Արա Սաղաթելյան. Երեկ մարդիկ հրապարակում էին, որովհետև նրանց սպառնացել էին, այսօր մարդիկ եկել են, որովհետև նրանց հետաքրքիր է
«Թեև քարոզարշավը տևեց ավելի կարճ, կարծում եմ, քաղաքացիները տեղեկացված ընտրություն կատարելու հնարավորություն ունեն, որովհետև քաղաքացիների գերիշխող մեծամասնությունը տեղյակ է երկրում տիրող իրավիճակից, հասկանում է, որ այս իշխանություններից պետք է օր առաջ ազատվել»,- Հանրապետության հրապարակում «Հայաստան» դաշինքի հանրահավաքի ընթացքում Tert.am-ի հետ զրույցում ասել է ԱԺ աշխատակազմի նախկին ղեկավար-գլխավոր քարտուղար Արա Սաղաթելյանը։
Նրա խոսքով, քարոզարշավի ընթացքում ընդդիմությունը ներկայացրեց իր տեսլականը, որը շատ պարզ է այս իրավիճակում, երբ պետական համակարգից մնացել են փլատակներ։
«Փաստացի կատարված չեն նոյեմբերի 9-10-ի փաստաթղթի կետերը և դրանք պետք է կատարվեն, փաստացի մեր երկրի պետական ինստիտուտները կաթվածահար են, ամեն ինչ, ինչ հնարավոր էր քանդել և փչացնել, փչացած է»,- ասել է Արա Սաղաթելյանը։
Նա նշել է, որ յուրաքանչյուր քաղաքական ուժ, որը ներկայանում էր որպես ընդդիմություն, ցույց տվեց այն ուղիներն ու ճանապարհները, թե ինչպես, ինչ միջոցներով, ինչ ժամկետներում կարող են վերականգնել պետությունը որպես այդպիսին և պետության ներկայացված լինելը որպես միջազգային հարաբերությունների սուբյեկտ, նորմալ գործընկեր միջազգային գործընկերների համար։
Ինչ վերաբերում է Նիկոլ Փաշինյանի մեսիջներին, որոնք նա փոխանցում է հասարակությանը, ըստ Արա Սաղաթելյանի, դրանք հիվանդ, իրականության հետ կապ չունեցող, մարդկանց խաբող, սուտասան, անպատասխանատու մարդու կողմից հնչեցվող տեքստեր են, այն հաշվարկով է, թե լսարանը կարող է դրա ազդեցության տակ դիրքորոշում ընդունի։
«Ատելության խոսքի տրադիցիան մեր երկրում ներդրվել է Փաշինյանի և նրա կողմից ներկայացվող քաղաքական ուժի կողմից։ Դա է դարձել մեզ մոտ քաղաքական կուլտուրա։ Այսինքն, եթե նկատում ենք քարոզարշավի ընթացքում ինչ-որ բաներ, որոնք առաջ մեր ականջին սովոր չէին, պետք է հասկանանք, որ եթե Փաշինյանը խոսում է այդ լեզվով, ստիպված պատասխանում են այդ լեզվով»,- ասել է ԱԺ աշխատակազմի նախկին ղեկավար-գլխավոր քարտուղարը։
Նա ավելի քան վստահ է, որ հաջողություն չի ունենալու Փաշինյանը, բայց, իհարկե, կան ինչ-որ մոլորյալների զանգված, նաև վարչական ռեսուրս, որը շատ ուժեղ կիրառվեց երեկ. «Երեկ մարդիկ այստեղ էին, որովհետև նրանց հարկադրել էին, սպառնացել, ստիպել։ Իսկ այսօր այստեղի մարդկանց դեմքերից պարզ է, որ այստեղ են, քանի որ իրենց հետաքրքիր է»։
Արա Սաղաթելյանի խոսքով, կարևոր է ապագայում այդ մոլորյալներին կրթելը, այդ վիճակից դուրս բերելը։ Նրա կարծիքով, դա այն կարևոր գործերից է, որ պետք է արվի ընտրություններից հետո, երբ Փաշինյանն ու նրա թիմը կվերանան երկրի ղեկավար պաշտոններից։
Հարակից հրապարակումներ`
- Շատ կարևոր է, որ կարողանանք վերականգնել համերաշխությունը, հանրային էթիկան. Արա Սաղաթելյան
- Արա Սաղաթելյան. Օգնեք մեր երկիրն ազատել այս գարշահոտող քաղաքական դիակից
- Թուլանալով ներսից՝ մենք թույլ ենք լինում նաև դրսի հարձակումների պարագաներում. Արա Սաղաթելյան
- Սուբյեկտայնություն և ներքին լեգիտիմություն չունեցող կապիկը չպետք է ղեկավարի այս երկիրը. Արա Սաղաթելյան
- Նիկոլ Փաշինյանը չունի ներքին լեգիտիմություն, քանի որ բոլոր կառույցները պահանջել են նրա հրաժարականը. Արա Սաղաթելյան
Լրահոս
Տեսանյութեր
Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները