
Դիմում եմ ոչ լեգիտիմ 9-տոկոսանոցներին՝ թվերը հրապարակեք, թող ժողովուրդը տեսնի թե ինչպես է իր բոյկոտի դրական արդյունքներին հասել. Գևորգ Ստեփանյան
«Քանի որ մետրոյում կան տուռնիկետեր, մենք չենք ասելու պետական գույքն ավերեք, այսինքը՝ թռնել դրանց վրայով, պահել»,-բոյկոտի ակցիա անցկացնելիս ասաց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։
Նա հայտնեց, որ ընդդիմությունը հորդորում է որոշ ժամանակ բոյկոտել մետրոն և չօգտվել, իսկ եթե անհրաժեշտություն կա, ապա թող գնեն 150 դրամանոց տոմս և այդ մեկ տոմսով մի քանի հոգու համար բացեն տուռնիկետները։
Հարցին, որ բոյկոտի կազմակերպիչները խոստացել էին մարտավարություն փոխել՝ Սուքիասյանը պատասխանեց, որ որոշել են ոչ թե ավտոբուսներում ակցիա անել, քանի որ այնտեղ հիմնականում արդեն վճարած քաղաքացիներ են, այլ կանգառներում, մինչև տրանսպորտ նստելը մարդկանց հորդորեն չվճարել բարձր ուղեվարձը։
Ավագանում անդամը հայտարարեց, թե ամոթ է, որ քաղաքացիները թույլ են տալիս «ապիկար իշխանությանը մտնեն իրենց գրպանը, որովհետև թանկացման որևէ հիմք չեն ներկայացրել»։
«Այն, որ մենք կարող ենք Մետրոյում գնած մեկ տոմսով բացել 10 տուռնիկետ, այն ևս մեկ անգամ ապացուցում է, որ խորն ուսումնասիրություն չեն արել, ուղղակի գտել են մի կազմակերպություն, կնքել են մի պայմանագիր, որի բազում կետեր վերջինս չի կարողանում պատշաճ իրականացնել, և քաղաքային իշխանությունը չի կարողանում դրա համար պահանջատեր լինել»,-ասաց Մանուկ Սուքիասյանը և նշեց, որ չեն տեսնում քաղաքային իշխանությունների ադեկվատ ռակցիա այդ թերացումների վրա։
Քաղաքացին հայտնում է, որ ժողովրդի 90-95 %-ը դեմ է, ուղղակի կաշկանդված են մի մասը և չեն կարողանում բոյկոտել։ Երևանի ԲՈւՀ-ի ուսանողը հայտարարեց, որ թանկացումը լուրջ հարված է իր համար և պետք է բոյկոտել քանկացումները։
«Դիմում եմ ոչ լեգիտիմ 9-տոկոսանոցներին, թվերը հրապարակեք, թող ժողովուրդը տեսնի թե ինչպես է իր բոյկոտի դրական արդյունքներին հասել և շնորհակալություն ժողովրդին, շարունակեք»,-հայտարարեց Երևանի Ավագանու «Մայր Հայաստան» խմբակցության քարտուղար Գևորգ Ստեփանյանը։
Հարակից հրապարակումներ`
Լրահոս
Տեսանյութեր

Հարկերը վճարենք ու տեսնենք, թե իրենք ինչ ցոփ ու շռայլ կյանք են վարում. Տնտեսվարողներ


