
Կառավարությունը գործատուներից վերցնում է իր աշխատակցին մայրության նպաստ նշանակելու լիազորությունը
«Օրինագծով սահմանվում է, որ առողջապահության Էլեկտրոնային միասնական համակարգի տվյալների հիման վրա Միասնական սոցիալական ծառայությունից ապահովվելու է մայրության նպաստի հաշվարկը, նշանակումը և վճարումը»- ԱԺ Աշխատանքի և սոցիալական հարցերի մշտական հանձնաժողովի նիստում ասաց աշխատանքի և սոցիալական հարցերի նախարարի տեղակալ Դավիթ Խաչատրյանը։
Փոխնախարարը ներկայացրեց «Ժամանակավոր անաշխատունակության և մայրության նպաստների մասին» և «Պետական նպաստների մասին» օրենքներում լրացումներ և փոփոխություններ կատարելու մասին օրենքները։
«Գործող կարգավորումներով մայրության նպաստը միայն չաշխատող մայրերին վճարվում է միասնական սոցիալական ծառայությունը։ Իսկ վարձու աշխատող անձի թե՛ մայրության նպաստը, թե՛ ժամանակավոր անաշխատունակության նպաստը հաշվարկում, նշանակում և վճարում է գործատուն»,-տեղեկացրեց Խաչատրյանը։
Գործատուի կողմից նշանակված նպաստ ամբողջությամբ փոխհատուցվում է բյուջեի միջոցներից, միայն առաջին 5-օրն է գործատուն վճարում։
Նշելով, որ գործատուի նպաստ նշանակելը ռիսկեր է պարունակում՝ փոխնախարարն ասաց. «Այս տեսակետից առողջապահական էլեկտրոնային համակարգի ներդրմամբ հնարավորություն է տրվում նպաստի համար անհրաժեշտ տեղեկատվության ինքնաշխատը փոխանակման միջոցով նպաստների նշանակման գործընթացն իրականացնել պետական մարմիններիմիջոցով»։
Նա տեղեկացրեց, որ մայրության նպաստը նշանակվումէ օրացույցային օրերով, իսկ անաշխատունակության նպաստն աշխատանքային օրերով։
«Էլեկտրոնային առողջապահական համակարգի ներդրմամբ հնարավորություն է տրվում աշխատող անձին նպաստ ստանալու համար անհրաժեշտ տեղեկատվության ինքնաշխատ փոխանակման միջոցով նպաստների նշանակման գործընթացն իրականացնել առանց քաղաքացու կողմից տարածքային կենտորն ներկայանալու և փաստաթղթեր ներկայացնելու,-հայտնեց փոխնախարարը և հավելեց. «Օրենքով նախատեսվում է, որ ժամանակավոր անաշխատունակության նպաստները հաշվառել և նշանակել Միասնական սոցիալական ծառայության միջոցով, իսկ գործատուի համար նախատեսված 5-օրվա վճարը կվճարի գործատուն՝ հիմք ընդունելով հարկային մարմնի միջոցով ստացված ՄՍԾ-ի նպաստի հաշվարկը»։
ԱԺ «Հայաստան» խմբակցության պատգամավոր Աղվան Վարդանյանը տարակուսեց, թե կառավարությունն ինչու է նման հարցերի կարգավորման համար օրենքի նախագիծ բերել, այն դեպքում երբ կարող է կառավարության որոշումներով հարցերը լուծել։
Հարակից հրապարակումներ`
- Բոլորն ասում են՝ «քայլեր են ձեռնարկում», մինչդեռ կնոջը մայրության նպաստ չի վճարվում
- Նոր ծննդաբերած կնոջը կտրել են թե մայրության նպաստից, թե աշխատավարձից. Պետական մարմինների անգործության հետևանքով խախտվել է քաղաքացու իրավունքը
Լրահոս
Տեսանյութեր

Հարկերը վճարենք ու տեսնենք, թե իրենք ինչ ցոփ ու շռայլ կյանք են վարում. Տնտեսվարողներ


