Լրահոս

ԿԱՐՃ ԼՈՒՐԵՐ

19:07 Աշխարհում
Բուրկինա Ֆասոյում ամբոխը տոնում է Արևմտյան Աֆրիկայի վերջին հեղաշրջումը

Ավելի քան 1000 մարդ երեքշաբթի հավաքվել է Բուրկինա Ֆասոյի մայրաքաղաք Ուագադուգուում՝ ի պաշտպանություն հեղաշրջման, որը նախօրեին պաշտոնանկ արեց նախագահ Ռոշ Կաբորեին, ցրեց կառավարությունը, կասեցրեց սահմանադրությունը և փակեց սահմանները:

Աղբյուր՝ france24.com

18:58 Աշխարհում
Լիտվայում վաճառքի կհանվի ԿՀՎ գաղտնի բանտը

Վիլնյուսի իշխանությունները մտադիր են վաճառքի հանել ԿՀՎ գաղտնի բանտը, որտեղ պահվել են ահաբեկչության մեջ կասկածվողներ: Նշվում է, որ Լիտվայի կառավարությունը չի պատրաստվում ԿՀՎ-ի նախկին կառույցը վերածել թանգարանի:

Աղբյուր՝ vesti.ru

18:21 Աշխարհում
Թաիլանդն առաջինն է Ասիայում, որ ապաքրեականացրեց մարիխուանան

Երեքշաբթի Թաիլանդը դարձավ Ասիայի առաջին երկիրը, որը հավանություն տվեց մարիխուանայի փաստացի ապաքրեականացմանը, թեև իշխանությունները անորոշ իրավիճակ են թողել հաճույքի համար դրա օգտագործման շուրջ: Առողջապահության նախարար Անուտին Չարնվիրակուլը հայտարարել է, որ Թմրամիջոցների վերահսկման խորհուրդը հավանություն է տվել նախարարության կողմից վերահսկվող դեղերի ցանկից կանեփը հանելուն:

Աղբյուր՝ apnews.com

17:37 Աշխարհում
Չինացիները ստիպել են ծովաձիուկներին դավաճանել իրենց զուգընկերներին

Փորձի ժամանակ կենսաբանները արու և էգ ծովաձիուկներին տեղավորել են ակվարիումում և սերունդ ստանալուց հետո արուներին 4 օր տեղավորել մեկ այլ ռեզերվուարում, իսկ նրա փոխարեն ավելացրել են ուրիշը, որը էգի հետ նոր զույգ է կազմել: Փորձն իրականացվել է մի քանի անգամ, որից հետո էգը հայտնվել է նույն ակվարիումում՝ տարբեր արուների՝ նախկին և վերջին զուգընկերների հետ: Տարբեր զույգերի հետ անցկացված 24 փորձերից գրեթե ոչ մեկում էգերը համակրանք չեն ցուցաբերել իրենց սկզբնական զուգընկերոջ նկատմամբ:

Աղբյուր՝ gazeta.ru

16:58 Աշխարհում
Բոբ Դիլանը իր ձայնագրությունների իրավունքները վաճառել է «Sony Music» ընկերությանը

Ամերիկացի երաժիշտ Բոբ Դիլանն իր երաժշտության ողջ կատալոգի, ինչպես նաև մի քանի ապագա թողարկվելիք գործերի իրավունքները վաճառել է «Sony Music» ընկերությանը, որով զգալի ընդլայնվում է SME-ի վաթսունամյա հարաբերությունները արտիստի հետ: Variety-ի աղբյուրի տեղեկություններով՝ գործարքի արժեքը կազմել է 150-200 միլիոն դոլար: Ընկերությունն ու Դիլանը հրաժարվել են այդ թեմայով մեկնաբանություն տալ:

Աղբյուր՝ variety.com

16:29 Աշխարհում
Բոլիվուդյան աստղի վրայից հանվել են Ռիչարդ Գիրի համբույրի պատճառով առաջադրված մեղադրանքները

Հնդիկ դերասանուհի Շիլպա Շեթին պաշտոնապես ազատվել է անպարկեշտության մեղադրանքից՝ կապված հոլիվուդյան աստղ Ռիչարդ Գիրի հետ, որը 15 տարի առաջ հրապարակայնորեն համբուրել էր նրան ՁԻԱՀ-ի դեմ պայքարի իրազեկման միջոցառման ժամանակ: Դեպքից հետո արմատական հինդու խմբերը այրել էին երկու հայտնիների խրտվիլակները՝ ի նշան բողոքի հնդկական արժեքների նկատմամբ վիրավորանքի դեմ: Շեթիի դեմ հարուցված գործը Հնդկաստանում քննվեց ավելի քան մեկ տասնամյակ:

Աղբյուր՝ france24.com

16:07 Աշխարհում
Ռոնալդուի աշխատավարձը կկրճատվի, եթե «Մանչեսթեր Յունայթեդը» չհասնի Չեմպիոնների լիգա

Եթե «Մանչեսթեր Յունայթեդը» չկարողանա տեղ ապահովել Անգլիայի Պրեմիեր լիգայի լավագույն քառյակում և նվաճել Չեմպիոնների լիգայի ուղեգիր, ապա ղեկավարությունը կսկսի խնայողություններ անել: Այդ դեպքում մենաշատը կտուժի «կարմիր սատանաների» գլխավոր աստղ Կրիշտիանու Ռոնալդուն: Պորտուգալացի ֆուտբոլիստի աշխատավարձը կկրճատվի 25%-ով:

Աղբյուր՝ korrespondent.net

15:54 Աշխարհում
Տոնգայի ժայթքումը հարյուրավոր անգամ ավելի հզոր էր, քան Հիրոսիմայի ատոմային ռումբը. ՆԱՍԱ

