Ադրբեջանի և Թուրքիայի նախագահների ասածները, ցավոք սրտի, իրականություն են դարձել. Հայկ Մամիջանյան
«Այսօրվա բերման ենթարկելու դեպքերի զգալի մասով քաղաքացիները պարզապես կանգնած էին մայթեզրերին։ Վախն աստիճաններով է, հերթական աստիճանին են հասել»,- երթի ժամանակ լրագրողների ասաց ՀՀԿ-ական, ԱԺ «Պատիվ ունեմ» խմբակցության քարտուղար Հայկ Մամիջանյանը։
Նա նշեց, որ չի թիրախավորելու ոստիկանությանը որպես ինստիտուտ, շատ արժանապատիվ ոստիկաններ կան, իրապես ծառայում են հայրենիքին, միաժամանակ կան անհասկանալի երևույթներ, որոնք, կարծեք, հատուկ ուժ կիրառելու համար են։
Ընդդիմադիր գործիչը խնդրեց այլևս այս իշխանության մասին խոսելիս իշխանություն բառը չօգտագործել. «Հայաստանի իշխանությունը պատկանում է ժողովորդին, հայ ժողովուրդը վաղուց, իմ համոզմամբ, ցույց է տվել, որ այս խունտան չունի մանդատ իր անունից բանակցելու կամ ներկայանալու որպես իշխանություն։ Այնպես որ ընդամենը մնացել է մեր հաղթանակի փաստագրական արձանագրումը»։
Խոսելով երեկ խորհրդարանում ՔՊ-ական պատգամավորների պահվածքի մասին, Հայկ Մամիջանյանն ասաց, որ սովորություն ունեն ծափահարել իրենց ղեկավար կոչեցյալի զեղումներից հետո՝ բացարձակ չհարգելով ու չգիտակցելով նահատակված զինծառայողների հարազատների վիշտը, Հայաստանի ներկա իրավիճակը։
«Երբ ասելիք չկա, ծափահարելը լավագույն ու ամենահեշտ միջոցն է»,- ասաց նա։
Անդրադառնալով Ադրբեջանի նախագահի հայտարարությանը, որ «Զանգեզուրի միջանցքն արդեն իրականություն է», Մամիջանյանը նշեց. «Վերջին շրջանում դեպքերի մեծ մասում գործընթացների մասին տեղեկանում ենք թուրք կամ ադրբեջանցի պաշտոնյաների խոսքերից։ Այս պարագայում ունեմ որոշակի խիստ հիմնավոր մտահոգություններ, բայց մինչև դրանց հաստատվելը չեմ մեկնաբանի Ալիևի հայտարարությունը, թեպետ մինչև այսօր Ադրբեջանի և Թուրքիայի նախագահների և այլ պաշտոնյաների ասածները հետագայում, ցավոք սրտի, իրականություն են դարձել»։
Լրագրողի հարցին՝ «տպավորություն կա, որ Ռոբերտ Քոչարյանն ու Սերժ Սարգսյանը խուսափում են ակցիաների ժամանակ միմյանց հանդիպելուց, ինչ որ հակասություն կա՞ նրանց միջև», Հայկ Մամիջանյանն ասաց. «Ռոբերտ Քոչարյանն ու Սերժ Սարգսյանը մարտական ընկերներ են։ Ոչ ես, ոչ դուք չենք կարող վերլուծել իրենց հարաբերությունները։ Իրենք ունեն մեծ անցած ուղի, որի մի մասն անցել է մարտական գործողություններով և, կարծում եմ, որ դա մեր քննարկման խնդիրը չէ։ Սերժ Սարգսյանը երբ այցելում է վրանային ավան, շփվում է ակտիվիստների, քաղաքացիների հետ, տալիս է կազմակերպչական հանձնարարություններ հենց տեղում ձևավորված շտաբից»։
Հարակից հրապարակումներ`
- Ոստիկանները մինչև գաղտնաբառը կգտնեին, ցուցարարը մյուս մուտքով հեռացել էր
- «Հայրենական» ոստիկանությունը ձերբակալեց Համբիկ Սասունյանին. Ռուբեն Մելիքյան
- Ոստիկանության կողմից առևանգվել են երիտասարդ ՀՅԴ-ականները. ՀՅԴ ՆԱՈՒՄ
- «Թուրք ասկյարները տանում են հայ երիտասարդներին». ոստիկանների գործողություններն՝ ըստ քաղաքացիների
- Ալիևը անկեղծանում է վատ բաներով՝ «Զանգեզուրի միջանցքն արդեն իրականություն է»
- Մնում եք վարչապետ ո՞ր ինչ անեք, որ թողեք Արցախն Ադրբեջանի կազմո՞ւմ. Ռուստամյանը՝ Փաշինյանին
- Սերժ Սարգսյանը հայտարարել է՝ պաշտոն չի զբաղեցնելու, իսկ նոր կառավարությունում լինելու են պրոֆեսիոնալները. Մամիջանյան
- Մամիջանյան. Տուն գնալ չկա
Լրահոս
Տեսանյութեր
Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները