Լրահոս

ԿԱՐՃ ԼՈՒՐԵՐ

10:59 Աշխարհում
Կամչատկայի հրաբուխները վտանգավոր են ինքնաթիռների համար

ՌԴ ԱԻՆ համառուսաստանյան գիտահետազոտական ինստիտուտը հայտնել է, որ Կամչատկայի երկրամասի Շիվելուչ և Կարիմսկայա Սոպկա հրաբուխները կարող են 15 կիլոմետրանոց մոխրի սյուներ արտանետել՝ վտանգ ներկայացնելով քաղաքացիական ինքնաթիռների համար: Այս մասին հաղորդվում է ինստիտուտի կայքում:

Աղբյուր՝ gazeta.ru

10:32 Աշխարհում
Աֆրիկայի ազգերի գավաթ. Կամերունի մարզադաշտում մահացու հրմշտոց է տեղի ունեցել

Հաղորդվում է, որ Կամերունում Աֆրիկայի ազգերի գավաթի խաղից դուրս տեղի ունեցած հրմշտոցի հետևանքով առնվազն ութ մարդ է զոհվել, տասնյակ մարդիկ վիրավորվել են: Ֆուտբոլասերների միջև պայքար է սկսվել՝ մայրաքաղաք Յաունդեի թաղամասում գտնվող Պոլ Բիյա մարզադաշտ մուտք գործելու համար: Առողջապահության նախարարության հաղորդագրության համաձայն մահացածների թվում կա մեկ երեխա:

Աղբյուր՝ bbc.com

10:14 Աշխարհում
Ամերիկյան կործանիչն ընկել է Հարավչինական ծովը

Վերջին սերնդի F-35 կործանիչը վթարի է ենթարկվել Հարավչինական ծովում՝ ԱՄՆ-ի Ռազմածովային ուժերի «Կարլ Վինսոն» ավիակրի վրա վայրէջք կատարելիս: Այդ մասին հայտնում է ԱՄՆ Խաղաղօվկիանոսյան նավատորմի մամուլի ծառայությունը: Օդաչուն կատապուլտով բարեհաջող դուրս է նետվել. նրան փրկել է ռազմական ուղղաթիռը:

Աղբյուր՝ ria.ru

10:00 Հայաստան
Երևանի քաղաքապետարանում կներդրվի «Mulberry» համակարգը

Ծառայությունների որակի բարելավման նպատակով Երևանի քաղաքապետարանում կներդրվի փաստաթղթաշրջանառության էլեկտրոնային «Mulberry» համակարգ: «Էլփաս» ծրագրի աշխատանքին զուգահեռ, հետևողական քայլեր կձեռնարկվենլ՝ նոր համակարգն արագորեն ներդնելու նպատակով:

Աղբյուր՝ Երևանի քաղաքապետարան 

18:00 Աշխարհում
«Սարդ-Մարդ. Տունդարձի ճանապարհ չկա»-ն դարձել է պատմության մեջ վեցերորդ ամենաբարձր եկամուտ ունեցող ֆիլմը

Կոմիքսների հիման վրա Sony-ի նկարահանած արկածային ֆիլմը հանգստյան օրերին 1,69 միլիարդ դոլարով դարձավ պատմության մեջ վեցերորդ ամենաբարձր եկամուտ ունեցող ֆիլմը համաշխարհային վարձույթում: Այդ տեղը ապահովելու համար այն գերազանցել է «Աշխարհը յուրայի դարաշրջանում» (1,67 միլիարդ դոլար) և «Առյուծ արքան» (1,66 միլիարդ դոլար) ֆիլմերին:

Աղբյուր՝ reuters.com

17:30 Աշխարհում
Անտոմս ուղևոր է հայտնաբերվել օդանավի անիվների խցիկում

Նիդեռլանդների ոստիկանությունը հայտնել է, որ Հարավային Աֆրիկայից Ամստերդամի «Սխիպհոլ» օդանավակայանում վայրէջք կատարած ինքնաթիռի անիվների հատվածում ողջ մարդ է գտնվել: Յոհանեսբուրգից Ամստերդամ թռիչքը տևում է մոտ 11 ժամ, իսկ բեռնատար ինքնաթիռը, ենթադրաբար, մեկ կանգառ է կատարել Քենիայի Նայրոբի քաղաքում: Երկար թռիչքների ժամանակ ճանապարհորդները շատ հազվադեպ են գոյատևում ցրտի և բարձր բարձրության վրա թթվածնի ցածր պարունակության պատճառով:

Աղբյուր՝ bbc.com

17:11 Աշխարհում
Մեսսին «ՊՍԺ»-ում գրանցում է իր ողջ կարիերայի վատագույն ցուցանիշները

Ֆրանսիայի առաջնության հերթական խաղում «Պարի Սեն Ժերմենը» գերազանցեց «Ռեյմսին» (4:0): Մայրաքաղաքային ակումբի արգենտինացի հարձակվող Լիոնել Մեսսին փոխարինման է դուրս եկել 63-րդ րոպեին և արդյունավետ գործողություններով աչքի չի ընկել: Լիգա 1-ի ընթացիկ ոչ-ոքիում խփած մեկ գոլով 34-ամյա հարձակվողն իր ամբողջ ֆուտբոլային կարիերայի ընթացքում գոլ խփելու վատագույն ցուցանիշով է աչքի ընկնում:

Աղբյուր՝ gazeta.ru

16:37 Արցախ
Արցախի 119 թեժ գծին անցած շաբաթվա ընթացքում ստացվել է 271 զանգ

Հունվարի 17-ից 21-ն ընկած ժամանակահատվածում բնակչությունը հիմնականում դիմել է վարկային պարտավորությունների կատարման ապահովմանը, նոր վարկերի տրամադրմանը, բնակարանային խնդիրների լուծմանը վերաբերող հարցերով: Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 105 հետզանգ:

