Սա կոչվում է մասնագիտական ոչնչացում. Էրիկ Ալեքսանյանը ՝ ՀՔԾ-ի հայտարարության մասին
Հայտնի բժիշկ Արմեն Չարչյանի փաստաբան Էրիկ Ալեքսանյանն անդրադառնալով ՀՔԾ-ի հայտարարությանը, գրում է, որ սա մասնագիտական ոչնչացում է։
«Ծանոթացա ՀՔԾ-ի հայտարարությանը։ Հարգելի ՀՔԾ հասկանում եմ, որ ես բռնել եմ Ձեր այս գործի ելքին անխուսափելիորեն ազդող սխալը և Դուք հիմա հոգեվարքի մեջ եք, բայց ամեն ինչ լավ է լինելու՝ մի հուզվեք։ Իսկ այժմ իրավաբանությունից։ Ուրեմն ՀՀ քրեական դատավարության օրենսգիրքը չի նախատեսում քրեական գործ հարուցելու առիթի «հասկացությունը», սակայն դատավարագիտության մեջ առավել քան ընդունված է այն մոտեցումը, որ այն օրենքով նախատեսված ԱՂԲՅՈԻՐԻՑ քրեական հետապնդման մարմիններին հանցագործության մասին հասու դարձած տեղեկություններն են, որոնց թվում մտնում է նաեւ ՀՔԾ-ի կողմից նշված՝ վարույթն իրականացնող մարմնի իր լիազորությունների իրականացման արդյունքում հայտնաբերված հանցագործության մասին տվյալներն են։
Նկատի ունենալով, որ ՀՔԾ-ն նշում է, որ համապատասխան զեկուցագրի հիման վրա նյութեր են նախապատրասվել, որի արդյունքում հարուցվել է քրեական գործը, հարկ եմ համարում անդրադառնալ հատկապես այդ զեկուցագրին եւ հնարավորինս մատչելի ձեւով բացատրել թե որն է այդտեղ ՀՔԾ-ի սխալը։ Քրեական գործում առկա զեկուցագիրը կազմել է ՀՔԾ մամուլի ծառայության աշխատակիցը, ով չէր կարող հանցագործության հատկանիշների հայտնաբերման վերաբերյալ զեկուցագիր կազմել, քանզի նախ ՀՔԾ մամուլի ծառայության աշխատակիցը քրեադատավարական հարաբերութունների սուբյեկտ չէ, ուստի և չունի օպերատիվ-հետախուզական կամ վարչաիրավական գործառույթներ, որոնց իրականացմամբ միայն հնարավոր կլիներ հայտնաբերել հանցանքի նյութական հետքերը եւ որից հետո միայն հնարավոր կլիներ կազմել զեկուցագիր այն քննիչին փոխանցելու համար։
Մինչդեռ տվյալ դեպքում հիշյալ զեկուցագիրը ոչ միայն կազմվել է ոչ պատշաճ սուբյեկտի կողմից, այլեւ դրանում արտացոլված է ոչ թե օպերատիվ-հետախուզական միջոցառումների եւ/կամ վարչաիրավական գործառույթների արդյունքները, այլ բացառապես «Բաղրամյան 26» տելեգրամյան ալիքով տարածված ձայնագրություն, ինչն իրենից ներկայացնում է անհայտ, ոչ հավաստի աղբյուր, որն էլ հենց փաստացի ոչ օրինական առիթ է հանդիսացել քրեական գործ հարուցելու համար։ Կարծում ենք այսքանը բավարար է ՀՔԾ-ի համար պարզապես լռելու»,- գրել է նա։
Հարակից հրապարակումներ`
- Կոչ ենք ՀՔԾ-ին վերադառնալ իրավական դաշտ․ Չարչյանի փաստաբաններ
- Պրոֆեսոր Չարչյանի ընդունարանի դիմաց այսօր 30 հոգի նստած նրան էին սպասում. Բժշկականի դասախոս
- Բժիշկները պահանջում են ազատ արձակել պրոֆեսոր Արմեն Չարչյանին
- ՀՔԾ-ն Չարչյանի պաշտպաններին ուղղված կոչ է հրապարակել
- Չարչյանի պաշտպան. Անկեղծ ժպիտով եմ վերաբերվում դատախազության այս հայտարարությանը
- Խայտառակ քաղաքական հետապնդման ավարտը լինելու է. Արմեն Չարչյանի պաշտպան
- Դատախազությունն արձագանքել է Արմեն Չարչյանի պաշտպաններին
- Արմեն Չարչյանին կալանավորելու դատարանի որոշման դեմ վերաքննիչ բողոք է ներկայացվել
- Ժամը 17։00-ին դատախազության դիմաց տեղի կունենա բողոքի ակցիա՝ ի աջակցություն Արմեն Չարչյանի
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին