Մշակույթ 17:07 29/04/2021 Հայաստան

«Ակնհայտ է՝ Ադրբեջանը վախենում է, որ ՅՈՒՆԵՍԿՕ-ի փորձագետները մուտք գործեն հայկական մշակութային վայրեր»

ՅՈՒՆԵՍԿՕ-ում ՀՀ մշտական ներկայացուցիչ, դեսպան Քրիստիան Տեր-Ստեփանյանը հարցազրույց է տվել  Nouvelle d’Arménie պարբերականին:

Հարց․ Ի՞նչ է անում և ի՞նչ է նախատեսում անել Հայաստանը՝ Ադրբեջանի կողմից օկուպացված տարածքներում գտնվող հայկական հուշարձանների պաշտպանության համար ՅՈՒՆԵՍԿՕ-ի ներգրավվածությունն ապահովելու նպատակով։

Քրիստիան Տեր-Ստեփանյան․ Ցանկանում եմ առաջին հերթին հստակեցնել, որ Հայաստանը բազմիցս դիմել է ՅՈՒՆԵՍԿՕ-ին Արցախի դեմ թուրք-ադրբեջանական ագրեսիայի ընթացքում, երբ հայկական մշակութային ժառանգությունը (նկատի ունեմ Շուշիի Սուրբ Ղազանչեցոց եկեղեցուն հասցված լուրջ վնասները) դիտավորյալ թիրախավորվում էր ադրբեջանական զինված ուժերի կողմից։

2020թ․ նոյեմբերի 9-ի եռակողմ հայտարարությունից հետո, որը վերջ դրեց զինված ընդհարումներին Լեռնային Ղարաբաղի հակամարտության գոտում և դրա շուրջը, Հայաստանի Հանրապետության իրավասու իշխանությունները՝ թե՛ Արտաքին գործերի նախարարությունը, թե՛ Կրթության, գիտության, մշակույթի և սպորտի նախարարությունը, թե՛ ՅՈՒՆԵՍԿՕ-ի ազգային հանձնաժողովը, ինչպես նաև ՀՀ և Արցախի Մարդու իրավունքների պաշտպանները բազմիցս իրենց խորը մտահոգությունն են հայտնել ՅՈՒՆԵՍԿՕ-ի գլխավոր տնօրենին՝ ադրբեջանական զինված ուժերի վերահսկողության տակ անցած տարածքներում գտնվող հայկական մշակութային ժառանգության ոչնչացման և վանդալիզմի գործողությունների առնչությամբ, ինչպես նաև հայկական մշակութային ժառանգությունը յուրացնելու Ադրբեջանի փորձերի կապակցությամբ։

Մենք ՅՈՒՆԵՍԿՕ-ի քարտուղարությանը, ինչպես նաև ՅՈՒՆԵՍԿՕ-ի անդամ պետությունների մշտական պատվիրակություներին տրամադրել ենք հուշագրեր, լուսանկարներ և տեսանյութեր, որոնք վկայում են Ադրբեջանի կողմից իրականացված դիտավորյալ ոչնչացումների և վանդալիզմի բազմաթիվ գործողությունների մասին․ յուրաքանչյուր ոք կհիշի Շուշիի Կանաչ ժամ՝ Սուրբ Հովհաննես Մկրտիչ եկեղեցուն հասցված վնասները։

Տեղեկատվական այս գործունեության ընթացքում գնահատելի են ոչ կառավարական այնպիսի կազմակերպությունների ակտիվությունը, ինչպիսիք են Terre et Culture-ը, ՀԲԸՄ-ը կամ Հայկական հարցի պաշտպանության կոմիտեն (CDCA), ինչպես նաև բազմաթիվ միջազգային ճանաչում ունեցող մտավորականներ։

Հաշվի առնելով ստացված տեղեկատվությունները և ձեռնարկված տարբեր քայլերը, ՅՈՒՆԵՍԿՕ-ի գլխավոր տնօրեն տիկին Օդրե Ազուլեն, շահագրգիռ կողմերի հետ խորհրդակցություններից և վերջինններիս համաձայնությունից հետո, 2020թ․ նոյեմբերի վերջին հանդես եկավ նախաձեռնությամբ՝ առաջարկելով ՅՈՒՆԵՍԿՕ-ի առաքելություն ուղարկել Լեռնային Ղարաբաղ և դրա շուրջը, տարածաշրջանի մշակութային ժառանգության իրավիճակը գնահատելու նպատակով, հիմնվելով Զինված ընդհարման դեպքում մշակութային ժառանգության պաշտպանության 1954թ․ Կոնվենցիայի և դրա երկու Արձանագրությունների դրույթների վրա։

Հայաստանը դրական կերպով ընդունեց այս առաջարկը, որը հատկապես քննարկվեց ՅՈՒՆԵՍԿՕ-ի գլխավոր տնօրենի և ՀՀ ԱԳ նախարար Արա Այվազյանի հանդիպան ժամանակ, 2020թ. դեկտեմբերի 8-ին վերջինիս՝ ՅՈՒՆԵՍԿՕ կատարած այցի ընթացքում։

Հայաստանը կառուցողական կերպով ներգրավվեց առաքելության նախապատրաստմանը, հատկապես ՅՈՒՆԵՍԿՕ-ի քարտուղարությանը տրամադրելով Արցախում և դրա շուրջը գտնվող հայկական մշակութային և կրոնական ժառանգության և այլ հուշարձանների՝ ավելի քան 4000 վանքերի, եկեղեցիների, խաչքարերի համապարփակ ցանկը, որոնք վկայում են այդ ժառանգության հարստության մասին։

ՅՈՒՆԵՍԿՕ-ի առաջարկը չեր սահմանափակվում միայն մեկ առաքելություն ուղարկելով, այլ նախատեսում էր մի շարք առաքելությունների իրականացում, որոնք անհրաժեշտ են Լեռնային Ղարաբաղում և դրա շուրջը գտնվող մշակութային ժառանգության իրավիճակի հնարավորինս ամբողջական գնահատում կատարելու համար։ Այս հեռանկարում, փոխանցված ցանկը ներառում էր նաև Շահումյանի շրջանում գտնվող հուշարձանների ցանկը, որտեղ, ինչպես հայտնի է յուրաքանչյուրին, հայկական մշակութային ժառանգության գանձեր կան։

Նախնական առաքելության շրջանակներում այցելելու հնարավոր մշակութային ժառանգության ավելի թիրախային ցանկը նույնպես տրամադրվել է ՅՈՒՆԵՍԿՕ-ի քարտուղարությանը։

Այս առաջարկությունը 2020թ․ դեկտեմբերին ստացավ նաև Զինված հակամարտության դեպքում մշակութային ժառանգության պաշտպանության 1954թ․ Կոնվենցիայի երկրորդ արձանագրության Միջկառավարական կոմիտեի աջակցությունը, որը Հայաստանի և Ադրբեջանի համաձայնությամբ ընդունեց հայտարարություն՝ կոչ անելով պաշտպանել Լեռնային Ղարաբաղում և դրա շուրջ գտնվող մշակութային ժառանգությունը և ողջունելով ՅՈՒՆԵՍԿՕ-ի՝ հնարավորինս արագ այս մշակութային ժառանգության իրավիճակը գնահատող անկախ տեխնիկական առաքելություն իրականացնելու նախաձեռնությունը։

Ինչպես հասկանում եք, ՅՈՒՆԵՍԿՕ-ի այս առաքելությունը պետք է իրականացվեր շահագրգիռ բոլոր կողմերի ներգրավմամբ և համաձայնությամբ։

Հարց․ Եթե հստակեցնենք, ի՞նչ միջոցներ ունի ՅՈՒՆԵՍԿՕ-ն այդ ժառանգությունը պաշտպանելու համար։ Ի՞նչ կարելի է սպասել այդ Կազմակերպությունից։

Քրիստիան Տեր-Ստեփանյան․ Տեխնիկական անկախ այս առաքելության կազմակերպման պատասխանատվությունը ՅՈՒՆԵՍԿՕ-ի քարտուղարությանն է պատկանում, որը կարող է հիմնվել փորձառության, լոգիստիկ և տեխնիկական հմտությունների վրա։

Այն ունի փորձագետների ցանկ, որոնք մասնագիտացած են մշակութային ժառանգության պաշտպանության ոլորտում, որոնց Կազմակերպությունն ի զորու է ներգրավել։

Շատ կարևոր է նաև, որ ՅՈՒՆԵՍԿՕ-ն իր պատասխանատվությամբ կողմերի հետ խորհրդակցություններ է անցկացնում՝ առաքելությունն իրականացնելու նպատակով, որը 1954թ. Կոնվենցիայի և առաքելության ընդունված ձևաչափի շրջանակներում, պահանջում է կողմերի համաձայնությունը։

Հարց․ Այս համատեքստում ո՞րն է եղել Ադրբեջանի դիրքորոշումը։

Քրիստիան Տեր-Ստեփանյան․ Չնայած, որ Ադրբեջանը տվել էր իր սկզբունքային համաձայնությունը, այդուհանդերձ, վերջինս չի դադարել սկզբից ի վեր ստեղծել արհեստական և քաղաքականապես պատճառաբանված խոչընդոտներ առաքելության իրականացման համար, հատկապես դիտավորյալ ձգձգելով առաքելության նախապատրաստումը կամ փորձելով փոխել դրա ձևաչափը։

Պատահական չէ, որ ՅՈՒՆԵՍԿՕ-ն իր՝ 2020թ. դեկտեմբերի 21-ի հաղորդագության մեջ, հանրայնորեն տեղեկացնում է, որ չնայած բազմաթիվ դիմումներին, որոնք փաստացի անարդյունավետ են եղել, «Միայն Ադրբեջանի պատասխանն է սպասվում, որպեսզի ՅՈՒՆԵՍԿՕ-ն կարողանա առաջ շարժվել առաքելությունն ուղարկելու համար»։

Պետք է այսօր փաստել, որ իրավիճակը մնացել է անփոփոխ․ քննարկումները երկար շարունակվում են և առաքելությունը դեռևս չի իրականացվել։

Ակնհայտ է, որ ադրբեջանական իշխանությունները վախենում են, որ ՅՈՒՆԵՍԿՕ-ի փորձագետները կարողանան մուտք գործեն հայկական մշակութային վայրեր, որտեղ ոչնչացման գործողություններն ապացուցված են կամ կարող են հաստատվել։

Ճիշտ է, որ Ադրբեջանի նախագահի կոչը՝ ջնջել հին հայկական արձանագրությունները հայկական եկեղեցիների պատերի վրայից, որն արվել է 2021թ․ մարտի 15-ին Արցախի Հադրութի շրջանում գտնվող 17-րդ դարի հայկական եկեղեցի նրա այցի ժամանակ, իսկական դրդում է դեպի վանդալիզմ և որևէ լավ բան չի թողնում կանխագուշակել հայկական մշակութային ժառանգության իրավիճակի վերաբերյալ, որը գտնվում է Ադրբեջանի վերահսկողության ներքո անցած տարածքներում։

Ի՛նչ գնահատում կարող են անել ՅՈՒՆԵԿՍՕ-ի փորձագետները, եթե վերջիններս այցելեն այն վայրը, որտեղ գտնվում էր Մեխակավանի հայկական եկեղեցին (Ջեբրայիլի շրջան), որտեղ BBC-ի թղթակիցը հստակ արձանագրել է այդ եկեղեցու անհետացումը։

Ադրբեջանական ղեկավարության նման հայտարարությունները, որոնք Արցախում հայկական ցանկացած ներկայություն ժխտելուն ուղղված քաղաքականության մասն են, հանդիսանում են ոչ միայն հայ ժողովրդի մշակութային ժառանգությանը հասցված վնաս, այլ նաև կայուն ատելության արտահայտություն են հայի նկատմամբ, ինչպես այսպես կոչված «Ռազմական ավարի պուրակի» բացումը Բաքվում․ համակարգային ատելության և անհանդուրժողակնության մեկ այլ դրսևորում, որտեղ ցուցադրված են հայ զինվորականների մանեկեններ, զինվորական սաղավարտներ և Հայաստանի ու Արցախի հայ զինվորների անձնական իրեր, պղծելով ռազմագերիների և անհետ կորած անձանց պատիվը, անարգելով պատերազմի հայ զոհերի հիշատակը և խախտելով նրանց ընտանիքների իրավունքներն ու արժանապատվությունը։

Հարց․ Ըստ Ձեզ, ՅՈՒՆԵՍԿՕ-ի ղեկավարության հետաքրքրվածությունն ու արձագանքը այս հարցի վերաբերյալ բավականաչա՞փ է։ Ի վերջո, ո՞րն է այդ առաքելության մարտահրավերը։

Քրիստիան Տեր-Ստեփանյան․ Հայաստանը միշտ ընդգծել է ՅՈՒՆԵՍԿՕ-ի առաքելության իրականացման հրատապությունը, գիտակցելով, որ ժամանակի գործոնը որոշիչ է հայկական մշակութային ժառանգության պահպանման համար։

Բուն այցելությունը Հայաստանի կողմից ներկայացված կարևոր հայկական մշակութային վայրեր, որոնք տեղակայված են Ադրբեջանի վերահսկողության ներքո գտնվող տարածքներում, հատկապես Արցախի այն մասերում, որոնք այսօր օկուպացված են Ադրբեջանի կողմից, ինչպիսիք են Շուշին և Հադրութը, մնում է մեր ուշադրության կենտրոնում և պետք է ՅՈՒԵԿՍՕ-ի առաքելության բաղկացուցիչ մասը կազմի, այնպես ինչպես փորձագետների առաքելության այցելությունն Արցախ։ Սրանք այդ առաքելության անշրջանցելի տարրերից են։

Այս առաքելության իրականացումը ճշմարտության պահ է ՅՈՒՆԵՍԿՕ-ի և միջազգային հանրության համար՝ մշակութային ժառանգության համընդհանուր բնույթի առումով և այն պաշտպանելու նրանց պարտավորության տեսանկյունից։ Ոչինչ չանելով նրանք չեն կարող փաստել, վկայել Ադրբեջանի վերահսկողության ներքո գտնվող տարածքներում հայկական մշակությային ժառանգության ծրագրված ոչնչացումը։ Յուրաքանչյուր ոք պետք է հիշի տխուր նախադեպը, որ բաժին հասավ Նախիջևանի հայկական մշակութային ժառանգությանը, որտեղ 89 եկեղեցի, 5840 խաչքար և 22000 տապանաքար ոչնչացվեցին 1997- 2006թթ․ ընթացքում և որն ի ցույց դրեց միջազգային հանրության անգործությունը՝ մշակութային ժառանգության պաշտպանության իր պարտավորության մեջ։

Նման իրավիճակը չպետք է կրկնվի։ Այդ պատճառով մենք ՅՈՒՆԵՍԿՕ-ից ակնկալում ենք, որ վերջինս շարունակի և կրկնապատկի իր ջանքերը՝ այդ առաքելությունը Արցախում և նրա շուրջն իրականացնելու նպատակով, ընդունված ձևաչափի շրջանակներում։

Հարց․ Հայաստանից բացի, որո՞նք են այս գործով հետաքրքված այլ երկրները։

Քրիստիան Տեր-Ստեփանյան․ Հայկական մշակութային և կրոնական ժառանգության պահպանությունն ու պաշտպանությունն իրավամբ Հայաստանի առաջնահերթությունների շարքում են․ Հայաստանի արտաքին գործերի նախարարությունը որևէ առիթ բաց չի թողնում դրա կարևորությունն ու ՅՈՒՆԵՍԿՕ-ի միջամտության անհրաժեշտությունն ընդգծելու համար՝ դիմակայելու այն տագնապալի իրավիճակին, որում հայտնվել է հայկական մշակութային ժառանգությունը՝ Ադրբեջանի վերահսկողության ներքո գտնվող տարածքներում։

Բոլորին հայտնի է Ֆրանսիայի և Ռուսաստանի նախագահների ներգրավվածությունը Արցախում և դրա շուրջ գտնվող մշակութային ժառանգության պաշտպանության գործում։ Մշակութային ժառանգության պահպանության հանդեպ այս հանձնառությունը ՅՈՒՆԵՍԿՕ-ին փոխանցվել է Ֆրանսիայի և Ռուսաստանի Դաշնության կողմից։ Այս կապակցությամբ, մենք ուրախությամբ պետք է նշենք, որ այս հարցը ԵԱՀԿ Մինսկի խմբի ամերիկացի, ֆրանսիացի և ռուս համանախագահների ճանապարհային քարտեզի մասն է կազմում։ Նույն կերպ ուրախ ենք, որ ԵՄ-ն և նրա անդամ երկրները լիովին աջակցում են ՅՈՒՆԵՍԿՕ-ի առաքելության արագ իրականացմանն Արցախում և նրա շուրջը։
 



Աղբյուր` Panorama.am
Share |

Լրահոս

18:49
Խաչիկ Մանուկյան.«Իշխանությունները դարձել են ստակոլոլ գոյանքներ»
«Պետք է լինի դատավճիռ, քանի որ ոչ թե սովորական, այլ ամբողջ մի ազգի, պետության հայրենիքի կորուստ է, և մենք պետք է կարողաննաք ուժ գտնել մեր...
Աղբյուր` Panorama.am
18:47
Երևանում մեկնարկել է ծառերի աշնանային էտը
«Կանաչապատում և շրջական միջավայրի պահպանություն» ՀՈԱԿ-ը սկսել է քաղաքում ծառերի սանիտարական էտման աշխատանքները: Յուրաքանչյուր...
Աղբյուր` Panorama.am
18:30
Մոսկվայի նոր սահմանափակումները համավարակի պատճառով
Մոսկվայում կորոնավիրուսի տարածման պատճառով հոկտեմբերի 28-ից մինչև նոյեմբերի 7-ը ոչ աշխատանքային կլինեն: Այս մասին հաղորդում է «ՌԻԱ...
Աղբյուր` Panorama.am
18:29
«COVID-19-ով վարակված և չպատվաստված մեծահասակները 12 անգամ ավելի հաճախ են հոսպիտալացվում»
ԱՄՆ Հիվանդությունների վերահսկման և կանխարգելման կենտրոնի (NCDC) նոր տվյալների համաձայն ՝ COVID-19-ով վարակված և չպատվաստված մեծահասակները 12...
Աղբյուր` Panorama.am
18:20
Լարիսա Ալավերդյան. «Պետք է հանրային տրիբունալ ստեղծվի»
«Ո՞վ պետք է ինչ պատրաստեր, կանգնեցներ պատերազմը, որ մե՞կդ է կասկածում, որ 2018 թվականից նպատակադրումը եղել է  հենց սա: Եթե կասկածում...
Աղբյուր` Panorama.am
18:07
Felsner Artists. Եվա Գևորգյանի ձայնը կլսվի աշխարհի մեծագույն բեմերից գալիք տասնամյակների ընթացքում
Դասական երաժշտության արվեստագետների մասին պատմող Felsner Artists կայքն անդրադարձել է Շոպենի անվան միջազգային 18-րդ մրցույթում Ռուսաստանը և...
Աղբյուր` Panorama.am
18:06
Սեյրան Օհանյան. Հադրութի հատվածում հնարավոր էր կանգնեցնել հակառակորդին
«Իրականում մենք կարող էինք այնպես անել, որ այս պատերազմը չլիներ»,- հայտարարեց «Հայաստան» խմբակցության պատգամավոր,...
Աղբյուր` Panorama.am
18:00
Դեսպան. Ֆրանսիան շարունակելու է բազմակողմանի աջակցություն ցուցաբերել Հայաստանին
Հայոց Կաթողիկոս Գարեգին Բ-ն Մայր Աթոռ Սուրբ Էջմիածնում ընդունել է Հայաստանում Ֆրանսիայի արտակարգ և լիազոր դեսպան տիկին Անն Լույոյին։ Մայր...
Աղբյուր` Panorama.am
17:53
Գյումրիում որդին փորձել է սպանել մորը
Հոկտեմբերի 19-ին՝ ժամը 16:08-ին, Գյումրի քաղաքի բնակչուհին ահազանգել է ՀՀ ոստիկանության Մուշի բաժին և հայտնել, որ ալկոհոլի ազդեցության տակ...
Աղբյուր` Panorama.am
17:47
Մարմնամարզության ԱԱ. Վահագն Դավթյանի կորոնավիրուսի թեստը դրական է եղել և բաց է թողել առաջնությունը
Ճապոնիայի Կիտակյուշու քաղաքում շարունակվում է սպորտային մարմնամարզության աշխարհի առաջնությունը: ՀԱՕԿ-ի կայքից տեղեկանում ենք, որ Հայաստանի...
Աղբյուր` Panorama.am
17:41
Այսօր պաշտոնյա դարձած նախկին լրագրողները սկսել են մամուլի դեմ պայքարել. Արեգնազ Մանուկյան
«2018թ-ի հայտնի գործընթացներից հետո քաղաքական դաշտը ոչնչացվել էր, մենք ստացել էինք մեկ դերասանի թատրոն հիշեցնող քաղաքական պետական...
Աղբյուր` Panorama.am
17:35
Միրաք գյուղի տներից մեկի բակում այրվել է խոտի դեզ
Այսօր ժամը 10:23-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Միրաք գյուղի 3-րդ փողոցի տներից մեկի բակում այրվում...
Աղբյուր` Panorama.am
17:28
ՀՅԴ Հունաստանի կոմիտե. Ժողովրդավարության բնօրրան եկած ՀՀ ԱԺ պատվիրակության կազմը հակասում է ժողովրդավարության սկզբունքներին
Շռայլորեն կազմված՝ 13 անդամներից պատվիրակությունը միակուսակցական է, որը հակասում է արդարությանը և ծառայում է մսխումին:
Աղբյուր` Panorama.am
17:19
«Ծիծեռնակ» միության և Դանիել Թեմրեզյանի նախաձեռնությունները՝ Իտալիայում
Իտալիայի հյուսիսարևելյան Ֆրիուլի Վենետիկ Ջուլիա մարզի կենտրոնական մասում գտնող Ուդինե քաղաքում գործում է հայկական «Ծիծեռնակ»...
Աղբյուր` Panorama.am
17:10
Մարդը վեց ամիս ապրել է բջջային հեռախոսն օրգանիզմում
Եգիպտոսի բնակիչն անհապաղ վիրահատության է ենթարկվել. բժիշկները նրա աղիներից հեռացրել են բջջային հեռախոսը, որը նա կուլ էր տվել վեց ամիս առաջ: Այս...
Աղբյուր` Panorama.am
17:02
Արթուր Ղազինյան. Ճշմարտությունը սերունդների համար պետք է բացահատվի
«Յուրօրինակ մեղքի զգացում ունենք, որ մենք ողջ ենք, իրենք մեզ հետ չեն։ Բայց մի կարևոր հանգամանք կա, որ մենք բոլորս պետք է ֆիքսենք,...
Աղբյուր` Panorama.am
16:54
Հայաստանի ազգային հավաքականը պահպանել է իր դիրքերը ՖԻՖԱ-ի վարկանիշային աղյուսակում
Հոկտեմբերի 21-ին ՖԻՖԱ-ն հրապարակել է ազգային հավաքականների վարկանիշային թարմացված աղյուսակը։ Հայաստանի ազգային հավաքականը պահպանել է իր դիրքերը...
Աղբյուր` Panorama.am
16:46
Զոհվածի հայր. էդ Արայիկ Հարությունյանը չէ՞ր, որ հայտարարում էր Արցախի օդը փակ է
Ղարաբաղյան երրորդ պատերազմում զոհված Գոռի հայրը՝ Վարդան Երմալովյանը վստահ է, որ պատերազմ հրահրողները եղել են Նիկոլ Փաշինյանն ու նրա կինը։...
Աղբյուր` Panorama.am
16:38
Մարդիկ, որոնք ամեն ինչ մերժելով եկել են, հիմա էլ մերժում են իրենց անցյալը. Սևակ Հակոբյան
«Ես չեմ կարծում, որ ինչ-որ բան պետք է ասեմ ու այն հասնի, օրինակ՝ Վահագն Հովակիմյանի լսողական օրգաններին»,- «Զանգվածային...
Աղբյուր` Panorama.am
16:30
Հայ բռնցքամարտիկները կմասնակցեն Բելգրադում կայանալիք աշխարհի առաջնությանը
Հոկտեմբերի 24-ից նոյեմբերի 6-ը Սերբիայի մայրաքաղաք Բելգրադում կայանալու է բռնցքամարտի աշխարհի առաջնությունը: ՀԱՕԿ-ից հայտնում են, որ...
Աղբյուր` Panorama.am
16:19
Տիգրան Աբրահամյանի ահազանգը. Պատերազմի հետ առնչվող մեծ թվով հանգամանքներ ուղղակի ոչնչացվելու են
Պատերազմի պատճառների, դրան պատշաճ չարձագանքելու, պատերազմը ժամանակին չկանգնեցնելու, հետպատերազմյան ճգնաժամի հաղթահարման ուղղությամբ որևէ քայլ...
Աղբյուր` Panorama.am
16:13
Իրակլի Ղարիբաշվիլի. Միակ հաստատությունը, ուր կտեղափոխեն Սաակաշվիլին՝ կլինի բանտային հիվանդանոցը
Վրաստանի վարչապետ Իրակլի Ղարիբաշվիլիի խոսքով, արդարադատության նախարարը երեկ պարզաբանել է, որ անհրաժեշտության դեպքում բժիշկների հանձնարարականով...
Աղբյուր` Panorama.am
16:06
Նախագիծն էապես խոչընդոտում է տեղեկության արդարացի հասանելիությունը. Լիլիթ Գալստյան
«Գործ ունենք մի օրենսդրական նախաձեռնության հետ, որը խոսքի ազատության հետ կապված լուրջ փոփոխություններ է նախատեսում և մեր առաջին...
Աղբյուր` Panorama.am
16:00
Խավիեր Կոլոմինա․ Հայաստանը համարվում է Հյուսիսատլանտյան դաշինքի վստահելի գործընկերը
Հոկտեմբերի 21-ին ՀՀ ԱԳ նախարար Արարատ Միրզոյանն ընդունել է Կովկասում և Կենտրոնական Ասիայում ՆԱՏՕ-ի Գլխավոր քարտուղարի հատուկ ներկայացուցիչ...
Աղբյուր` Panorama.am
15:51
Սեյրան Օհանյան. Սպառնալիքները շատ են, մինչդեռ դրանց կանխարգելման համար հնարավորություններն այնքան էլ բարձր չեն
«Որքան էլ արձանագրել ենք պարտություն, բայց Արցախի 283 կմ սահմանագծից շուրջ 265 կմ հատվածում մենք կարողացել ենք մեր շփման գիծը պահպանել...
Աղբյուր` Panorama.am
15:44
Արենի բնակավայրում շչակ է գործարկվելու
Հոկտեմբերի 22-ին՝ ժամը 10:00-ից 12:00-ն ընկած ժամանակահատվածում, Վայոց ձորի մարզային փրկարարական վարչության կողմից Արենի բնակավայրում...
Աղբյուր` Panorama.am
15:38
Հոկտեմբերի 21-ի և 22-ի գիշերն Արարատյան դաշտում կանխատեսվում է մինչև -4 աստիճան ցուրտ
Հոկտեմբերի 21-ի լույս 22-ի գիշերը և 22-ի լույս 23-ի գիշերը Արարատյան դաշտում, հատկապես Արմավիրում օդում կանխատեսվում է մինչև -3, հողի...
Աղբյուր` Panorama.am
15:27
Իզմիրում ձերբակալվել են քրդամետ «Ժողովուրդների դեմոկրատական» կուսակցության երկու անդամներ
Թուրքիայի Իզմիր քաղաքում ոստիկանությունը ձերբակալել է 17 անձի։ Այս մասին գրում է Էրմենիհաբերը։ Ձերբակալվածներից 15-ը մեղադրվում են...
Աղբյուր` Panorama.am
15:00
Տիգրան Աթանեսյան. Ջորջ Սորոսի աշխատող Դանիել Իոաննիսյանի գույքի նկատմամբ հայտարարվել է հետախուզում
Փաստաբան Տիգրան Աթանեսյանը գրում է. «Կոռումպացված օլիգարխ Ջորջ Սորոսի աշխատող Դանիել Իոաննիսյանի գույքի նկատմամբ հայտարարվել է...
Աղբյուր` Panorama.am
14:51
Արամ Վարդևանյան. Ֆեյքնյուզի դեմ պայքարելու համար իշխանությունը չպետք է հանդուրժեր արծրունհովաննիսյանական ճշմարտությունը
«Հայաստանում բոլոր դեպքերում կա Սահմանադրություն, սա պետք է հաճախ ասենք։ Իսկ Սահմանադրությունը երաշխավորում է խոսքի ազատություն,...
Աղբյուր` Panorama.am

Տեսանյութեր

Տափերականում ոստիկաններն ուժով բացում են գյուղացիների փակած ճանապարհը
17:28 09/09/2021

Տափերականում ոստիկաններն ուժով բացում են գյուղացիների փակած ճանապարհը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}