Ի՞նչ գործ ունի Արփի Դավոյանը ԱԺ-ում, ոնց որ ես գնամ գինեկոլոգների կոնֆերանս վարեմ. Պետրոսյան
Նիկոլը որ մի տեղ գնում է, իրեն նսեմացնում են, հետո գալիս է ու սկսում վրեժխնդիր լինել մարդկանցից»,- քննչական կոմիտեի մոտ լրագրողներին ասաց անկախ պատգամավոր Գևորգ Պետրոսյանը՝ անդրադառնալով Նիկոլ Փաշինյանի՝ Սյունիքի մարզ այցին հաջորդած ձերբակալություններին։
Նրա խոսքով, բերման ենթարկված բոլոր քաղաքացիների նկատմամբ քաղաքական հետապնդում է իրականացվում։
«Այն արարքները, որ մեղսագրվում են այդ մարդկանց, հաստատ երեկ չեն եղել։ Ինչո՞ւ հենց երեկ գիշեր կանչեցին այս մարդկանց։ Եթե Նիկոլի խայտառակ այցը չլիներ, բնականաբար, նրանք չէին կանչվելու։ Ես դրա համար եմ ասում, որ սա քաղաքական հետապնդում է»,- շետեց նա, ապա հավելեց, որ իրավապահները, որոնք մտնում են Նիկոլ Փաշինյանի «խղճուկ» խաղի մեջ, վաղը պատասխան են տալու։
Անկախ պատգամավորը հարց հնչեցրեց, որ եթե հա՛մ Մեղրիի քաղաքապետն է հանցագործ, հա՛մ Գորիսի համայնքապետը, հա՛մ Կապանինը, բա այդ մարդիկ ինչո՞ւ էին մինչև հիմա ազատության մեջ. «Թե՞ Նիկոլ Փաշինյանը պետք է գնար, խայտառակ լիներ, «ս» տառով կոչում վաստակեր, նոր հետո որոշվեր, որ Սյունիքի համայնքների ղեկավարները հանցագործ են»։
Նա նկատեց՝ ոչ ոք չի մոռացվում, ոչինչ չի մոռացում, և «այսպիսի մանր-մունր խուժանություններն էլ չեն մոռացվելու»։
Նա նշեց, որ հենց Սյունիքի մարզն էր, որ առաջինը «ատամ ցույց տվեց» Նիկոլ Փաշինյանին, և հիմա Նիկոլ Փաշինյանը որոշել էր «տրյուկ անել»՝ մտածելով, որ եթե կարողանա Սյունիքի մարզը՝ որպես ամենաըմբոստ մարզ կոտրել, ապա մյուսների դեպքում հեշտ կլինի։
«Բայց ինքը շախմատի լեզվով «ձետսկի մատ» եղավ։ Ու դա եղավ ոչ նրա համար, որ սյունեցիք ծայրահեղական են, այլ նրա համար, որ նրանք առերեսվում են առաջացած խնդիրներին։ Նիկոլ, այ տղա, բա որ Սյունիքի ճանապարհն անվտանգ է, խի՞ հիմնական ճանապարհով չգնացիր, այ վախկոտ նապաստակ, թե բա գելխեղդ։ Նրա ձեռքը նապաստակ տաս, վախից ինսուլտ կստանա, ի՞նչ գելխեղդ»,- նշեց նա։
Դիտարկմանը, որ իմքայլական պատգամավոր Արփի Դավոյանն ասել է, թե «էդ Սյունիքում ոչ ոք անպատիժ չի մնա», Գևորգ Պետրոսյանն արձագանքեց՝ ասելով. «Արփի Դավոյանն ու իր նմանները շփոթված են իրենց կարգավիճակից, կյանքում վկայական չեն տեսել՝ առավել ևս Աժ պատգամավորի, հիմա ամեն անգամ հոգեխանգարմունքի մեջ են ընկնում։ Նա ի՞նչ գործ ունի ԱԺ-ում, ոնց որ ես գնամ գինեկոլոգների կոնֆերանս վարեմ։ Ի՞նչ գործ ունի Արփի Դավոյանն ԱԺ-ում։ Դրա համար էլ հոգեխանգարմունքի մեջ ընկած ինչ ուզում, խոսում է»։
Հարակից հրապարակումներ`
- Սյունեցիներին լռեցնելու խղճուկ փորձերը իշխանությունների անզորության ու անկարողության վկայությունն են. Ի.Սաղաթելյան
- Նիկոլի վերջը լինելու է Սյունիքում` սկսվեց Գյումրիից, կավարտվի՝ Սյունիքում. Հայկազուն Ալվրցյան
- Այս պահին բերման ենթարկվածները 16-ն են, բոլորը Սյունիքից. Արման Աբովյան
- Զարուհի Հովհաննիսյան. Չեմ կարող լռության մատնել Ոստիկանության կողմից անմարդկային վերաբերմունքը սյունեցիների նկատմամբ