Ձեր վստահելի աղբյուրը

Քաղաքական վերլուծաբան Վարդան Բալյանը գրում է.

«Դժվարանում եմ բառեր գտնել, համարյա ազատ անկման վիճակում ենք հայտնվել, իսկ մեր կառավարությունը որոշել է թուլանալ և հաճույք ստանալ:

Ցավոք, ստիպված եմ կրկնել, որ ներկա իշխանությունները արտաքին քաղաքական և ռազմական իրավիճակի վրա ունեն զրո ազդեցություն: Մեզ անհրաժեշտ է հանրային ռեսուրսների մոբիլիզացա, եթե ցանկանում ենք փրկել այն, ինչ դեռ կարելի է փրկել: Նորից կրկնեմ, առաջիկա շաբաթները կրիտիկական նշանակություն ունեն մեզ համար:

Ի դեպ, Կապանի համայնքապետի և նրա տեղակալի կողմից Փայլասարի, իսկ ադրբեջանցիների հաղորդմամբ Աղդաղի ռազմավարական բարձունքի մասին տեղեկատվությունը այն մասին, որ ռուսական զորակազմը դուրս է եկել, իսկ նրանց փոխարեն տեղակայվել են ադրբեջանցիները, թշնամին ևս հաստատեց: Արցախի արտգործ նախարարի մոսկովյան այցի հետ կապված ՌԴ արտգործ նախարարությունը Ադրբեջանի դեսպանատան հարցմանն ի պատասխան պարզաբանել է, որ Բաբայանի այցը մասնավոր է ու նշված անձի հետ որևէ քաղաքական կոնսուլտացիաներ նախատեսված չեն՝ սովորական տուրիստ է այսինքն:

Իրանը, որի բանակի շտաբի պետը Մոսկվայում բանակցում է Շոյգուի հետ, Ավտոմոբիլային ճանապարհների և երթևեկության կառավարման կազմակերպության գլխավոր տնօրենի՝ տրանսպորատային ընկերություններին ուղղված շրջաբերական նամակում, հղում անելով հոկտեմբերի 9-ով թվագրվող Իսլամական հանրապետության արտգործ նախարարության հանձնարարագրի, արգելել է իրանական տրանսպորտային միջոցների մուտքը Հայաստանի տարածքով Ադրբեջանի Հանրապետության  տարածք՝ Ղարաբաղ և Լաչինի շրջան:

Այսօրինակ լուրերի թվարկումը կարող եմ անդադար շարունակել՝ Զանգեզուրի միջանցքը մի քանի ամսից կգործարկվի, և այլն:

Մենք հասկանում ենք, որ մեր ռեսւրսները անհամեմատ համեստ են, բայց ոչինչ չձեռնարկելը առնվազն հանցավոր անգործություն ենք համարում ու դավաճանություն հայրենիքի համար ոչինչ չխնայած նախորդ, ներկա սերունդների նկատմամբ: Ավելին ասել չեմ կարող, բոլոր նրանք, ովքեր կցանկանան աջակցել, խնդրում եմ գրեք անձնական նամակով»։