Արթուր Թովմասյանին ցույց են Վազգենաշենից բերված հատուկ մարմարը, որի հանքը մնացել է Ադրբեջանին
Արցախի Հանրապետության ԱԺ նախագահ Արթուր Թոմասյանն այցելել է «Ապագա սերունդներ» հիմնադրամ:
ԱՀ ԱԺ լրատվության և հանրության հետ կապերի բաժնի փոխանցմամբ, խորհրդարանի ղեկավարը՝ հիմնադրամի նախագահ Գրիգորի Գաբրիելյանցի ուղեկցությամբ, ծանոթացել է երկրաբանական ծառայության գտածոներին:
Ցուցադրված էին շուրջ 10 տեսակի նմուշներ, այդ թվում՝ Վազգենաշենից բերված հատուկ մարմարը, որի քարհանքը, ցավոք, գտնվում է թշնամու ենթակայության տակ:
Քարանմուշները մշակվում են հիմնադրամի գրասենյակի հարակից տարածքում գործող արտադրամասում, որտեղ աշխատում է 12 հոգի, ևս 7 հոգի ներգրավված են երկրաբանական ծառայության մեջ:
Մշակված քարի վաճառքից ստացված հասույթը ուղղվում է «Ապագա սերունդներ» հիմնադրամի սահմանամերձ ու փոքր գյուղերում իրականացվող կրթական ու մշակութային ծրագրերին: