«Սրան բա լուրջ կվերաբերվե՞ն իր կոլեգաները». Օգտատերերը՝ Պապիկյանի մասին
Մոսկվայում ԱՊՀ մասնակից պետությունների պաշտպանության նախարարների խորհրդի հերթական նիստից Հայաստանի պաշտպանության նախարարության հրապարակած լուսանկարներից մեկը դարձել է բուռն քննարկման առարկա։
Սոցցանցերի օգտատերերը Հայաստանի նման ներկայացումը խայտառակություն են համարում։
«У всех министры обороны, как министры ОБОРОНЫ, и только наш - не пойми что... Осссспади, за что?
Սա խայտառակություն է ուղղակի, համազգային խայտառակություն: Սրան բա լուրջ կվերաբերվե՞ն իր կոլեգաները: Նույնիսկ ամոթ է այդ բառը կիրառել այս պարագայում՝ կոլեգաներ:
Այս պատկառելի մարդիկ սրան ի՞նչ կոլեգաներ, սրա մաններին նորմալ երկրներում պաշտպանության նախարարությանը մոտիկ չեն թողնում, իսկ Հայաստանում....»,-գրում է Նատալյա Սաղիյանը։
Հայտնի հեռուսատահաղորդավար Արա Ղազարյանը գրել է.
«Լավ, որ սա խայտառակություն ա դա բոլորը գիտեն, բայց գոնե արդուկված խայտառակվեր... Թե՞ սրանց թիմում փնթի լինելը պարտադիր պայման ա…
Տնաշենը ոնց որ Աֆոնյան լինի…»։
Արամ Կարապետյանը նույն նկարի մասին գրել է. «Էս ինչու են բոլորը համազգեստով...կարո՞ղ է ՝ քաղմասում եմ...»։
Ըստ երևույթին նա ակնարկում է զինծառայության ընթացքում Պապիկյանի կողմից իր վերադասին դանակահարելն ու դրա հետևանքով ազատազրկվելը։
Գագիկ Ասատրյանը գրում է.
«Երբ Հայքը համարվում էր աշխարհի ամենառազմատենչ թագավորություններից մեկը ու հայը համարվում էր հմուտ ռազմիկ, նկարում նշված զինվորական համազգեստով պարոնների երկրներն անգամ գոյություն չունեին, գոյություն չուներ իրենց ազգը։ Այդ ժամանակ հայ տղամարդն իր սուրն ու զրահը հագից չէր հանում, քանի որ զինվորական լինելը նրա արյունն ու միսն էր, նրա հոգին ու բարքը։
2022 թվական։ Նկարում առանձնացողը քիչ չէ, որ հայ է, նա նաև հայկական բանակի հրամանատարն է։
Սա նրա խայտառակությունը չէ, սա իմ խայտառակությունն է»։
Նշենք, որ Նիկոլ Փաշինյանի կողմից պաշտպանության նախարար նշանակված Սուրեն Պապիկյանի աշխատանքային այցերի ընթացքում արված լուսանկարները հաճախ են քննադատության ու ծաղրի առարկա դառնում։
«Ռազմինֆո» կայքի համակարգող, անվտանգությանհաղերով փորձագետ Կարեն Վրթանեսյանն իր ֆեյսբուքյան էջում վերջերս տեղադրել էր Պապիկյանի լուսանկարն ու մասնավորապես գրել.
«Հո նախարար չի, հո նախարար չի... Արծվի պես ճախրում է հայոց սահմաններու վրա, առյուծի պես պաշտպանում է Հայաստանի հողը... Մի խոսքով, անվախ հերոս մարկիզ դե Պապիկյան, որ մին զարկի, ջարդի հազար, օդում ճանկի «Բայրաքթար»...»։
Նշենք, որ Պապիկյանի զինծառայության մասին տվյալները հակասական են։ Կառավարության էջում նրա կենսագրության մեջ նշված էր.
«2003-2010 թթ. - Երևանի պետական համալսարանի պատմության ֆակուլտետ (ուսումնառության ընթացքում զորակոչվել է ՀՀ զինված ուժեր»։
Մինչդեռ երբ հայտնի դարձավ, որ ծառայության ընթացքում տեղի ունեցած միջադեպի հետևանքով դատապարտվել է ազատազրկման, Պապիկյանը հայտարարեց, որ ծառայել է ոչ ՀՀ զինված ուժերում, 2004-2006 թվականներին։
Նա հաստատեց, որ եղել է դեպք, ինչի հետևանքով դատապարտվել է ազատազրկման, ապա համաներմամբ ազատ է արձակվել։
«Այն ինչ տեղի է ունեցել, ինձ համար ցանկալի բան չէ։ Կարծում եմ այն դրվագներից է, որի համար ափսոսում եմ»,- նշել է նա։
«Սպուտնիկ Արմենիան»-ն գրել էր, որ Սուրեն Պապիկյանին մեղադրանք է առաջադրվել Ռուսաստանի Դաշնության քրեական օրենսգրքի 334-րդ հոդվածի 2-րդ մասի Բ կետով և 334-րդ հոդվածի առաջին մասով (պետի նկատմամբ բռնություն գործադրելը, որը կատարվել է զինվորական ծառայության ընթացքում, զենքի գործադրմամբ)։
Նա 5-րդ զինվորական կայազորի դատարանի կողմից 2006 թվականի մարտի 27-ին դատապարտվել է 2 տարի 3 ամիս ազատազրկման, ապա այդ պատիժը Էրեբունի վարչական շրջանի ընդհանուր իրավասության դատարանը համապատասխանեցրել է մեր օրենսդրությանը և հաստատել։ Պատիժը կրել է «Նուբարաշեն» քրեակատարողական հիմնարկում, ապա մոտ մեկ տարի անց՝ 2007 թվականի փետրվարի 23-ին, ազատ է արձակվել համաներմամբ։
Հարակից հրապարակումներ`
- Պապիկյանը մեկնել է Մոսկվա որպես պաշտպանության նախարար
- Զինծառայության ընթացքում ազատազրկման դատապարտված Պապիկյանը նշանակվեց պաշտպանության նախարար
Լրահոս
Տեսանյութեր
Եթե Տավուշի գյուղերի հանձնման պրոցեսը տեղի ունենա, այդտեղից կսկսվի պետականության վերջնական ավարտը