Լրահոս
ԿԱՐՃ ԼՈՒՐԵՐ
Միացյալ Թագավորության եկեղեցու ավելի քան 1250 հոգևորականներ վարչապետ Բորիս Ջnոնսոնին բաց նամակով հայտնել են, որ տարբեր վայրեր մուտքի համար պատվաստանյութերի անձնագրեր օգտագործելը «բրիտանական քաղաքականության պատմության մեջ երբևէ արված ամենավտանգավոր քաղաքական առաջարկներից մեկն է»՝ «մեր պատկերացրած լիբերալ ժողովրդավարությանը վերջը դնելու հավանականությամբ»:
Աղբյուր՝ theguardian.com
Մադրիդի «Ռեալի» ֆուտբոլիստները որոշել են ընդառաջել ակումբին և հրաժարվել են մեծ դրամական պարգևից, եթե հաջողվի նվաճել Իսպանիայի ընթացիկ առաջնությունը կամ Չեմպիոնների լիգան: Խոսքը մոտ 30 միլիոն եվրոյի մասին է, որը «սերուցքայիններին» կհաջողվի խնայել մրցաշարերի համար վճարումների բացակայության շրջանում:
Աղբյուր՝ sport-express.ru
Իրանի իշխանությունները տվել են Նաթանզի միջուկային օբյեկտում դիվերսիայի մեջ կասկածվող անձի անունը, որին հաջողվել է փախչել երկրից, շաբաթ օրը հաղորդել իրանական հեռուստատեսությունը: Դա 43-ամյա Ռեզա Քադիմին է, նա աշխատել է այդ օբյեկտում, և փախել է Իրանից այն բանից հետո, երբ իր մասին իմացել են անվտանգության ուժերը:
Աղբյուր՝ ria.ru
Ապրիլյան գիշերներին Տալլինում բանուկ ճանապարհը փակվել է՝ ձվադրավայրեր տեղափոխվող հազարավոր գորտեր ու դոդոշներ մեքենաներից պաշտպանելու համար: Կամավորները սովորաբար գարնանը օգնում են գորտեր ու դոդոշներ տեղափոխելուն և հայտնել են, որ նախորդ տարիներին նրանցից փրկել են 97 000-ը, այդ թվում 2000-ը՝ անցած տարի Տալլինի ճանապարհին: Բայց համավարակը այս տարի անհնար է դարձնում նման օգնությունը, ուստի ճանապարհի փակումը երկկենցաղների միակ փրկությունն է:
Աղբյուր՝ reuters.com
Ամեն տարի ապրիլի 17-ին շատ երկրներ միանում են Հեմոֆիլիայի համաշխարհային ֆեդերացիայի (WFH) և ԱՀԿ-ի ակցիային և նշում հեմոֆիլիայի դեմ պայքարի համաշխարհային օրը: Ընդհանուր նպատակն է հասարակության ուշադրությունը հրավիրել հեմոֆիլիայի խնդիրների վրա և անել հնարավորը`բարելավելու բուժօգնության որակը, որը տրամադրվում է այս անբուժելի գենետիկ հիվանդության կրողներին: Ամսաթիվը`ապրիլի 17-ը, ընտրվել է WFH-ի հիմնադիր Ֆրենկ Շնայբելի ծննդյան օրը, իսկ միջոցառումը նշվում է 1989 թվականից:
Աղբյուր՝ calend.ru
Ապրիլի 17 –ին, Շվեյցարիայի Բազել քաղաք կմեկնի Հայաստանի սպորտային մարմնամարզության տղամարդկանց հավաքականը: Գլխավոր մարզիչ Հակոբ Սերոբյանը թիմում ընդգրկել է Արթուր Դավթյանին, Վահագն Դավթյանին, Արթուր Ավետիսյանին, Արմեն Պետրոսյանին և Գագիկ Խաչիկյանին: Առանձին գործիքների վրա հանդես կգան Արթուր Դավթյանը / նժույգ թափեր և հենացատկ /, Վահագն Դավթյանը և Արթուր Ավետիսյանը / երկուսն էլ ՝ օղակներ /:
Աղբյուր՝ ՀԱՕԿ
Ապրիլի 16-ի երեկոյան Ֆրանսիայի և Ուկրաինայի նախագահներ Էմանուել Մակրոնի և Վլադիմիր Զելենսկիի և Գերմանիայի կանցլեր Անգելա Մերկելի զրույցը տեղի է ունեցել Զելենսկիի Փարիզ կատարած այցի ընթացքում: Մերկելը բանակցություններին մասնակցել է տեսակապի միջոցով: Հանդիպման ավարտին երկրների ղեկավարները կոչ են արել Ռուսաստանի Դաշնությանը դուրս բերել զորքերը Ղրիմից և Ուկրաինայի հետ սահմանից: Նրանց կարծիքով, դա անհրաժեշտ է իրավիճակի դեէսկալացիայի հասնելու համար:
Աղբյուր՝ eadaily.com
Ռաֆա Նադալը քառորդ եզրափակչում ապշեցնող պարտություն կրեց ռուս Անդրեյ Ռուբլևից՝ ուրբաթ օրը կայացած Մոնտե Կառլոյի Մասթերս մրցաշարում, պարտվելով 6-2, 4-6, 6-2 հաշվով: Դա նրա վեցերորդ պարտություն էր 11 անգամ շահած մրցաշարում:
Աղբյուր՝ reuters.com
Համաճարակի մեկնարկից ի վեր Վրաստանում գրանցված կորոնավիրուսային վարակի դեպքերի ընդհանուր թիվը շաբաթ առավոտյան հասել է 294 540-ի: Վերջին 24 ժամվա ընթացքում մահացել է 9 հիվանդ: Վրաստանում կորոնավիրուսով ախտորոշված մահերի ընդհանուր թիվը այժմ կազմում է 3925 մարդ: 301 մարդ ապաքինվել է, նրանց ընդհանուր թիվը կազմում է 280 132:
Աղբյուր՝ newsgeorgia.ge
ԱՄՆ նախագահ Ջո Բայդենը ուրբաթ օրը անօգտակար անվանեց Իրանի կողմից ուրանի հարստացումը 60% մաքրությամբ, սակայն ասաց, որ ինքը ուրախ է, որ Թեհրանը դեռ անուղղակի բանակցություններ է վարում Վաշինգտոնի հետ` երկու երկրների միջև 2015-ի Իրանի միջուկային գործարքի կատարումը վերսկսելու վերաբերյալ:
Աղբյուր՝ reuters.com
ՌԴ Արտաքին գործերի նախարարությունը հրապարակել է նախկին և ներկա ամերիկյան պաշտոնյաների ցուցակը, որոնց արգելվում է մուտք գործել Ռուսաստան՝ հակառուսական կուրսի մշակման և իրականացման մեջ ներգրավվածության պատճառով: Ինչպես հաղորդել են Սմոլենսկի հրապարակում, այս որոշումը կայացվել է ի պատասխան՝ մարտի 2-ին Ռուսաստանի պաշտոնատար անձանց նկատմամբ կիրառված ԱՄՆ պատժամիջոցների:
Աղբյուր՝ ria.ru
Սպասվում էր, որ շաբաթ օրը կորոնազոհերի թիվը կհասնի 3 միլիոնի, քանի դեռ իմունիզացիայի մրցավազքը շարունակվում է, իսկ այնպիսի երկրներ, ինչպիսիք են Հնդկաստանը, բախվում են վարակի աճող թվերի և նոր լոքդաունների: Շաբաթ առավոտյան Հնդկաստանում գրանցվել է Covid-19 վարակի 234,692 դեպք, որը վերջին 9 օրվա ընթացքում 8-րդ ռեկորդն է:
Աղբյուր՝ theguardian.com
«Մատանիների տիրակալը» ֆենթըզի սերիալի առաջին սեզոնը ամերիկյան Amazon Studios ընկերության համար կարժենա 465 միլիոն դոլար: Նախորդ գնահատականներով՝ շոուի մի քանի սեզոններ ստեղծելու համար նախատեսվում էր ծախսել 500 միլիոն դոլար:
Աղբյուր՝ gazeta.ru
«Հարի Փոթեր» և «Սուր հովարներ» ֆիլմերից հայտնի աստղի մահվան մասին լուրը ուրբաթ օրը հայտնել է դերասանուհու ամուսինը՝ Դեմիեն Լյուիսը: Հելեն ՄաքՔրորին կյանքից հեռացել է քաղցկեղի դեմ տևական պայքարից հետո:
Աղբյուր՝ cnn.com
Իլոն Մասկի SpaceX-ը շահել է ՆԱՍԱ-ի պայմանագիրը՝ տիեզերագնացներին Լուսնի մակերես հասցնելու համար, ուրբաթ հաղորդել է ԱՄՆ տիեզերական գործակալությունը:
Աղբյուր՝ ria.ru
Ղրղզստանը, COVID-19-ը բուժելու համար, կօգտագործի բուսական տոնիկ, ուրբաթ օրը ասել է երկրի առողջապահության նախարարը այն բանից հետո, երբ նախագահը գովել է դեղամիջոցը, չնայած բժշկական փորձագետի նախազգուշացումներին, որ այն պարունակում է պոտենցիալ մահացու թույն: Նախարար Ալիմկադիր Բեյշենալիևը առցանց ճեպազրույցում խմել է ջունգարյան ընձախոտի արմատներից պատրաստված լուծույթը՝ ցույց տալով, որ դա անվտանգ է:
Աղբյուր՝ reuters.com
Ապրիլի 16-ին անցկացվել է կին զինծառայողների երդման հանդիսավոր արարողություն։ Զինծառայողները երդվել են անձնվիրաբար ծառայել հայրենիքին, անվերապահորեն կատարել հրամանատարության հրամանները, պահպանել պետական և ծառայողական գաղտնիքը, լինել հայոց բանակի արժանի զինվորներ:
Աղբյուր՝ ՊՆ
Ապրիլի 16-ին ՀՀ ՊՆ, ԶՈՒ և ԶՈՒ ԳՇ ղեկավար կազմի խորհրդակցության ընթացքում անդրադարձ է կատարվել 44-օրյա պատերազմի ավարտից հետո անձնակազմի բարոյահոգեբանական վիճակին, զինծառայողների արձակուրդների տրամադրման գործընթացին, զորամասերում առօրյա ծառայության կազմակերպանն ու առաջնագծում մարտական հերթապահության անվտանգային միջոցառումներին առնչվող տարաբնույթ հարցերի:
Աղբյուր՝ ՊՆ
Հնդկաստանում առաջին անգամ հայտնաբերված շտամը ունի երկու մուտացիա, ինչը մտավախություն է առաջացնում, որ այն կարող է լինել ավելի վարակիչ կամ պակաս զգայուն պատվաստանյութերի նկատմամբ: Նոր տվյալները ցույց են տալիս, որ Մեծ Բրիտանիայում կորոնավիրուսի հարավաֆրիկյան տարբերակով վարակվել է ընդհանուր առմամբ 600 մարդ:
Աղբյուր՝ news.sky.com
Իտալիայի վարչապետ Մարիո Դրագին հրաժարվել է հետ կանգնել ապրիլի 8-ի իր հայտարարությունից, որ Թուրքիայի նախագահ Ռեջեփ Թայիփ Էրդողանը բռնապետ է:
Աղբյուր՝ eadaily.com
Ֆիդել Կաստրոյի 89-ամյա եղբայր Ռաուլը պատրաստվում է իշխանությունը հանձնել Նախագահ Միգել Դիաս-Կանելին՝ վերջ դնելով կոմունիստական երկրի կառավարման ընտանեկան իշխանությանը:
Աղբյուր՝ dailymail.co.uk
«Հարձակվողը բերման է ենթարկվել»,- հայտնել է Թբիլիսիի պարեկապահակային ծառայության պետ Վաժա Սիրաձեն և հավելել, որ «պատանդներն ազատ են արձակվել, ոչ ոք չի տուժել»:
Աղբյուր՝ russian.rt.com
Տատամի կելնեն 45 երկրների 359 պատվիրակներ: Նրանցից մեկը` հին աշխարհամասի նախկին չեմպիոն Ֆերդինանդ Կարապետյանն է / 73 կգ / : Մեր պատվիրակի առաջին մրցակիցն է մոլդովացի Անդրիս Կորնելը: Մեկնարկային այդ հանդիպումը կկայանա վաղը ՝ առաջին մրցահերթում:
Աղբյուր՝ ՀԱՕԿ
Ապրիլի 16-ին, Ուկրաինայի Գերագույն ռադայում Մաքսիմ Ստեպանովին հանձնվեց սեւ ժապավենով կապված մեխակների փունջ: Առողջապահության նախարարության ղեկավարին սգո նվերը հանձնել է «Գոլոս» խմբակցության ժողովրդական պատգամավոր Օլգա Ստեֆանիշինան: Իր արարքը մեկնաբանելիս նա նշել է, որ ծաղիկները փոխանցել է կորոնավիրուսից մահացած անձի հարազատների խնդրանքով, որի հուղարկավորությունը «տեղի է ունենում հենց հիմա»:
Աղբյուր՝ eadaily.com
Պիտեր Շաֆֆերի հոգեբանական թրիլլերի պրեմիերան տեղի կունենա ապրիլի 17-ին, ժամը՝ 19:30-ին:
Աղբյուր՝ toms.am
«Ռոմա» -ն Եվրոպա լիգայի քառորդ եզրափակչում անցավ «Այաքս»-ին ընդհանուր 2:1, 1:1 հաշվով: Հռոմի ակումբը մրցաշարի 1/2 եզրափակչում կխաղա «Մանչեսթեր Յունայթեդի» դեմ:
Աղբյուր՝ sports.ru
2021 թվականի առաջին եռամսյակում Չինաստանի տնտեսությունն աճել է ռեկորդային 18,3%-ով՝ նախորդ տարվա նույն ժամանակահատվածի համեմատ: Դա համախառն ներքին արդյունքի (ՀՆԱ) ամենամեծ ցատկն է 1992 թվականից՝ Չինաստանի եռամսյակային գրառումների պահպանումից, ի վեր:
Աղբյուր՝ bbc.com
Անհայտ անձինք հրազենով մուտք են գործել Վրաստանի բանկի մասնաճյուղ և այնտեղ պատանդներ վերցրել: Նշվում է, որ մասնաճյուղը տեղակայված է մայրաքաղաքի Հավլաբարի թաղամասի մի շենքում, որտեղ վերանորոգման աշխատանքներ են ընթանում: Դեպքի վայր ժամանած ոստիկանության աշխատակիցները շրջապատել են տարածքը: Ականատեսների խոսքով ՝ մինչ այժմ կրակոցներ չեն եղել:
Աղբյուր՝ gazeta.ru
Ուրբաթ օրը Պակիստանը արգելափակեց բոլոր սոցիալական լրատվամիջոցների մուտքը՝ երկրում արմատական իսլամիստների կողմից օրեր շարունակ անցկացվող հակաֆրանսիական ցույցերից հետո, որոնք ուղղված են, իրենց կարծիքով, սրբապիղծ ծաղրանկարներին:
Աղբյուր՝ apnews.com
Հյու Ջեքմանը և Լորա Դերնը նկարահանվելու են Ֆլորիան Զելլերի առաջիկա «Որդին» ֆիլմում: Այն ֆրանսիացի գրողի և դրամատուրգի «ընտանեկան եռագրության» մի մաս է: Զելլերը անցյալ տարի Էնթոնի Հոփքինսի մասնակցությամբ ներկայացրեց «Հայր» դրաման, որն առաջադրվեց Օսկարի վեց անվանակարգերի:
Աղբյուր՝ ria.ru
Սըր Չարլզ Սպենսեր «Չարլի» Չապլինը ծնվել է 1889 թվականի ապրիլի 16-ին Լոնդոնում։ Լրանում է կինոաշխարհի լեգենդի ծննդյան 132 ամյակը:
Source: britannica.com
Համաճարակի մեկնարկից ի վեր Վրաստանում գրանցված կորոնավիրուսային վարակի դեպքերի ընդհանուր քանակը ուրբաթ առավոտյան տվյալներով հասել է 293 321-ի: Քովիդից մահացել է ևս 9 հիվանդ: Վրաստանում կորոնավիրուսով ախտորոշված մահերի ընդհանուր թիվը այժմ կազմում է 3916: Ապաքինվել է 442 մարդ, նրանց ընդհանուր թիվը կազմում է 279 831:
Աղբյուր՝ newsgeorgia.ge
Հինգշաբթի օրը Չինաստանի մայրաքաղաքի երկինքը կրկին բաց դարչնագույն է ներկվել:
Երաշտից տուժած Մոնղոլիայից և հյուսիսարևմտյան Չինաստանից ներթափանցած քամիների առաջացող փոթորիկները բարձրացրել են PM10 աղտոտիչի մակարդակը, որը կարող է ներթափանցել թոքեր մինչև 999 միկրոգրամ / խորանարդ մետրի համար, ինչը գրեթե կրկնակի բարձր է Պեկինում սահմանված «վտանգավոր» մակարդակից:
Աղբյուր՝ theguardian.com
Central Partnership-ի յութուբյան ալիքում տեղադրվել է Կլիմ Շիպենկոյի նոր ֆիլմի թիզերը: Պոետի դերը մարմնավորում է Ալեքսանդր Պետրովը: Գործողությունները տեղի են ունենում 1920-ականների կեսերին`ձմռանը: Ֆիլմի պրեմիերան նախատեսված է 2021 թվականի դեկտեմբերին:
Աղբյուր՝ ria.ru
Թուրքիայի կենտրոնական բանկը արգելել է օգտագործել կրիպտոարժույթները և կրիպտոակտիվները ապրանքներ և ծառայություններ գնելու համար՝ վկայակոչելով հնարավոր «անդառնալի» վնասները և այդպիսի գործարքների զգալի ռիսկերը:
Աղբյուր՝ reuters.com
Կեսգիշերից անմիջապես հետո իսրայելական բանակը հրետանային արկերով և հրթիռներով խոցել է Գազայի հատվածի մի քանի օբյեկտներ՝ նյութական վնաս պատճառելով Պաղեստինի անկլավին: Վնասի չափերը ճշտվում է:
Աղբյուր՝ eadaily.com
Հարավկորեական Huons Global ընկերությունը ուրբաթ օրը իր պաշտոնական կայքում հայտարարեց, որ պայմանագիր է կնքել Ուղղակի ներդրումների ռուսական հիմնադրամի հետ և կգլխավորի Sputnik V պատվաստանյութի արտադրության կոնսորցիումը, որը կարտադրի «ամսական ավելի քան 100 միլիոն դեղաչափ»:
Աղբյուր՝ ria.ru
Իտալական Wildside ընկերությունը, որը ստեղծել է «Երիտասարդ պապը» և «Իմ հանճարեղ ընկերուհին», կնկարահանի «Օդրի» սերիալը՝ հոլիվուդյան իկոնա, դերասանուհի Օդրի Հեփբերնի մասին:
Աղբյուր՝ variety.com
Պյեռ-Էմերիկ Օբամեյանգ Գաբոնի ազգային հավաքականից վերադառնալուց հետո հայտնվել է հիվանդանոցում: 31-ամյա գաբոնցին մալարիայով է հիվանդացել, երբ ազգային թիմի հետ խաղում էր Աֆրիկայի ազգերի գավաթի ընտրական խաղում:
Աղբյուր՝ sport-express.ru
Պարզվել է, որ հեռացվել է հոլիվուդյան դերասանի իմաստության ատամը: Իրավիճակին ծանոթ աղբյուրը նշել է, որ աստղին ոչ մի լուրջ բան չի պատահել:
Աղբյուր՝ lenta.ru
Ամերիկացի դերասանուհի և երգչուհի Ջենիֆեր Լոպեսն ու նախկին բեյսբոլիստ Ալեքս Ռոդրիգեսը հաստատել են, որ ավարտում են չորս տարի տևած հարաբերություններ՝ ասելով, որ «որպես ընկերներ ավելի լավն են»: Շաբաթներ շարունակ հերքումներից հետո, զույգը վերջապես հայտարարություն է տարածել, որով հաստատել է բաժանման մասին լուրը:
Աղբյուր՝ dailymail.co.uk
Այս որոշումը թույլ է տալիս Մայա Սանդուին նշանակել արտահերթ ընտրություններ:
Աղբյուր՝ tass.ru
ՄՕԿ-ը, որպես համաշխարհային հակադոպինգային օրենսգրքի հաստատող, լիազորված է որոշել խաղերի կանոնակարգը, անհրաժեշտության դեպքում՝ փոփոխություն կատարել: Նոր օրենսգիրքը ուժի մեջ է 2021թ. հունվարի 1-ից: Կանոնները կգործեն հուլիսի 13-ից, երբ կսկսի գործել օլիմպիական ավանը: Մրցումների ընթացքում բոլոր մարզիկները ենթարկվելու են դոպինգ-ստուգման: Այն նախաձեռնել է դոպինգ թեստավորման միջազգային գործակալությունը / ITA /:
Աղբյուր՝ ՀԱՕԿ
Հակառուսական պատժամիջոցների նոր փաթեթի շրջանակներում ԱՄՆ-ն արտաքսում է տասը ռուս դիվանագետների՝ Վաշինգտոնում Ռուսաստանի ներկայացուցչության աշխատակիցներին: Այս մասին հաղորդվում է Սպիտակ տան կայքում: Ըստ ամերիկյան կողմի՝ նրանց մեջ կան ռուսական հետախուզության հետ համագործակցողներ:
Աղբյուր՝ lenta.ru
ԱՀԿ-ի եվրոպական ղեկավարը հինգշաբթի հայտարարել է, որ Դանիան ուսումնասիրում է AstraZeneca-ի պատվաստանյութերն աղքատ երկրներին բաժանելու հնարավորությունները այն բանից հետո, երբ դրանց օգտագործումը՝ հազվադեպ թրոմբոզի հետ կապված մտահոգությունների պատճառով:
Աղբյուր՝ reuters.com
Ստամբուլում, դեպի Թունիս թռիչքի ժամանակ, «Tunisair» ինքնաթիռում երկու ուղևորուհի կռվել են ուղեբեռի տեղի համար: Թռիչքը 5 ժամով հետաձգվել է:
Աղբյուր՝ korrespondent.net
Այն տեղի կունենա օլիմպիական խաղերի մայրաքաղաք Տոկիոյում՝ մայիսի 1– 6 –ը: Մրցաշարը վարկանիշային է և հաջողակները իրավունք կստանան ջրացատկի նույն լողավազանում պայքար մղել օլիմպիական մեդալների համար: Ստուգատեսին կմասնակցեն նաև Հայաստանի ջրացատկորդներ Վլադիմիր Հարությունյանը և Վարդան Բայանդուրյանը: Նրանք հանդես կգան 10մ. աշտարակից մենացատկերում և սինխրոն ցատկերում:
Աղբյուր՝ ՀԱՕԿ
Չեխիայի նախագահ Միլոշ Զեմանը սխալ է համարում Աֆղանստանից ԱՄՆ-ի ու նրա դաշնակիցների դուրս գալը, չորեքշաբթի հայտնել է նախագահի մամուլի խոսնակ Յիրժի Օվչաչեկը:
Աղբյուր՝ ria.ru
Լեհաստանի Կրակով քաղաքում Կենդանիների պաշտպանության աշխատակիցները հաղորդում էին ստացել ծառի վրա տարօրինակ կենդանի հայտնվելու մասին: «Մարդիկ անգամ պատուհանները չեն բացում, քանի որ վախենում են, որ այն կարող է մտնել իրենց տուն»,- հայնտնել էր ահազանգող կինը: Բայց աշխատակիցնելը այցելելով պարզել էին, որ տվյալ արարածը ոչ թռչուն է, ոչ էլ նույնիսկ սողուն, այլ կրուասան:
Աղբյուր՝ bbc.com
Ճապոնացի պաշտոնյաները, ովքեր ասել են՝ «ոչինչ չի պատահի, եթե այս ջուրը խմեք» վթարված «Ֆուկուսիմա-1» ատոմակայանից, արժե, որ դա ստուգեն անձնական փորձով: Այս մասին չորեքշաբթի, ապրիլի 14-ին, ճեպազրույցում հայտարարեց Չինաստանի ԱԳՆ խոսնակ Ժաո Լիջյանը՝ մեկնաբանելով ատոմակայանից ջուրը օվկիանոս լցնելու Ճապոնիայի կառավարության որոշումը:
Աղբյուր՝ iz.ru
Իրանի նախագահը նշել է, որ Թեհրանը «չի ձգտում ատոմային ռումբ ստեղծել»:
Աղբյուր՝ tass.ru
Վերջապես հաղթահարվեց Պեպ Գվարդիոլայի դարաշրջանի ամենամեծ խոչընդոտը: Նրա ղեկավարությամբ «Մանչեսթեր Սիթին» 5-րդ փորձից նվաճեց Չեմպիոնների լիգայի կիսաեզրափակչի ուղեգիր: «Դորտմունդ» 1-2 «Մանչեսթեր Սիթի» (2-4). Մահրեզի իրացրած 11 մետրանոցով և Ֆոդենի հարվածով Գվարդիոլայի սաները առաջ անցան՝ Բելինհեմի բացման գոլից հետո:
Աղբյուր՝ independent.co.uk
Ապրիլի 14-ի երեկոյան Իրաքի հյուսիսում գտնվող Էրբիլի միջազգային օդանավակայանում, որի կողքին տեղակայված է ԱՄՆ ավիաբազան, տեղի է ունեցել առնվազն մեկ պայթյուն: Տեղի աղբյուրների համաձայն ՝ հարձակումը իրականացվել է պայթուցիկ նյութերով լցված անօդաչու թռչող սարքի միջոցով: Գրեթե միաժամանակ, հրթիռային հարձակում է սկսվել Էրբիլից հյուսիս, որի արդյունքում զոհվել է թուրք զինվորական:
Աղբյուր՝ eadaily.com
Հայկական համադպրոցական գիտության փառատոնի եզրափակիչ փուլում նախագիծն Ամերիկյան հոգեբանական ասոցիացիայի կողմից արժանացել է պատվոգրի: Նախագիծը ներկայացրել են Մոսկվայի Մ. Վ. Լոմոնոսովի անվան պետական համալսարանի մասնաճյուղին կից Ա. Հ. Երիցյանի անվան վարժարանի սաները՝ 12-րդ դասարանցի Լիանա Աղաջանյանը, 10-րդ դասարանցիներ Անգելինա Մարգարյանը և Կարինա Ֆանարջյանը: Թիմը ղեկավարել է դպրոցի ուսուցիչ Կարինե Սամվելյանը:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Վարակի առաջին դեպքից մինչև այսօր երկրում COVID-19-ի հաստատված դեպքերի ընդհանուր քանակը 292 244 է: Վերջին օրվա ընթացքում ապաքինվել է 706 մարդ, ընդհանուր առմամբ ապաքինվածների թիվը կազմում է 279 389: Վերջին 24 ժամվա ընթացքում Վրաստանում գրանցվել է կորոնավիրուսից 7 նոր մահ: Համաճարակի սկզբից մինչ օրս Վրաստանում ընդհանուր առմամբ 3 908 մարդ դարձել է կորոնավիրուսի զոհ:
Աղբյուր՝ apsny.ge
ԱՀ-ում հանձնաժողովի նախագահ է նշանակվել Արցախի ներքին գործերի նախարար Կարեն Սարգսյանը:
Աղբյուր՝ ԱՀ նախագահի աշխատակազմ
Սուֆրիեր հրաբխի հերթական ժայթքում է տեղի ունեցել Սենթ Վինսենթ կղզում: Առաջինը գրանցվել է ուրբաթ՝ ապրիլի 9-ին: Երկրորդից հետո կղզում դադարեցվել է էլեկտրականությունն ու ջրամատակարարումը: Կղզուց տարհանվել է արդեն մոտ 16,000 մարդ:
Աղբյուր՝ moya-planeta.ru
Մաքրվելու է Հրազդանի կիրճը՝ Հաղթանակ կամրջից մինչև Դավթաշենի կամուրջ: Սկիզբը՝ ժամը 10։00։ Մեկնարկային կետերն են՝ Մանկական երկաթուղու մուտքի մոտ (Ուրուգվայի հրապարակի կողմից), Հրազդանի կիրճում գտնվող «Պրինցեսա Մարիաննա» ռեստորանային համալիրի հարակից տարածք , Դավթաշեն կամրջի տակ (Հալաբյան փողոցի կողմից): Մասնակիցները կարող են ընտրել իրենց հարմար վայրը և տեղում գտնվող աշխատակիցներից ստանալ անհրաժեշտ պարագաները՝ ձեռնոց, տոպրակ։
Աղբյուր՝ «ԿՇՄՊ» ՀՈԱԿ-ի Հասարակայնության հետ կապերի բաժին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է մարդատար ավտոմեքենաների համար:
Աղբյուր՝ Արտակարգ իրավիճակների նախարարություն
Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։
Աղբյուր՝ Արտակարգ իրավիճակների նախարարություն
Տեսանյութեր
Մեզ տանում են կործանման, մենք պետք է պայքարենք. Տիգրան Հեքեքյան
