Ձեր վստահելի աղբյուրը

«105 տարի առաջ այս օրը Սարդարապատում և հարակից ճակատներում վճռվեց մեր ճակատագիրը և մեր ժողովուրդը Մեծ եղեռնի և հայրենազրկումի վերջին արարից երեք տարի անց, միասնական պայքարի միջոցով, բոլոր կուսակցությունները, շինական, հոգևորական, ոտաբոբիկ գյուղացի, մտավորական , գեներալ և շարքային զինվոր կարողացան թշնամուն կանգնեցնել Մայր Աթոռից և Երևանից ոչ շատ հեռու և ապահեվոլ մեր ժողովրդին վերջնական ոչնչացումից»,-ասուլիսում հայտարարեց «Ժառանգություն» կուսակցության նախագահ Րաֆֆի Հովհաննիսյանը:

Նրա խոսքով՝ այդ սերունդն 105 տարի առաջ ապահովեց ունենալ պետություն բազմահազարյա պետականության արևելյան ճակատում, որն այսօր փայփայում ու պահում ենք ամենադժվարին պայմաններում:

«Առաջին հանրապետության ժառանգության մեջ ենք ապրում և վերջին հանրապետության կորստի  նախաշեմին ենք այսօր, եթե շարունակենք այս նույն ընթացքով գնալ»,-հայտարարեց Րաֆֆի Հովհանիսյանը:

Նա ասաց, որ 5 տարի առաջ հայ ժողվուրդն ունեցավ արժանի վերելք, որը նախորդ ժամանակաշրջանի սխալների և արատներ հետևանք էր:

«Այդ պայքարը սեփականաշնորհվեց մի խմբակի, գործչի կողմից որը, պարզվեց, ուներ ծրագիր իշխանություն ունենալու, վայելելու և նաև նպատակներ իրագործելու»,-հայտարարեց բանախոսը և, չտալով Նիկոլ Փաշինյանի անունը, հավելեց. «5 տարի անց ապրում ենք աննախադեպ  վայրէջք, մեր պետականությունը կորցնելու իրական հնարավորություն՝ մեր իսկ ձեռքերով, մեր ապրելու օրերին, վկայությամբ և իր իսկ պաշտոնական արած խոսքերով, իր որոշումներով: Եթե որևէ բան չփոխենք միասին՝ մենք գնում ենք մեր երկիրը ցեղասպանության հանձնելու ընթացիկ, կազմակերպվող ծրագրին:

Կոլցո-2-ը՝ ընթացող կատարյալ շրջափակում է, ինքնիշխան հայրենի տարածքների սողացող օկուպացիա է և ինքն արդեն բացեիբաց խոստովանում է իր հանցակցությունը, որ ինքը գիտակցաբար հանձնում է պետական նքնիշխան տարածքներ, պատճառում է հարյուրավոր և հազարավոր մահեր: Գիտակցաբար դրժում է պետական իր երդումը և բազմաթիվ դրվագներով խախտում Սահմանադրության պահանջը»:

Ըստ Հովհաննիսյանին՝ Փաշինյանը ընտրվել է ժամանակին, բայց կորցրել է բովանդակային լեգիտիմությունը, միգուցե, ձևական լեգիտիմությունը պահպանել է և հայտնեց, որ կամք չունեցավ նոյեմբերի 9-ից հետո կամովի հեռանալ իշխանությունից:

«Նա գնում է պետական, ազգային քաղաքական դավաճանության»,-ասաց Րաֆֆի Հովհաննիսյանը և պնդելով որ, Փաշինյանը պատերազմ է բերելու, հարցրեց, թե ինչպե՞ս ենք պատրաստվում դրան, ի՞նչ են անում պետական կառույցները, բայց վերջիններս պետք է քայլ կատարեն սահմանադրական կարգը վերականգնելու համար:

«Ժառանգություն» կուսակցության նախագահը հայտարարեց, որ ինքը, որպես քաղաքացի, բանաձել է մոտեցումներ, ձևավորել վստահության խորհուրդ՝ տարբեր ոլոտների հարգանք վայելող մարդկանցին, որոնք անձի շուրջ չեն հավաքվելու և ապահովելու են դեպի նոր Հայաստան անցումը:

«Թշնամին, Շառլ Միշելը, Վլադիմիր Վլադիմիրին, Էնթոնի Բլինքենը, աշխարհը ծայրից ծայր, ձախից աջ և մենք ինքներս՝ անկախ նրանից, թե ով, ինչպես է քվեարկեց, կամ իմ նման՝ չքվեարկել, պիտի իմանան, որ իր խոսքը, իր վարքը, ինքը սրանից հետո առոչինչ է»,-հայտարարեց Րաֆֆի Հովհաննիսյանը: