«Խորհուրդը» մեկն է՝ բարբարոսը փորձում է սարսափի մատնել և կոտրել մեզ․ Վարդան Ոսկանյան
Իրանագետ Վարդան Ոսկանյանը ֆեյսբուքի իր էջում գրում է․
«19-րդ դարասկզբին Օսմանյան կայսրության դեմ ազգային-ազատագրական պայքար մղող սերբ հայդուկները Չագար լեռան վրա ընկան շրջափակման մեջ։ Սերբ հայդուկապետը չհանձնվելով, պայթեցրեց վառոդի պաշարը՝ սպանելով իրեն, իր զորախումբը և այն շրջապատած թուրքերին։
Կատաղության մատնված օսմանյան փաշան հրամայեց գլխատել բոլոր զոհված ապստամբներին և նրանց գանգերով կառուցեց Չելե-Քուլա աշտարակը։
Հիմա 21-րդ դարասկիզբն է, և Բաքվի արյունոտ բռնապետը գանգերի աշտարակի փոխարեն, մեր նահատակ զինվորների սաղավարտների պատ է կառուցում։ Ոչինչ չի փոխվել, «խորհուրդը» մեկն է՝ բարբարոսը փորձում է սարսափի մատնել և կոտրել մեզ։
Արդյո՞ք կա ելք։ Այո՛, և դրանք երկուսն են՝ կա՛մ սարսափահար հանձնվել, որպեսզի մեր զանգերից աշտարակներ կառուցեն, կա՛մ պատրաստվել արժանապատիվ վրեժ լուծելու թշնամուց՝ լռեցնելով այն բոլոր «լոլոները», որոնք հնչում են նաև Հայաստանի ներսում»։
Լուսանկարում Չելե-Քուլայի պատն է։
Հարակից հրապարակումներ`
- Կարեն Հովհաննիսյան. Բաքվի բռնապետը չի ուզում, որ հաղթանակի էյֆորան մարի,դա կործանարար կլինի
- Բաքվում արցախյան պատերազմին նվիրված «պուրակը» պետական աջակցությամբ հայատյացության ու ցեղասպան քաղաքականության ապացույց է. ՄԻՊ
- Թվիթերի օգտատերերը` Բաքվի կենտրոնում «ռազմավարի այգու» ու Ալիևի նկարների մասին