Ձեր վստահելի աղբյուրը

«Պետք է լինի դատավճիռ, քանի որ ոչ թե սովորական, այլ ամբողջ մի ազգի, պետության հայրենիքի կորուստ է, և մենք պետք է կարողաննաք ուժ գտնել մեր մեջ և բացահայտումներ անել»,-հայտարարեց գրող, հրապարակախոս Խաչիկ Մանուկյանը՝ զոհված հերոս Վաչագան Մանուկյանի հայրը՝ խոսելով «Ճշմարտություն սերունդների համար» նախաձեռնության կազմակերպած քննարկման ժամանակ:

Պնդելով, որ պարտությունը մտածածին կերպով է արվել՝ Մանուկյանն ասաց, որ այդ «լրտեսախումբն» ուղղորդվում էր և նրանք մեկ կամ երկու օրվա որոշումներ չեն կատարել, այլ տարիներ շարունակ դրանք որդեգրել, իրականացրել ու ֆինանսավորվել են:

Գրողը հայտարարեց, որ պետք է բացահայտել դավաճանությունը և մեղավորները ոչ թե սովորական դատաստանի, այլ ռազմական օրենքի ողջ խտությամբ պետք է պատասխան տան:

«Դատաստանը պետք է լինի եռաբլուրում և հերոսների ծնողների առաջ, որովհետև նրանք մեր հերոս տղերքին, հաղթական բանակը տարան իրենց քաղաքական խայտառակ պարտությանը մատնեցին» ,-հայտարարեց Խաչիկ Մանուկյանը և շեշտեց, որ Հյաստանի բանակը չի պարտվել, այլ այն զոհն է քաղաքական պարտության, որի սիմվոլները շարունակում են մնալ աթոռները զավթածի կարգավիճակում:

Ըստ գրողի՝ իշխանության գլուխ կանգնածները, լավ իմանալով հայ ազգի հոգեբանությունը, տարբեր անկյուններում հայ գրողնիրն ցիտետցին և, հետագայում մոռանալով այդ բոլորը,  դասագրքերը սեռախեղվածների գրականությամբ լցնելու անհաջող փորձ արեցին: 

Հիշեցնելով, որ ԱԺ որոշմամբ հայհոյանքի համար տուգանքներ են նշանակված և միլիոնավոր դրամների գումարներ են կորզում՝ Մանուկյանն ասաց. «Նրանք, լինելով այդքան էժան, իրենց ուղղված հայհոյանքները շատ թանկ են գնահատում»:

Նա հանդիպմանը ներկա ընդդիմադիր պատգամավորներին առաջարկեց, որ պատիժ սահմանվի ստի համար և համոզմունք հայտնեց, որ դրանից  հետո շատերը կկանգնեն դատարանի առաջ, քանի որ մի բան են ասում, իսկ մեկ ժամ անց՝ այլ բան և խճճվում են ստակոլութլության մեջ:

«Սրանք դարձել են  ստակոլոլ գոյանքներ և եթե ընդդիմախոսները ոչինչ էլ չասեն, ապա իշխանությունների մոլորությունն արդեն իսկ բավական է»,-նշեց հրապարակախոսը:

Խաչիկ Մանուկյանը շեշտեց, որ այսօր դիվանագիտական կորպուսն էլ չի գրոծում և այդ ոլորտում աշխատող իր ծանոթն ասել է, որ Նիկոլ Փաշինյանն արդեն իրենց չի էլ հարցնում, թե հանդիպումների համար ինչ տեղեկատվություն պատրաստեն, դրա համար էլ տարբեր հադիպումներին հիմար-հիմար բաներ է ասում:

«Թրքաքայլականները գնում են այնտեղ, որտեղ, դիվանագետի շուրթերից հնչեց խոսքով, «ձեռքերս համբուրեք և մենք ձեզ կպահենք, հայեր» խոսքերն են հնչում: Մենք նման նվաստացուցիչ վիճակում երբեք չենք եղել»,-հայտարարեց հերոսացած զինվորի հայրը:

Նա հայտարարեց, որ «Հայաստան» դաշինքն ավելի շատ ձայն կստանար, եթե հայտարարեր, որ անցյալում սայթաքումներ ունեցել է, բայց երկիր է կարողացել պահել, հաղթական լուսաբացեր է ապահովել, իսկ ներկա իշխանություններն ամբողջ դաշտը լցրել են ստերով՝ խեղելով ամեն ինչ:

Կոչ անելով ուժ ունեննալ, միասնականությունն ձևավորել և մեծ առողջ քայլ անել՝ Խաչիկ Մանուկյանը նաև «Հայաստան» խմբակցության ղեկավարներին խնդրեց, որ ԱԺ-ում նախագիծ ընդունվի, որով խստորեն դատապարտվի ստախոսությունը, ավելի՝ քան հայհոյանքը: