«Պապերիս անունը կրող «Հասրաթյան-Մինասյան» հիմնադրամի նպատակն է վերաիմաստավորել 20-րդ դարի մեր պատմությունը»
Սուրբ Աթոռում ՀՀ նախկին դեսպան Միքայել Մինասյանը գրում է․
«Լուսանկարում լեգենդար Շառլ Ազնավուրն ու պապիկս՝ Երևանի քաղաքապետ Գրիգոր Հասրաթյանն են։ 20-րդ դարի ինձ համար երկու կարևոր հայեր, որոնք ուսումնասիրում են Անի հյուրանոցի նախագիծը՝ կերտելով պատմություն։ Այլ ժամանակներ էին, այլ երազանքներ: Պապիս տեսլականն էր Երևանը դարձնել ժամանակակից, ազատ տարածքների քաղաք։
Պապերիս անունը կրող «Հասրաթյան-Մինասյան» հիմնադրամի նպատակն է վերաիմաստավորել 20-րդ դարի մեր պատմությունը, լույս սփռել քիչ հայտնի էջերին, արժևորել պապերիս թողած ժառանգությունը, խրախուսել հայկական մշակույթն ու ատեղծարար միտքը։
Եվ այսօր ուրախությամբ արձանագրում եմ, որ ձեռնարկը հաջողել է։ Օրերս հիմնադրամն ամփոփեց «Վերաիմաստավորելով 20-րդ դարի Հայոց պատմությունը» պատմագիտական հետազոտությունների առաջին ծրագրի աշխատանքները և արդեն մեկնարկեց 2-րդ ծրագիրը։
Արդյոք գիտեի՞ք, որ 100 տարի առաջ եղել է հայ-ադրբեջանական բախումներ Սոթքի հանքավայրի համար, կամ ինչպես են հայ մտավորականները վերաբերվել հոկտեմբերյան հեղափոխությանը, ինչո՞ւ Կալիֆորնիայի հայերը հետ չեն վերադառնում և վերջապես ինչպես Ալեքսանդր Մյասնիկյանը, որին այս օրերին կանվանեին ճգնաժամային կառավարիչ, իր գործունեության շատ կարճ ժամանակում կարողացավ ոտքի հանել, համավարակների ու սովի ճիրաններում գտնվող երկիրը։ Այս ամենը մանրամասն շարադրված է ծրագրի շահառուների հեղինակած աշխատություններում։
Ի դեպ, առաջիկայում լույս է տեսնելու շատ հետաքրքրիր գիրք՝ հայկական ճարտարապետության մի դարաշրջանի մասին, որի ստվերներն այսօր էլ դեռ մեր կողքին են»։
Հարակից հրապարակումներ`
- Միքայել Մինասյան. Նիկոլի այսօրվա ղժղժոցից և նախապատրաստվող պայմանագրի թեման խլացնելու փորձից պետք է մի քանի հետևություն անել
- Միքայել Մինասյան. Կա՞ վեպ, որ կթեթևացնի գերիների տանջանքը
- Ներկայիս խորհրդարանի կոնֆիգուրացիան հեղափոխական բռնապետության խորհրդարան է․ Միքայել Մինասյան
- Միքայել Մինասյանը՝ Արամ Ա-ի պատասխանի մասին. Նման արձագանքն ավելացրեց կասկածներս
- Արամ Ա-ն փայլուն տիրապետում է իր անհամաձայնությունը հայտնելու նուրբ արվեստին ու երբ ուզել է, արել է դա. Միքայել Մինասյան
- Միքայել Մինասյան. Ոչ ոք չի խուսափի պատասխանատվությունից: Խոստանում եմ
- Դադարե՛ք էշի տեղ դնել մարդկանց, իսկ ձեզ՝ սրբի. Միքայել Մինասյան
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին