմական արտադրանք է արտահանել Ադրբեջան։ Ադրբեջանական լրատվամիջոցները փոխանցմամբ, այս տարի Ադրբեջանը կավարտի տարածաշրջանում ուղղաթիռների վերանորոգման առաջին ձեռնարկության շինանարությունը, որի վերաբերյալ Ռուսաստանի և Ադրբեջանի միջև համաձայնությունը ձեռք է բերվել դեռևս 2016 թ-ին։

Ադրբեջանի Ականազերծման գործողությունների գործակալությունը (ANAMA) հայտարարել է, թե Ղարաբաղյան երկրորդ պատերազմի ընթացքում Հայաստանը Ադրբեջանի դեմ կիրառել է «Իսկանդեր» հրթիռային համակարգեր: Գործակալության ներկայացուցչի խոսքով՝ երկու հրթիռների բեկորները հայտնաբերվել են մարտի 15-ին Շուշի քաղաքում: Ապրիլի 2-ին գործակալությունը Բաքվում ներկայացրել է Ղարաբաղում հայտնաբերված հրթիռների բեկորները:

Ականազերծման գործակալության օպերատիվ շտաբի ղեկավար Իդրիս Իսմայիլովը հայտարարել է, որ հայտնի չէ, թե ՀՀ-ի որ ուղղությունից են արձակվել «Իսկանդեր» հրթիռները: «Wargonzo» տելեգրամյան ալիքը, հղում անելով իր ուժային աղբյուրներին, գրել է, թե Շուշիին հասցված «Իսկանդերի» հարվածի հետևանքով կարող էր մինչև 500 ադրբեջանցի զինվորական զոհվել:
ՌԴ նախագահի մամուլի խոսնակ Դմիտրի Պեսկովը, մեկնաբանելով ԼՂ-ում«Իսկանդերի» բեկորներ հայտնաբերելու մասին ադրբեջանական կողմի պնդումները, նշել է, որ Ղարաբաղում «Իսկանդեր» հրթիռային համակարգերը չեն կիրառվել։ Նշենք, որ Իլհամ Ալիևը փետրվարին հայտարարել էր, որ Ադրբեջանը չի արձանագրել Հայաստանի կողմից ռուսական «Իսկանդեր» հրթիռային համակարգերի օգտագործում:

Թյուրքալեզու պետությունների համագործակցության խորհրդի գագաթնաժողովի մասին
Մարտի 31-ին տեղի է ունեցել Թյուրքալեզու պետությունների համագործակցության խորհրդի անդամ երկրների ղեկավարների ոչ պաշտոնական հանդիպումը, որը համաճարակի պատճառով անցկացվել է տեսաձևաչափի տեսքով: Նախապես ծրագրվում էր, որ Վեհաժողովը պետք է տեղի ունենա Ղազախստանի հարավում գտնվող Թուրքեստան քաղաքում:

Հիշեցնենք, որ Թուրքական խորհրդի կազմի մեջ ներկայումս ընդգրկված են Թուրքիան, Ադրբեջանը, Ղազախստանը, Ղրղզստանը և Ուզբեկստանը, սակայն գագաթնաժողովին մասնակցել են նաև Հունգարիայի և Թուրքմենիայի ղեկավարներ Վիկտոր Օրբանը և Գուրբանգուլի Բերդիմուհամեդովը, որոնց երկրները կազմակերպությունում դիտորդի կարգավիճակ ունեն։ Ըստ թուրքական լրատվամիջոցների՝ ամենայն հավանականությամբ Հունգարիան և Թուրքմենստանը մեկ տարի հետո արդեն կդառնան կազմակերպության անդամներ։

Գագաթնաժողովի շրջանակներում ելույթ ունենալով՝ Ադրբեջանի նախագահ Ալիևն ասել է, թե «Զանգեզուրը, լինելով հին Ադրբեջանի տարածք, թյուրքական աշխարհի համախմբման գործում կարևոր դեր է ունենալու»։ Նա նկատել է, որ «ժամանակին Զանգեզուրը Ադրբեջանից կտրելով և տալով Հայաստանին՝ խաթարվել է թյուրքական աշխարհի միասնականությունը»:
Ըստ նրա՝ Զանգեզուրը վճռորոշ դեր է ունենալու, քանի որ այդ տարածքով անցնող տրանսպորտային հաղորդակցության, ենթակառուցվածքային նախագծերը կմիավորեն ողջ թյուրքական աշխարհը, ինչպես նաև լրացուցիչ հնարավորություններ կստեղծեն այլ երկրների, այդ թվում` Հայաստանի համար։

Ներկայացնելով պատերազմի արդյունքները՝ Ադրբեջանի նախագահն ընդգծել է, որ ցանկության դեպքում իրենք կարող էին ներխուժել Հայաստանի տարածք։ Ալիևի համոզմամբ՝ «Ադրբեջանի տարածքային ամբողջականությունը վերականգնված է, ԼՂ հիմնախնդիրը լուծված է, իսկ Լեռնային Ղարաբաղ անունով տարածքային միավոր այլևս գոյություն չունի»։  Վերջինս նաև բողոքել է, թե Հայաստանն իրենց չի տրամադրում ականապատված տարածքների քարտեզը։

Ադրբեջանի նախագահը պատերազմի առաջին օրերից Ադրբեջանին աջակցելու համար շնորհակալություն է հայտնել Թուրքիայի նախագահ Ռեջեփ Էրդողանին և նշել, որ դա «կանխարգելել է երրորդ պետությունների ներգրավվածությունը»:

Էրդողանն իր ելույթի ընթացքում նշել է, թե ժամանակն է բարձրացնել Թուրքական խորհրդի կարգավիճակը՝ այն վերածելով միջազգային կազմակերպության, ապա թյուրքալեզու պետություններին կոչ է արել «կանգնել Ադրբեջանի կողքին» ու բոլոր միջոցներով աջակցել Բաքվին Ղարաբաղում թուրքական կառույցների վերածնման ու պահպանման գործում։

Իր խոսքում Էրդողանը փորձել է նաև ուշադրություն հրավիրել այն հանգամանքի վրա, թե Ղարաբաղում 67 մզկիթներից 63-ն ավերվել են, քանդվել են նաև եկեղեցիներ։

Թուրքիայի նախագահը նաև հայտնել է, որ Ռամադանից հետո պատրաստվում է Ալիևի հետ այցելել Շուշի։ Ադրբեջանական լրատվամիջոցներում տեղեկություններ են շրջանառվել, որ Էրդողանը Շուշի կայցելի մայիսի 13-ին։

Նշվել է, թե Էրդողանը և «Ազգայնական շարժում» կուսակցության նախագահ Դևլեթ Բահչելին պետք է Շուշիում մասնակցեն թուրքական դպրոցի հիմնարկեքին։

Թյուրքալեզու պետությունների խորհրդի գագաթնաժողովի ընթացքում Ուզբեկստանի նախագահ Շավկաթ Միրզիյոևը հայտարարել է, թե Ադրբեջանը Ղարաբաղը վերադարձնելու միջոցով վերականգնել է պատմական արդարությունը, և Ուզբեկստանը պատրաստ է նպաստել ԼՂ-ի հնագույն հուշարձանների, մշակութային օբյեկտների վերականգնմանը։

Միրզոևը նաև հայտարարել է, թե Միջին Ասիայի երկրները Թուրքիայի և Ադրբեջանի միջոցով կարող են մուտք ունենալ դեպին Եվրոպա, իսկ Թուրքիան և Ադրբեջանը Միջին Ասիայի երկրների միջոցով դեպի Արևելք։ Վերջինս կոչ է արել ստեղծել թուրքական աշխարհի զարգացման բանկ և ներդրումային ֆոնդ։

Այլ թեմաներ
Շվեյցարիայի դաշնային խորհրդի 33 պատգամավորներ նամակ են հղել՝ հորդորելով երկրի կառավարությանը ճնշում գործադրել Թուրքիայի վրա իր տարածքում, ինչպես նաև Հայաստանում, Սիրիայում, Լիբիայում և Իրաքում մարդու իրավունքների կոպիտ ոտնահարումների փաստերի առնչությամբ: Շվեյցարացի օրենսդիրներն արձանագրել են, որ Ղարաբաղյան վերջին պատերազմի ժամանակ Թուրքիան Ադրբեջան է ուղարկել վարձկանների, ինչը միջազգային իրավունքի կոպիտ խախտում է:

Ադրբեջանական լրատվամիջոցները հայտնել են, թե «ICGB AD» կոնսորցիումը, որն իրականացնում է Հունաստանից Բուլղարիա գազի տեղափոխման փոխկապակցիչի կառուցման նախագիծը, նորարարության և մրցունակության գործառնական ծրագրի շրջանակներում ստացել է ֆինանսավորման առաջին տրանշը: 182,6 կիլոմետր  երկարություն ունեցող այս խողովոկաշարի միջոցով ադրբեջանական գազը կմատակարարվի Բուլղարիային»։



Աղբյուր` Panorama.am
Share |

Լրահոս

20:52
Իրականացվում է լրագրողների ահազանգերի ուսումնասիրություն․ ՄԻՊ
Ազգային ժողովում լրագրողների մասնագիտական աշխատանքի սահմանափակումների առնչությամբ տեղեկացնում ենք, որ Մարդու իրավունքների պաշտպանը երեկվանից...
Աղբյուր` Panorama.am
20:41
Դատախազությունը քրգործ է հարուցել փոքր ՀԷԿ-ի շահագործման առերևույթ կեղծ ջրօգտագործման թույլտվության ներկայացման առթիվ
ՀՀ գլխավոր դատախազության պետական շահերի պաշտպանության վարչությունում ուսումնասիրվել են փոքր հիդրոէլեկտրակայան շահագործող ՍՊԸ-ի ջրօգտագործման...
Աղբյուր` Panorama.am
20:39
Գողություն Սուրբ Աստվածածին եկեղեցուց. Տարել էին հանգանակված գումարը
Շիրակի մարզի Հառիճ գյուղի Սուրբ Աստվածածին եկեղեցուց գողություն էին արել: Ինչ-որ մեկը կոտրել էր գանձանակի փականն ու գողացել հանգանակված...
Աղբյուր` Panorama.am
20:32
Օդի ջերմաստիճանն օգոստոսի 4-6-ն աստիճանաբար կբարձրանա 3-4 աստիճանով
Արարատյան դաշտում և դրա նախալեռներում, Վայոց Ձորի նախալեռներում, Սյունիքի հովտային շրջաններում և Երևանում առկա է և սպասվում է բարձր կարգի...
Աղբյուր` Panorama.am
20:31
Հայկական «օլիմպիականի» ոդիսականը․ կամ ինչու է արտերկիր գնում ու դժկամությամբ հետ գալիս Հայաստանի նախագահը․ Էդգար Ղազարյան
«Հայաստանի նախագահ Արմեն Սարգսյանը ամենահաճախ արտերկրյա գործուղումների և շրջագայությունների մեկնող պաշտոնյաներից մեկն է։ COVID-19-ը...
Աղբյուր` Panorama.am
20:28
Մեր ճանապարհին երեք ադրբեջանցի, անվրդով ու հանգի՜ստ մոշ են ուտում․ Մետաքսե Հակոբյան
Արցախի «Արդարություն» խմբակցության անդամ Մետաքսե Հակոբյանը գրում է․ «Ստեփանակերտից դուրս ես գալիս ու խենթանում...Ամենուր...
Աղբյուր` Panorama.am
20:25
6 աճյուն՝ Վարանդայից և Կարմիր Շուկա-Շեխերից
Պատերազմի ընթացքում զոհված և անհետ կորած համարվող զինծառայողների աճյունների որոնողական աշխատանքներն այսօր շարունակվել են Վարանդայի (Ֆիզուլի)...
Աղբյուր` Panorama.am
19:59
Բոլորս պետք է լրջանանք․ Գեղամ Նազարյան
Ամենավատ բանն է, երբ մեծ աղետից հետո գիտակցում չկա, որ աղետը եղել է՝ ԱԺ-ում ասաց «Հայաստան» դաշինքի պատգամավոր Գեղամ Նազարյանը։...
Աղբյուր` Panorama.am
19:37
Ինչպես կարող ենք հանդուրժել, եթե մեր երկու գործընկերները գտնվում են անազատության մեջ․ Սեյրան Օհանյան
 ԱԺ-ում Հայաստան խմբակցության ղեկավար Սեյրան Օհանյանը իր ելույթի ժամանակ ասաց, որ շուրջ մեկ շաբաթ առնչվում է ԱԺ-ի հետ և տպավորություն է...
