«Մեղրիի միջանցքի» առաջին փուլն իրենք իրագործել են. Թադևոս Ավետիսյան
«2020 թ. նոյեմբերի 9-ից հետո մենք գտնվում ենք Ադրբեջանի և Թուրքիայի նոր օրակարգում, այսինքն՝ հետևողականորեն իրենք ողջ աշխարհին հայտարարում են և իրականություն են դարձնում այն, ինչ ցանկանում են»,- ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի հրատապ աշխատանքային քննարկման ժամանակ ասաց «Հայաստան» խմբակցության պատգամավոր Թադևոս Ավետիսյանը։
Հիշեցնենք, որ հանձնաժողովի նիստում քննարկվում է կառավարության այսօրվա նիստում Նիկոլ Փաշինյանի հայտարարությունները, մասնավորապես՝ Ադրբեջանի կողմից Գորիս-Կապան ճանապարհի հատվածում մաքսակետեր տեղադրելու վերաբերյալ:
Նա նշեց, որ Սյունիքի ճանապարհի այս հատվածի վրա թուրք-ադրբեջանական տանդեմը կարող էր իր նույն կառույցները կառուցել և վերցնել իր տիրապետության տակ հենց 2020 թ. նոյեմբերի 9-ին, սակայն չի արել ավելորդ խնդիրներ չունենալու պատճառով։
«Ընդամենը մեկ տարի անց Ադրբեջանը հանգիստ հասավ իր նպատակին։ Հայաստանի իշխանությունը թմրեցրեց հանրությանը, ինչ-որ ճանապարհատիպ այլընտրանք կառուցեց, այսինքն՝ հիմա այլընտրանքը կա, նորմալ է, գլխավոր ճանապարհն էլ համարեցին ադրբեջանական ու սահուն կերպով զիջեցին»,- ասաց ընդդիմադիր պատգամավորը։
Ըստ նրա, սրանով ավելի հեռահար նպատակ կա․ «Ի վերջո «Մեղրիի միջանցքի» առաջին փուլն իրենք իրագործել են։ Այսինքն՝ 40 կմ ճանապարհի 20 կմ արդեն իրենցով արեցին, մնաց մնացածը»։
Թ.Ավետիսյանը նշեց, որ հաջորդ փուլն էլ է ծրագրավորված և հետևողականորեն իրագործվում է. «Պարզ սխեմա է գործում՝ թմրեցնում են, կտրում են, անցնում են առաջ։ Սա է անում Ադրբեջանը Թուրքիայի թիկունքով»։
Պատգամավորի խոսքով, ՀՀ մտնող բեռների 40 տոկոսն այդ ճանապարհով է գալիս, այլ առաջարկվող այլընտրանքային ճանապարհը բացարաձակ չի կարող այլընտրանք համարվել, քանի որ ոչ տնտեսական, ոչ անվտանգային գնահատական չկա տրված, հետևաբար, Հայաստանը երկկողմանի շրջափակման պարագայում դառնալու է երեք կողմից շրջափակված։
«Մենք կամաց-կամաց անկլավանում ենք։ Խաղաղության օրակարգը, որ բերվել է, դրա ներքո հանգիստ բացում են ճանապարհ, որպեսզի թուրք-ադրբեջանական օրակարգն առաջ մղվի։
Այսինքն, ամեն ինչ անում են, հնարավորությունները ստեղծում են, պասերով խաղում են, որպեսզի կարողանան ի վերջո հասնել միջանցքին։ Ինչքան էլ հայտարարեն՝ միջանցք չկա, այս ճանապարհն այդ միջանցքի մի հատվածն է, որն այլևս կորցրեցինք։ Իրենց նպատակն է՝ որոշ ժամանակ անցնի, հանդարտվեն, դրանից հետո օրակարգ կբերվի հաջորդ 20 կմ-ը առոք-փառոք թուրքին հանձնելու իրենց նախաձեռնությունը»,- ասաց Թ. Ավետիսյանը։
Հարակից հրապարակումներ`
- «Արմեն Գրիգորյանը հավանաբար կնշանակվի Հայաստանում Ադրբեջանի դեսպան»
- Մենք շատ լուրջ խնդրի առաջ ենք կանգնած, քանի որ մեր երկիրը ղեկավարում է վախկոտ մի մարդ. Գեղամ Նազարյան
- «Հայաստանը հանձնվում է այնպես, ինչպես պայմանավորվել են թուրքերը՝ իշխանությունը զավթած թուրքի ստրուկների հետ»
- Իշխանությունը ժողովրդի թիկունքում բանավոր գործարքների է գնում թշնամի երկրի հետ. Գեղամ Մանուկյան
- ՀՀ ազգային և պետական շահը որևէ կերպ չի սպասարկվում. Արամ Վարդևանյան
- Թաթոյան. Հայաստանից ադրբեջանական մարմիններին հուշում են՝ պետք է վճարներ գանձել Գորիս-Կապան ճանապարհով երթևեկող ՀՀ բնակիչներից
- Ստացվում է, որ ՀՀ տարածքի մասին մենք պետք է այսուհետ խոսենք անցյալով. Թագուհի Թովմասյան
- Թշնամին քայլ առ քայլ երկկողմանի շրջափակումը սարքում է եռակողմ. Թադևոս Ավետիսյան
- Ղազինյան. Կարելի է՞ արդյոք ենթադրել, որ Նիկոլի Ադրբեջանի հետ օպերատիվ կապը գործում է անխափան
- Հավանաբար ՀՀ քաղաքացիները վճարելով կարող են անցնել Գորիս-Կապան ճանապարհը. ՀՀ ԱԽՔ
- «Հայաստան».Սյունիքը չի զիջվելու, Արցախը չի հայաթափվելու, Հայաստանը չի թուրքացվելու
- Էլինար Վարդանյան. ԱԽՔ-ի հայտարարությունից պարզ է, որ Գորիս-Կապան մայրուղին վերջնականապես նվիրել են Ադրբեջանին
- Աննա Գրիգորյան. Բարձրավանը, Որոտանը, Շուռնուխը հայտնվելու են շրջափակման մեջ
- Հայաստանի կարևորագույն մայրուղու վրա հաստատվել է թուրքական գերիշխնություն. Գեղամ Մանուկյան
- Ժամը 11։00-ին Հանրապետության հրապարակ, կառավարությունից պահանջելու ենք պատասխան. Գեղամ Մանուկյան
- Ադրբեջանը այսօրվանից սահմանային և մաքսային հսկողության կետեր կտեղադրի ՀՀ-ում՝ Գորիս-Կապան ճանապարհին