Ձեր վստահելի աղբյուրը

Երևանի ավագանու նիստում «Իմ քայլը» խմբակցությունից  Գայանե Եղիազարյանը հայտարարեց, որ Աջափնյակում տեղի է ունենում զանգվածային ապօրինի շինարարություն:

«Եթե նախորդ անգամներն այդ ամեն ինչը կատարվում էր ոչ աշխատանքայինն օրերին, արդեն աշխատանքային օրերին մարդիկ հանդգնում են ապօրինի կրպականեր, խանութներ տեղադրել կանաչ գազոնի մեջ»,- ասաց նա՝ հավելելով, թեև շատ է բարձրացվել այս հարցը, մշտապես լսվել է պատասխաններ օրենքի բացի մասին:

Դիմելով նիստը վարող Երևանի քաղաքապետ Հայկ Մարությանին՝ ավագանու անդման ասաց. «Երեք տարի է ինչ ղեկավարում եք քաղաքապետարանը, մենք ավագանու անդամներ ենք և այս օրենքը դեռևս բաց է: Ավագանունը վերահսկողական գործառույթն է, հաստատել քաղաքապետի բերած օրենքի փոփոխությունները, բյուջեի փոփոխությունները,  հաստատել կամ չհաստատել բյուջեն,  և այլն: Ավագանին հայեցողական պաշտոն է, հետևաբար շատ ավագանիներ աշխատում են, իրենց հիմնական  աշխատանքն ունեն, չունեն ժամանակ, որ պետք է նստեն, օրենքներ գրեն քաղաքապետարանի գործունեությունն  ավելի լավացնելու համար:

Քաղաքապատերն ունի վարչություններ, իրավաբանական վարչություն,  որը երեք տարում պարտավոր էր այս օրենքի բացը լրացնել: Պատճանաբանում եք, թե դիմում եք կառավարություն, ԱԺ, ձգձգում են, հետաձգում են, ոչ մի բան չեն անում:

Քաղաքապետարանի համապատասխան բաժինները, վարչությունները, եթե կա օրենքի բաց, պետք է օրուգիշեր տքնաջան աշխատեն, օրերն անցկացնեն կառավարության, ԱԺ պատգամավորների սենյակներում, բայց հասնեն այն փոփոխությանը, որն ակնկալում են: Երեք տարի է  այս ուղղությամբ ոչինչ չի արվել, ու անընդհետ փոխադարձ մեղադրանքներ են, ինչի՞ համար:

Սա անթույլատերլի ու աններելի եմ համարում: 3 տարի է այս հարցը չլուծեցինք: Ո՞ւր ենք գնալու այս ձևով»,- ասաց ավագանու անդամը:

Նա նշեց, որ երբ խոսում է վարչական շրջանի ղեկավարի հետ, օրենքից դուրս  չի ուզում ոչինչ անել. «Այսինքն չկա՞ օրենքում մի կետ, որ պաշտպանում է  համայնքային հողերը:  Վախենում են դատվելուց: Ինչի համար են իրենք վարչական շրջանի ղեկավարներ, եթե իրենք չպետք է պաշտպանեն համայնքի հողը, իրենց պարտականության ու  լիազորության մեջ է  մտնում պաշտպանել առաջին հերթին  համայնքի սեփականությունը:

Եթե պետք է մենակ տանիքներ վերանորոգեն, կոմունալ հարցերով զբաղվեն, ուրեմն վարչական շրջանի աշխատակազմերը փակենք, հիմնենք համատիրություններ, իրեն հատկացրած տարածքում կկատարեն այդ աշխատանքները»:

Հ. Մարությանը  նախ արձագանքեց այն հայտարարությանը, թե ավագանու անդամները ժամանակ չունեն զբաղվել քաղաքապետարանին վերաբերող հարցերով:

«Կներեք՝ ժամանակ չունեք, վայր դրեք ձեր մանդատը, թող գան այն մարդիկ, ովքեր ժամանակ ունեն դրանով զբաղելու: Ավագանու հիմնական աշխատանքերից է օրենսդրական փոփոխությունների վրա  աշխատելը»:

Նա նաև ասաց. «Ամբողջ քաղաքապետարանն օրենքի դուրս չի գործելու: Մենք գործում ենք և միշտ գործելու ենք օրենքի սահմաններում: Այդպես է լինելու:

Իմ քաղաքապետ գալուց ամիսներ անց օրենքի մշակված  նախագիծն ուղարկվել է կառավարությունը, որը նախատեսում է, որ համայնքային և պետական հողի վրա այսուհետ ոչ մի ինքնակամ շինություն չի օրինականացվելու:

Սա հստակ նախագիծ էր, որը կանգնեցնելու էր ապօրինի շինարարությունը ամբողջ Հայաստանում: Այդպես էլ այդ որոշումը չի ընդունվել: Ես չգիտեմ պատճառները»,- ասաց Երևանի քաղաքապետը:

Հ. Մարությանը նշեց, որ վարչական շրջանների ղեկավարներ կան, ովքեր ստիպված են եղել քանդել շինությունները և նրանց դեմ հարուցված է քրեական գործ:

«Գործում են հատուկ կրիմինալ խմբավորումներ, որոնք սխեմաներով են գործում: Այդ սխեմաներում կան մարդիկ, որոնք բոլոր օղակներով աշխատում են՝ սկսած տարբեր տիպի պետական մարմիններից, վերջացրած դատարաններով:

Մենք ունեցել ենք դեպքեր, որոնք տեղի են ունեցել գիշերը: Մեր աշխատակիցներից 8 հոգի և 3 ոստիկան ներկա են եղել այդպիսի մի կրպակի տեղադրմանը: Կրպակի տեղադրմանը մասնակից են եղել 40-50 հոգի մարդ, զինված են եղել տարբեր տիպի մահակներով, դանակներով, մեր աշխատակիցներն ու ոստիկանները փորձել են կանխել, բայց ուղղակի չեն կարողացել կանգնեցնել: Դա եղել է 7-8 օր առաջ:

Ինձ զեկուցել են, որ ընտրությունների օրը 5 կրպակ  է տեղադրվել, որոնցից երկուսը ոստիկանների ներկայությամբ: Քանի որ ոստիկանական ուժեր չկային, զբաղված էին ընտրությունների անցկացման ապահովմամբ, չեն կարողացել դրա դեմն առնել:

Սա մեծ, համակարգային, օրենսդրական, ուժայինների հետ կապված հարց է և այն մարդիկ, որոնք օրենքը խախտել են, շուտով շատ հստակ իրենց վրա կզգան օրենքի ամբողջ ուժը: Գործողությունները չեն ուշանալու»,-ասաց քաղաքապետը: