![](https://panorama.am/news_images/938/2811258_1/50973969636_7402236e0e_b_1.thumb.jpg)
Երևանում կանցկացվի Միջազգային աստղագիտական միության գիտաժողովը
Բյուրականի աստղադիտարանի 2023թ-ի միջազգային գիտական միջոցառումների ցանկը բավականին հարուստ է։
Աստղադիտարանից հայտնում են, որ մեկնարկը կտրվի մայիսի 1-ին Հայ-վրացական (ԲԱ-ԱբԱ) կոլոքվիումով։ Այս ավանդույթ դարձած հանդիպումը սկսվել է 1974թ-ին։ Սա արդեն թվով 15-րդ կոլոքվիումն է և կանցկացվի մայիսի 1-5-ը։
Օգոստոսի 21-25-ին ԲԱ-ն Երևանում կկազմակերպի Միջազգային աստղագիտական միության թիվ 365 գիտաժողովը, որը կկրի «Արեգակնային և աստղային կոնվեկտիվ գոտիների և մթնոլորտների դինամիկան» խորագիրը։
Հաջորդիվ 3-րդ բյուրականյան տարածաշրջանային և 1-ին միջտարածաշրջանային ամառային դպրոցն է (3RASS/1IRASS)։ Սեպտեմբերի 11-15-ը կայանալիք դպրոցը նախատեսված է ոլորտի ուսանողների համար: Այն հնարավություն կտա ուսանողներին թե՛ դիտումներ կատարել ԲԱ 1մ և 2,6 մ աստղադիտակներով և թե՛ մասնակցել փորձառու աստղագետների վարած գործնական պարապմունքներին։
Սեպտեմբերի 18-22-ին տեղի կունենա ԲԱ հիմնադիր Վ․ Հ․ Համբարձումյանի 115-ամյակին նվիրված միջազգային գիտաժողովը «Անկայուն երևույթները Տիեզերքում» խորագրով։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)