Ձեր վստահելի աղբյուրը

Բաթումիում այսօր՝ մրցութային երրորդ օրը, մեծահասակների կատեգորիայում ելույթ կունենան Արմեն Գրիգորյանը, Արտյուշ Գոմցյանը, Նաիր Մելիքյանը և Արշակ Էլիզբարյանը։

Jnews-ի փոխանցմամբ՝ մենամարտերը ուղիղ եթերով կարելի է դիտել Վրաստանի բռնցքամարտի ֆեդերացիայի ֆեյսբուքյան էջում՝ հետևյալ հղումով.

Ավելի վաղ՝ հունվարի 31-ին, Արտյուշ Գոմցյանն ու Վիգեն Փիլոսյանը 5։0 հաշվով հաղթել էին մրցակիցներին, իսկ երեկ՝ փետրվարի 1-ին, Վիգեն Փիլոսյանն ու Էդուարդ Ստեփանյանը, ցավոք, պարտություն կրեցին ու դուրս մնացին պայքարից։

Հիշեցնենք, որ հունվարի 30-ից փետրվարի 4-ը Վրաստանում անցկացվում է բռնցքամարտի առաջնություն, որին մասնակցում են նաև ախալքալաքցի մարզիկները։

Ախալքալաքցի 11 մարզիկներից 5-ը կմրցեն 17-18 տարեկան (երիտասարդական), իսկ 6-ը՝ 18 տարեկանից բարձր (մեծահասակների) կարգում։ Ինչպես նշեց մարզիկների մարզիչ Ատոմ Էլիզբարյանը, այս տարի բոլոր մասնակիցները տարբեր առաջնությունների ու մրցաշարերի մրցանակակիրներ ու հաղթողներ են։

Երիտասարդների կատեգորիայում.

Գոռ Այվազյան (մինչև 54 կգ), Եվրոպայի չեմպիոն, աշխարհի առաջնության մեդալակիր,
Սամվել Ղազարյան (մինչև 80 կգ), Եվրոպայի մեդալակիր,
Վիգեն Փիլոսյան (մինչև 71 կգ),
Պավլիկ Եղոյան (մինչև 86 կգ),
Էդուարդ Ստեփանյան (մինչև 63 կգ):
Մեծահասակների կատեգորիայում.

Արտյուշ Գոմցյան (մինչև 60 կգ), Եվրոպայի գործող չեմպիոն,
Արտյոմ Յորդանյան (մինչև 92 կգ), Վրաստանի հավաքականի անդամ, Եվրոպայի առաջնության հաղթող,
Արշակ Էլիզբարյան (մինչև 75 կգ), Եվրոպայի առաջնության մասնակից, միջազգային մրցաշարերի հաղթող, Վրաստանի հավաքականի անդամ,
Արամ Խռիկյան (մինչև 57 կգ), Վրաստանի չեմպիոն,
Արմեն Գրիգորյան (մինչև 60 կգ), միջազգային մրցաշարերի հաղթող,
Նաիր Մելիքյան (մինչև 71 կգ), MMA-ի Հայաստանի չեմպիոն: