Ձեր վստահելի աղբյուրը

«Հիմա Տիգրանաշենը շատ կոնկրետ չասեմ, բայց մենք ելնում ենք քաղաքական մակարդակով այն կանխավարկածից, որ այդտեղ եղել է  Քյարքի»,- Մոլդովայում հայ համայնքի հետ հանդիպմանն ասաց Նիկոլ Փաշինյանը՝ պատասխանելով հարցին, թե 1975 թվական քարտեզով Տիգրանաշենը մտնո՞ւմ է 29 800 քկմ մեջ, որպես ՀՀ տարածք, թե՞ Ադրբեջանինն է։

«Մենք ասում ենք, որ պետք է գնանք, իրավական հիմքերը նայենք։ Քաղաքական առումով եթե կպարզվի այդ քարտեզով Ադրբեջանինն է, մենք ոչ մի խնդիր չունենք։

Դեռ փաստ չի, որ Ադրբեջանը կուզի Արծվաշենը վերադարձնի, Քյարքին, օրինակ վերցնի։

Նույնիսկ եթե այդպես է, ես ուզում եմ, որ մենք այդ հարցի արժեքը չգերագնահատենք, որովհետև չկա այնպիսի անկլավ, որը մեզ համար կառաջացնի ճանապարհային անլուծելի խնդիր։ Եթե ճանապարհը սենց չի կարող անցնել, սենց կարող է անցնի։ Ոչ մի խնդիր չկա»,- ասաց Փաշինյանը։

Նա նշեց, քաղաքական առումով որևէ խնդիր չկա. «Մենք ասում ենք՝ քաղաքական մակարդակում անկլավներն ընդունում ենք, իրենք էլ ընդունում են Արծվաշենը։ Արշվաշենն էլ է անկլավ։ Լավ՝ ճանապարհը սենց չի գնան, նենց կգնա»։