Ձեր վստահելի աղբյուրը

«ՀՀ նախագահի աշխատակազմին 2 միջոցառմամբ 1 ծրագրի իրականացման համար 2022 թ. բյուջեով նախատեսված է 1 մլրդ 602.5 մլն դրամ, 2021 թվականի հաստատված բյուջեով նախատեսված է եղել 1 մլրդ  601.2 մլն դրամ ֆինանսավորումը»,-ԱԺ մշտական հանձնաժողովների միասնական նիստում տեղեկացրեց ֆինանսների նախարար Տիգրան Խաչատրյանը:

Նրա տեղեկացմամբ՝ ԱԺ-ի 2022 թ. պետական բյուջեի տողով նախատեսված գումարով ֆինանցավորվել է մեկ ծրագիր, որի մեջ ներառված են 5 միջոցառում և այն կկազմի 5 մլրդ 992 մլն դրամ՝ 2021 թ. հաստատված բյուջեով 6 մլրդ 90 մլն դրամի դիմաց:

Խաչատրյանը հայտնեց, որ Վարչապետի աշխատակազմի իրականացվելիք 11 ծրագրերից 2-ը սփյուռքի գծով և կառավարությունը իրականացնելու է 45 միջոցառում:

Նա հայտնեց, որ կառավարությանը ենթավարկերով նախատեսված բոլոր ծախսերով 2022 թ բյուջեի նախագծում հատկացվում է 19 մլրդ 675 մլն դրամ՝ 2021 թ-ի 30 մլրդ 24 մլն դրամի դիմաց և նվազեցումը կազմել է 34.5%, որը պայմանավորված է այն հանգամանքով, որ բազմաթիվ ծրագրեր և միջոցառումներ, որոնք իրականացվում էր վարչապետի աշխատակազմը, այս տարի պետք է իրականացնեն այլ գերատեսչությունները:

Ֆինանսների նախարարը տեղեկացրեց, որ Սահմանադրական դատարանին 2 միջոցառումներով 1 ծրագրի համար կհատկացվի 704.6 մլն դրամ՝ 2021 թ.-ի 683.9 մլն դրամ դիմաց (աճը 3%), իսկ Բարձրագույն դատական խորհրդին 2022 թ. բյուջեով կհատկացվի 14 մլրդ 460 մլն դրամ՝ 2021 թ.-ի 12 մլրդ 165.3 մլն դրամի փոխարեն (աճաը 18.87%) և կատարվելու է 1 ծրագիր, որում ներառված են 12 միջոցառում:

«2022 թ. բյուջեով Արդարադատության նախարարությանը նախատեսված է 27 միջոցառմամաբ 9 ծրագրի համար տրամադրել 23 մլրդ 288 մլն դրամ՝ 2021 թ.-ի 20 մլրդ 664.9 մլն դրամի դիմեաց աճը կազմել է 2 մլրդ 623 մլն դրամ, կամ 12.7 %»,-ասաց Տիգրան Խաչատրյանը և հավելեց, որ Դատախազության մասով կա 3 ծրագիր, որոնք ներառում են 4 միջոցառումում՝ 6 մլրդ 681 մլն դրամ է նախատեսված 2022 թ. բյուջեով՝ 2021 թ.-ի 6 մլրդ 154.6 մլն դրամի փոխարեն և աճը կազմել է 8.7 %:

Նախարարի խոսքով՝ Պետական վերահսկողական ծառայությանը կհատկացվի 758.4 մլն դրամ՝ 2021թ.-ի 755.2 մլն դրամի դիմաց և Քննչական կոմիտեին տրամադրվելու է 8 մլրդ 240 մլն դրամ հանրագրումարով ֆինանսավորում, երբ ընթացիկ տարում 8 մլրդ 377.7 մլն դրամ է կազմում:

«Կոռուպցիայի կանխարգելման հանձնաժողովի գալիք տարվա ծախսերի հանրագումարը նախատեսված է 350.6 մլն.-ի չափով՝ ընթացիկ տարվա 235.6 մլն․-ի դիմաց և 2 միջոցառմամբ 1 ծրագիր իրականացնելու համար  աճը կազմել է 50 %: Հակակոռուպցիան կոմիտեին 2022 թ. պետական բյուջեով կտրամադրվի 823.7 մլն դրամ՝ ընթացիկ տարվա հետ չի համեմատվում, քանի որ նոր ձևավորվող կառույց է»,-հայտնեց ֆինանսների նախարարը և անցնելով Հաշվեքննիչ պալատի բյուջեի ներկայացմանը՝ նշեց, որ նախատեսված է 1 մլրդ 49.7 մլն դրամ՝ 2021թ.-ի 1 մլրդ 128 մլն դրամի դիմաց:

Նրա խոսքով ԿԸՀ-ին գալիք տարում կհատկացվի 1 մլրդ 268.4 մլն դրամ՝ ընթացիակ տարվա 1 մլրդ 865 մլն դրամի փոխարեն (նվազումը՝ 32 %):