Եթե իրոք ասում են՝ հացի սեղանն արժեք է, ապա դրանից մեկ ամիս առաջ աղը հացի սեղանից չէին հանի. Թևան Պողոսյան
«ԱԺ վերջին ընտրությունները ոչ մի ճգնժամ չեն հաղթահարել, հատկապես բարոյահոգեբանական ճգնաժամն ավելի է խորացել, անվտանգության, տնտեսական, սոցիալական և կրթական ճգնաժամերը չեն լուծվել»,-«Հայկական օրակարգ. Ընտրություններից մեկ տարի անց» թեմայով քննարկմանն ասաց «Մարդկային զարգացման միջազգային կենտրոն» ՀԿ նախագահ Թևան Պողոսյանը:
Բանախոսն հայտնեց, որ ինքը եղել է այն ԱԺ պատգամավորը, որտեղ մտել էին 6 քաղաքական միավոր, իսկ 2021 թվականի ընտրությունների անցողիկ շեմը հաղթահարել են ընդամենը երկուսը, իսկ երրորդն օրենքի ուժով է մտել ԱԺ և ենթադրեց, որ ընտրություններին մասնակցած 26 կուսակցություններից ընտրողն այլընտրանք չի գտել:
«Այսօրվա մեր իրավիճակը 2021 թվականի հունիսի 20-ին մեր կողմից կայացրած որոշումների հետևանքներն են»,-ասաց բանախոսը և հավելեց, որ այն ժամանակ փորձագիտական շրջանակներում կարծիք կար, որ չէր կարելի ճգնաժամի ընթացքում հասարակության հետ գնալ ընտրությունների, իսկ 2018 թվականի դեկտեմբերի դրական էյֆորիաները բերեցին 2020թ. պարտություններին:
Թևան Պողոսյանը նկատեց, որ ճգնաժամը կարելի էր հաղթահարել անցումնային կառավարության ձևավորմամբ, այլ ոչ թե արդյունք չտված 2021թ. ընտրություններով:
«Անհատական դաշտում կարող ե՞նք անել այնպես, որ գոնե թշնամին չշահի: Այստեղ գալիս է այն խնդիրը, թե ովքեր են ուրախանում ի վերջո այն արդյունքով, երբ որևէ անհաջողություն է լինում Հայաստանում, քանի որ եթե որևէ պայքարող սուբյեկտ անհաջողության է մատնվում Հայաստանում, ապա կոցնում է մեր երկիրը»,-հայտարարեց փորձագետը և նկատեց.«Եթե մեր մեջ չի ձևավորվել մի իրավիճակ, որտեղ իրար հանդուրժելով, սիրով, իրար հետ միասին ապրելու գիտակցությամբ ձևավորենք մոտեցում, որտեղ մենք իսկապես պատարստ ենք աշխատելու գալիք սերունդների համար, ապա արդյունքի հասնելը դժվար կլինի»:
Դրա համար, ըստ նրա, պետք է հավատ ունենալ, թե արդյոք խնդիրը կկարողանանք լուծել, իսկ այն հնարավոր է միայն այն ժամանակ, երբ կողմերը կվերանան և կմա միայն ազգայինը:
«Արդյոք մենք ունե՞նք պետականությանը նվիրված որոշումներ կայացնելու մշակույթ: Ինչո՞ւ ենք ասում, որ որևէ նախընտրական ծրագիր պարզապես թուղթ է, որովհետև այդպես միշտ է եղել: Որովհետև որևէ իշխանություն չի ասել՝ վերադառնամ, տեսնեմ ծրագիրս իրականացրել եմ և դրա համար կրեմ քաղաքական պատասխանատվություն»,-նկատեց բանախոսը և շարունակեց. «Այն շանսը, որ հայ ազգը ստացել էր 1991 թվականից ի վեր և ձավովորվել էր 1994 թվականի լավագույն ստարտային վիճակով, մենք այսօր կարծես թե կորցնելու շեմին ենք և այն մոտեցումները, որոնք 2018-ին ձևավորվել էին հանդուրժողականության, սիրո, միասնության տեսքով, այսօր նորից կորցրել ենք»:
«Մարդկային զարգացման միջազգային կենտրոն» ՀԿ-ի նախագահն անդրադառնալով ապագային՝ կարծիք հայտնեց, որ այսօրվա ունեցածի վրա հնարավոր է կառուցել նոր սցենարներ, և նկատեց. «Բայց, կա մի «բայց», այն ռազմավարական հաղորդակցությունն է, երբ բոլոր քաղաքական միավորները, կապ չունի թե ո՞ր դաշտում են, կարողանան ձևավորել ռազմավարական հաղորդակցություն՝ հանուն ազգայինի, երկրի և գալիք սերունդների, իսկ այն սկսվում է Հայաստանը, Արցախը, հային սիրելուց»:
Թևան Պողոսյանը չի հավատում երկիրը, սեփական սերունդը սիրելու իշխանությունների խոսքերին, քանի որ նրանց գործը տրամագծորեն հակառակի մասին է:
«Երբ ասում են, որ հացի սեղանն արժեք է, ապա եթե անկեղծ են, դրանից մեկ ամիս առաջ աղը հացի սեղանից չէին հանի, քանի որ այն այդ արժեքի մասն է»,-եզրահանգման եկավ քաղաքագետը:
Հարակից հրապարակումներ`
- Իվետա Տոնոյան. Տրամաբանությունը հուշում է, որ այսօր արտահերթ ընտրությունների անցկացումն անխուսափելի է
- Այս ԱԺ-ն և կառավարությունը մեկ հոգու թիկնազոր է, ուրիշ ֆունկցիա չունի. Վահե Հովհաննիսյան
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