Ձեր վստահելի աղբյուրը

«Փոքր մարդիկ ինքնություն չեն ունենում, նրանք չեն պատկանում որևէ ազգի, նրա արժեհամակարգի կրողը չեն կարող լինել և այդ առումով Նիկոլ Փաշինյանը հնարավոր է իր գրքում անկեղծացել է՝ ասելով, որ մերժում է հայկական արժեհամակարգը»,- ասյօր տեղի ունեցած ասուլիսում ասաց նկատեց գրող Խաչիկ Մանուկյանը, ում տղան զոհվել է արցախյան երկրորդ պատերազմում, շեշտեց, որ Փաշինյանի թիմակիցներն էլ են այդ դավանաքի տերերը:

Նրա խոսքով՝ իշխանությունների համար Հայաստանը երկիր չէ, այլ խաղահրապարակ, որտեղ եկել են ընկերներով խաղալու՝ չմտածելով, որ դրա արդյունքում կորցնում ենք երկիրը:

Անդրադառնալով Իլհամ Ալիևի այն հայտարարությանը, թե Երևանն ու Սևանը իրենցն են՝ բանախոսը նկատեց. «Ալիևն էլ է ձեռք առնում, բանն այն է, որ արդեն իրենցն են Երևանն ու Սևանը՝ ունենալով նման թիմ Հայաստանում»:

Գրողի կարծիքով՝ այս իրավիճակում բոլոր բանակցություններն իմիտացիաներ են, ամեն ինչ մինչ այդ է որոշված:

«Ժամանակին մի մասը թուրքական դրոշ էր այրում, մյուսը ռուսական, իսկ այս մեկը եկավ և հայկական դրոշն այրեց: Հիմա այդ դրոշի կրակի շուրջ առայժմ տաքանում են մոլորյալները, հետո այն ամբողջությամբ մոխիր կդառնա և կհասկական, թե ինչի շուրջ էին հավաքվել»,- ասաց Խաչիկ Մանուկյանը և հավելեց. «Սա կործանման առաջին փուլն է և այն այնքան էլ պարզ չէ, դրա համար էլ մոլորյալներն ասում են՝ դե հեն է գերբը, դրոշը կա, ոչինչ որ նախագահը թռնում է և Լոնդոնից ասում՝ բայ-բայ, սա արդեն երկիր չէ, այլ բարդակի վերածել է, սա իրենց խաղն է»:

Նրա խոսքով՝ հայի գենը շատ հզոր է, պահպանվել է դարերով և պետք է, որ թույլ չտար նման սրիկայություններ և դավաճանություններ, բայց այն եղավ ու շարունակվում է:

«Այն ուղեկցվում է մշակութային դաշտի աղավաղումով, որը մարդկանց թույլ չի տալիս վերադառնալ իրենց հիմքերին, ոգեղենությանը»,- ասաց նա:

Խաչիկ Մանուկյանը պատմեց՝ երբ սոցիալական ցանցում գրառում էր արել այն մասին, որ Հայաստանի չարիքի իշխանությունը կործանվելու է, մի օգտատեր մեկնաբանություն էր արել, թե արդյո՞ք գրողը երազ չի տեսնում:

Նրա խոսքով՝ այդ գրառումն իրեն տարօրինակ է թվացել, անձնական նամակով է կապ հաստատել վերջինիս հետ և զգացել, որ չնայած նա հայերենով է գրում, բայց հայկականի մեջ չէ:

Ըստ Խաչիկ Մանուկյանի՝ ինքը խնդրել է Ռուսաստանի բարեկամին պարզել նրա ինքնությունը և 8 ժամվա ընթացքում վերջինս պարզել է, որ մեկնաբանության հեղինակը ադրբեջանցի 37-ամյա կին է, որը գրանցված է Միացյալ Նահանգներում, մի քանի անգամ անունը փոխել է և հանդես է գալիս տղամարդու անունով:

«Ալիևի ժողովուրդը մեզանից՝ հայերից պաշտպանում է իրենց նվիրյալին, մարդուն, որը եկել է և վերացնում է իմ երկիրն ու պետականությունը և այն անում է պարով, երջանիկ, ուրախությամբ, քանի որ բոլոր չարքապատկանների համար գերագույն վայելք է՝ խմել այդ արյունը, ոչնչացնել ամենը»,- ասաց նա։:

Նա նկատեց՝ իշխանության ներկայացուցիչներն այնքան են հեռացել հայկական ինքնությունից, որ փորձեցին անտեսել Ռազմիկ Դավոյանի պես մեծությունը:

«Իրենք մնալու են ստվերի տակ, Ռազմիկ Դավոյանի ստվերի տակ, հիմա էլ նրա տակ են»,- ասաց Մանուկյանը և նկատեց, որ Արցախում ունեցած հաղթանակները նաև Ռազմիկ Դավոյանի ուժով էր՝ ոգեղենությունը, որը նա փոխանցել էր իր սերնդակիցներին և եկողներին, այն ապրեցնողը, որը կարող է հավատ փոխանցել: