Իմքայլական պատգամավորների օրինագծով կօպտիմալացվեն հուղարկավորությունների հետ կապված խնդիրները
«Նախագծով առաջարկում ենք վերացնել կոռուպցիոն ռիսկերը և օպտիմալացնել հուղարկավորությունների հետ կապված խնդիրները»,- ԱԺ-ում հայտնեց «Իմ քայլը» խմբակցության պատգամավոր Նիկոլայ Բաղդասարյանը՝ ներկայացնելով Վիկտոր Ենգիբարյանի և Սերգեյ Մովսիսյանի հետ հեղինակած «Հուղարկավորությունների կազմակերպման և գերեզմանատների ու դիակիզարանների շահագործման մասին» օրենքում փոփոխություններ և լրացումներ կատարելու մասին օրենքի նախագիծը:
Ըստ պատգամավորի՝ նախագծով նախատեսվում որոշակիացնել, թե ովքեր իրավունք ունենք հուղարկավորվել ընտանեկան գերեզմանում և դրա համար սահմանել են ընտանիքի անդամների իրավունք ունեցող անձանց, քանի որ գործող օրենսդրությամբ ամրագրված է, որ ընտանիքի անդմաներ կարող են հուղարկավորվել ընտանեկան գերեզմանոցում բայց անզինք չեն սահմանված և կիրառողը ստիպված էր դիտարկել Ընտանեկան օրենսգիրքը:
Բաղդասարյանը հայտնեց, որ առաջարկվող նախագծով ընտանիքի շրջանակներն ընդլայնված են քան Ընտանեկան օրենսգրքով է սահմանվածն և նշեց, որ այս դեպքում ընտանիքի անդամներ են համարվելու ծնողները, զավակները, որդեգրողները, որդեգրվածները, հարազատ եւ ոչ հարազատ (համահայր կամ համամայր) եղբայրները եւ քույրերը, պապը, տատը, թոռները, ինչպես նաեւ ամուսինը եւ ամուսնու ծնողները, վերջիններիս համար՝ փեսան եւ հարսը:
Պատգամավորի խոսքով՝ սահմանվել է, որ հուղարկավորության համար համայնքը կարող է տրամադրել 2.5/1 մետր չափերով տարածք և սահմանել են, որ ընտանեկան գերեզմանի համար անվճար շահագործման հիմունքներով համայնքը կարող է տրամադրել 12.5 ք/մ հողատարածք 2.5/5 մետր սահամներով:
Ըստ պատգամավորի՝ այդ տարածքը պահպանվում է համայնքի կողմից, չի կարող թաղման նպատակներից բացի այլ նպատակներով օգտագործվել և սեփականաշնորհվել:
Գերեզմանների խնամքի աշխատանք անողին նախագծով տրվել է «գերեզմանի շահագործող» արտահայտությունը, բայց, ըստ պատգամավորի, քննարկման ժամանակ եկել են այն եզրահանգման, որ այն Աշխատանքային օրենսգրքով նախատեսված չէ, սխալ է և առաջինից երկրորդ ընթերցման ժամանա այն կփոխեն:
Նիկոլայ Բաղդասարյանը հայտնեց, որ նախագծով նաև սահմանել են, թե անձը որտեղ կարող է հուղարկավորվել, այն դեպքում երբ գործող իրավակարգավորումներով այն սովորույթի ուժով էր արվում: Նախագծով սահմանված տեղերն են իր բնակության վայրը, հաշվառման վայրը և ընտանիքի անդամների հետ կապված ընթացակարգերը, մասնավոր ու պետական գերեզմանատներում թաղվելու հնարավորությունը:
Նրա խոսքով՝ դիտարկվել են նաև այն դեպքերը, երբ մարդը մահանում է օտար երկրում և ցանկություն է հայտնել հուղարկավորվել Հայաստանում:
Պատգամավորը նկատեց, որ արատավոր երևույթներ են եղել, երբ հուղարկավորումը կազմակերպվում էր գերզմանատան տարածքից դուրս, և տեղեկացրեց, որ այսուհետ նման դեպքերի համար մեղավորները կենթարկվեն 200000-ից 1 մլն դրամի վարչական տույժի:
«Իմ քայլը» խմբակցության մեկ այլ պատգամավոր՝ Հովհաննես Հովհաննիսյան, նկատելով որ հետաքրքիր հարց է քննարկվում՝ նշեց.«Գերեզմանատների վիճակը սպառնում է էկոլոգիական առողջապահական լուրջ խնդիրներով: Օրինակ՝ Զեյթունի գերեզմանատան տարածքից ներքև գտնվող հատվածում կա ջրամբար, որտեղից ջուր ենք խմում և անձրևաջրերը գալով, քայքայվող դիակների վրայից լվացնելով մանրեները տանում խառնում են խմելու ջրին, որը խմում է մեր ազգաբնակչությունը»:
Տարածքային կառավարման և ենթակառուցվածքների նախարարի տեղեկալ Վաչե Տերտրյանը շտապես տեղեկացնել, որ հիշատակված ջրամբարը մշտական հսկողության տակ է և վարակի տարածման հավանականություն չկա:
Հարակից հրապարակումներ`
- Դուք գերեզմանաքար եք դրել ՀՀ ապագայի վրա, 3300 և ավելի կյանքն էր մեր ապագան, դուք չէիք. Անի Սամսոնյան
- Ո՞վ է ասել՝ պատերազմից հետո, 21-րդ դարում, պետք է անողնաշար ու ծուռվիզ կեցվածքով հանդես գանք. Աննա Կոստանյան
- Կամ ձեր խորհրդականները թույլ են տվել, որ ձեզ խաբեն, կամ դուք գնացել եք արկածախնդրության. Գևորգ Գորգիսյանը՝ Փաշինյանին