Աղբյուր՝ Արցախի Հանրապետության նախագահի աշխատակազմ     

16:12 Աշխարհում
Բեռլինը չի մասնակցի Կիևին զենք մատակարարելու հնարավորության մասին շահարկումներին

Գերմանիայի կառավարությունը մտադիր չէ մասնակցել շահարկումներին, թե իրավիճակի ինչպիսի զարգացման դեպքում պատրաստ կլինի Կիևին զենք տրամադրել: Այս մասին երկուշաբթի օրը կայացած ճեպազրույցում հայտարարել է Նախարարների կաբինետի ներկայացուցիչ Քրիստիանե Հոֆմանը: Նրա խոսքով, կառավարությունը և հատկապես կանցլերն անում են ամեն ինչ, որպեսզի խուսափեն հակամարտության սրացումից:

Աղբյուր՝ tass.ru

15:45 Աշխարհում
Դատարանը Ասանժին թույլ է տվել վիճարկել ԱՄՆ արտահանձնման որոշումը

Լոնդոնի Գերագույն դատարանը թույլ է տվել WikiLeaks-ի հիմնադիր Ջուլիան Ասանժին բողոքարկել՝ իրեն ԱՄՆ արտահանձնել թույլատրող որոշումը: Տեղեկությունը հայտնում է WikiLeaks-ը: Ասանժի հարսնացուն՝ Ստելլա Մորիսը, ևս հաստատել է, որ դատարանը թույլ է տվել բողոքարկումը:

Աղբյուր՝ ria.ru

15:33 Աշխարհում
ՆԱՏՕ-ն ուկրաինական ճգնաժամի ֆոնին նավեր և ինքնաթիռներ է ուղարկում Արևելյան Եվրոպա

ՆԱՏՕ-ն երկուշաբթի հայտարարեց, որ պատրաստության վիճակի է բերում իր ուժերը և ուժեղացնում է Արևելյան Եվրոպան ավելի շատ նավերով և կործանիչներով՝ ի պատասխան Ուկրաինայի սահմանների մոտ Ռուսաստանի ռազմական կուտակումների:

Աղբյուր՝ reuters.com

15:19 Աշխարհում
Ամերիկա-ճապոնական զորավարժություններից հետո Չինաստանը Թայվան է ուղարկում 39 ռազմական ինքնաթիռ

Թայվանի ՀՕՊ տեսանելի գոտում թռիչք է կատարել Չինաստանի ժողովրդա-ազատագրական բանակի ավիախումբը՝ բաղկացած 39 ինքնաթիռից: Թայվանցի զինվորականների տվյալներով՝ թռիչքն իրականացվել է նախօրեին: Ավիախումբը ներառում էր 34 կործանիչ, ռադիոէլեկտրոնային պայքարի չորս ինքնաթիռ և մեկ ռմբակոծիչ: Նրանք թռչել են Թայբեյի կողմից վերահսկվող Պրատաս կղզիներից հարավ-արևելք:

Աղբյուր՝ gazeta.ru

14:49 Աշխարհում
«Դոկտեր Սթրենջ»-ի շարունակությունում կլինեն այլընտրանքային «Վրիժառուներ»

«Դոկտեր Սթրենջ. Խելագարության բազմատիեզերքում» ֆիլմում կարող են հայտնվել «Վրիժառուների» այլընտրանքային կերպարներ: Նոր կերպարներով շապիկներ են հայտնաբերվել Amazon-ում: Սեմ Ռայմիի բլոկբաստերի պրեմիերան տեղի կունենա մայիսի 5-ին:

Աղբյուր՝ kulturomania.ru

14:32 Աշխարհում
Մահացել է ֆրանսիացի հայտնի մոդելավորող Թիերի Մյուգլերը

Կիրակի՝ 73 տարեկանում, մահացել է ֆրանսիացի դիզայներ, լուսանկարիչ և Mugler նորաձեւության տան հիմնադիր Թիերի Մյուգլերը: Մյուգլերի համարձակ հավաքածուները 1980-ականներին եկան որոշելու տասնամյակի ոճը: Նրա հագուստները աչքի են ընկնում իրենց յուրահատուկ կառուցվածքով և բարդ ուրվագծերով, որոնք ցուցադրվում էին նրա էքստրավագանտ ցուցադրություններում: Մյուգլերի ներկայացուցիչ Ժան-Բատիստ Ռուժոն հայտնել է, որ մոդելյերի մահը վրա է հասել բնական պատճառներից:

Աղբյուր՝ france24.com

14:09 Աշխարհում
Ապստամբ զինվորները բռնել են Բուրկինա Ֆասոյի նախագահ Կաբորեին

Բուրկինա Ֆասոյի նախագահ Ռոշ Մարկ Քրիստիան Կաբորեին բռնել են ապստամբ զինվորները: Այս մասին երկուշաբթի վաղ առավոտյան Associated Press-ին հայտնել են զինվորներից երկուսը: Նրանք չեն հայտնել, թե որտեղ է պահվում Կաբորեն, սակայն նշել են, որ նա ապահով վայրում է: Կրակոցներ էին լսվել կիրակի ուշ երեկոյան նախագահի նստավայրի մոտ, իսկ երկուշաբթի վաղ առավոտյան նախագահական նստավայրում մարտ էր սկսվել, երբ ուղղաթիռ է թռչել շենքի գլխավերևում։

 

13:56 Աշխարհում
Հրթիռային հարվածներ են հասցվել ԱՄԷ-ի մայրաքաղաքին

Արաբական Միացյալ Էմիրությունների մայրաքաղաք Աբու Դաբին գիշերը հրթիռակոծվել է: Երկրի ՊՆ-ը հայտարարել է հութիների կողմից արձակված երկու բալիստիկ հրթիռների որսալու մասին: Հրթիռներն արձակել են Եմենի «Անսար Ալլահ» շարժման հութիները: ԱՄԷ-ն երկու հրթիռներն էլ որսացել է:

Աղբյուր՝ korrespondent.net

13:37 Աշխարհում
ԱՄՆ-ն կարգադրել է Ուկրաինայում իր դեսպանատան աշխատակիցների ընտանիքներին լքել երկիրը

Միացյալ Նահանգները հրամայել է Ուկրաինայում ԱՄՆ դեսպանատան բոլոր ամերիկացի աշխատակիցների ընտանիքներին լքել երկիրը՝ սրված մտահոգության պատճառով, որ Ռուսաստանը, որը զորքեր է կուտակել սահմանին, պատրաստվում է ներխուժել: Կիրակի արված հայտարարության մեջ Պետդեպարտամենտը նաև նշել է, որ դեսպանատան ոչ հիմնական անձնակազմը կարող է լքել Ուկրաինան կառավարության հաշվին, և որ բոլոր ամերիկացիները պետք է մտածեն անհապաղ հեռանալու մասին:

Աղբյուր՝ aljazeera.com

13:21 Աշխարհում
Լոնդոնյան դերբիում «Չելսին» հաղթանակ է տարել «Տոտենհեմի» նկատմամբ

Տանտերերը իրենց մարզադաշտում՝ «Սթեմֆորդ Բրիջում», հաղթեցին «Տոտենհեմին» 2:0 հաշվով և ընդհատեցին Պրեմիեր լիգայում առանց հաղթանակի չորս խաղի շարանը: Մրցակիցներն առաջին խաղակեսում չկարողացան գոլ խփել: Ընդմիջումից հետո «Չելսիից» աչքի ընկան մարոկկացի կիսապաշտպան Հակի Զիեշը եւ բրազիլացի պաշտպան Տիագո Սիլվան:

Աղբյուր՝ vesti.ru

12:51 Աշխարհում
Բախումներ բռնկվել Բրյուսելում. ասնյակ հազարավոր մարդիկ բողոքել են Covid-ի կանոնների դեմ

Կիրակի ոստիկանությունը ջրցան մեքենաներ և արցունքաբեր գազ է կիրառել քարեր նետող ցուցարարների վրա այն բանից հետո, երբ տասնյակ հազարավոր ցուցարարներ բողոքի երթ են իրականացրել Բրյուսելում ընդդեմ Covid-19-ի կանոնների: Իշխանությունների գնահատմամբ՝ մոտ 50,000 մարդ մասնակցել Բելգիայի մայրաքաղաքում անցկացված ցույցին, ինչը ամենամեծ թիվն է՝ վերջին ամիսների ընթացքում քաղաքում տեղի ունեցած բողոքի ցույցերի ընթացքում:

Աղբյուր՝ france24.com

12:35 Աշխարհում
Իրաքի բանակը և օդուժը ոչնչացրել են ԻՊ-ի յոթ զինյալների, այդ թվում՝ երկու առաջնորդների

Իրաքի ռազմաօդային ուժերը և բանակի ստորաբաժանումները Բաղդադից հյուսիս ընկած հատվածում ոչնչացրել են «Իսլամական պետություն» ահաբեկչական խմբավորման յոթ զինյալների, այդ թվում՝ ծայրահեղականների երկու առաջնորդների: Այս մասին, ըստ SHAFAQ News լրատվական պորտալի, երկուշաբթի հայտարարել է Իրաքի զինված ուժերի հրամանատարի ներկայացուցիչ Յահյա Ռասուլը:

Աղբյուր՝ tass.ru

12:21 Աշխարհում
Օսլոյում թալիբները բանակցություններ են սկսել Արևմուտքի ներկայացուցիչների հետ

Թալիբանի անդամները Նորվեգիայում հանդիպում են արևմտյան պաշտոնյաների հետ՝ Եվրոպայում առաջին բանակցությունների համար Աֆղանստանում խմբավորման վերահսկողության հաստատումից ի վեր: Եռօրյա բանակցությունները կանդրադառնան մարդու իրավունքներին ու երկրում հումանիտար ճգնաժամին: ՄԱԿ-ի տվյալներով՝ Աֆղանստան բնակչության 95%-ը սննդի պակասի խնդիր ունի:

Աղբյուր՝ bbc.com

12:02 Հայաստան
Ուսման հրավեր. Հայաստանն ընդգրկվել է «Invest Your Talent in Italy» ծրագրի շահառուների ցանկում

Ծրագիրը բակալավրիատի կրթությամբ միջազգային ուսանողներին մագիստրոսական աստիճանի համար տրամադրում է կրթաթոշակներ և այլ ֆինանսական աջակցություն հետևյալ բնագավառներում՝ ճարտարագիտություն, բարձր տեխնոլոգիաներ, ճարտարապետություն, դիզայն, տնտեսագիտություն և կառավարում: 2022-2023 ուսումնական տարվա ծրագրի համար դիմումները ներկայացնելու վերջնաժամկետը 2022 թվականի փետրվարի 15-ն է:

Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն 

11:46 Աշխարհում
Բժիշկներն հայտնել են քաղցկեղի չորս տեսակի վաղ «գիշերային» ախտանիշի մասին

Մասնագետները քաղցկեղի «ունիվերսալ» նշաններից մեկը համարում են գիշերային քրտնարտադրություն: Դա կարող է լինել լեյկեմիայի, լիմֆոմայի, ոսկրերի քաղցկեղի և լյարդի չարորակ ուռուցքների վաղ ախտանիշ: Այդուհանդերձ նշվում է, որ ուժեղ քրտնարտադրությունը պարտադիր չէ, որ վկայի քաղցկեղի մասին:

Աղբյուր՝ ria.ru

11:22 Աշխարհում
Թաիլանդի վարչապետը թանկարժեք քարերի գողությունից ի վեր առաջին անգամ կայցելի Սաուդյան Արաբիա

Վարչապետ Պրայութ Չան-Օչան այս շաբաթ կիրականացնի Թաիլանդի առաջնորդի առաջին այցը Սաուդյան Արաբիա ավելի քան 30 տարվա ընթացքում՝ տասնամյակների դիվանագիտական լարվածությունից հետո, որն առաջացել էր Սաուդյան Արաբիայի պալատից թանկարժեք քարերի գողությունից: Թաիլանդում ծնված դռնապան Քրիանգկրայ Թեչամոնգը 1989 թվականին 20 միլիոն դոլար արժողությամբ թանկարժեք գոհարներ էր գողացել Սաուդյան Արաբիայի արքայազնի տնից՝ առաջացնելով երկրների միջև «Կապույտ ադամանդի գործ» կոչվող վեճը, որը դեռևս պետք է լուծվի:

Աղբյուր՝ france24.com

11:08 Աշխարհում
Աշխարհի ամենահարուստ մարդիկ մեկ շաբաթում կորցրել են տասնյակ միլիարդավոր դոլարներ

Tesla-ի հիմնադիր Իլոն Մասկը և Amazon-ի սեփականատեր Ջեֆ Բեզոսը, մեկ շաբաթվա ընթացքում ռեկորդային գումարներ են կորցրել՝ տեխնոլոգիական արժեթղթերի գների անկման պատճառով: Այդ մասին գրում է Bloomberg-ը: Մասկը վերջին յոթ օրվա ընթացքում կորցրել է 25,1 մլրդ դոլար, նրա կարողությունը նվազել է ավելի քան 9%-ով: Բեզոսը կորցրել է $20 մլրդ: Binance-ի Չենպեն Չժաոն կորցրել է $17,7 մլրդ, իսկ Meta-ի (նախկին Facebook) ղեկավար Մարկ Ցուկերբերգը կարողությունը նվազել է $10,4 մլրդով:

Աղբյուր՝ gazeta.ru

10:51 Աշխարհում
Ինսինյեն «Նապոլիի» կազմում գոլերով հավասարվեց Մարադոնային

«Նապոլիի» հարձակվող Լորենցո Ինսինյեն, ով գոլի հեղինակ է դարձել Իտալիայի առաջնության 23-րդ տուրի «Սալերնիտանայի» դեմ խաղում (4:1), ակումբի կազմում խփած գոլերով հավասարվել է լեգենդար Մարադոնային: Երկուսն էլ ունեն 115 գնդակ: 1986 թվականի աշխարհի չեմպիոն Մարադոնան «Նապոլիում» հանդես է եկել 1984-1991 թվականներին: Ակումբի հետ նա երկու անգամ դարձել է Իտալիայի չեմպիոն:

Աղբյուր՝ sport-express.ru

10:35 Աշխարհում
Բեռլուսկոնին հիվանդանոցում է հերթական հետազոտությունների համար

Իտալիայի նախկին վարչապետ Սիլվիո Բեռլուսկոնին գտնվում է Միլանի հիվանդանոցում՝ ընթացիկ ստուգումների համար: Այս մասին նրա անձնական բժիշկը հայտնել է կիրակի՝ մեկ օր անց այն բանից, երբ 85-ամյա քաղաքական գործիչը որոշեց չառաջադրվել նախագահի պաշտոնում: Չորս անգամ Իտալիայի վարչապետ եղած Բեռլուսկոնին սրտի լուրջ վիրահատություն է տարել 2016 թվականին և ունեցել նաև շագանակագեղձի քաղցկեղ:

Աղբյուր՝ reuters.com

10:21 Աշխարհում
Նոր Զելանդիայի վարչապետը չեղարկել է իր հարսանիքը կորոնավիրուսի պատճառով

Նոր Զելանդիայի վարչապետ Ջասինդա Արդերնը չեղարկել է իր հարսանեկան արարողությունը փեսացու Քլարկ Գեյֆորդի հետ՝ երկրում նոր Covid-19 սահմանափակումների պատճառով: Վարչապետը կիրակի օրը հայտարարեց, որ երկիրը կկանգնի նոր սահմանափակումների առաջ այն բանից հետո, երբ հայտնաբերվեց օմիկրոն տարբերակի ինը դեպք մեկ ընտանիքում, որն այս ամսվա սկզբին մեկնել էր Օքլենդ:

Աղբյուր՝ independent.co.uk

10:00 Տարածաշրջան
Իրանը վերականգնել է ձայնի իրավունքը ՄԱԿ-ում՝ մարելով պարտքը

Իրանը վերականգնել է ձայնի իրավունքը ՄԱԿ-ի Գլխավոր ասամբլեայում՝ վճարելով իր պարտքը կազմակերպությանը Կորեայում սառեցված իրանական ակտիվներից: Տեղեկությունը հայտնել Իրանի մշտական ներկայացուցիչ Մաջիդ Թահթ-Ռավանչին: ՌԻԱ Նովոստին մեջբերում է նրա խոսքը: Ձայնի իրավունքը վերականգնելու համար Իրանից պահանջվել է վճարել 18,4 մլն դոլար:

Աղբյուր՝ ria.ru

17:55 Աշխարհում
Ջոնի Դեփը կմարմնավորի թագավոր Լուի XV-ին Մայվենի նոր ֆիլմում

Ամերիկացի դերասան Ջոնի Դեփը կխաղա Ֆրանսիայի թագավոր Լուի XV-ի դերը Մայվենի նոր ֆիլմում: Ֆիլմի պրոդյուսերը կլինի Why Not Productions-ը: Նկարահանումները կսկսվեն 2022 թվականի ամռանը։ Նկարահանումներին կմասնակցի նաև Մայվենը։ Նա կմարմնավորի կոմսուհի Ժաննա Դյուբարիին:

Աղբյուր՝ kulturomania.ru

17:37 Աշխարհում
Չինաստանի պետական հեռուստատեսությունը միլիարդատեր Ջեք Մայի ընկերությանը մեղադրում է կոռուպցիայի մեջ

Չինաստանի պետական հեռուստատեսությունը ֆիլմ է ցուցադրել Alibaba-ի գլխավոր տնօրեն Ջեք Մայի կոռուպցիոն սկանդալում ներգրավվածության մասին։ Խոսքը նրա Ant Group ընկերության մասին է: Կենտրոնական հեռուստատեսությունը մասնավոր ընկերություններին մեղադրել է Կոմունիստական կուսակցության Հանչժոու քաղաքի անցյալ տարի ձերբակալված նախկին առաջնորդի եղբորը չափազանց մեծ գումարներ վճարելու մեջ: Հանչժոուում է գտնվում նաև Ant Group-ի գլխամասը:

Աղբյուր՝ ft.com

17:02 Աշխարհում
«Արսենալը» ցանկանում է երկարաձգել Արտետայի հետ պայմանագիրը

«Արսենալը» պատրաստվում է երկարաձգել պայմանագիրը գլխավոր մարզիչ Միկել Արտետայի հետ, հայտնում է Daily Mail-ը: Աղբյուրի համաձայն՝ «զինագործների» ղեկավարությունը ցանկանում է 2 տարով երկարաձգել պայմանագիրը 39-ամյա իսպանացու հետ: Մասնագետի հետ գործող պայմանագիրն ուժի մեջ է մինչև 2023 թվականի հունիսի վերջը:

Աղբյուր՝ sport-express.ru

16:53 Աշխարհում
Կալիֆորնիայում անտառային հրդեհների հետևանքով տարհանումներ են կատարվել

Կալիֆորնիայի հայտնի Մայրուղի 1-ի մոտակայքում բռնկված անտառային հրդեհը, որը ծավալվում է Խաղաղ օվկիանոսի ափի երկայնքով, ուրբաթ գիշեր Մոնտերեյ շրջանում տարհանման պատճառ է դարձել: Հրդեհը բռնկվել է Պալո Կոլորադո կիրճում, հայտնում է շրջանի արտակարգ իրավիճակների ծառայության գրասենյակը: Հրդեհի պատճառով Մայրուղի 1-ը փակվել է Էնդրյու Մոլերայի պետական այգու հատվածում:

Աղբյուր՝ cnn.com

16:02 Աշխարհում
Ռոբբի Ուիլյամսը վաճառում է Բենքսիի նկարների իր հավաքածուն

Բրիտանացի հայտնի երգիչ Ռոբբի Ուիլյամսը վաճառքի կհանի փողոցային նկարիչ Բենքսիի նկարների իր հավաքածուն: Ըստ IM-ի, աճուրդը տեղի կունենա Լոնդոնում 2022 թվականի մարտի 2-ին: Ուիլյամսը վաճառում է երեք նկար, որոնց թվում է «Փուչիկով աղջիկը»:

Աղբյուր՝ kulturomania.ru

15:08 Աշխարհում
Եմենի ապստամբները հայտնել են, որ բանտի ավիահարվածի հետևանքով զոհերի թիվը գերազանցել է 80-ը

Սաուդյան Արաբիայի գլխավորած կոալիցիայի ուրբաթ օրվա ավիահարվածի հետևանքով Եմենի հութի ապստամբների կողմից ղեկավարվող բանտում զոհված բանտարկյալի թիվը հասել է առնվազն 82-ի: Այս մասին շաբաթ հայտնել են ապստամբները և օգնության խումբը: Արաբական աշխարհի ամենաաղքատ երկրում ինտերնետ հասանելիությունը հիմնականում մնում է սահմանափակ:

Աղբյուր՝ apnews.com

14:58 Աշխարհում
Գերմանիան շարժական հիվանդանոց կփոխանցի Ուկրաինային

Գերմանիան 5,3 մլն եվրո է հատկացրել ուկրաինական բանակի համար շարժական դաշտային հոսպիտալ կառուցելուն: Այդ մասին հայտարարել է Գերմանիայի պաշտպանության նախարար Քրիստին Լամբրեխտը շաբաթ օրը Welt am Sonntag թերթում հրապարակված հարցազրույցում։ Լամբրեխտը նշել է, որ զենքի մատակարարումները չեն լուծի հակամարտությունը:

Աղբյուր՝ tass.ru

14:46 Աշխարհում
«Աղետ». Պերուի նավթի արտահոսքի մաքրումը կպահանջի շաբաթներ

Իսպանական Repsol էներգետիկ ընկերությունը հայտնել է, որ Պերուի մայրաքաղաք Լիմայի ափերի մոտ գտնվող նավթի խոշոր արտահոսքի մաքրման գործողությունը կտևի մինչև փետրվարի վերջ: Բնապահպանական պատահարը կառավարությունը «աղետ» է որակել և հայտնել է, որ սատկած փոկեր, ձկներ և թռչուններ են դուրս եկել նավթով պատված ափ: Տարածքում ձկնորսությունը դադարեցվել է:

Աղբուր՝ aljazeera.com

14:27 Աշխարհում
Լանա Դել Ռեյը թողարկել է «Watercolor Eyes» նոր սինգլը

Ամերիկացի երգչուհի Լանա Դել Ռեյն ուրբաթ թողարկել է իր նոր՝ «Watercolor Eyes» սինգլը: Թրեքը հասանելի է առաջատար թվային հարթակներում: Երգը ստեղծվել է հատուկ «Էյֆորիա» սերիալի համար։ Նա կհնչի երկրորդ սեզոնի երրորդ էպիզոդում, որը կհեռարձակվի HBO Max-ով հունվարի 23-ին։

Աղբյուր՝ kulturomania.ru

13:51 Աշխարհում
Մարթա Ստյուարտը բացահայտել է, թե ինչու է խզել հարաբերությունները Էնթոնի Հոփքինսի հետ

«Էլեն Դեջեներեսի շոու»-ում ապրելակերպի 80-ամյա գուրուն պատմել է, որ ստիպված է եղել բաժանվել 84-ամյա օսկարակիր դերասանից՝ 1991 թվականի «Գառնուկների լռությունը» սարսափ թրիլլերում նրա սահմռկեցուցիչ դերը վերհիշելու պատճառով: Ֆիլմում Հոփքինսը մարմնավորել է բժիշկ Հանիբալ Լեկտերին՝ սերիական մարդասպանին, ով կերել էր իր զոհերին: Փաստորեն, Լավագույն դերասան անվանակարգում Օսկար բերած դերը Հոփքինսի համար դարձել է Ստյուարտի հետ իր հարաբերությունների ավարտի պատճառը:

Աղբյուր՝ cnn.com

12:30 Աշխարհում
Մահացել է լատվիացի հայտնի դերասան Արնիս Լիցիտիսը

Հունվարի 21-ին մահացել է լատվիացի դերասան Արնիս Լիցիտիսը, ում մասնակցությամբ հայտնի  ֆիլմերից են «Իֆ ամրոցի բանտարկյալը» և «Միրաժը»: Նա 76 տարեկան էր:

Աղբյուր՝ korrespondent.net

11:51 Աշխարհում
ԱՄՆ-ում կապիկները փախել են, երբ նրանց տեղափոխող բեռնատարը վթարի է ենթարկվել

լաբորատորիայի ճանապարհին: Փենսիլվանիայի ոստիկանությունը որոնում է առնվազն երեք կապիկների, որոնք փախել են այն բանից հետո, երբ մոտ 100 կենդանիներ տեղափոխող բեռնատարը վթարի է ենթարկվել: Կապիկներին տեղափոխող բեռնատարը ուրբաթ կեսօրին Մոնտուր շրջանում բախվել է ինքնաթափին:

Աղբյուր՝ theguardian.com

11:43 Աշխարհում
Գվարդիոլան խոսել է «Մանչեսթեր Սիթիում» իր ապագայի մասին

«Չեմ ցանկանում մտածել ապագայի մասին, քանի դեռ կա գործող պայմանագիր։ Դա կախված է միայն արդյունքներից, այդպիսին է մարզչի աշխատանքը։ Որոշումը կկայացնեմ ակումբի հետ միասին։ «Մանչեսթեր Սիթին» շատ բան է արել ինձ համար, ես դրան չեմ կարող դավաճանությամբ պատասխանել: Դա տգեղ կլիներ»,- «Մանչեսթեր Սիթիի» գլխավոր մարզիչ Խոսեպ Գվարդիոլային մեջբերում է ESPN-ը: Իսպանացու պայմանագիրը նախատեսված է մինչև 2023 թվականի ամառը:

Աղբյուր՝ sport-express.ru

11:17 Աշխարհում
Մեքսիկայի հեղինակավոր հանգստավայրում երկու կանադացի է սպանվել

Կանկուն քաղաքի մերձակայքում գտնվող հյուրանոցներից մեկում հյուրերի միջև վիճաբանության հետևանքով երկու կանադացի սպանվել են, ևս մեկը վիրավորվել է: Կրակոցները ուրբաթ օրը հնչել են «Xcaret Mexico» հյուրանոցում, որը գտնվում է Պլայա դել Կարմեն զբոսաշրջային քաղաքում՝ Կարիբյան ծովի ափին գտնվող Կանկունից մոտ 70 կմ հարավ: Հանցագործը դեռ ազատության մեջ է, տարվում են որոնողական աշխատանքներ:

Աղբյուր՝ bbc.com

10:59 Աշխարհում
Առնոլդ Շվարցենեգերը Կալիֆորնիայում ավտովթարի է ենթարկվել

Շվարցենեգերի GMC Yukon ամենագնացը նրա տնից մի քանի կիլոմետր հեռավորության վրա մխրճվել է Toyota Prius ավտոմեքենայի մեջ: Ոստիկանության աղբյուրներից ստացված նախնական տեղեկությունների համաձայն՝ վթարի մեղավորը Շվարցենեգերն է, ով կարմիր լուսացույցի մոտ ձախ շրջադարձ է կատարել: Ինքը՝ դերասանը, չի տուժել, մյուս մեքենայում գտնվող կինը գլխի վնասվածք է ստացել և հոսպիտալացվել։

Աղբյուր՝ tass.ru

10:14 Աշխարհում
Լույս աշխարհ է եկել Պրիանկա Չոպրայի և Նիք Ջոնասի առաջնեկը

Պրիանկա Չոպրա Ջոնասը և նրա ամուսինը՝ Նիք Ջոնասը, ուրբաթ Instagram-ի իրենց էջերում հայտարարեցին, որ ծնվել է իրենց առաջնեկը: Պրիանկան նշել է, որ փոխնակ մայրը զույգի երեխային լույս աշխարհ է բերել հունվարի 15-ին: Զույգը չի հայտնել երեխայի անունը և սեռը խնդրել է գաղտնիություն պահպանել:

Աղբյուր՝ apnews.com

10:00 Աշխարհում
Ճապոնիայում ուժգին երկրաշարժի հետևանքով առնվազն 10 մարդ է տուժել

Ճապոնիայի հարավ-արևմուտքում տեղի ունեցած 6,4 մագնիտուդ ուժգնությամբ երկրաշարժի հետևանքով տուժել է առնվազն 10 մարդ: Այս մասին հայտնում են ճապոնական լրատվամիջոցները՝ վկայակոչելով իշխանություններին: Երկրաշարժի էպիկենտրոնը գտնվում էր Կյուսյու կղզու մոտ. մինչև 5 բալ ուժգնությամբ ցնցումներ են զգացվել Ճապոնիայի մի շարք պրեֆեկտուրաներում: Ցունամիի վտանգ չի հայտարարվել:

Աղբյուր՝ interfax.ru

23:11 Աշխարհում
Ամերիկացի կատակերգու Լուի Անդերսոնը մահացել է 68 տարեկանում

Մահացել է «Կյանքը Լուիի հետ» մուլտսերիալի ստեղծող և կատակերգու Լուի Անդերսոնը: Այս մասին հայտնում է TMZ-ը: Պարբերականների տվյալներով՝ Անդերսոնը վերջին տարիներին պայքարում էր քաղցկեղի դեմ: 68-ամյա կատակերգուն մահացել է ուրբաթ առավոտյան Լաս Վեգասի հիվանդանոցներից մեկում:

Աղբյուր՝ kulturomania.ru

23:00 Աշխարհում
Գերմանիան ցանկանում է տարեկան 400000 մասնագետ աշխատողներ ներգրավել արտասահմանից

Գերմանիայի նոր կոալիցիոն կառավարությունը ցանկանում է ամեն տարի ներգրավել 400,000 որակավորված աշխատողների արտերկրից՝ լուծելու ինչպես ժողովրդագրական անհավասարակշռությունը, այնպես էլ աշխատուժի պակասը առանցքային ոլորտներում, որոնք վտանգի տակ են դնում կորոնավիրուսային համավարակից վերականգնումը:

Աղբյուր՝ reuters.com

22:19 Աշխարհում
Ֆլորիդայում տղամարդը հարձակվել է արջի վրա՝ իր շներին պաշտպանելու համար

Ֆլորիդայի բնակչուհի Քերի Ռուբինո Հիկոքսը իր TikTok պրոֆիլում հրապարակել է մի տեսանյութ, որում արջը բարձրանում է պատշգամբ, որտեղ կնոջ ամուսինն էր իր տակսաների հետ: Խիզախ տերը անմիջապես սկսել է դուրս քշել կենդանուն, որից հետո փակել է շենքի մուտքը մեծ նստարանով: Տղամարդու համարձակությունը զարմացրել է համացանցի օգտատերերին:  Ավելի ուշ Հիկոքսը պարզաբանեց, որ ամուսնու և իրենց ընտանի կենդանիների հետ ամեն ինչ լավ է:

Աղբյուր՝ gazeta.ru

22:08 Աշխարհում
«Բըրնլին» պատրաստ է 12 միլիոն եվրո վճարել Ազմունի համար

Սերդար Ազմունը կարող է կարիերան շարունակել Անգլիայի Պրեմիեր լիգայում: Իրանցի հարձակվողի ծառայություններով հետաքրքրված է «Բըրնլին»: Պրեմիեր լիգայում վերջին՝ 20-րդ տեղը զբաղեցնող ակումբը հարձակումն ուժեղացնելու ուղիներ է փնտրում:

Աղբյուր՝ vesti.ru

18:06 Աշխարհում
Լավրովը հորդորել է Բլինքենին ազդել Ուկրաինայի վրա

Ռուսաստանի արտգործնախարար Սերգեյ Լավրովը կոչ է արել ԱՄՆ պետքարտուղար Էնթոնի Բլինքենին օգտագործել իր ազդեցությունը Կիևի վրա՝ խելքի բերելու համար: «Ես նրան ևս մեկ անգամ հորդորել եմ վճռական ազդեցություն գործադրել Կիևի ռեժիմի վրա՝ ստիպելու նրան խելքի գալ և դադարեցնել այդ կարևորագույն փաստաթղթի (մինսկյան համաձայնագրերի) սաբոտաժը», - ասել է Լավրովը ԱՄՆ պետքարտուղարի հետ հանդիպումից հետո։

Աղբյուր՝ ria.ru

17:45 Հայաստան
ՀՀ ՔՏՀԱ տեսչական մարմնի կողմից հունվարի 17-21-ը մայրաքաղաքում իրականացված վերահսկողական աշխատանքների արդյունքները

Հունվարի 21-ին վերահսկողական աշխատանքներ են իրականացրել Երևանի Դավթաշեն և Արաբկիր վարչական շրջանով ուղևորափոխադրում իրականացնող 37 տրանսպորտային միջոցներում: Հայտնաբերվել է 1 խախտում, որի հիմքով կազմվել է վարչական արձանագրություն: Անցած 5 օրվա ընթացքում մայրաքաղաքի քաղաքանրային տրանսպորտում ընդհանուր առմամբ հայտնաբերվել է հակահամաճարակային կանոնների  խախտման 18 դեպք:

Աղբյուր՝ ՀՀ ՔՏՀԱ տեսչական մարմին  

17:25 Աշխարհում
ԻԼԻՊ-ի գրոհայինները քնած ժամանակ սպանել են 11 իրաքցի զինվորի

Իրաքի անվտանգության ուժերի պաշտոնյաների վկայությամբ՝ «Իսլամական պետություն» ահաբեկչական խմբավորման ենթադրյալ զինյալները հարձակվել են Դիյալա նահանգում գտնվող իրաքյան բանակի զորանոցի վրա և սպանել 11 զինվոր քնած ժամանակ: Աղբյուրները հայտնում են, որ հարձակումը տեղի է ունեցել ուրբաթ վաղ առավոտյան ալ-Ազիմ լեռնային շրջանում:

Աղբյուր՝ aljazeera.com

17:02 Աշխարհում
Ռոբերտ Փեթինսոնի մասնակցությամբ «Բեթմենը» կդառնա DC-ի ամենաերկար ֆիլմը

Մեթ Ռիվզի «Բեթմենը» պաշտոնապես կդառնա DC-ի ամենաերկարակ կոմիքսային ֆիլմը: Կինոժապավենի տևողությունը կլինի 2 ժամ 55 րոպե:

Աղբյուր՝ kulturomania.ru

16:31 Աշխարհում
Նաոմի Օսական դուրս մնաց Ավստրալիայի բաց առաջնության հետագա պայքարից

Գործող չեմպիոն Նաոմի Օսական դուրս մնաց Ավստրալիայի բաց առաջնությունից՝ ամերիկուհի Ամանդա Անիսիմովային պարտվելուց հետո: Ավստրալիայի բաց առաջնության կրկնակի չեմպիոն Օսական երեք սեթում պարտվել է ամերիկուհի Անիսիմովային՝ 4:6, 6:3, 7:6 (10:5) հաշվով:

Աղբյուր՝ cnn.com

16:25 Աշխարհում
Տիեզերքում առաջին կինոստուդիան և սպորտային արենան կկառուցվեն մինչ 2024 թվականը

Space Entertainment Enterprise-ը, որը կարտադրի տիեզերքի մասին Թոմ Քրուզի ֆիլմը, մինչև 2024 թվականը կկառուցի ՄՏԿ-ի լրացուցիչ մոդուլ՝ սպորտային արենայով և կինոստուդիայով: SEE-1 կոչվող մոդուլը նախատեսված կլինի կինոյի, հեռուստատեսության և սպորտային իրադարձությունների, ինչպես նաև արվեստագետների, պրոդյուսերների և ստեղծագործողների համար:

Աղբյուր՝ daily.afisha.ru

15:57 Աշխարհում
Դեմբելեի գործակալը կփորձի բանակցել «Բարսելոնայի» հետ պայմանագրի երկարաձգման շուրջ

«Բարսելոնայի» հարձակվող Ուսման Դեմբելեի գործակալ Մուսա Սիսոկոն հաջորդ շաբաթ կհանդիպի կատալոնական ակումբի ներկայացուցիչների հետ, հայտնում է Diario Sport-ը: Աղբյուրի տեղեկություններով՝ Սիսոկոն կփորձի կարգավորել իրավիճակը` կապված 24-ամյա ֆրանսիացու հետ, ով հեռացվել էր թիմից՝ կատալոնական ակումբի հետ պայմանագիրը երկարաձգելուց հրաժարվելու պատճառով:

Աղբյուր՝ sport-express.ru

15:28 Աշխարհում
Մեծ Բրիտանիայում արգելվել է գովազդը, որտեղ աղջիկը գլխիվայր կախված պանիր է ուտում

Մեծ Բրիտանիայի գովազդի կարգավորող մարմինն արգելել է հեռուստատեսային գովազդը, որում վեց և ութ տարեկան երկու աղջիկներ են, որոնք գլխիվայր կախված են ֆուտբոլի դարպասաձողից և քննարկում էին, թե ուտելիքը ուր է գնում, երբ գլխիվայր կախված ես: Այնուհետև աղջիկներից մեկը մի կտոր Dairylea պանիր է ուտում: Ըստ կարգավորող մարմնի՝ գովազդային հոլովակը կարող է առաջացնել վարքագիծ, որը հնարավոր է հանգեցնի խեղդամահության:

Աղբյուր՝ reuters.com

15:05 Աշխարհում
Կյանքից հեռացել է ամերիկացի ռոք երգիչ և դերասան Միթ Լոուֆը

«Bat Out of Hell» ալբոմով մեծ ճանաչման հասած Միթ Լոուֆը մահացել է 74 տարեկան հասակում: Նրա ֆեյսբուքյան էջում տարածված հայտարարության համաձայն՝ կյանքի վերջին 24 ժամերիի արտիստի կողքին են եղելկինը, դուստրերը՝ Փերլը և Ամանդան, և մտերիմ ընկերները: Հայտարարության մեջ մահվան պատճառ չի նշվում:

Աղբյուր՝ france24.com

Տեսանյութեր

Ռուբեն Ռուբինյանը խորհրդակցել է նախկինում Թուրքիայի հետ բանակցողների հետ
13:21 18/01/2022

Ռուբեն Ռուբինյանը խորհրդակցել է նախկինում Թուրքիայի հետ բանակցողների հետ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}