![](https://panorama.am/news_images/974/2920876_1/image_2023_11_03_101835475_v1.thumb.jpg)
Ալլա Լևոնյանը՝ վթարի մասին. Անփութություն էր իմ կողմից
Երգչուհի Ալլա Լևոնյանը երեկվա վթարից հետո իրեն լավ է զգում, այս պահին արդեն աշխատանքի է շտապում։
«Տհաճ միջադեպ է, բոլորի հետ էլ պատահում է։ Պարզ է, որ վատ է անդրադառնում, բայց ֆիզիկապես չեմ տուժել։ Հիմա ես գալիս էի տանից, ճանապարհին արդեն երեք վթար տեսա, ուղղակի որևէ հայտնիի մասնակցությամբ ինչ-որ բան, դե գիտեք»,-Panorama.am-ին ասաց երգչուհին։
Նա պատմեց, որ իր վարած մեքենան երեկ բախվել է ավտոբուսի հետ։
«Ոչ մեկի ոչինչ չի եղել։ Մի ուղևորի, որ ասում են հիվանդանոց են տեղափոխել, երբ ավտոբուսը կտրուկ արգելակել է, մեկ այլ ուղևոր դրա հետևանքով առաջ է եկել, կպել է այդ կնոջը, ընկել են։ Մինչ ես տուն կհասնեի, կինը հիվանդանոցից արդեն տուն էր գնացել, ոչ մի լուրջ բան չկա»,-ասաց երգչուհին։
Վթարի հետևանքով Ալլա Լևոնյանի մեքենայի ետևի աջ դուռն է վնասվել. «Ուրիշ ոչ մի բան, քանի որ շատ դանդաղ էինք վարում, անփութություն էր իմ կողմից, անուշադրություն»։
Նշենք, որ դեպքի վայորւմ եղել են ոստիկանության աշխատակիցներ, իրականացվում է նախաքննություն։
Երգչուհին իր համար անհանգստացողների համար փոքրիկ տեղեկատվություն է հրապարաել նաև սոցցանցի իր էջում։
Հարակից հրապարակումներ`
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)