Միջազգային հանրությունը սիրում և հարգում սեփական իրավունքների համար կռիվ տվողին. Գեղամ Նազարյան
«Մինչ այսօր որևէ իրավական ակտով Արցախի Հանրապետությունը վերացված չէ, Արցախն ապում է ծանր վիրավոր, բայց՝ ապաքինվելու ուժով»,-ԱԺ արտահերթ նիստում հայտարարեց «Հայաստան» խմբակցության պատգամավոր Գեղամ Նազարյանը։
Նկատելով, որ երբ իշխող խմբակցության պատգամավորները հայտնում են, թե հանուն Արցախի հրաժարվում են ընդդիմության ներկայացրած հայտարարության տեքստում «Լեռնային Ղարաբաղի Հանրապետություն» ձևակերպումից և Ղարաբաղի ժողովրդի ինքնորոշման իրավունքից՝ պատգամավորը հայտարարեց, որ դրանով ոչ թե օգնում են, այլ ծանրագույն հարված են հասցնում Ղարաբաղի ժողովրդին։
Նրա խոսքով՝ երբ ընդդիմությունն ասում է, որ արցախցին պետք է ինքնորոշվի, ապա միջազգային հանրությանը փաստում է, որ հայերը կան և երբեք ծնկի չեն իջնում:
«Այնպիսի տպավորություն է, որ դուք չեք ճանաչում միջազգային հանրությանը։ Միջազգային հանրությունը սիրում և հարգում է արժանիներին, իրենց սեփական իրավունքների համար կռիվ տվողին, թեկուզ և վիրավոր, բայց իր տեսակետը պնդողին ու պաշտպանողին:Նրա հետ էլ գործակցում են ու օգնում»,- ասաց Գեղամ Նազարյանը:
Պատգամավորը ներկաներին հորդորեց հիշել իրենց մանկապարտեզային տարիքը, երբ ամենից շատ ծեծում էին այն երեխաին, որը հրաժարվում էր իր իրավունքների համար կռիվ տալ և իրեն պաշտպանել:
Հարակից հրապարակումներ`
- ԱԺ-ն չընդունեց հայտարարություն՝ ի պատասխան Ադրբեջանի հռետորաբանության
- Մենք՝ որպես ՀՀ-ի իշխանություն, չենք կարող ընդունել նման ռիսկեր պարունակող հայտարարություն. Էդուարդ Աղաջանյան
- Սա մեր հավաքական պատասխանը կլինի Ալիևի հռետորաբանությանը. Անդրանիկ Թևանյան
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան