Ռոբերտ Քոչարյանի քաղաքացիության վերաբերյալ դատարանի որոշման ջատագովը ձեր Սասուն Խաչատրյանի հայրն է. Վարդևանյան
«Եթե հենց լրագրողական գործունեությունը և դրա չհավաստումը, գրանցումը չունենալն իշխանական խմբակցությունը հաշվի է առել իբրև հաստատված, ապա դրա իրավական ճանապարհը կա»,- անդրադառնալով ՀՌՀ հանձնաժողովի անդամի ՔՊ թեկնածու Արթուր Մանուկյանի կենսագրականում առկա անճշտություններին՝ խորհրդարանում հայտնեց «Հայաստան» խմբակցության պատագամավոր Արամ Վարդևանյանը:
Հիշեցնենք, որ «Հայաստան» խմբակցության մեկ այլ պատագամավոր՝ Լիլիթ Գալստյանն իր ելույթում նկատել էր, որ Հեռուստատեսության և ռադիոյի հանձնաժողովի անդամի թեկնածու Արթուր Մանուկյանի աշխատանքային գրքույկում չկա ամրագրված, որ նա աշխատել է հեռուստատեսություններում, ինչը թեկնածու առաջադրվելու անհրաժեշտ պայման է:
Վարդևանյանը տեղեկացրեց, որ գոյություն ունի իրավաբանական փաստի ճանաչման գործընթաց, որը թեկնածուն կարող էր անել և դատական պրոցեսը բավականաչափ արագ սպառելուց հետո նոր առաջադրվեր:
«Ասել, որ գործատուներն անձին չեն գրանցել, բայց միևնույնն է այն պետք է համարել փաստ՝ իրավունքի կամ օրենքի տրամաբանությունից դուրս է»,- ասաց ընդդիմադիր պատգամավորը:
Արամ Վարդևանյանն անդրադարձավ նաև ՔՊ պատգամավորներից մեկի այն արտահայտությանը, ըստ որի՝ եթե խոսվում է փաստաթղթերի ճշտությունից, ապա կարող են խոսել ՀՀ երկրորդ նախագահ Ռոբերտ Քոչարյանի քաղաքացիության հարցի մասին:
Նկատելով, որ ստիպված է ներկայացնել փաստերը, որպեսզի հասարակությունը և ԱԺ դահլիճում գտնվողները սպառիչ տեղեկություններ ունենան հարցի վերաբերյալ՝ Վարդևանյանն ասաց. «2000 թ. ՀՀ վճառաբեկ դատարանը բովանդակությամբ և էությամբ մի չափազանց կարևոր որոշում է կայացրել Ռոբերտ Քոչարյանի քաղաքացիության վերաբերյալ, հիմքն էլ հանդիսացել է ՀՀ Անկախության հռչակագիրը, այնտեղ առկա Արցախի վերաբերյալ ձևակերպումները»:
Վարդևանյանը հայտնեց, որ իշխանության համար շատ կարևոր է իմանալ, որ այդ որոշման հիմնական ջատագովն էլ հանդիսացել է ՔՊ-ի Սասուն Խաչատրյանի հայրը՝ Մհեր Խաչատրյանը, որին համարեց ՀՀ իրավաբանության և դատական համակարգի լավագույն դատավորներից մեկը, ինչը չի կարող ասել Սասուն Խաչատրյանի մասին:
Ընդդիմադիր պատգամավորի խոսքով՝ այդ դատական ակտը կարևոր է նաև ՀՀ անկախության հռչակագրի կարևորության տեսանկյունից:
Հիշելով Արթուր Մանուկյանի ելույթը՝ ընդդիմադիր պատգամավորը ասաց «ՀՌՀ թեկնածուն զարմանալիորեն ասաց, որ լուրերին չի հետևում, նյարդեր չունի դրա համար, և այդ տրամաբանությամբ հարց է առաջանում, թե ինչպես պետք է ՀՌՀ անդամի իր գործունեությունն իրականացնի» :
Վարդևանյանն անդրադարձավ նաև նույն հարցի շուրջ ՔՊ պատգամավոր Վահագն Ալեքսանյանի ելույթին, որի ժամանակ նա լրագրողներին անվանել է մարմնավաճառներ և շեշտեց, որ պատգամավորն օգտագործում է բառամթերք և այն ինչ-որ կոնտեքստում փորձում է վերագրել լրագրողներին, ինչը խայտառակություն է:
«Հայաստան» խմբակցության պատգամավորի խոսքով՝ որևէ զարգացած երկրում նման բառամթերք օգտագործող պատգամավորին շատ խիստ կարձագանքեին նույն լրագրողները և քաղաքական շրջանակները:
Հարակից հրապարակումներ`
- «Հայր մեր»-ն ասելո՞վ էիք Արցախը հանձնում, Ղազանչեցոցի խաչը թուրքերի ոտքերի տակ դնում․ Ագնեսա Խամոյան
- Ամբողջ ազգին կոչ անենք ՍԻԼ ջուր խմե՞ն, որ դուք Թուրքիային նորից մեր գլխին չբերեք. Քրիստինե Վարդանյանը՝ Խաչատուր Սուքիասյանին
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