Աղբյուր` Panorama.am
19:13
Ադրբեջանական ԶՈՒ-երն անօրինական զբաղեցնում են ՀՀ քաղաքացիներին պատկանող ճանապարհները ու հողատարածքները․ ՄԻՊ
ՀՀ  մարդու իրավունքների պաշտպան Արման Թաթոյանը հարցազրույց է տվել ֆրանսիական Le Courrier d'Erévan պարբերականին՝...
Աղբյուր` Panorama.am
19:09
Շուռնուխ և Որոտան բնակավայրերում 11 ընտանիք նոր բնակարան կունենա
Շուռնուխ և Որոտան բնակավայրերում բազմաբնակարան շենքերի հիմնանորոգման աշխատանքները ընթացքի մեջ են: Այս մասին տեղեկացնում է Գորիս համայնքի...
Աղբյուր` Panorama.am
19:01
Մեկնարկում է «Ռոլան» մանկապատանեկան ֆիլմերի միջազգային 17-րդ կինոփառատոնը
«Ռոլան» մանկապատանեկան ֆիլմերի միջազգային 17-րդ կինոփառատոնը այս տարի /2021թվին/ նախատեսվում է իրականացնել երկու փուլով՝...
Աղբյուր` Panorama.am
18:45
Պոպոլիզմը, մարդկանց աչքերում փոշի ցանելը շարունակվում է․ Վահե Հակոբյան
ԱԺ ներսում և հեռուստատեսությամբ պոպոլիզմը, մարդկանց աչքերում փոշի ցանելը շարունակվում է, իսկ իրականում շարունակվում է քաղաքական հետապնդումները և...
Աղբյուր` Panorama.am
18:38
Անգամ միջնադարյան հետամնաց սուլթանությունը կարողացավ մեզ հաղթել․Է․ Ղազարյան
ՍԴ աշխատակազմի նախկին ղեկավար Էդգար Ղազարյանը գրում է․ «Աշխարհում ապրում է տարբեր հաշվարկներով մոտ 9 միլիոն հայ։ Նրանք լիազորել են...
Աղբյուր` Panorama.am
18:20
Թուրքական Քոնիայում քուրդ ընտանիքի սպանությունը վախի մթնոլորտ է առաջացրել տեղի քրդերի շրջանում
Հուլիսի 30-ին Թուրքիայի Քոնիա քաղաքում մի խոuմբ անձիք ներխուժել են քրդական ընտանիքի պատկանող առանձնատուն, սպանել ընտանիքի 7 անդամներին, ապա...
Աղբյուր` Panorama.am
18:13
Արավուսից մի քանի հարյուր մետրի վրա ադրբեջանական շարժն ակտիվացել է. «Փաստինֆո»
«Փաստինֆո»-ն զրուցել է Արավուսի գյուղապետ Արգամ Հովսեփյանի հետ՝։ադրբեջանական զինուժի  ինտենսիվ ամրաշինական աշխատանքների մասին,...
Աղբյուր` Panorama.am
18:10
ԶՈՒ ԳՇ պետն ընդունել է Սերգեյ Կոպիրկինին
ԶՈՒ ԳՇ պետ, գեներալ-լեյտենանտ Արտակ Դավթյանն օգոստոսի 3-ին ընդունել է Հայաստանի Հանրապետությունում Ռուսաստանի Դաշնության արտակարգ և լիազոր...
Աղբյուր` Panorama.am
18:06
Կոնվերս Բանկ. Մի հաջողության պատմություն. Վարդապատում
Գյումրիում՝ օդանավակայանի հարևանությամբ, վարդերի ջերմոցներ են. այստեղ ավելի քան 20 տեսակի վարդ է աճեցվում: Իրացվում է ներքին շուկայում ու...
Աղբյուր` Panorama.am
18:04
Հայաստանում Իրանի դեսպանն այցելել է Գեղարքունիքի մարզ
Հայաստանում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրին և ՀՀ-ում ԻԻՀ դեսպանության ռազմական կցորդ, գնդապետ...
Աղբյուր` Panorama.am
18:02
Ծանրամարտիկ Սիմոն Մարտիրոսյանը հայրենիք կվերադառնա արծաթե մեդալով
Մինչև109 կգ քաշային կարգում հանդես եկող հայ ծանրորդ Սիմոն Մարտիրոսյանը Հայաստան կվերադառնա արծաթե մեդալով։ «Մեդիամաքս»-ը...
Աղբյուր` Panorama.am
17:36
Շուշան Դոյդոյան. Լրագրողների աշխատանքի խոչընդոտներն անօրինական են կիրառվել Ազգային ժողովում
Ինֆորմացիայի ազատության կենտրոն ՀԿ նախագահ Շուշան Դոյդոյանը, անդրադառնալով ԱԺ-ում լրագրողների տեղաշարժի սահմանփակումներին, գրում է....
Աղբյուր` Panorama.am
17:25
Փաստաբան. Առուշ Առուշանյանի գործով վերաքննիչը որոշումը կհրապարակի օգոստոսի 5-ին
Գորիսի քաղաքապետ Առուշ Առուշանյանի պաշտպան Էրիկ Ալեքսանյանը գրում է. «Առուշ Առուշանյանի գործով ՀՀ վերաքննիչ դատարանը կալանավորման...
Աղբյուր` Panorama.am
17:18
Սոս Հակոբյան. Հակոբ Արշակյանը կա՛մ ստախոս և մորթապաշտ է, կամ տգետ
«Պատիվ ունեմ» դաշինքի մաս կազմող «Հայրենիք» կուսակցության մամուլի խոսնակ Սոս Հակոբյանն արձագանքել է ՔՊ կողմից որպես ԱԺ...
Աղբյուր` Panorama.am
17:01
Թագուհի Թովմասյան. Մենք ԱԺ-ում անընդհատ բախվում ենք զինված մարդկանց
Այսօր ԱԺ-ում «Պատիվ ունեմ» խմբակցության պատգամավոր Թագուհի Թովմասյանին զինվորական համազգեստով անձինք արգելել են պայուսակն իր հետ...
Աղբյուր` Panorama.am
16:39
Արսեն Բաբայան. ԱԺ-ում տեսարանը շատ տհաճ է
ԱԺ աշխատակազմի ղեկավարի նախկին տեղակալ, ԱԺ լրատվության վարչության նախկին պետ Արսեն Բաբայանը գրում է. «Խորհրդարանում կար մի չգրված...
Աղբյուր` Panorama.am
16:37
Նաիրա Զոհրաբյան. Առաջարկում եմ Մխիթարին և Արթուրին առաջադրել ընդդիմությանը հասանելիք քվոտաներից երկուսում
ԱԺ նախկին պատգամավոր Նաիրա Զոհրաբյանը ֆեյսբուքյան գրառմամբ բարեկամական խորհուրդ է տվել խորհրդարանական ընդդիմությանը. «Շատ լավ էր, շատ...
Աղբյուր` Panorama.am
16:26
Մինչև տարեվերջ 12-ամսյա գնաճը կպահպանվի բարձր մակարդակում․ Մարտին Գալստյան
2021թ․-ի օգոստոսի 3-ի նիստում Կենտրոնական բանկի խորհուրդը որոշել է բարձրացնել վերաֆինանսավորման տոկոսադրույքը 0,5 տոկոսային կետով՝ սահմանելով 7...
Աղբյուր` Panorama.am
16:22
Արթուր Ալեքսանյանը Տոկիոյից Հայաստան կվերադառնա արծաթե մեդալով
Տոկիոյում այսօր մրցագորգ դուրս եկած  հունահռոմեական ոճի ըմբիշ, օլիմպիական չեմպիոն  Արթուր Ալեքսանյանը (97 կգ) իր վաղեմի մրցակից,...
Աղբյուր` Panorama.am
16:10
Մարզիչ. Կարեն Ասլանյանից խլել են հաղթանակը
Հունահռոմեական ոճի ըմբշամարտիկ Կարեն Ասլանյանի անձնական մարզիչ, հավաքականի մարզիչ Սամվել Գևորգյանը խիստ դժգոհել է գոտեմարտի ընթացքից և գրանցված...
Աղբյուր` Panorama.am
15:56
ԿԲ-ն տնտեսության վրա շարունակում է ակնկալել հիմնականում գնաճային ազդեցություն
Օգոստոսի 3-ի նիստում ԿԲ խորհուրդը որոշեց բարձրացնել վերաֆինանսավորման տոկոսադրույքը 0.5 տոկոսային կետով՝ սահմանելով 7.0%: ԿԲ...
Աղբյուր` Panorama.am

Տեսանյութեր

Արթուր Վանեցյան. Այս իշխանությունը երիտթալանչիներ են
22:28 12/06/2021

Արթուր Վանեցյան. Այս իշխանությունը երիտթալանչիներ են

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}