Վաղը ներդրողը Թուրքիայից կգա, մանկապարտեզի «Արևիկ» անունը կսարքի «Բայրաքթար».Դավիթ Սահակյանց
«Նա առնետի տեսակ է՝ անընդհատ աչքերը վազող, տարածության մեջ չկողմնորոշվող, ինչ որ բան փախցնել ուզող պերսոնաժ է Փաշինյանը իմ համար»,-«Հայելի» մամուլի ակումբում հայտնեց մուլտիպլիկատոր Դավիթ Սահակյանցը՝ հավելելով, որ եթե փորձի Փաշինյանի տեսակը անիմացիայի միջոցով ներկայացնի՝ առաջին մտահղացումն առնետն է:
Նա հայտարարեց, որ զարմանում է, թե ուր կորավ այն մեղավոր դողացող ձայնով Փաշինյանը, որը կար պատերազմից անմիջապես հետո և շեշտեց, որ վերջինս այդ ամենը մոռացել է, քանի որ մտել է ընտրապայքարի մեջ:
Ըստ ռեժիսորի՝ Փաշինյանը, երբ իր ելույթում մի քանի անգամ Քրիստոսի անունն է տալիս, փորձում է հավատքի միջոցով խաղալ մյուս մարդկանց զգայարանների վրա:
«Նա խաղում է մարդկանց զգացմունքների վրա, որը նրանք ունեն դեպի եկեղեցի, սակայն հենց Նիկոլն է պառակտել եկեղեցին՝ հենց առաջին իսկ օրվանից»,- նկատեց մուլտիպլիկատորը:
Դավիթ Սահակյանցը զարմանում է, որ մարդիկ չեն հասկանում, որ Փաշինյանը դա անում է միայն իշխաությունը պահելու համար:
«Երբ 2018 թվականին նա Ազատության հրապարակում սկսեց խոսել թալանից, մարդին չէին հասկանում, որ այդ պահից սկսած Փաշինյանը սկսեց թալանել մարդկանց հույսերը, հույզերը հավատքը»,- հայտարարեց Սահակյանցը:
Անդրադառնալով նախորդ օրը ԱԺ ամբիոնից Փաշինյանի արած հայտարարությանը, թե պետական պարտք վերցնելը վատ բան չէ, դրանով դպրոց ու մանկապարտեզ են կառուցում՝ ռեժիսորը ժողովրդին կոչ արեց մի պահ կանգ առնել և մտածել, որ այդ գումարները պետք է մի օր վերադարձնել, և դա Նիկոլ Փաշինյանը չի վերադարձնելու, այլ՝ սովորական քաղաքացին:
Ըստ բանախոսի՝ եթե պարտք վերցնելը վատ բան չէ, ապա ինչու էր Փաշինյանը ժամանակին քննադատում նախկիններին դրա համար և նկատեց, որ ժողովուրդը չի հասկանում՝ 10 մլրդ դոլարի հասնող պետական պարտքը ժողովրդի վզին է դրված:
«Ժողովուրդը չի հասկանում, ասում է, որ թող պարտքը մնա պետությանը, բայց իրենք մանկապարտեզ կունենան: Չեն հասկանում, որ վաղը ներդրողը Թուրքիայից կգա մանկապարտեզի «Արևիկ» անունը կսարքի «Բայրաքթար»»,-նկատեց ռեժիսորը և շեշտեց, որ չի համակերպվելու նման սցենարի հետ և մինչև վերջ կռիվ է տալու դրա դեմ:
Նա հայտնեց, որ սահմանները բացվելուց անմիջապես հետո թուրքերը լցվելու են հայաստան և հայերին դուրս են մղելու այստեղից:
«Վաղը չզարմանաք, որ ներմուծվող թուրքական լոլիկն այնպես սրսկված լինի, որ բնակչությունը մաքրվի այս ռեգիոնում, քանի որ նրանց պետք է տարածք՝ առանց հայերի, նույնիսկ ստրուկի կարգավիճակում պետք չենք, քանի որ գալիս է մի պահ, որ ստրուկների միջից ծնվում են Աղբյուր Սերոբներ, Գևորգ Չաուշներ»,- հայտնեց Սահակյանցը:
Նա նկատեց, որ «Իմ քայլը» դաշինքի, Նիկլոլ Փաշինյանի և Ադրբեջանի հռետորաբանությունը համընկնում է և հավելեց, որ թուրք-ադրբեջանական երազանք համարվող միջանցքը Սյունիքում ի վերջո կբացվի, եթե Նիկոլ Փաշինյանն ու իր թիմը մնան իշխանության:
Լրահոս
Տեսանյութեր
Արևմտյան Հայաստանի ու արդեն Արցախի հուշարձանները՝ «ցեղասպանված հուշարձաններ»
