Լավրով․ Պետք չէ այսօր քաղաքականացնել գործընթացը, այն ընթանում է բավական բարդ
«Խաղաղ գործընթացը, որը սկսվել է նոյեմբերի 9-ին՝ պատերազմը կանգնեցնելու ու խաղաղապահ օպերացիային, տնտեսական կապերի, տրանսպորտային կոմունիկացիների ապաշրջափակմանն անցնելու պայմանավորվածությամբ, արդեն պրակտիկորեն կես տարի իրականացվում է։ Այնպես որ, խաղաղ գործընթացին անցումը իրականության մի փոքր աղավաղում է»,-այս մասին այսօր ասաց այցով Հայաստանում գտնվող ՌԴ ԱԳ նախարար Սերգեյ Լավրովը մամուլի ասուլիսում, պատասխանելով ԵԱՀԿ Մինսկի խմբի համանախագահների հայտարարությունում ղարաբաղյան հակամարտության լիարժեք կարգավորման ու համանախագահող երկրների՝ ԼՂ խաղաղ գործընթացի վերսկսման վերաբերյալ հնարավոր պայմանավորվածության մասին հարցին։
«Մենք, որոշիչ դեր կատարելով բանակցություններում՝ ռազմական գործողությունները կանգնեցնելու, խաղաղապահների միջոցով հրադադարի ռեժիմի վերիֆիկացիայի ստեղծմամբ, ինչպես ոչ ոք, հետաքրքրված ենք, որ այն ամենը, ինչի շուրջ պայմանավորվել են ՌԴ, Ադրբեջանի ու Հայաստանի վարչապետը, իրականացվեն պրակտիկայում։ Ես վստահ եմ, որ համանախագահները, երբ նրանք կոչ էին անում, որ ամեն ինչ վերջնականապես կարգավորվի, նկատի ունեն այն, ինչն անհրաժեշտ է անել՝ այս բոլոր խնդիրների լուծման համար»,-ասաց Լավրովը։
Լավրովի խոսքերով, իրենք չենք կասկածում, որ երբ մարդիկ սկսեն զգալ խաղաղ կյանքից, բոլոր սահմանափակումների ու պատժամիջոցների հանումից օգուտները, նրանք կսկսեն այլ կերպ վերաբերվել հարցերին, որոնք այսօր «մեր որոշ գործընկերներ փորձում են բերել առաջին պլան»։
«Պետք չէ այսօր քաղաքականացնել գործընթացը։ Այն ընթանում է բավական բարդ, քանի որ որոշվում է և այս տարածարջանի միացման ուղիների հարցերը, տարածաշրջանային կապվածության հարաբերությունները։ Որոշվում են շփման գծի, սահմանների դեմարկացիայի ու դելիմիտացիայի հարցերը։ Սրանք պրակտիկ, հասկանալի բաներ են, որոնք պետք է լուծել, որպեսզի տարածաշրջանն ազատ շնչի ու ապրի խաղաղ կյանքով։
Նրանք, որ փորձում են այս հարցերը թողնել հետոյին, իսկ սկզբում զբաղվել քաղաքական դիսկուրսներով, ըստ ինձ, ողջ գործընթացը գլխիվայր են դնում։ Ավելի դյուրին է լուծել քաղաքական հարցերը, երբ մարդիկ սկսում են նորմալ ապրել տեղում՝ և ադրբեջանցիները, և հայերը, ինչպես դա եղել է բազում տասնամյակներ ու հարյուրամյակներ»,-ասում է Լավրովը։
Հարակից հրապարակումներ`
- Լավրովը Ալիևի՝ «Զանգեզուրի միջանցքի» մասին․ Ցանկացած հարց, որ կարող է դրվել պայմանավորվածություններին հակառակ, իհարկե, չեն կարող ընդունվել որպես այլընտրանք
- Շուշիի մայր տաճարը պետք է մնա Հայ առաքելական եկեղեցու պաշտամունքի վայր․ Արա Այվազյան
- Սերգեյ Լավրովն այցելել է Հայոց ցեղասպանության հուշահամալիր
- Լավրովը Հայաստանում է
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ
