Ձեր վստահելի աղբյուրը

Արմավիր քաղաքում մանկապղծություն է եղել։ Արմավիրցի 48-ամյա Ալբերտ Ղ-ն, օգտվելով 12 տարին չլրացած Անահիտի (անունը փոխված է) անօգնական վիճակից, սեռական բնույթի գործողություններ է կատարել անչափահասի նկատմամբ։ 

«Հրապարակ»-ը կապ  է հաստատել անչափահասի մոր և տատի հետ։ Ա-ի մայրը պատմել է, որ Ալբերտ Ղ-ն շուրջ մեկ տարի իր ընկերն է եղել՝ կողակիցը։ Մայրը դստեր հետ կատարվածն իմացել է իր ընկերուհուց․ «Ընկերուհիս գլխի գցեց՝ իմացա»։

«Էրեխեն վախեցել է ինձ պատմի, ընկերուհուս է ասել։ Ասել է, որ Ալբերտն իրեն կոնֆետ է առնում, փող ա տալիս, համբուրում է»,-պատմեց անչափահասի մայրը։

Մայրը, որը 6 երեխաներ ունի, պնդում է՝ չի նկատել, որ Ալբերտը անչափահաս դստեր հանդեպ սեռական բնույթի գործողություններ է անում, ըստ նրա՝ տղամարդը 6 երեխաների հանդեպ էլ ուշադիր ու հոգատար է եղել, տունը պահել է, ժամանակ առ ժամանակ գումար է տվել։ 

Դեպքից հետո Հ-ն դստերը մոտ մեկ ամիս դպրոց չի ուղարկել, փորձել է թաքցնել բոլորից։ 

«Տնօրենին տեղյակ պահեցի՝ ամսից ավել դասի չգնաց, ոչ մեկի հետ չշփվեց։ Չէի ուզում գնար դասի,  մտածում էի՝ էրեխայա ընկերուհուն կասի, մեծ աղմուկ կբարձրանա, ավելի վատ բան կստացվի։ Ես չէի ուզի, որ մարդիկ իմանան։ Ախպերս համակարգի աշխատող ա, տեղյակ չի էս ամենից»,-ասել է նա։

Ալբերտը քննիչին պատմել է, թե անչափահասի տատը մի անգամ տեսել է, որ սենյակում նրա հետ է, զայրացել է, սակայն ոչինչ չի արել։ 

«Աղջիկս Ալբերտին բերեց տուն, ասաց, որ իր ընկերն է։ Դեպքից հետո էլ կապ չունեն։ Մենք չէինք պատկերացնի , որ նման բան կաներ։ Որպես իմ աղջկա ընկեր ա մեր տուն մտել ու դուրս եկել։ Մենք չէինք հասկանում ոչ մի բան, ինքը ցույց չէր տալիս»,-պատմել է տատը «Հրապարակին»։ 

Ալբերտի եղբայրը դիմել է աղջկա ընտանիքին՝ բողոքը հետ վերցնելու համար, չեն համաձայնվել, ուզում են, որ ամենայն խստությամբ պատժվի․ «Մենք ասացիք՝ ոչ մի դեպքում։ Ախպորն ասեցի՝ էքա բոյը առել կպելա էրեխուն, թող էթա նստի, իրա արածի համար պատասխան տա։ Էրեխուն կպել ա, բայց «վնաս» չի տվել»։

Տատը սկզբում ասել էր, որ ոչինչ չի հասկացել, հետո անկեղծացավ՝  Ալբերտը բոլոր թոռներին էլ սիրում էր, բայց Ա-ի նկատմամբ այլ վերաբերմունք ուներ՝  շատ մոտ էր նստում, ամեն անգամ տնից դուրս գալուց, հետ վերադառնալուց՝ հաբուրում էր․ «Կարտ խաղալուց քիփ էր նստում, մի տեսակ ուրիշ ձև էր սիրում։ Դա քննիչին ասել է, թե ես տեսել եմ սենյակում,  սուտ է ասել, ես որ տեսնեի, ոչ թե կջղայնանայի, այլ դանակը կմտցնեի փորը»։

Անչափահասի տատն էլ է ասում՝ թոռան հետ կատարվածը ամոթից ուզել են թաքցնել։  Դեպքից հետո երեխան փոխվել է՝ տատն ասում է՝ դյուրագրգիռ է դարձել, կոպիտ է խոսում։

«Չգիտեմ, թե ոստիկանությունը ոնց էր իմացել, մենք ասինք՝ էնպես անենք, որ էրեխու անունը չհելնի։ Ներքին կարգով անենք»,-նշել է նա։

ՀՀ ՆԳՆ ոստիկանության Արմավիրի բաժնի ոստիկանները օպերատիվ տեղեկությունների հիման վրա դեպքը բացահայտել են այս տարվա մարտի 23-ին։ Քրեական վարույթ է նախաձեռնվել, Ալբերտ Ղ-ն կալանավորվել է։

ՀՀ քննչական կոմիտեի մամուլի խոսնակ Գոռ Աբրահամյանը «Հրապարակ»-ին ասել է, որ ձեռք բերված բավարար ապացույցների համակցությամբ՝ Արմավիրի մարզի բնակիչ Ալբերտ Ղ-ին մեղադրանք է առաջադրվել անչափահասի նկատմամբ սեռական բնույթի գործողություններ կատարելու հոդվածով։ Վարույթն իրականացնող մարմինը գործը մեղադրական եզրակացությամբ հունիսին ուղարկել է դատարան։

Համացանցում տարածվում է տեսանյութ, որտեղ Ալբերտ Ղ-ն աչափահասի նկատմամաբ սեռական ոտնձգություններ է իրականացնում նաև մեքենայի մեջ։

Որտեղից է տեղանյութը հայտնվել համացանցում՝ «Հրապարակը» չի հայտնում;

Անունների կրճատումը՝ panorama.am-ի։