![](https://panorama.am/news_images/978/2932168_1/f6564eeedc4a4f_6564eeedc4a8f.thumb.png)
Լայմի հիվանդության 25 դեպք է գրանցվել Հայաստանում
Հայաստանում այս տարվա հունվար-սեպտեմբերին գրանցվել է լայմի հիվանդության 25, ինչը նախորդ տարվա նույն ժամանակահատվածի համեմատ 6-ով ավելի է։
ՀՀ վիճակագրական կոմիտեից Panorama.am-ը տեղեկանում է, որ հիվանդներից 1-ը 0-2, 1-ը՝ 3-6 տարեկան երեխաներ են, իսկ մյուսները՝ մինչև 18 տարեկան։
Նշենք, որ 2021 թվականի հունվար-սեպտեմբերին հանրապետությունում գրանցվել է լայմի հիվանդության 2 դեպք։
Լայմի հիվանդությունը տզերի միջոցով տարածվող ինֆեկցիոն հիվանդություն է: Համարվում է փոխանցողով պայմանավորված ամենատարածված հիվանդությունը Եվրոպայում, Ասիայում, Հյուսիսային Ամերիկայում: Հիվանդությունը փոխանցվում է վարակված իքոդային տզերի խայթոցի արդյունքում: Տզերը վարակվում են թռչուններին կամ կաթնասուններին խայթելիս:
Լայմի հիվանդության գաղտնի շրջանը 3-32 օր է: Հիվանդության վաղ շրջանի ախտանշաններն են տենդը, գլխացավը, հոգնածությունը և «թափառող էրիթեմա» կոչվող մաշկային ցանը: Տզերի խայթոցից խուսափելու համար խորհուրդ է տրվում բնության մեջ զբոսնելիս կամ աշխատելիս կրել երկարաթև հագուստ, օգտագործել միջատավանիչ նյութեր:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)