ՆԱՍԱ-ի Գոդարդի տիեզերական թռիչքների կենտրոնի գլխավոր գիտնական Ջիմ Գարվինը հայտնել է, որ հունվարի 15-ին գրանցված ժայթքման  ժամանակ Հունգա-Տոնգա-Հունգա-Հաապայ ստորջրյա հրաբխի «մեխանիկական էներգիան հարյուրապատիկ անգամ գերազանցել է Հիրոսիմայի միջուկային պայթյունին»՝ հիշատակելով Երկրորդ համաշխարհային պատերազմի ժամանակ ԱՄՆ-ի կողմից Ճապոնիայի վրա գցված երկու ատոմային ռումբերից մեկը:

Աղբյուր՝ cnn.com

15:11 Աշխարհում
Չինաստանում փոխել են «Մարտական ակումբ» ֆիլմի ավարտը

Չինական տարբերակում ֆիլմն ավարտվում է ենթագրերով, որոնք հայտնում են, որ ոստիկանությանը, գլխավոր հերոսի օգնությամբ, հաջողվել է վնասազերծել ռումբերը, որից հետո Էդվարդ Նորթոնի կերպարը տեղափոխվում է հոգեբուժարան: Սակայն Pixies-ի Where Is My Mind երգի ներքո հայտնի տեսարանը հանդիսատեսին չեն ցուցադրվել: Նման ավարտը քննադատության ալիք է առաջացրել ամբողջ աշխարհում:

Աղբյուր՝ ren.tv

14:28 Աշխարհում
Բժիշկը նշել է կորոնավիրուսից հետո ամենավտանգավոր բարդությունները

Առողջական խնդիրները, որոնք առաջանում են կորոնավիրուսով վարակվելուց հետո, կապված են ընթացքի ձգձգվելու, ախտանիշների երկարատև պահպանման, ինչպես նաև հիվանդության հաղթահարումից հետո մի շարք աուտոիմուն պաթոլոգիաների զարգացման հետ այն մարդկանց օրգանիզմում, որոնց մոտ կա նախատրամադրվածություն դրնաց նկատմամբ: Այս մասին «Փրայմ» գործակալությանը հայտնել է Սանկտ Պետերբուրգի պետական համալսարանի ֆակուլտետային թերապիայի ամբիոնի վարիչ Ալեքսանդր Շիշկինը:

Աղբյուր՝ ria.ru

13:51 Աշխարհում
«Բարսելոնան» համաձայնության է եկել Ասպիլիկուետայի հետ՝ նրան ձեռք բերելու համար

«Բարսելոնան» պայմանավորվել է վարձավճարով ձեռք բերել «Չելսիի» պաշտպան Սեզար Ասպիլիկուետային ընթացիկ մրցաշրջանի ավարտից հետո: Այս մասին գրում է El Chiringuito TV-ն: Ֆուտբոլիստը կատալոնական ակումբին կմիանա ամռանը և պայմանագիր կկնքի 3 տարով՝ ևս մեկով երկարաձգելու հնարավորությամբ:

Աղբյուր՝ sport-express.ru

13:39 Աշխարհում
Ջո Բայդենը վիրավորել է Fox News-ի թղթակցին՝ գնաճի մասին հարցի համար

ԱՄՆ նախագահ Ջո Բայդենն, ըստ երեւույթին, չիմանալով, որ իր միկրոֆոնը միացված է, Fox News հեռուստաալիքի թղթակցին «շան որդի» է անվանել այն բանից հետո, երբ նա հարց է տվել իրեն գնաճի մասին: Երբ լրագրողները լքում էին սենյակը, Փիտեր Դուսին ԱՄՆ-ի ղեկավարին հարցրել Է. «Դուք կարծու՞մ եք արդյոք, որ գնաճը քաղաքական պատասխանատվություն Է միջանկյալ ընտրություններում»: «Ոչ, դա մեծ առավելություն է... ավելի շատ գնաճ: Այ քեզ հիմար շան որդի»,-ասել էր Բայդենը:

Աղբյուր՝ theguardian.com

13:25 Աշխարհում
Բորիս Ջոնսոնի ծննդյան տոնակատարությունը նոր սկանդալ է հրահրել

Մեծ Բրիտանիայի վարչապետը նոր ճնշումների է բախվել, երբ Դաունինգ Սթրիթում ընդունեցին, որ առաջին քովիդ արգելափակման ժամանակ անձնակազմը հավաքվել է վարչապետի նստավայրում՝ նշելու նրա ծննդյան օրը: Դաունինգ Սթրիթից հայտնել են, որ անձնակազմը «մի պահ հավաքվել է»՝ «շնորհավորելու վարչապետի ծննդյան տարեդարձը»՝ հավելելով, որ նա այնտեղ է եղել «10 րոպեից էլ քիչ ժամանակով»: Ըստ այդ ժամանակվա կանոնների՝ արգելվում էին փակ հավաքույթները,որոնք ներառում էին ավելի քան երկու անձ:

Աղբյուր՝ bbc.com

12:45 Աշխարհում
Էնդրյու Գարֆիլդը խոսել է իր կուռքի՝ Թոբի Մագուայերի հետ նկարահանվելու մասին

Էնդրյու Գարֆիլդը SiriusXM YouTube ալիքին տված հարցազրույցում պատմել է «Սարդ-Մարդ. Տունդարձի ճանապարհ չկա»-ի նկարահանումների մասին: Դերասանին վերջապես հաջողվելէ աշխատել իր կուռքի՝ Թոբի Մագուայերի հետ: «Ես մեծացել եմ այս դերում Թոբիին աստվածացնելով, և նա ինձ համար այդ կերպարի հսկայական մասն է», - ասել է Գարֆիլդը:

Աղբյուր՝ kulturomania.ru

12:24 Աշխարհում
Ինդոնեզիայի կարաոկե բարում տեղի ունեցած ծեծկռտուքի հետևանքով առնվազն 19 մարդ է մահացել

Առնվազն 19 մարդ է զոհվել Ինդոնեզիայի Արևմտյան Պապուայում կարաոկե բարում տեղի ունեցած հրկիզման հետևանքով՝ այդ շրջանում երիտասարդների մրցակից հանցախմբերի միջև տեղի ունեցած ծեծկռտուքի հետո: Այդ մասին երեքշաբթի հայտնել է նահանգի Սորոնգ քաղաքի ոստիկանությունը: Երեքշաբթի վաղ առավոտյան ծեծկռտուքի ժամանակ մեկ մարդ մահացու դանակահարվել է՝ նախքան միջոցառման վայրի հրկիզումը, որտեղ արգելափակված էր մնացել 18 մարդ:

Աղբյուր՝ cnn.com

11:42 Աշխարհում
Հյուսիսային Կորեան, ըստ երևույթին, թևավոր հրթիռներ է արձակել

Երեքշաբթի Հարավային Կորեայի շտաբի պետերի միացյալ կոմիտեն հայտնել է, որ Հյուսիսային Կորեան բալիստիկ հրթիռների մի շարք փորձարկումներից օրեր անց երկու թևավոր հրթիռ է արձակել ծով՝ իր արևելյան ափերի մոտ: Հարավային Կորեայի զինված ուժերը գնահատում են արձակումները՝ պարզելու արկերի բնույթը, ասվում է հաղորդագրության մեջ: Դա Հյուսիսային Կորեայի կողմից տարվա հինգերորդ հրթիռի փորձարկումն է:

Աղբյուր՝ reuters.com

11:25 Աշխարհում
Ձուկ, որի օգտագործումը քաղցկեղ է առաջացնում

Դեղագործ Հուսեյն Աբդեն խորհուրդ է տվել աղի ձուկ չուտել, քանի որ այն քաղցկեղ է առաջացնում: Աբդեի խոսքով՝ ձուկն աղելը՝ այն պահպանելու համար, հանգեցնում է կողմնակի նյութերի առաջացմանը, որոնք մեծացնում են քաղցկեղի հավանականությունը: Ինչպես նշել է բժիշկը, ցանկացած աղի, թթու և ապխտած մթերքից կա ստամոքսի և հաստ աղիքի քաղցկեղի առաջացման վտանգ:

Աղբյուր՝ ria.ru

10:59 Աշխարհում
Կամչատկայի հրաբուխները վտանգավոր են ինքնաթիռների համար

ՌԴ ԱԻՆ համառուսաստանյան գիտահետազոտական ինստիտուտը հայտնել է, որ Կամչատկայի երկրամասի Շիվելուչ և Կարիմսկայա Սոպկա հրաբուխները կարող են 15 կիլոմետրանոց մոխրի սյուներ արտանետել՝ վտանգ ներկայացնելով քաղաքացիական ինքնաթիռների համար: Այս մասին հաղորդվում է ինստիտուտի կայքում:

Աղբյուր՝ gazeta.ru

10:32 Աշխարհում
Աֆրիկայի ազգերի գավաթ. Կամերունի մարզադաշտում մահացու հրմշտոց է տեղի ունեցել

Հաղորդվում է, որ Կամերունում Աֆրիկայի ազգերի գավաթի խաղից դուրս տեղի ունեցած հրմշտոցի հետևանքով առնվազն ութ մարդ է զոհվել, տասնյակ մարդիկ վիրավորվել են: Ֆուտբոլասերների միջև պայքար է սկսվել՝ մայրաքաղաք Յաունդեի թաղամասում գտնվող Պոլ Բիյա մարզադաշտ մուտք գործելու համար: Առողջապահության նախարարության հաղորդագրության համաձայն մահացածների թվում կա մեկ երեխա:

Աղբյուր՝ bbc.com

10:14 Աշխարհում
Ամերիկյան կործանիչն ընկել է Հարավչինական ծովը

Վերջին սերնդի F-35 կործանիչը վթարի է ենթարկվել Հարավչինական ծովում՝ ԱՄՆ-ի Ռազմածովային ուժերի «Կարլ Վինսոն» ավիակրի վրա վայրէջք կատարելիս: Այդ մասին հայտնում է ԱՄՆ Խաղաղօվկիանոսյան նավատորմի մամուլի ծառայությունը: Օդաչուն կատապուլտով բարեհաջող դուրս է նետվել. նրան փրկել է ռազմական ուղղաթիռը:

Աղբյուր՝ ria.ru

10:00 Հայաստան
Երևանի քաղաքապետարանում կներդրվի «Mulberry» համակարգը

Ծառայությունների որակի բարելավման նպատակով Երևանի քաղաքապետարանում կներդրվի փաստաթղթաշրջանառության էլեկտրոնային «Mulberry» համակարգ: «Էլփաս» ծրագրի աշխատանքին զուգահեռ, հետևողական քայլեր կձեռնարկվենլ՝ նոր համակարգն արագորեն ներդնելու նպատակով:

Աղբյուր՝ Երևանի քաղաքապետարան 

18:00 Աշխարհում
«Սարդ-Մարդ. Տունդարձի ճանապարհ չկա»-ն դարձել է պատմության մեջ վեցերորդ ամենաբարձր եկամուտ ունեցող ֆիլմը

Կոմիքսների հիման վրա Sony-ի նկարահանած արկածային ֆիլմը հանգստյան օրերին 1,69 միլիարդ դոլարով դարձավ պատմության մեջ վեցերորդ ամենաբարձր եկամուտ ունեցող ֆիլմը համաշխարհային վարձույթում: Այդ տեղը ապահովելու համար այն գերազանցել է «Աշխարհը յուրայի դարաշրջանում» (1,67 միլիարդ դոլար) և «Առյուծ արքան» (1,66 միլիարդ դոլար) ֆիլմերին:

Աղբյուր՝ reuters.com

17:30 Աշխարհում
Անտոմս ուղևոր է հայտնաբերվել օդանավի անիվների խցիկում

Նիդեռլանդների ոստիկանությունը հայտնել է, որ Հարավային Աֆրիկայից Ամստերդամի «Սխիպհոլ» օդանավակայանում վայրէջք կատարած ինքնաթիռի անիվների հատվածում ողջ մարդ է գտնվել: Յոհանեսբուրգից Ամստերդամ թռիչքը տևում է մոտ 11 ժամ, իսկ բեռնատար ինքնաթիռը, ենթադրաբար, մեկ կանգառ է կատարել Քենիայի Նայրոբի քաղաքում: Երկար թռիչքների ժամանակ ճանապարհորդները շատ հազվադեպ են գոյատևում ցրտի և բարձր բարձրության վրա թթվածնի ցածր պարունակության պատճառով:

Աղբյուր՝ bbc.com

17:11 Աշխարհում
Մեսսին «ՊՍԺ»-ում գրանցում է իր ողջ կարիերայի վատագույն ցուցանիշները

Ֆրանսիայի առաջնության հերթական խաղում «Պարի Սեն Ժերմենը» գերազանցեց «Ռեյմսին» (4:0): Մայրաքաղաքային ակումբի արգենտինացի հարձակվող Լիոնել Մեսսին փոխարինման է դուրս եկել 63-րդ րոպեին և արդյունավետ գործողություններով աչքի չի ընկել: Լիգա 1-ի ընթացիկ ոչ-ոքիում խփած մեկ գոլով 34-ամյա հարձակվողն իր ամբողջ ֆուտբոլային կարիերայի ընթացքում գոլ խփելու վատագույն ցուցանիշով է աչքի ընկնում:

Աղբյուր՝ gazeta.ru

16:37 Արցախ
Արցախի 119 թեժ գծին անցած շաբաթվա ընթացքում ստացվել է 271 զանգ

Հունվարի 17-ից 21-ն ընկած ժամանակահատվածում բնակչությունը հիմնականում դիմել է վարկային պարտավորությունների կատարման ապահովմանը, նոր վարկերի տրամադրմանը, բնակարանային խնդիրների լուծմանը վերաբերող հարցերով: Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 105 հետզանգ:

Աղբյուր՝ Արցախի Հանրապետության նախագահի աշխատակազմ     

16:12 Աշխարհում
Բեռլինը չի մասնակցի Կիևին զենք մատակարարելու հնարավորության մասին շահարկումներին

Գերմանիայի կառավարությունը մտադիր չէ մասնակցել շահարկումներին, թե իրավիճակի ինչպիսի զարգացման դեպքում պատրաստ կլինի Կիևին զենք տրամադրել: Այս մասին երկուշաբթի օրը կայացած ճեպազրույցում հայտարարել է Նախարարների կաբինետի ներկայացուցիչ Քրիստիանե Հոֆմանը: Նրա խոսքով, կառավարությունը և հատկապես կանցլերն անում են ամեն ինչ, որպեսզի խուսափեն հակամարտության սրացումից:

Աղբյուր՝ tass.ru

15:45 Աշխարհում
Դատարանը Ասանժին թույլ է տվել վիճարկել ԱՄՆ արտահանձնման որոշումը

Լոնդոնի Գերագույն դատարանը թույլ է տվել WikiLeaks-ի հիմնադիր Ջուլիան Ասանժին բողոքարկել՝ իրեն ԱՄՆ արտահանձնել թույլատրող որոշումը: Տեղեկությունը հայտնում է WikiLeaks-ը: Ասանժի հարսնացուն՝ Ստելլա Մորիսը, ևս հաստատել է, որ դատարանը թույլ է տվել բողոքարկումը:

Աղբյուր՝ ria.ru

15:33 Աշխարհում
ՆԱՏՕ-ն ուկրաինական ճգնաժամի ֆոնին նավեր և ինքնաթիռներ է ուղարկում Արևելյան Եվրոպա

ՆԱՏՕ-ն երկուշաբթի հայտարարեց, որ պատրաստության վիճակի է բերում իր ուժերը և ուժեղացնում է Արևելյան Եվրոպան ավելի շատ նավերով և կործանիչներով՝ ի պատասխան Ուկրաինայի սահմանների մոտ Ռուսաստանի ռազմական կուտակումների:

Աղբյուր՝ reuters.com

15:19 Աշխարհում
Ամերիկա-ճապոնական զորավարժություններից հետո Չինաստանը Թայվան է ուղարկում 39 ռազմական ինքնաթիռ

Թայվանի ՀՕՊ տեսանելի գոտում թռիչք է կատարել Չինաստանի ժողովրդա-ազատագրական բանակի ավիախումբը՝ բաղկացած 39 ինքնաթիռից: Թայվանցի զինվորականների տվյալներով՝ թռիչքն իրականացվել է նախօրեին: Ավիախումբը ներառում էր 34 կործանիչ, ռադիոէլեկտրոնային պայքարի չորս ինքնաթիռ և մեկ ռմբակոծիչ: Նրանք թռչել են Թայբեյի կողմից վերահսկվող Պրատաս կղզիներից հարավ-արևելք:

Աղբյուր՝ gazeta.ru

14:49 Աշխարհում
«Դոկտեր Սթրենջ»-ի շարունակությունում կլինեն այլընտրանքային «Վրիժառուներ»

«Դոկտեր Սթրենջ. Խելագարության բազմատիեզերքում» ֆիլմում կարող են հայտնվել «Վրիժառուների» այլընտրանքային կերպարներ: Նոր կերպարներով շապիկներ են հայտնաբերվել Amazon-ում: Սեմ Ռայմիի բլոկբաստերի պրեմիերան տեղի կունենա մայիսի 5-ին:

Աղբյուր՝ kulturomania.ru

14:32 Աշխարհում
Մահացել է ֆրանսիացի հայտնի մոդելավորող Թիերի Մյուգլերը

Կիրակի՝ 73 տարեկանում, մահացել է ֆրանսիացի դիզայներ, լուսանկարիչ և Mugler նորաձեւության տան հիմնադիր Թիերի Մյուգլերը: Մյուգլերի համարձակ հավաքածուները 1980-ականներին եկան որոշելու տասնամյակի ոճը: Նրա հագուստները աչքի են ընկնում իրենց յուրահատուկ կառուցվածքով և բարդ ուրվագծերով, որոնք ցուցադրվում էին նրա էքստրավագանտ ցուցադրություններում: Մյուգլերի ներկայացուցիչ Ժան-Բատիստ Ռուժոն հայտնել է, որ մոդելյերի մահը վրա է հասել բնական պատճառներից:

Աղբյուր՝ france24.com

14:09 Աշխարհում
Ապստամբ զինվորները բռնել են Բուրկինա Ֆասոյի նախագահ Կաբորեին

Բուրկինա Ֆասոյի նախագահ Ռոշ Մարկ Քրիստիան Կաբորեին բռնել են ապստամբ զինվորները: Այս մասին երկուշաբթի վաղ առավոտյան Associated Press-ին հայտնել են զինվորներից երկուսը: Նրանք չեն հայտնել, թե որտեղ է պահվում Կաբորեն, սակայն նշել են, որ նա ապահով վայրում է: Կրակոցներ էին լսվել կիրակի ուշ երեկոյան նախագահի նստավայրի մոտ, իսկ երկուշաբթի վաղ առավոտյան նախագահական նստավայրում մարտ էր սկսվել, երբ ուղղաթիռ է թռչել շենքի գլխավերևում։

 

13:56 Աշխարհում
Հրթիռային հարվածներ են հասցվել ԱՄԷ-ի մայրաքաղաքին

Արաբական Միացյալ Էմիրությունների մայրաքաղաք Աբու Դաբին գիշերը հրթիռակոծվել է: Երկրի ՊՆ-ը հայտարարել է հութիների կողմից արձակված երկու բալիստիկ հրթիռների որսալու մասին: Հրթիռներն արձակել են Եմենի «Անսար Ալլահ» շարժման հութիները: ԱՄԷ-ն երկու հրթիռներն էլ որսացել է:

Աղբյուր՝ korrespondent.net

13:37 Աշխարհում
ԱՄՆ-ն կարգադրել է Ուկրաինայում իր դեսպանատան աշխատակիցների ընտանիքներին լքել երկիրը

Միացյալ Նահանգները հրամայել է Ուկրաինայում ԱՄՆ դեսպանատան բոլոր ամերիկացի աշխատակիցների ընտանիքներին լքել երկիրը՝ սրված մտահոգության պատճառով, որ Ռուսաստանը, որը զորքեր է կուտակել սահմանին, պատրաստվում է ներխուժել: Կիրակի արված հայտարարության մեջ Պետդեպարտամենտը նաև նշել է, որ դեսպանատան ոչ հիմնական անձնակազմը կարող է լքել Ուկրաինան կառավարության հաշվին, և որ բոլոր ամերիկացիները պետք է մտածեն անհապաղ հեռանալու մասին:

Աղբյուր՝ aljazeera.com

13:21 Աշխարհում
Լոնդոնյան դերբիում «Չելսին» հաղթանակ է տարել «Տոտենհեմի» նկատմամբ

Տանտերերը իրենց մարզադաշտում՝ «Սթեմֆորդ Բրիջում», հաղթեցին «Տոտենհեմին» 2:0 հաշվով և ընդհատեցին Պրեմիեր լիգայում առանց հաղթանակի չորս խաղի շարանը: Մրցակիցներն առաջին խաղակեսում չկարողացան գոլ խփել: Ընդմիջումից հետո «Չելսիից» աչքի ընկան մարոկկացի կիսապաշտպան Հակի Զիեշը եւ բրազիլացի պաշտպան Տիագո Սիլվան:

Աղբյուր՝ vesti.ru

12:51 Աշխարհում
Բախումներ բռնկվել Բրյուսելում. ասնյակ հազարավոր մարդիկ բողոքել են Covid-ի կանոնների դեմ

Կիրակի ոստիկանությունը ջրցան մեքենաներ և արցունքաբեր գազ է կիրառել քարեր նետող ցուցարարների վրա այն բանից հետո, երբ տասնյակ հազարավոր ցուցարարներ բողոքի երթ են իրականացրել Բրյուսելում ընդդեմ Covid-19-ի կանոնների: Իշխանությունների գնահատմամբ՝ մոտ 50,000 մարդ մասնակցել Բելգիայի մայրաքաղաքում անցկացված ցույցին, ինչը ամենամեծ թիվն է՝ վերջին ամիսների ընթացքում քաղաքում տեղի ունեցած բողոքի ցույցերի ընթացքում:

Աղբյուր՝ france24.com

12:35 Աշխարհում
Իրաքի բանակը և օդուժը ոչնչացրել են ԻՊ-ի յոթ զինյալների, այդ թվում՝ երկու առաջնորդների

Իրաքի ռազմաօդային ուժերը և բանակի ստորաբաժանումները Բաղդադից հյուսիս ընկած հատվածում ոչնչացրել են «Իսլամական պետություն» ահաբեկչական խմբավորման յոթ զինյալների, այդ թվում՝ ծայրահեղականների երկու առաջնորդների: Այս մասին, ըստ SHAFAQ News լրատվական պորտալի, երկուշաբթի հայտարարել է Իրաքի զինված ուժերի հրամանատարի ներկայացուցիչ Յահյա Ռասուլը:

Աղբյուր՝ tass.ru

12:21 Աշխարհում
Օսլոյում թալիբները բանակցություններ են սկսել Արևմուտքի ներկայացուցիչների հետ

Թալիբանի անդամները Նորվեգիայում հանդիպում են արևմտյան պաշտոնյաների հետ՝ Եվրոպայում առաջին բանակցությունների համար Աֆղանստանում խմբավորման վերահսկողության հաստատումից ի վեր: Եռօրյա բանակցությունները կանդրադառնան մարդու իրավունքներին ու երկրում հումանիտար ճգնաժամին: ՄԱԿ-ի տվյալներով՝ Աֆղանստան բնակչության 95%-ը սննդի պակասի խնդիր ունի:

Աղբյուր՝ bbc.com

12:02 Հայաստան
Ուսման հրավեր. Հայաստանն ընդգրկվել է «Invest Your Talent in Italy» ծրագրի շահառուների ցանկում

Ծրագիրը բակալավրիատի կրթությամբ միջազգային ուսանողներին մագիստրոսական աստիճանի համար տրամադրում է կրթաթոշակներ և այլ ֆինանսական աջակցություն հետևյալ բնագավառներում՝ ճարտարագիտություն, բարձր տեխնոլոգիաներ, ճարտարապետություն, դիզայն, տնտեսագիտություն և կառավարում: 2022-2023 ուսումնական տարվա ծրագրի համար դիմումները ներկայացնելու վերջնաժամկետը 2022 թվականի փետրվարի 15-ն է:

Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն 

11:46 Աշխարհում
Բժիշկներն հայտնել են քաղցկեղի չորս տեսակի վաղ «գիշերային» ախտանիշի մասին

Մասնագետները քաղցկեղի «ունիվերսալ» նշաններից մեկը համարում են գիշերային քրտնարտադրություն: Դա կարող է լինել լեյկեմիայի, լիմֆոմայի, ոսկրերի քաղցկեղի և լյարդի չարորակ ուռուցքների վաղ ախտանիշ: Այդուհանդերձ նշվում է, որ ուժեղ քրտնարտադրությունը պարտադիր չէ, որ վկայի քաղցկեղի մասին:

Աղբյուր՝ ria.ru

11:22 Աշխարհում
Թաիլանդի վարչապետը թանկարժեք քարերի գողությունից ի վեր առաջին անգամ կայցելի Սաուդյան Արաբիա

Վարչապետ Պրայութ Չան-Օչան այս շաբաթ կիրականացնի Թաիլանդի առաջնորդի առաջին այցը Սաուդյան Արաբիա ավելի քան 30 տարվա ընթացքում՝ տասնամյակների դիվանագիտական լարվածությունից հետո, որն առաջացել էր Սաուդյան Արաբիայի պալատից թանկարժեք քարերի գողությունից: Թաիլանդում ծնված դռնապան Քրիանգկրայ Թեչամոնգը 1989 թվականին 20 միլիոն դոլար արժողությամբ թանկարժեք գոհարներ էր գողացել Սաուդյան Արաբիայի արքայազնի տնից՝ առաջացնելով երկրների միջև «Կապույտ ադամանդի գործ» կոչվող վեճը, որը դեռևս պետք է լուծվի:

Աղբյուր՝ france24.com

11:08 Աշխարհում
Աշխարհի ամենահարուստ մարդիկ մեկ շաբաթում կորցրել են տասնյակ միլիարդավոր դոլարներ

Tesla-ի հիմնադիր Իլոն Մասկը և Amazon-ի սեփականատեր Ջեֆ Բեզոսը, մեկ շաբաթվա ընթացքում ռեկորդային գումարներ են կորցրել՝ տեխնոլոգիական արժեթղթերի գների անկման պատճառով: Այդ մասին գրում է Bloomberg-ը: Մասկը վերջին յոթ օրվա ընթացքում կորցրել է 25,1 մլրդ դոլար, նրա կարողությունը նվազել է ավելի քան 9%-ով: Բեզոսը կորցրել է $20 մլրդ: Binance-ի Չենպեն Չժաոն կորցրել է $17,7 մլրդ, իսկ Meta-ի (նախկին Facebook) ղեկավար Մարկ Ցուկերբերգը կարողությունը նվազել է $10,4 մլրդով:

Աղբյուր՝ gazeta.ru

10:51 Աշխարհում
Ինսինյեն «Նապոլիի» կազմում գոլերով հավասարվեց Մարադոնային

«Նապոլիի» հարձակվող Լորենցո Ինսինյեն, ով գոլի հեղինակ է դարձել Իտալիայի առաջնության 23-րդ տուրի «Սալերնիտանայի» դեմ խաղում (4:1), ակումբի կազմում խփած գոլերով հավասարվել է լեգենդար Մարադոնային: Երկուսն էլ ունեն 115 գնդակ: 1986 թվականի աշխարհի չեմպիոն Մարադոնան «Նապոլիում» հանդես է եկել 1984-1991 թվականներին: Ակումբի հետ նա երկու անգամ դարձել է Իտալիայի չեմպիոն:

Աղբյուր՝ sport-express.ru

10:35 Աշխարհում
Բեռլուսկոնին հիվանդանոցում է հերթական հետազոտությունների համար

Իտալիայի նախկին վարչապետ Սիլվիո Բեռլուսկոնին գտնվում է Միլանի հիվանդանոցում՝ ընթացիկ ստուգումների համար: Այս մասին նրա անձնական բժիշկը հայտնել է կիրակի՝ մեկ օր անց այն բանից, երբ 85-ամյա քաղաքական գործիչը որոշեց չառաջադրվել նախագահի պաշտոնում: Չորս անգամ Իտալիայի վարչապետ եղած Բեռլուսկոնին սրտի լուրջ վիրահատություն է տարել 2016 թվականին և ունեցել նաև շագանակագեղձի քաղցկեղ:

Աղբյուր՝ reuters.com

10:21 Աշխարհում
Նոր Զելանդիայի վարչապետը չեղարկել է իր հարսանիքը կորոնավիրուսի պատճառով

Նոր Զելանդիայի վարչապետ Ջասինդա Արդերնը չեղարկել է իր հարսանեկան արարողությունը փեսացու Քլարկ Գեյֆորդի հետ՝ երկրում նոր Covid-19 սահմանափակումների պատճառով: Վարչապետը կիրակի օրը հայտարարեց, որ երկիրը կկանգնի նոր սահմանափակումների առաջ այն բանից հետո, երբ հայտնաբերվեց օմիկրոն տարբերակի ինը դեպք մեկ ընտանիքում, որն այս ամսվա սկզբին մեկնել էր Օքլենդ:

Աղբյուր՝ independent.co.uk

10:00 Տարածաշրջան
Իրանը վերականգնել է ձայնի իրավունքը ՄԱԿ-ում՝ մարելով պարտքը

Իրանը վերականգնել է ձայնի իրավունքը ՄԱԿ-ի Գլխավոր ասամբլեայում՝ վճարելով իր պարտքը կազմակերպությանը Կորեայում սառեցված իրանական ակտիվներից: Տեղեկությունը հայտնել Իրանի մշտական ներկայացուցիչ Մաջիդ Թահթ-Ռավանչին: ՌԻԱ Նովոստին մեջբերում է նրա խոսքը: Ձայնի իրավունքը վերականգնելու համար Իրանից պահանջվել է վճարել 18,4 մլն դոլար:

Աղբյուր՝ ria.ru

17:55 Աշխարհում
Ջոնի Դեփը կմարմնավորի թագավոր Լուի XV-ին Մայվենի նոր ֆիլմում

Ամերիկացի դերասան Ջոնի Դեփը կխաղա Ֆրանսիայի թագավոր Լուի XV-ի դերը Մայվենի նոր ֆիլմում: Ֆիլմի պրոդյուսերը կլինի Why Not Productions-ը: Նկարահանումները կսկսվեն 2022 թվականի ամռանը։ Նկարահանումներին կմասնակցի նաև Մայվենը։ Նա կմարմնավորի կոմսուհի Ժաննա Դյուբարիին:

Աղբյուր՝ kulturomania.ru

17:37 Աշխարհում
Չինաստանի պետական հեռուստատեսությունը միլիարդատեր Ջեք Մայի ընկերությանը մեղադրում է կոռուպցիայի մեջ

Չինաստանի պետական հեռուստատեսությունը ֆիլմ է ցուցադրել Alibaba-ի գլխավոր տնօրեն Ջեք Մայի կոռուպցիոն սկանդալում ներգրավվածության մասին։ Խոսքը նրա Ant Group ընկերության մասին է: Կենտրոնական հեռուստատեսությունը մասնավոր ընկերություններին մեղադրել է Կոմունիստական կուսակցության Հանչժոու քաղաքի անցյալ տարի ձերբակալված նախկին առաջնորդի եղբորը չափազանց մեծ գումարներ վճարելու մեջ: Հանչժոուում է գտնվում նաև Ant Group-ի գլխամասը:

Աղբյուր՝ ft.com

17:02 Աշխարհում
«Արսենալը» ցանկանում է երկարաձգել Արտետայի հետ պայմանագիրը

«Արսենալը» պատրաստվում է երկարաձգել պայմանագիրը գլխավոր մարզիչ Միկել Արտետայի հետ, հայտնում է Daily Mail-ը: Աղբյուրի համաձայն՝ «զինագործների» ղեկավարությունը ցանկանում է 2 տարով երկարաձգել պայմանագիրը 39-ամյա իսպանացու հետ: Մասնագետի հետ գործող պայմանագիրն ուժի մեջ է մինչև 2023 թվականի հունիսի վերջը:

Աղբյուր՝ sport-express.ru

16:53 Աշխարհում
Կալիֆորնիայում անտառային հրդեհների հետևանքով տարհանումներ են կատարվել

Կալիֆորնիայի հայտնի Մայրուղի 1-ի մոտակայքում բռնկված անտառային հրդեհը, որը ծավալվում է Խաղաղ օվկիանոսի ափի երկայնքով, ուրբաթ գիշեր Մոնտերեյ շրջանում տարհանման պատճառ է դարձել: Հրդեհը բռնկվել է Պալո Կոլորադո կիրճում, հայտնում է շրջանի արտակարգ իրավիճակների ծառայության գրասենյակը: Հրդեհի պատճառով Մայրուղի 1-ը փակվել է Էնդրյու Մոլերայի պետական այգու հատվածում:

Աղբյուր՝ cnn.com

16:02 Աշխարհում
Ռոբբի Ուիլյամսը վաճառում է Բենքսիի նկարների իր հավաքածուն

Բրիտանացի հայտնի երգիչ Ռոբբի Ուիլյամսը վաճառքի կհանի փողոցային նկարիչ Բենքսիի նկարների իր հավաքածուն: Ըստ IM-ի, աճուրդը տեղի կունենա Լոնդոնում 2022 թվականի մարտի 2-ին: Ուիլյամսը վաճառում է երեք նկար, որոնց թվում է «Փուչիկով աղջիկը»:

Աղբյուր՝ kulturomania.ru

15:08 Աշխարհում
Եմենի ապստամբները հայտնել են, որ բանտի ավիահարվածի հետևանքով զոհերի թիվը գերազանցել է 80-ը

Սաուդյան Արաբիայի գլխավորած կոալիցիայի ուրբաթ օրվա ավիահարվածի հետևանքով Եմենի հութի ապստամբների կողմից ղեկավարվող բանտում զոհված բանտարկյալի թիվը հասել է առնվազն 82-ի: Այս մասին շաբաթ հայտնել են ապստամբները և օգնության խումբը: Արաբական աշխարհի ամենաաղքատ երկրում ինտերնետ հասանելիությունը հիմնականում մնում է սահմանափակ:

Աղբյուր՝ apnews.com

14:58 Աշխարհում
Գերմանիան շարժական հիվանդանոց կփոխանցի Ուկրաինային

Գերմանիան 5,3 մլն եվրո է հատկացրել ուկրաինական բանակի համար շարժական դաշտային հոսպիտալ կառուցելուն: Այդ մասին հայտարարել է Գերմանիայի պաշտպանության նախարար Քրիստին Լամբրեխտը շաբաթ օրը Welt am Sonntag թերթում հրապարակված հարցազրույցում։ Լամբրեխտը նշել է, որ զենքի մատակարարումները չեն լուծի հակամարտությունը:

Աղբյուր՝ tass.ru

14:46 Աշխարհում
«Աղետ». Պերուի նավթի արտահոսքի մաքրումը կպահանջի շաբաթներ

Իսպանական Repsol էներգետիկ ընկերությունը հայտնել է, որ Պերուի մայրաքաղաք Լիմայի ափերի մոտ գտնվող նավթի խոշոր արտահոսքի մաքրման գործողությունը կտևի մինչև փետրվարի վերջ: Բնապահպանական պատահարը կառավարությունը «աղետ» է որակել և հայտնել է, որ սատկած փոկեր, ձկներ և թռչուններ են դուրս եկել նավթով պատված ափ: Տարածքում ձկնորսությունը դադարեցվել է:

Աղբուր՝ aljazeera.com

14:27 Աշխարհում
Լանա Դել Ռեյը թողարկել է «Watercolor Eyes» նոր սինգլը

Ամերիկացի երգչուհի Լանա Դել Ռեյն ուրբաթ թողարկել է իր նոր՝ «Watercolor Eyes» սինգլը: Թրեքը հասանելի է առաջատար թվային հարթակներում: Երգը ստեղծվել է հատուկ «Էյֆորիա» սերիալի համար։ Նա կհնչի երկրորդ սեզոնի երրորդ էպիզոդում, որը կհեռարձակվի HBO Max-ով հունվարի 23-ին։

Աղբյուր՝ kulturomania.ru

13:51 Աշխարհում
Մարթա Ստյուարտը բացահայտել է, թե ինչու է խզել հարաբերությունները Էնթոնի Հոփքինսի հետ

«Էլեն Դեջեներեսի շոու»-ում ապրելակերպի 80-ամյա գուրուն պատմել է, որ ստիպված է եղել բաժանվել 84-ամյա օսկարակիր դերասանից՝ 1991 թվականի «Գառնուկների լռությունը» սարսափ թրիլլերում նրա սահմռկեցուցիչ դերը վերհիշելու պատճառով: Ֆիլմում Հոփքինսը մարմնավորել է բժիշկ Հանիբալ Լեկտերին՝ սերիական մարդասպանին, ով կերել էր իր զոհերին: Փաստորեն, Լավագույն դերասան անվանակարգում Օսկար բերած դերը Հոփքինսի համար դարձել է Ստյուարտի հետ իր հարաբերությունների ավարտի պատճառը:

Աղբյուր՝ cnn.com

12:30 Աշխարհում
Մահացել է լատվիացի հայտնի դերասան Արնիս Լիցիտիսը

Հունվարի 21-ին մահացել է լատվիացի դերասան Արնիս Լիցիտիսը, ում մասնակցությամբ հայտնի  ֆիլմերից են «Իֆ ամրոցի բանտարկյալը» և «Միրաժը»: Նա 76 տարեկան էր:

Աղբյուր՝ korrespondent.net

11:51 Աշխարհում
ԱՄՆ-ում կապիկները փախել են, երբ նրանց տեղափոխող բեռնատարը վթարի է ենթարկվել

լաբորատորիայի ճանապարհին: Փենսիլվանիայի ոստիկանությունը որոնում է առնվազն երեք կապիկների, որոնք փախել են այն բանից հետո, երբ մոտ 100 կենդանիներ տեղափոխող բեռնատարը վթարի է ենթարկվել: Կապիկներին տեղափոխող բեռնատարը ուրբաթ կեսօրին Մոնտուր շրջանում բախվել է ինքնաթափին:

Աղբյուր՝ theguardian.com

11:43 Աշխարհում
Գվարդիոլան խոսել է «Մանչեսթեր Սիթիում» իր ապագայի մասին

«Չեմ ցանկանում մտածել ապագայի մասին, քանի դեռ կա գործող պայմանագիր։ Դա կախված է միայն արդյունքներից, այդպիսին է մարզչի աշխատանքը։ Որոշումը կկայացնեմ ակումբի հետ միասին։ «Մանչեսթեր Սիթին» շատ բան է արել ինձ համար, ես դրան չեմ կարող դավաճանությամբ պատասխանել: Դա տգեղ կլիներ»,- «Մանչեսթեր Սիթիի» գլխավոր մարզիչ Խոսեպ Գվարդիոլային մեջբերում է ESPN-ը: Իսպանացու պայմանագիրը նախատեսված է մինչև 2023 թվականի ամառը:

Աղբյուր՝ sport-express.ru

Տեսանյութեր

Ռուբեն Ռուբինյանը խորհրդակցել է նախկինում Թուրքիայի հետ բանակցողների հետ
13:21 18/01/2022

Ռուբեն Ռուբինյանը խորհրդակցել է նախկինում Թուրքիայի հետ բանակցողների հետ

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}