Այս իշխանությունը փորձում է մարդկանց մոլորեցնել ու ի վերջո հանձնել Արցախը, Հայաստանի մի շարք բնակավայրեր. Աբրահամյան
«Մեր հանրության ուշադրությունը պետք է կենտրոնանա այն մոտեցման վրա, որ Հայաստանում վերջին հինգ տարում իշխանության է մի ուժ, որը Հայաստանին ու Արցախին բերել է տարածքային, մարդկային, արժանապատվության, հեղինակության մեծ կորուստներ»,- «Հայրենիք, թե՞ «կադաստրի թղթով» ցեղասպանություն» թեմայով քննարկմանն ասաց «Պատիվ ունեմ» խմբակցության քարտուղար Տիգրան Աբրահամյանը։
Նա նշեց, որ սա Հայաստանն ու Արցախն առևտրի, սակարկման հանելու նախաձեռնություն է, որը վերջնարդյունքում բերելու է ոչ միայն Արցախի, նաև հենց Հայաստանի կորստի։
«Ողջ ռեսուրսները, որոնց տիրապետում է այս իշխանությունը, փաստացի կառավարում է, նպատակ ունեն ոչ թե դնելու Հայաստանի, Արցախի անվտանգության ապահովման վրա, միջազգային կառույցներում, միջազգային հարթակներում հայկական շահն առաջ մղելու համար, այլ այս իշխանությունների համար եղած ռեսուրսներն ունեն նպատակ՝ պարզապես մանիպուլացնելու, տարբեր տեխնոլոգիաների կիրառման միջոցով մարդկանց մոլորեցնել ու ի վերջո Արցախի հանձնումը, Հայաստանի մի շարք բնակավայրերի հանձնումը ժողովրդի համար մարսելի դարձնել»,- ասաց Տ.Աբրահմայանը։
Ըստ նրա, «կադաստրի վկայական» հասկացողությունը, Տիգրանաշենի վերաբերյալ Փաշինյանի վերջին հայտարարությունը, այդ բոլորը որոշակի գործիքների կիրառում են, որոնց նպատակն է գլխավոր խնդրից թեման հեռացնել ու տարբեր մանր-մունր խնդիրների շուրջ կենտրոնացնել. «Բայց այս ամենի հիմքում այն է, որ իշխանությունը պարզապես փորձում է հանձնել Արցախը, որի մասին հրապարակային հայտարարել է, հանձնել Հայաստանի մի շարք բնակավայրեր, իսկ դա քաղաքական, ռազմական, պատմական և մեծ թվով այլ գործոններ հաշվի առնելով՝ Հայաստանին, հայ ժողովրդին զրկելու է կենսունակությունից, գործելու հնարավորությունից, առհասարակ հայ ժողովրդի գոյությունն այս տարածաշրջանում հարատև ապահովելուց»։
Տիգրան Աբրահամյանն ասաց, որ Ադրբեջանն ունի մեկ նպատակ՝ հայկական հարցը պարզապես կորցնել, այսինքն պատմության հայկական էջը փակել։
«Եթե մարդկանց մի խմբի մոտ տպավորություն է, որ սա բուն Արցախի հարցն է, մի մասի մոտ Սյունիքի կամ Տավուշի հետ կապված հարցեր են, ոչ՝ սա Հարավային Կովկասում, Հայաստանի Հանարապետության, Արցախի Հանրապետության և առհասարակ հայ ժողովրդի պատմության էջի փակումն է, որի հիմքերը դրվել են 2018 թվականին, տարբեր գործընթացներով դա զարգացվել է, մոտենում է այն հանգուցալուծումը, որի պայմաններում Հայաստանը զրկվելու է այնպիսի տարածքներից, շրջաններից, որի հետևանքով Հայաստանն առհասարակ իր կենսունակությունը կորցնելու է, մնացած մասի անկումը կամ մնացած մասի վերահսկողությունը պարզապես դառնալու է ժամանակի հարց»։
Հարակից հրապարակումներ`
- Տիգրանաշենին սպասվում է շատ ավելի վատ ճակատագիր, քան Շուռնուխինն է. Արթուր Խաչատրյան
- Եթե դու ընտրել ես ստրուկի ու կապիտուլյանտի խայտառակ ճամփան, մի փաթաթի դա ազգիս վզին. Շարմազանովը՝ Փաշինյանին
- Փաշինյանն ու Ալիևը վերահաստատել են՝ փոխադարձաբար ճանաչում են միմյանց տարածքային ամբողջականությունը. Ելիսեյան պալատ
- Փաշինյան. Մենք պատրաստ ենք Ադրբեջանին վերադարձնել գյուղերը
- Շատ եմ ուզում մեր ապագա սերունդներին թողնել ՀՀ կադաստրի լրացված և ամբողջական վկայական. Փաշինյան
- Ճանապարհը սենց չի գնան, նենց կգնա. Փաշինյանը՝ անկլավների մասին
- Կարծես թե կողմերն ընդգծեցին, որ դեմ չեն սահմանագծման աշխատանքների համար որպես հիմք վերցվեն 1975 թ. քարտեզները. Փաշինյան
- ԵԽ նախագահն ամփոփել է իր, Փաշինյանի, Ալիևի, Մակրոնի և Շոլցի մասնակցությամբ հանդիպումը
Լրահոս
Տեսանյութեր
Փաշինյանը վախենում է Ադրբեջանի հետ կռվել, պատերազմ է հայտարարում ՌԴ-ին. Մանուկյան
