«Մարդը բարձրագույն արժեք է». լուսանկարների ցուցադրություն
«Հոդված 3» ակումբում կայացել է պատերազմի վավերագրում ՝ «Մարդը բարձրագույն արժեք է» խորագրով լուսանկարների ցուցադրությունը։
«Պատերազմը ջնջեց բոլոր սահմաններն ու կանոնները, մարդու իրավունքների բոլոր հռչակագրերն ու հայեցակարգերը խախտվեցին, ջնջվեցին 44 օր և անդին...
Մարդը վերածվեց թշնամանքի ու ատելության ամենաանպաշտպան թիրախի։ Մարդը հերոսացավ, մինչդեռ պարզապես պետք է ապրեր ու լիներ պետության բարձրագույն արժեքը։ Մենք որպես իրավական պետություն սա էինք հռչակել։
Աշխարհը մտահոգություն էր հայտնում, մենք հաղթում էինք ու բոլորս բոլորից թաքուն խաղաղություն էինք աղոթում։
Մարդը հերոսանում էր, օբյեկտայնացվում ու ջնջվում էին գրված կանոնները. հերոսներ, անհայտ կորածներ, գերիներ, վիրավորներ, սպասում, կարոտ, երազանք, կորսված հույսեր, չխոստովանած սերեր․․․
Մարդը բարձրագույն արժեք Է, մարդու և քաղաքացու հիմնական իրավունքների և ազատությունների հարգումն ու պաշտպանությունը հանրային իշխանության պարտականություններն են»,- նշված է ակումբի հաղորդագրությունում։
«Մարդը բարձրագույն արժեք է» ցուցադրության լուսանկարիչներն են ՝ Արեգ Բալայանը, Նազիկ Արմենակյանը, Նարեկ Ալեքսանյանը, Նելլի Շիշմանյանը Վաղինակ Ղազարյանը և Փիրուզա Խալափյանը։
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում