Ձեր վստահելի աղբյուրը

 «Երեկ հեռուստաբանավեճի ժամանակ մեղմ ասած Պետրոս Ղազարյանը ստեց, երբ ասաց, որ «Ազատ Հայրենիք» դաշինքը մերժել է եզրափակիչ բանավեճին մասնակցելու հրավերը, մերժումը եղել է Հանրային հեռուստաընկերության կողմից, այլ ոչ թե մեր կողմից»,-«Տեսակետ»  մամուլի ակումբում հայտարարեց «Ազատ Հայրենիք» դաշինքի վարչապետի թեկնածու Անդրեաս Ղուկասյանը և հավելեց, որ իրենք հայտարարություն էին տարածել, որ այդ բանավեճին պետք է մասնակցեր ինքը:

Նա մեղադրեց Հ1-ին ամփոփիչ բանավեճը տապալելու մեջ, քանի որ բազմաթիվ դաշինքներ բացակայում էին և  զրկվեցին իրենց տեսակետը հայտնելուց, ընտրողին կողմնորոշելու հնարավորությունից:

«Ես համոզված եմ, որ այն արվել է դիտավորյալ՝ Նիկոլ Փաշինյանի համար ավելի բարենպաստ պայմաններ ստեղծելու համար»,-ասաց Անդրեաս Ղուկասյանը և ընդգծեց, որ մինչ այդ էլ Ռոբերտ Քոչարյանն էր մերժել  Ա1+-ի բանավեճի հրավերը, որին մասնակցում էր ինքը, իսկ ՀԱԿ-ը մերժել էր info.com կայքի հրավերը:

Այդ ամենը, ըստ նրա, խոսում է այն մասին, որ նախընտրական արշավի ժամանակ խնդիր էր դրված իրավիճակը ներկայացնել միայն նախկինների և ներկաների միջև պայքար և հիմանկան խնդիրը՝ արցախյան երրորդ պատերազմի մեղավորների բացահայտումը՝ լուսանցքից դուրս թողնելով մյուս հարցերը, ստեղծված իրավիճակից դուրս գալու ուղիները:

Նա հայտնեց, որ քաղաքացիների հետ հանդիպման ժամանակ վեր են հանել նրանց հուզող երեք հարց՝ անվտանգությունը, Արցախի խնդրի լուծումը և տնտեսական զարգացումը:

«Որևէ աշխարհաքաղաքական պայմաններ՝ ունենալու անվտանգություն տարածաշրջանում խաղաղության, անվտանգության դիրքերից, հնրավոր չէ»,-ընդգծեց Անդրեաս Ղուկասյանը և հիմնավորեց, որ Էրդողանի և Փաշինյանի նման հայտարարությունները պոպուլիստական են:

«Ազատ Հայրենիք» դաշինքի ներկայացուցչի խոսքով, քանի դեռ Իլհամ Ալիևը Ադրբեջանում զավթել է իշխանությունը, տարածաշրջանում խաղաղություն չի կարող լինել և որևէ իրական հիմք չկա այդ ռեժիմի հետ համագործակցության:

Ղուկասյանի կարծիքով Հայաստանը պետք  է հանդես գա բանակի հզորացման դիրքերից և այն պետք է եվրոպական միջազգային չափանիշներով անի:

«Մենք առաջարկեցինք և պնդում ենք, որ մինչև այս տարվա վերջ հնարավոր է կնքել Ֆրանսիայի հետ ռաղմաքաղաքական համագործակցության վերաբերյալ  պայմանագաիր, որը հնարավորություն կտա այդ խնդիրն արագ լուծել»,- հայտարարեց Անդրեաս Ղուկասյանը:

Նրա խոսքով՝ ՌԴ-ն և ՀԱՊԿ-ը Հայաստանի անվտանգության հարցում ձեռնպահ մնացին, քանի որ ըստ երկկողմ պայմանագրի 102-րդ ռազմաբազան սահմանի խախտման դեպքում պետք է անցներ Հայաստանի հրամանատարության ներքո և համարժեք գործողություններ աներ, ինչը չարվեց:

Ըստ Անդրեաս Ղուկասյանի, սա ազդակ է, որ պետք է վերանայվի Հայաստանի անվտանգության հիմնադրույթը. իսկ մեր շահերը համընկնում են Ֆրանսիայի և եվրոպական երկրների շահերի հետ:

Նա  հյատարարեց, որ նման իրավիճակում Հայստանը չի արձագանքել ֆրանսիայի առաջարկներին:

Նա համոզմունք հայտնեց, որ Արցախի հարցում ո՛չ Ադրբեջանը, ո՛չ Թուրքիան չեն կարող լինել Մինսկի կոնֆերանսի գործընթացի մասնակից և պետք է զրկվեն Արցախի կարգավիճակը որոշելու իրավունքից, քանի որ խախտել են կարևոր՝ ուժի չկիրառման սկզբունքը:

Ղուկասյանի խոսքով խնդիրը լուծելու համար անհրաժեշտ է օգտագործել ՄԱԿ-ի հարթակը և պետք է դիմել ՀԱԱԳԱ-ի դատարան ճանաչելու Արցախի ժողվորդի ինքնորոշման իրավունքը, որի նախադեպը կա Կոսովոյի դեպքում:

Անդրադառնալով տնտեսական խնդիրներին ՝ «Ազատ Հայրենիք»  դաշինքի ղեկավարը շեշտեց, որ պետք է արտադրությունը վերականգնվի, քաղաքժինական միջավայրի վերակառուցվի ժամանակակից պահանջներով և բնությունը պահպանվի: