Փաշինյանը մեկին մեկ կրկնելով ադրբեջանական թեզերը՝ ո՞ր երկրի շահերն է սպասարկում. Աննա Գրիգորյան
«Ադրբեջանի նախագահ Իլհամ Ալիևը վերջերս տված հարցազրույցում սպառնում, վերջնագիր է առաջ քաշում, տարածքային հավակնություններ է արտահայտում Հայաստանի նկատամբ, Հայաստանի իշխանությունը ձևացնում է, թե չի էլ նկատել այդ ամենը»,- ԱԺ-ում հայտարարեց «Հայաստան» խմբակցության պատգամավոր Աննա Գրիգորյանը:
Նա նաև նշեց, որ Հայաստանը չի արձագանքում Ալիևի այն հայտարարությանը, թե թոշակի է ուղարկում ԵԱՀԿ Մինսկի խնբի համանախագներին:
«Փաշինյանը բողոքում է, որ խաղաղության դարաշրջան կառուցելն ամուր նյարդեր է պահանջում, հիմա հարց եմ ուզում ձեզ տալ՝ իրական դիվանագիտության մասին որոշակի պատկերացում ունեցող մարդիկ, ի՞նչ եք կարծում, որքան ժամանակ է ձեզ պետք, որպեսզի այս հայտարարություններին արձագանքեք, արդյո՞ք կա գիտակցում, որ ձեր չարձագանքելով արդեն իսկ ամենաթողության եք հասցրել, հիմա էլ այդ ամենաթողությունը բազմապատկում եք: Հնարավո՞ր է արդյոք պետության հանդեպ բառացի սպառնալիքներին չարձագանքել, հնարավոր է արդյո՞ք այս իրավիճակում չաշխատել միջնորդների հետ»,- նշեց պատգամավորը:
Ա. Գրիգորյանի խոսքով, Ալիևը խոսում է ճանապարհների վերաբերյալ համաձայնության հասնելու մասին, դրան էլ իշխանությունները չեն արձագանքում, իսկ այս ամենի արդյունքում տեսնում են պարբերաբար կրկնվող սրացումներ, սադրանքներ, անվտանգային նորանոր խնդիրներ ու սպառնալիքներ, որոնց հակազդելու միակ բանաձևը ամուր նյարդերն են, ուրիշ խելամիտ տարամաբանություն, քաղաքականություն, որպես այդպիսին, գոյություն չունի:
Ընդդիմադիր պատգամավորը նաև հիշեցրեց Նիկոլ Փաշինյանի՝ անցած տարեվերջին տված ասուլիսում հնչեցրած հայտարարությունները. «Մեկը մեկին կրկնում էր ադրբեջանական թեզերն այն բանաձևի ներքո, որ Շուշին դժգույն և դժբախտ է, հիմա այդ տրամաբանության ներքո ասում է՝ Արցախն արդյո՞ք միայն հայկական է, ավելի հեռուն է գնում, ադրբեջանական կոնկրետ թեզեր է առաջ քաշում ընդհուպ հասնելով ու ասելով, որ չկա գործնական և տեսական որևէ հնարավորություն, որ Արցախը կարող է լինել Ադրբեջանի կազմից դուրս: Արցախի ինքնորոշման իրավունքի վրա դուք ամբողջությամբ խաչ եք քաշում և մեկին մեկ կրկնելով ադրբեջանական թեզերը՝ Փաշինյանը ո՞ր երկրի շահերն է սպասարկում»,- ասաց Աննա Գրիգորյանը:
Այնուհետև նա հիշեցրեց Աժ նախագահ Ալեն Սիմոնյանի հայտարարությունը, որ «գերիներն ինձ համար չկան, ես այդ հարցը մոռացել եմ»:
«Այս ամբիոնից ասել եմ՝ ձեր դիրքորոշումը հայտենք՝ կամ դատապարտեք այդ հայտարարությունը կամ ստորագրում եք դրա տակ: Ըստ էության, չեք դատապարտել, հետևաբար ընդունում եք, որ ձեզ համար էլ գերիները չկան և խնդրեմ ինձ բացատրեք, թե Ալեն Սիմոնյանի այդ հայտարարությունը և ձեր ամբողջական հանդուրժողականությունը այդ հայտարարության նկատմամբ ո՞ր երկրի շահերից են բխում»,- նշեց ընդդիմադիր պատգամավոր Աննա Գրիգորյանը՝ խոսքն ուղղելով իշխող ՔՊ-ական պատգամավորներին:
Հարակից հրապարակումներ`
- Վահե Հովհաննիսյան. Ու երբ մի օր գա նոր աղետը, Նիկոլը հանգիստ կասի՝ «բայց Ալիևը պարզ ասում էր»
- ՀՀ-ից Ալիևի վտանգավոր հայտարարություններին չարձագանքելու պայմաններում ՌԴ-ն է անդրադառնում ստեղծված ծանր իրադրությանը. Աբրահամյան
- Հայաստանի տարածքը թյուրքական համարող Ալիևը և Էրդողանը խաղաղության օրակարգ չունեն.Վարուժան Գեղամյան
- Միակ հարցը, որով Ալիևը հանգիստ է, դա իր կողքին Հայաստանի՝ նման որակի իշխանություն ունենալն է. Աբրահամյան
- Ալիևն ասել է՝ ռուս խաղաղապահների գործողությունների վերաբերյալ առարկություններ ունեն
- Ալիևը հարցազրույց է տվել, որտեղ բավականին երկար խոսել է Սերժ Սարգսյանի ու Ռոբերտ Քոչարյանի մասին. Տիգրան Աբրահամյան
- Ալիևը մի բան է ասում, մեկ շաբաթ անց այդ նույն թեզերը լսում ես մեր իշխանավորների շուրթերից. Անժելա Էլիբեգովա
Լրահոս
Տեսանյութեր
Ի դեմս Ադրբեջանի՝ այսօր աշխատում է Թուրքիան, սա նոր երևույթ է, որը պետք է գիտակցենք. Դեմոյան