Կայծակնային շախմատի ԱԱ. ԱՄՆ-ն ներկայացնող Լևոն Արոնյանն առաջատարն է առաջին օրվանից հետո
Լեհաստանի մայրաքաղաք Վարշավայում մեկնարկել է կայծակնային շախմատի աշխարհի առաջնությունը. մրցումային առաջին օրն անցկացվել է 12 պարտիա, ինչից հետո ԱՄՆ-ն ներկայացնող հայ գրոսմայստեր Լևոն Արոնյանը միանձնյա գլխավորում է մրցաշարային աղյուսակը:
Արոնյանը տարել է 9 հաղթանակ, գրանցել է 2 ոչ-ոքի և կրել 1 պարտություն՝ 10 միավորով զբաղեցնելով առաջին հորիզոնականը:
Հայաստանի ներկայացուցիչներից լավագույն արդյունքն ունի Հայկ Մարտիրոսյանը, որը վաստակել է 8,5 միավոր և կիսում է 4-13-րդ հորիզոնականները:
ԿԳՄՍ-ից հայտնում են, որ այսօր կանցկացվեն աշխարհի առաջնության վերջին 9 պարտիաները։
Ավելի վաղ Լեհաստանում կայացել էր նաև արագ շախմատի աշխարհի առաջնությունը, որում հաղթանակ էր տարել Ուզբեկստանի ներկայացուցիչ 17-ամյա Նոդիրբեկ Աբդուսատորովը՝ դառնալով արագ շախմատի առաջնությունների պատմության ամենաերիտասարդ չեմպիոնը:
Հայաստանի ներկայացուցիչներից լավագույն արդյունքը ցույց էր տվել գրոսմայստեր Տիգրան Լ. Պետրոսյանը՝ 8 միավորով զբաղեցնելով 27-րդ հորիզոնականը:
Հարակից հրապարակումներ`
- Լևոն Արոնյանը ՖԻԴԵ-ի կայքում արդեն ներկայացված է ԱՄՆ դրոշի ներքո
- Վերաբացվեց Լևոն Արոնյանի և Գաբրիել Սարգսյանի անվան շախմատի դպրոցը
- Լևոն Արոնյան. Իմ հաղթանակը նվիրում եմ նրանց, ովքեր ընկան մարտի դաշտում, ովքեր ապրեցին ու պայքարում են մեր ազգի համար
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