Աղետի գոտում մոտ 7200 ընտանիք բնակվում են տնակներում. Տանյա Արզումանյան
«2020 թ. սկսվեց դեռևս 2008 թ.-ին սկիզբ դրված ծրագրի ավարտական փուլի մեկնարկը, որի շահառու ճանաչված ընտանիքների թիվն այս տարվա դրությամբ 5419 էր»,-«Արմենպրես» մամուլի սրահում հայտնեց Քաղաքաշինության կոմիտեի բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանը՝ ներկայացնելով «Աղետի գոտու անօթևանների բնակարանային ապահովման պետական ծրագրի» ընթացքը:
Պաշտոնյան նշեց, որ ծրագրոմ նախնական ընդգրկված էր 5406 ընտանիք, սակայն դրան ավելացել են դատական կարգով բնակարան ստանալու իրավունքները վերականգնած ընտանքիները:
Նրա խոսքով՝ ծրագրի հիմնական շահառուների խնդիրն լուծվել է 2008-19 թթ., որի ընթացքում 5177 ընտանիքի բնակարանային խնդիր է կարգավորվել և դրա համար ծախսվել է 67 մլրդ րամ:
«Մենք ավարտական փուլում ունեինք 242 շահառու, որոնցից 214-ի բնակարանային խնդիրների լուծման մեկնարկը տրվել է անցած տարի և քանի որ շահառուների հիմնական մասը գյուղական բնակավայրերի բնակիչներ են, նրանցից 187 ընտանիք որպես խնդրի լուծման տարբերակ ընտրել է բնակելի տների շինարարությունը, իսկ 20 ընտանիք ընտրել է բնակարանի գնման վկայագրի տարբերակը, 7 ընտանիք նախընտրել է ֆինանսական աջակցության տարբերակը»,-հայտնեց Տանյա Արզումանյանը:
Նրա խոսքով՝ 214 ընտանիքի բնակարաններով ապահովելու ծրագիրը մեկնարկել է 2020-ին և մինչև այս տարվա վերջ կավարտվի, մարզպեարններն արդեն ամփոփում են աշխատանքները:
Արզումանյանը տեղեկացրեց, որ առկա է նաև Շիրակի մարզի Ջրաձոր համայնքի 28 շահառու ընտանիքի խնդիրը՝ կապված Կապսի ջրամբարի կառուցմամբ բնակավայրի տեղափոխման գործընթացի հետ:
Վարչության պետը տեղեկացրեց, որ այդ ընտանիքները ցանկանում են, որ իրենց բնակարանների խնդիրը լուծվի այդ ծրագրի շրջանակներում, քանի որ այն բնակիչների համար ավելի շահեկան է:
Արձանագրելով, որ Աղետի գոտում բնակարանով ապահովելու հարցն լուծվել է՝ բանախոսը տեղեկացրեց, որ եթե հետագայում դատական կարգով ի հայտ գան բնակարանների նոր շահառուներ, ապա նրանց հարցը կլուծվի տարեկան բյուջեների միջոցներով՝ բնակարանի գնման վկայականների տրամադրմամբ իսկ գյուղական համայքներում մեկ սենյակի դեպքում կտրամադրվի 3 մլն դրամ:
Քաղաքաշինության կոմիտեի բնակարանային ֆոնդի կառավարման և կոմունալ ենթակառուցվածքների վարչության պետը նաև տեղեկացրեց, որ Շիրակի, Լոռու և Արագածոտնի մարզերում առկա 7200 ոչ հիմնական շինություններ(տնակներ) որոնք զբաղեցված են բնակության նպատակով:
Նրա խոսքով՝ Արդարադատության նախարարությունը իրավական հիմքեր է նախապատրաստել և 2023 թվականից պետք է տնակներից ազատվելու ծրագրեր մեկնարկեն՝ ֆինանսական միջոցների ներգրավմամբ:
Տանյա Արզումանյանը տեղեկացրեց, որ ներկայում գնահատում են տնակներում բնակվողների կարգավիճակը և առաջին փուլով դիտարկվելու են պետական և համայնքային հողերի վրա տեղադրված տնակների ապամոնտաժումը:
Պետական պաշտոնյան հայտնեց, որ մոտ 100 տնակում ապրում են նախկինում բնակարան ստացածները, քանի որ նրանց ընտանիքի անդամների թիվը աղետից հետո ավելացել էր և նախկինում կորցրած 1 սենյակում չէին կարող ապրել 5-8 անձավ, դրա համար կառավարությունը նրանց մի մասին թույլ էր տրվել շարունակել ապրել տնակներում, բայց դրանցում ապրողների մեջ դեռ կան նաև երկրաշարժից տուն կորցրածներ, որոնք այս կամ այն պատճառով չեն գրանցվել որպես շահառու:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին