Ձեր վստահելի աղբյուրը

«Լաչինի միջանցքը 20 օր է՝ չի գտնվում ռուս խաղաղապահների վերահսկողության տակ, պետք է խնդրի լուծման ուղիներ փնտրել»,-Սանկտ Պետերբուրգում կայացած հանդիպման ժամանակ Վլադիմիր Պուտինին ասել է Նիկոլ Փաշինյանը։ Լուրը հայտնում է ՏԱՍՍ-ը:

Հիշեցնենք, որ Ռուսաստանի նախագահ Վլադիմիր Պուտինը և Նիկոլ Փաշինյանը Սանկտ Պետերբուրգում երկկողմանի բանակցություններ են վարել ԱՊՀ ոչ պաշտոնական գագաթնաժողովի շրջանակում։
 

Կրեմլի պաշտոնական կայում հրապարակվել է հանդիպման արարողակարգային հատվածը.

«Վլադիմիր Պուտին-Նիկոլ Վլադիմիրովիչ, մենք վերջերս միջկառավարական հանձնաժողովի նիստ անցկացրինք, և մեր գործընկերները հայտարարեցին, որ մեր տնտեսության վիճակը շատ դրական է զարգանում: Այս տարվա տասը ամիսների ընթացքում ապրանքաշրջանառության 73 % աճ է գրանցվել։ Սա լավ արդյունք է։

Բայց մենք երեկ սկսեցինք, և հաջողվեց երեքով խոսե, իհարկե, հիմնական խնդիրը Հարավային Կովկասում իրավիճակի կարգավորումն է, հայ-ադրբեջանական հարաբերությունները, այն ամենը, ինչ կապված է Ղարաբաղի հետ։

Այսպիսով, ինչպես պայմանավորվել ենք, մանրամասն կքննարկենք այս բոլոր հարցերը։

Նիկոլայ Փաշինյան. Շնորհակալություն, Վլադիմիր Վլադիմիրովիչ:

Նախ թույլ տվեք շնորհակալություն հայտնել հրավերի, ԱՊՀ ոչ պաշտոնական գագաթնաժողովը կազմակերպելու համար։ Սա արդեն բարի ավանդույթ է դառնում ԱՊՀ-ի համար։

Իհարկե, դուք իրավացի եք, այս պահին գլխավոր, ամենահրատապ խնդիրը ճգնաժամն է, որը մենք ունենք Լաչինի միջանցքում։ Գիտեք, Լաչինի միջանցքը գրեթե 20 օր արգելափակված է։ Սա ռուս խաղաղապահների պատասխանատվության ոլորտն է Լեռնային Ղարաբաղում:

Ուզում եմ հիշեցնել, որ, համաձայն ՌԴ նախագահի, Ադրբեջանի նախագահի և Հայաստանի վարչապետի եռակողմ հայտարարության, Լաչինի միջանցքը պետք է գտնվի ռուս խաղաղապահների հսկողության տակ, իսկ Ադրբեջանի Հանրապետությունը երաշխավորել է ուղևորների, բեռների, մարդկանց անխոչընդոտ անցում Լաչինի միջանցքով:

Այժմ պարզվում է, որ Լաչինի միջանցքը ռուս խաղաղապահների վերահսկողության տակ չէ։ Իհարկե, ես կցանկանայի քննարկել այս իրավիճակը, թե ինչ տարբերակներ կան։

Շնորհակալություն այս հնարավորության համար»: