Տիկին Բաղդասարյան ավելի լավ է լռեք,մի՛ խոսեք․ Մհեր Մելքոնյան
ՀՅԴ Շիրակի մարզային կոմիտեի ներկայացուցիչ Մհեր Մելքոնյանը գրում է․
«Երբ քաղաքական ծաղրածուները երկիր են «ղեկավարում»․․․․
2018 թվականին ՀՀ-ում իշխանությունը զավթեցին հակազգային ուժերը Նիկոլ Փաշինյանի գլխավորությամբ,որոնք տարիներ շարունակ սպասարկել են և մինչ օրս շարունակում են սպասարկել թշնամու շահերը:
Իշխանազավթումից հետո Նիկոլ Փաշինյանը և նրա ՔՊ-ական բանդան հետևողականորեն սկսեցին պայքարել մեր անկախ պետականության դեմ։
ՔՊ-ականները ոչ միայն հրաժարվեցին Արցախից,ազգային արժեքներից,մեր հաղթանակներից ,այլ հրաժարվեցին առհասարակ որեւէ ազգային գաղափարախոսություն ունենալուց:Ավելին՝փաշինյանական խմբակի ներկայացուցիչները լուրջ պայքար սկսեցին ազգային-պետական մտածողություն ունեցող ուժերի դեմ։
Պատահական չէր ,որ ապազգային ուժերի ներկայացուցիչները ցինիկաբար հայտարարում էին, որ 2018 թվականի իշխանազավթումը ավելի կարևոր է, քան արցախյան պայքարը։
Պատահական չէր Աննա Հակոբյանը հայտարարությունը,որ հազարավոր կյանքեր զոհաբերել ենք հանուն ոչնչի։
Պատահական չէր,որ վարչապետի աթոռը զբաղեցնող անձը զիջելով մեր դիրքերը թշնամուն հայտարարում էր,որ «Էդ սարի ծերին, որտեղ տարվա կեսը ձյուն ա, ինչների՞ս ա պետք զինվոր»։
Օրերս ընդդիմությունը Բերձորի միջանցքի վերաբերյալ խորհրդարանական լսումներ էր նախաձեռնել։Լսումներին բացի ընդդիմադիր գործիչներից ներկա էր նաև իշխանական պատգամավոր, մի քանի ճամբար փոխած Գուրգեն Արսենյանը։Իր ելույթի ընթացքում ընդդիմությանը բարայոական և հայրենասիրական դասեր տալուց հետո,բախտախնդիր քաղաքական գործիչը հերթական անգամ առաջ տարավ ՔՊ-ական բանդայի հակապետական և հակաարցախյան թեզը՝ հայտարարելով. «Մենք չենք կարող ռիսկի ենթարկել երեք միլիոն հայերի՝ հանուն 120 հազար արցախցիների»:
Բուռն քննարկումների առիթ հանդիսացան լսումների ընթացքում հնչեցրած ելութները։Գործող դավադիր իշխանության ներկայացուցիչները՝ իրար հերթ չտալով, սոցիալական ցանցերի էջերում քննադատեցին,«վերլուծեցին» ընդդիմադիր գործիչների մտքերը,իսկ որոշները նաև իրենց գռեհիկ ոճին հավատարիմ փորձեցին նորից հաթաթա տալ ընդդիմությանը։
Այս գործընթացից անմասն չմնացին նաև Շիրակի մարզի ՔՊ-ական ակտիվիստները։
Շիրակի նախկին մարզպետ,այժմ պաշտոնապես գործազուրկ հանդիսացող Նազելի Բաղդասարյանն իրեն և իր քաղաքական թիմին բնորոշ պոպուլիստական ոճով,նորից ու նորից ցանկացավ բարոյա-խրատական և պետականամետության մաստեր կլասի դաս տալ ընդդիմությանը։Սույն տիկինը մարզպետի պաշտոնում այդպես էլ ոչ մի դրական քայլով աչքի չընկավ մարզում,իսկ գործունեության վերջին ամիսների ամենամեծ ձեռքբերումը եղավ Արթիկի թիվ 4-րդ դպրոցի տնօրենի ընտրությունների տապալումը։
Տիկին Բաղդասարյան ավելի լավ է լռեք,մի խոսեք․․․
Արցախի շուրջ ստեղծված իրավիճակի համար պատասխանատու է միայն ու միայն ձեր թափթփված,դավաճան,ստախոս,անընդունակ քաղաքական թիմը,որի մասնիկն եք նաև դուք․․․
Մյուս «հերոսը» ևս նախկին մարզպետ,այժմ ՔՊ-ական պատգամավոր Կարեն Սարուխանյանն է ։Սույն անձը,որը մարզային մասշտաբի տասովչիկի մակարդակից այդպես էլ չկարողացավ առաջ գնալ,իր ֆեյսբուքյան էջում գրել է․ «Ամեն բան կարելի է տեսնել մեր օրերում, անակնկալներն արդեն այդքան էլ գրավիչ չեն` մանավանդ քաղաքական դաշտում, բայց երբ երկրի թիվ 1 քաղաքական ամբիոնից սրբազանը խոսում է մահապարտների մասին, գործող իշխանություններին է մեղադրում ադրբեջանի հետ ինչ որ պայմանավորվածությունների և գործարքների մեջ, դա արդեն անակնկալ անվանելը մեծ ճոխություն կլինի»։
Գիտեի որ ցինիկ ու բարոյազուրկ եք․․․Բայց էս կարգի․․․
Սրբազանը ճշմարտությունն է ասել։
-ճշմարտությունն այն է,որ որ 44-օրյա պատերազմի արդյունքում 35 հազար արցախցի անօթևան մնացին
-ճշմարտությունն այն է,որ 44-օրյա պատերազմի արդյունքում 5000 և գուցե ավելի զոհեր ունեցանք
-ճշմարտությունն այն է,որ 44-օրյա պատերազմի արդյունքում թշնամուն հանձնեցիք Արցախի մեծ մասը
-ճշմարտությունն այն է,որ 2018 թվականին զավթեցիք իշխանությունը թշնամուն ծառայելու համար
-ճշմարտությունն այն է,որ ձեր չկայացած քաղաքական թիմի ղեկավարը մեր պատմական Շուշին դժգույն և դժբախտ քաղաք հռչակեց
Արդեն զզվելի է շարունակ լսել ձեր ապազգային քաղաքական ուժից տարիներ շարունակվող նույն հայտարարությունները,թե նորից ու նորից մեղավոր են նախկինները՝վատաբանում են,անհիմն պիտակավորում են,աղավաղում են փաստերը,չեն թողնում աշխատենք․․․
Մենք մեղավոր ենք մի բանում,որ թույլ ենք տվել ձեր նման թշնամու շահերը սպասարկող բախտախնդիրներին մինչև հիմա երկիր ղեկավարեն։
ՀՀ-ին այսօր պետք է ռազմական գործին տիրապետող,պետականամետ,ազգային իշխանություն, որը կհամախմբի հայ ժողովրդին, կվերականգնի մեր լավ հարաբերությունները դաշնակից երկրների հետ, և ընդունակ կլինի լուծելու մեր երկրի և ժողովրդի առջև ծառացած բոլոր խնդիրները։
Հարակից հրապարակումներ`
Լրահոս
Տեսանյութեր
Լավրով. Անցած տարին դարձավ ռեկորդային, ապրանքաշրջանառությունը մեր երկրների միջև կրկնապատկվեց
