ԿԱՐՃ ԼՈՒՐԵՐ

19:00 Աշխարհում
Հայկական պատվիրակությունը՝ ՀՀ ոստիկանության պետ Վ. Օսիպյանի գլխավորությամբ, այցելել է Վրաստանի ներքին գործերի նախարարության 112 արտակարգ իրավիճակների և օպերատիվ արձագանքման կենտրոն,

որի ղեկավարությունը հակիրճ ներկայացրել է ստորաբաժանման գործառույթները, ստեղծման ու կայացման պատմությունը: Այն փոխարինել է նախկինում գործող 3 հեռախոսահամարների՝ ոստիկանության, շտապ օգնության ու հրշեջ ծառայության: Միասնական հեռախոսահամարի միջոցով առավել արդյունավետ է ստանալ հեռախոսազանգերը, կառավարել դրանք և ըստ հասցեատերերի փոխանցել տեղեկատվությունը: Հայկական պատվիրակությանը ներկայացվել են նաև ծառայության կադրային քաղաքականության մանրամասները:
Աղբյուր՝ police.am

18:33 Հայաստան
Հասարակական կազմակերպությունների հետ քննարկվել է Մարդու իրավունքների պաշտպանության ազգային ռազմավարությունից բխող միջոցառումների ծրագիրը

ՀՀ արդարադատության նախարարի տեղակալը նշել է, որ ներկայացված ոլորտային առաջարկները, եթե չընդգրկվեն 2017-2019 թվականների Գործողությունների ծրագրում, ապա առաջիկայում կքննարկվի դրանց ներառումը 2020 թվականի Ծրագրում:
Աղբյուր՝ ՀՀ ԱՆ

18:20 Հայաստան
Դեկտեմբերի 20-ին 17:00-ին, Գյումրու «ՍՏԻԼ» պատկերասրահում կբացվի Աշոտ Տաթևոսյանի «Արևամարդ» արտ-նախագծի հերթական ցուցադրությունը

ՀՀ մշակույթի նախարարության և «Հայ մշակույթի զարգացման հիմնադրամի» համատեղ «Արևամարդ» առաջին արտ-նախագծի նախաձեռնողն ու կազմակերպիչը արվեստագետ Աշոտ Տաթևոսյանն է: Արվեստագետ Աշոտ Տաևոսյանը Հայաստանի և Ռուսաստանի նկարիչների և ճարտարապետների միության անդամ է, մի շարք ճարտարապետական և  մոնումենտալ աշխատանքների հեղինակ:
Մամուլի հաղորդագրություն

18:07 Հայաստան
ՀՀ բնապահպանության նախարարի պաշտոնակատար Է. Գրիգորյանը մասնակցել է Գլոբալ Էկոլոգիական ֆոնդի միջոցներով և համայնքների համաֆինանսավորմամբ նախարարության ներքո իրականացվող

«Քաղաքային կանաչ լուսավորություն» ծրագրի փակման միջոցառմանը։ Ծրագիրն իրականացվել է ՄԱԿ-ի Զարգացման ծրագրի կողմից և նպատակաուղղված է նպաստելու քաղաքային լուսավորության էներգաարդյունավետության բարձրացմանը և ջերմոցային գազերի արտանետումների նվազեցմանը: Բացման խոսքում ՀՀ բնապահպանության նախարարի պաշտոնակատար Է. Գրիգորյանը, կարևորելով ծրագրի առաջնային բնապահպանական բաղադրիչը, շեշտել է, որ այն բնապահպանական, տնտեսական և սոցիալական օգուտների համադրման լավագույն օրինակ է։
Աղբյուր՝ ՀՀ բնապահպանության նախարարություն
 

18:06 Աշխարհում
Գերմանիան շաքարավազին պատերազմ է հայտարարել

Պարենի և գյուղատնտեսության նախարարը մի շարք գերմանական ձեռնարկությունների հետ պայմանավորվել է այն մասին, որ մինչև 2025 թվականը պատրաստի արտադրանքում զգալիորեն կնվազի շաքարի, աղի և ճարպի քանակը:

18:04 Հայաստան
Տեղի է ունեցել ԱՆ և ԵԽ կողմից համատեղ իրականացվող «Առողջապահության և մարդու իրավունքների պաշտպանության ամրապնդումը Հայաստանի բանտերում»

ծրագրի փակման արարողությունը: Ծրագրի նպատակն էր ամրապնդել ազատությունից զրկված անձանց իրավունքները՝ բարելավելով բուժծառայության տրամադրումը ՀՀ քրեակատարողական հիմնարկներում, ինչպես նաև քրեակատարողական հիմնարկների անձնակազմի կարողությունների բարելավումը՝ շարունակական դասընթացներ մշակելու և անցկացնելու միջոցով: Ծրագրի փակման արարողությանը բացման խոսքով հանդես են եկել արդարադատության նախարարի տեղակալ Ս. Քրմոյանը, Երևանում ԵԽ գրասենյակի ղեկավար Ն. Վուտովան, Հայաստանում ԵՄ պատվիրակության համագործակցության բաժնի ղեկավար Գ. Ս. Դե Լա Ռոսան և այլք:
Աղբյուր՝ ՀՀ ԱՆ

17:59 Հայաստան
ՀՀ արդարադատության նախարարի տեղակալ Ս. Քրմոյանը մասնակցել է 2019-2022 թթ. հակակոռուպցիոն ռազմավարության շուրջ քննարկմանը,

որը կազմակերպվել է «Կառուցողական երկխոսության հանձնարություն» ծրագրի շրջանակում:
Նախարարի տեղակալն ընդգծել է, որ Ռազմավարության նախնական տարբերակն առաջինը քաղհասարակության անդամների հետ քննարկելը բխում է Կառավարության կողմից որդեգրված կոռուպցիայի դեմ մասնակցային պայքարի տրամաբանությունից:
Աղբյուր՝ ՀՀ ԱՆ

17:53 Հայաստան
Չինաստանի «ՍԵՏՍ» ընկերության տնօրենի տեղակալի գլխավորած պատվիրակությունը Հայաստանում է՝

հայ-չինական ռազմատեխնիկական համագործակցության հարցերը քննարկելու նպատակով:
Մամուլի հաղորդագրություն

17:51 Հայաստան
ՀՀ գյուղատնտեսության նախարարի պաշտոնակատար Գ. Գևորգյանն ընդունել է Զարգացման ֆրանսիական գործակալության Հարավկովկասյան գրասենյակի ղեկավար Գ. Ասայագի ղեկավարած պատվիրակությանը

Քննարկվել են գյուղատնտեսության ոլորտում հայ-ֆրանսիական համագործակցությանն առնչվող հարցեր։ Մասնավորապես անդրադարձ է կատարվել «Ոռոգվող գյուղատնտեսության զարգացումը ՀՀ Արարատի և Արմավիրի մարզերում» դրամաշնորհային ծրագրի համաձայնագրի ստորագրմանն առնչվող մի շարք հարցերի։
Աղբյուր՝ ՀՀ գյուղատնտեսության նախարարություն

17:48 Հայաստան
Վանաձորում Անդրսահմանային տարածքային համագործակցության հայեցակարգի իրականացումն ապահովող 2018-2020թթ. միջոցառումների ծրագրի շրջանակներում անց է կացվել

«Ախթալայի լեռնահարստացուցիչ կոմբինատ» ՓԲԸ-ի Նահատակ պոչամբարի պատվարի վթարի դեպքում բնակչության և տարածքների պաշտպանության կազմակերպում թեմայով շտաբային ուսումնավարժությունը: Վարժանքը ղեկավարել է ԱԻՆ Փրկարար ծառայության տնօրենի տեղակալ, փ/ծ գնդապետ Ա. Դավթյանը: Ուսումնավարժությանը մասնակցել են ԱԻՆ ՓԾ Բնակչության պաշտպանության և աղետների հետևանքների վերացման կազմակերպման, Փրկարարական ուժերի, Լոռու մարզային փրկարարական վարչությունների ծառայողները, ինչպես նաև Լոռու մարզպետարանի ու «Ախթալայի լեռնահարստացուցիչ կոմբինատ» ՓԲԸ-ի աշխատակիցները:
Աղբյուր՝ ՀՀ ԱԻՆ


 

17:40 Աշխարհում
ՀՀ զինված ուժերի ներկայացուցիչները դեկտեմբերի 20-ից 21-ը Մոսկվայում մասնակցելու են

«Միջազգային բանակային խաղեր-2019» մրցումների նախապատրաստման և կազմակերպման պլանավորման առաջին համաժողովին:
Աղբյուր՝ ՀՀ ԶՈւ

17:12 Հայաստան
ՀՀ ԱԻՆ փրկարար ծառայության տնօրեն Ա. Նահապետյանն աշխատանքային այցով քաղաքացիական պաշտպանության վարչության ՔՊ ուժերի հավաքական կենտրոնում հետևել է

նոյեմբերի 19-ից մեկնարկած Տավուշի և Նոյեմբերյանի հատուկ օբյեկտների պաշտպանության (ՀՕՊ) ջոկատների խմբի պետերի մեկամսյա վերապատրաստման դասընթացների ավարտական փուլին և ամփոփել կատարված աշխատանքները: Սպայական անձնակազմի համար նմանատիպ դասընթաց անցկացվում է առաջին անգամ: Միջոցառման ավարտին ՓԾ տնօրեն Ա. Նահապետյանը հավաստագրեր է հանձնել վերապատրաստում անցած սպայական անձնակազմին:
Աղբյուր՝ ՀՀ ԱԻՆ

17:00 Հայաստան
Մայր Աթոռ Ս. Էջմիածնում տեղի է ունեցել «Մայր Աթոռի գիտական հսկան» թեմայով գիտաժողով՝ նվիրված «Արարատ» ամսագրի 150-ամյակին

Առաջին նիստին զեկույցներով հանդես են եկել ՀՀ ԳԱԱ Մ. Աբեղյանի անվան գրականության ինստիտուտի տնօրեն, բ.գ.դ. Վարդան Դևրիկյանը, ԵՊՀ հայ գրականության պատմության ամբիոնի դասախոս, բ.գ.դ. Սերժ Սրապիոնյանը, ԵՊՀ ժուռնալիստիկայի ֆակուլտետի դեկան, բ.գ.թ. Նաղաշ Մարտիրոսյանը, ՀՀ Ազգային գրադարանի փոխտնօրեն Հայկանուշ Ղազարյանը  և ՀՀ ԳԱԱ Հր. Աճառյանի անվան լեզվի ինստիտուտի տնօրեն, բ.գ.դ. Վիկտոր Կատվալյանը:
Աղբյուր՝ Մայր Աթոռ Ս. Էջմիածին

16:33 Արցախ
Արցախի Հանրապետության ԱԺ նախագահ Ա. Ղուլյանը հրավիրել է աշխատանքային խորհրդակցություն՝

մշտական հանձնաժողովների ու խմբակցությունների ղեկավարների, աշխատակազմի պատասխանատուների մասնակցությամբ: Նախօրեին տեղի ունեցած հանձնաժողովային քննարկումներում դրական եզրակացություն ստացած օրինագծերի վերաբերյալ պարզաբանումներ են տվել ԱԺ պետական-իրավական հարցերի, արտադրության և արտադրական ենթակառուցվածքների հարցերի, արտաքին հարաբերությունների, սոցիալական և առողջապահության հարցերի մշտական հանձնաժողովների նախագահները և պաշտպանության, անվտանգության ու օրինապահպանության հարցերի մշտական հանձնաժողովի նախագահի տեղակալը:
Աղբյուր՝ Արցախի Հանրապետության ԱԺ

16:20 Հայաստան
ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի տնօրենի պաշտոնում միաձայն ընտրվել է տեխնիկական գիտությունների թեկնածու, դոցենտ Հ. Ասցատրյանը

Նա «Արմկլաստեր» բարձր արտադրողականությամբ համակարգի ստեղծման համար աշխատանքային խմբի կազմում 2004թ. արժանացել է ՀՀ նախագահի մրցանակին: Երկու անգամ ընդգրկվել է Հայաստանի 100 արդյունավետ գիտնականների ցանկում: Հ. Ասցատրյանը, որպես հիմնական կատարող և աշխատանքների ղեկավար, մեծ ներդրում ունի ՀՀ ԳԱԱ Միջազգային գիտատեխնիկական կենտրոնի, Եվրոպական Հանձնաժողովի, Սևծովյան տնտեսական համագործակցության և այլ միջազգային նախագծերի իրականացման գործում:
Աղբյուր՝ ՀՀ ԳԱԱ

16:01 Հայաստան
Ստեփանծմինդա – Լարս ավտոճանապարհը բաց է տրանսպորտային բոլոր միջոցների համար

Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

15:30 Արցախ
Արցախի Հանրապետության նախագահ Բ. Սահակյանն ընդունել է «Լուսավոր Հայաստան» կուսակցության պատվիրակությանը՝ կուսակցության առաջնոր. Մարուքյանի գլխավորությամբ

Նախագահը շնորհավորել է կուսակցությանը ՀՀ Ազգային ժողովի արտահերթ ընտրություններում արձանագրած արդյունքների և խորհրդարան անցնելու կապակցությամբ՝ մաղթելով արդյունավետ աշխատանք: Հանդիպմանը քննարկվել են պետականաշինությանը, ներքին և արտաքին քաղաքականությանն առնչվող տարբեր հարցեր:
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

14:42 Աշխարհում
Քննարկվել են Հայաստանի և Կալիֆորնիայի միջև տնտեսական, առևտրային, կրթամշակութային կապերի խթանմանը միտված գործնական ծրագրեր և երկկողմ կապերին համակարգված բնույթ հաղորդելու քայլեր

Լոս Անջելեսում ՀՀ գլխավոր հյուպատոս Ա. Բայբուրդյանը հանդիպում է ունեցել Կալիֆորնիայի նահանգային սենատորներ Է. Պորտանտինոյի, Հ. Սթերնի, Գլենդեյլի քաղաքապետ Զ. Սինանյանի և Գլենդեյլի քաղաքային խորհրդի քարտուղար Ա. Քասախյանի հետ՝ սենատոր Պորտանտինոյի գրասենյակում: Գլխավոր հյուպատոս Բայբուրդյանը ներկայացրել է Հայաստանի խորհրդարանական արտահերթ ընտրության արդյունքները և երկրի քաղաքական ու տնտեսական զարգացման հեռանկարները:
Աղբյուր՝ mfa.am

14:30 Հայաստան
Արդարադատության նախարարի առաջին տեղակալը դեկտեմբերի 18-ին ընդունել է Վերակառուցման և զարգացման եվրոպական բանկի և Իրավունքի զարգացման միջազգային կազմակերպության ներկայացուցիչներին

Կողմերն անդրադարձել են «Սնանկության մասին» օրենքի նախագծի ընդունումից հետո նախատեսվող սնանկության գործով կառավարիչների վերապատրասմանը, ուղեցույցերի պատրաստմանը, շահագրգիռ մարմիններին փոփոխությունների ներկայացմանը, սնանկության էլեկտրոնային հարթակի մշակմանն ու դրա գործարկմանն առնչվող մի շարք հարցերի: Սնանկության վարույթներին ուղղված օրենսդրական, տեխնիկական և մասնագիտական բարելավումների դեպքում Ա. Հովհաննիսյանը, որպես ակնկալվող արդյունք, նշել է պարտատերերի բավարարվածությունը սնանկության վարույթի ավարտին կամ կարճ ժամկետներում առողջացման ծրագրի իրականացումը:
Աղբյուր՝ ՀՀ ԱՆ

14:16 Հայաստան
Հայոց Կաթողիկոսը Մայր Աթոռ Ս. Էջմիածնի «Գարեգին Ա» կրթական կենտրոնում հանդիպել է վերապատրաստման դասընթացներին մասնակցող

Հայաստանի, Արցախի և սփյուռքի տարբեր թեմերից ժամանած 16 եկեղեցականների հետ: Դասընթացների պատասխանատու Գերաշնորհ Տ. Եզնիկ արքեպիսկոպոս Պետրոսյանը Կաթողիկոսին ներկայացրել է հոգևոր հայրերին, ապա, ամփոփելով տարին` տեղեկացրել, որ փետրվարի 11-ից սկսյալ վերապատրաստման դասընթացներին մասնակցել է 161 հոգևորական` 127-ը Հայաստանից և Արցախից, 34-ը սփյուռքի թեմերից: Անդրադառնալով վերապատրաստման դասընթացների օգտակարությանը` Հայրը խոսել է նաև Ամենայն Հայոց Կաթողիկոսի հետ ունեցած հանդիպումների կարևորության մասին:
Աղբյուր՝ Մայր Աթոռ Ս. Էջմիախին

14:04 Հայաստան
Երևանի քաղաքապետարանի և ՄԱԿ-ի զարգացման ծրագրի համատեղ ջանքերով ամբողջությամբ հիմնանորոգվել է թիվ 3 մանկապատանեկան ստեղծագործական կենտրոնը

Մշակութային օջախի բացման հանդիսավոր արարողությանը ներկա են գտնվել Երևանի քաղաքապետ Հ. Մարությանը, ՀՀ-ում ՄԱԿ-ի մշտական ներկայացուցիչ Շ. Շարփը, ՀՀ բնապահպանության նախարարի պաշտոնակատար Է. Գրիգորյանը, այլ հյուրեր: 1972թ. հիմնադրված կենտրոնում այսօր շուրջ 800 սանի համար նոր ու հարմարավետ պայմաններ են ապահովվել: Ջեռուցման համակարգի արդիականացման արդյունքում տեղադրվել են հատուկ կաթսաներ, որոնց շնորհիվ շենքի սպասարկման ծախսերը կկրճատվեն շուրջ 60 տոկոսով:
Աղբյուր՝ Երևանի քաղաքապետարան

 

13:53 Աշխարհում
Աթենքում տեղի են ունեցել քաղաքական խորհրդակցություններ Հայաստանի և Հունաստանի ԱԳ նախարարությունների միջև

Հայկական պատվիրակությունը գլխավորել է ԱԳ նախարարի տեղակալ Կ. Նազարյանը, հունականը՝ Հունաստանի ԱԳ փոխարինող նախարար Յ. Կատրուգալոսը: Զրուցակիցները քննարկել են հայ-հունական երկկողմ քաղաքական օրակարգի հարցերի լայն շրջանակ, մտքեր են փոխանակել առևտրատնտեսական, գիտակրթական, մշակութային և այլ ոլորտներում համագործակցության հետագա խորացման հեռանկարների վերաբերյալ:
Աղբյուր՝ mfa.am

13:40 Աշխարհում
Դեկտեմբերի 17-ին ԱՄԷ- ում ՀՀ դեսպան Մ. Մկրտումյանին ընդունել է ԱՄԷ արտաքին գործերի և միջազգային համագործակցության նախարար շեյխ Ա. բին Զայեդ Ալ Նահյանը

Հանդիպման սկզբում ՀՀ դեսպան Մկրտումյանն Ալ Նահյանին է փոխանցել ՀՀ արտաքին գործերի նախարար Զ. Մնացականյանի ողջույններն ու բարեմաղթանքները: Կողմերը քննարկել են երկկողմ հարաբերությունների առաջնահերթ օրակարգին վերաբերող հարցերի շրջանակ:
Աղբյուր՝ mfa.am

13:25 Աշխարհում
Դեկտեմբերի 17-ին Քուվեյթում ՀՀ դեսպան Ս. Բաղդասարյանն իր հավատարմագրերն է հանձնել Քուվեյթի Պետության Էմիր, Շեյխ Ս. Ալ-Ահմադ Ալ-Ջաբեր Ալ-Սաբահին

Հանձման արարողությանը հետևած առանձնազրույցի ժամանակ Էմիր Ալ-Սաբահը ողջունել է ՀՀ դեսպանին և հաջողություն մաղթել նրան պատասխանատու առաքելության մեջ։ Դեսպանն իր երախտագիտությունն է հայտնել Քուվեյթի Պետությանն աջակցության և փոխգործակցության համար՝ կարևորելով տեղի հայ համայնքի կամրջող դերը երկու երկրների հարաբերություններում: Աղբյուր՝ mfa.am

13:12 Հայաստան
Մարդու իրավունքների պաշտպանի աջակցությամբ պարտադիր ժամկետային զինծառայողը վիրահատվել և վերականգնողական արձակուրդ է ստացել

ՄԻՊ- ի աշխատակազմի ներկայացուցիչներին՝ զորամաս կատարած այցի ընթացքում, պարտադիր ժամկետային զինծառայողներից մեկը տեղեկացրել է, որ ունի քթի միջնապատի հետ կապված առողջական խնդիր: Պաշտպանի աշխատակազմում զինծառայողի բանավոր բողոքի հիման վրա սկսվել է քննարկման ընթացակարգ, որի շրջանակներում հեռախոսակապ է հաստատվել իրավասու պաշտոնատար անձանց հետ, ինչպես նաև գրություն է հասցեագրվել Պաշտպանության նախարարություն:
Մամուլի հաղորդագրություն

13:00 Հայաստան
Ռուսաստանում անցկացվել են բլոկչեյնի հիման վրա աշխարհում խոշորագույն ընտրությունները

Բլոկչեյն տեխնոլոգիայի և թափանցիկ կրիպտոալգորիթմների վրա հիմնված հարթակը «Կասպերսկի Լաբորատորիա»-ի բիզնես-ինկուբատորի նախագծերից մեկն է։
Ընտրություններին մասնակցել են, ընդհանուր առմամբ, 40 հազար ընտրողներ, ինչը դրանք դարձրել է խոշորագույնը բլոկչեյն տեխնոլոգիաների կիրառմամբ առցանց-քվեարկությունների պատմության մեջ։ Polys համակարգի միջոցով կարելի էր քվեարկել անձնական մոբայլ սարքերով կամ 110 ընտրական տեղամասերում տեղադրված սարքերով։
Աղբյուր՝ «Կասպերսկի Լաբորատորիա» ընկերության Հայաստանի ներկայացուցչություն

18:33 Հայաստան
Գյուղատնտեսության նախարարությունում կազմակերպվել է խորհրդակցություն` լոլիկի հարավամերիկյան ցեցի դեմ ագրոմիջոցառումների իրականացմանը վերաբերող հարցերը քննարկելու նպատակով,

որը վարել է ՀՀ գյուղատնտեսության նախարարի տեղակալ Գ. Պետրոսյանը: Հանդիպմանը մասնակցել են մարզպետարանների գյուղատնտեսության և բնապահպանության վարչության պետեր, Գյուղատնտեսության զարգացման հիմնադրամի մարզային կառույցների ղեկավարներ, գիտնականներ, ֆերմերներ, ոլորտի այլ պատասխանատուներ:
Աղբյուր՝ ՀՀ գյուղատնտեսության նախարարություն

18:29 Հայաստան
«Արդյունաբերական աղտոտվածությունը Լոռու մարզում» համաժողովի մասնակիցներն ընդունել են բանաձև ՀՀ Լոռու մարզի Ալավերդի, Ախթալա, Շնող համայնքներում հանքարդյունաբերության հետևանքով

շրջակա միջավայրի աղտոտվածության և առողջությանը սպառնացող վտանգների վերաբերյալ: Համաժողովն անց է կացվել «Քաղաքացիական հասարակության ներգրավումը Հայաստանում հանքարդյունաբերության վերաբերյալ որոշումների ընդունման գործընթացում» ծրագրի շրջանակում, որն իրականացրել են չեխական «Արնիկա» քիմիական անվտանգության հասարակական կազմակերպության, «Հայ կանայք հանուն առողջության և առողջ շրջակա միջավայրի» և «ԷկոԼուր» տեղեկատվական հասարակական կազմակերպությունները: Բանաձևն ուղարկվել է ՀՀ վարչապետի պաշտոնակատար Նիկոլ Փաշինյանին:
Աղբյուր՝ «ԷկոԼուր» տեղեկատվական ՀԿ

18:20 Հայաստան
Արցախի «Ազատ հայրենիք» կուսակցության ղեկավար Արայիկ Հարությունյանն իր ֆեսյբուքյան էջում հայտնել է

ԱՀ 2019 թվականի պետական բյուջեի նախագծի վերաբերյալ իր գլխավորած քաղաքական ուժի դիրքորոշման մասին: Նա գրել է, որ այսօր Խորհրդարանում ամենամեծ՝ «Հայրենիք» խմբակցության հրավիրած նիստում որոշում է կայացվել միաձայն կողմ քվեարկել հանրապետության գլխավոր ֆինանսական փաստաթղթին: Ա. Հարությունյանը նաև հայտարարել է, որ 2021թ.-ի Արցախի պետական բյուջեի միջոցները թույլ կտան հանրապետությունում նվազագույնի հասցնել աղքատության մակարդակը:
Աղբյուր՝ Արայիկ Հարությունյանի ֆեյսբուքյան էջ

17:12 Հայաստան
ԵՊՀ արևելագիտության ֆակուլտետի Երկանյանների անվան լսարանում նշվել է Արաբերենի միջազգային օրը

Արաբագիտության ամբիոնի նախաձեռնությամբ կազմակերպված միջոցառմանը ներկա են եղել ԵՊՀ գիտական քաղաքականության և միջազգային համագործակցության գծով պրոռեկտոր Գ. Գևորգյանը, Միջազգային համագործակցության վարչության պետ Ա. Մարգարովը և այլք: Արաբագիտության բաժնի ուսանողները միջոցառման ընթացքում հադես են եկել երաժշտական համարներով, ներկայացրել են իրենց շարադրությունները արաբական որևէ ավանդույթի՝ միմյանց ողջունելու, սուրճ մատուցելու, հյուրընկալության, վրեժխնդրության մասին:
Մամուլի հաղորդագրություն

17:00 Հայաստան
Երևանի Վ.Բրյուսովի անվան պետական լեզվահասարակագիտական համալսարանում տեղի է ունեցել Արգենտինական կենտրոնի բացումը,

որին ներկա են եղել ՀՀ- ում Արգենտինայի դեսպանը, Համալսարանի ռեկտորը, Կոնվերս Բանկի խորհրդի անդամ Ա. Հակոբյանը, համալսարանի դասախոսական կազմը և այլք: Արգենտինական կենտրոնը հնարավորություն կտա իսպաներեն ուսումնասիրող ուանողներին և բոլոր նրանց, ովքեր հետաքրքրվում են իսպանական և լատինամերիկյան մշակույթով, լեզուներով և գրականությամբ, այցելել և օգտվել կենտրոնի ծառայություններից: Կենտրոնը նախատեսված է նաև սեմինարների, անհատական աշխատանքների, ինչպես նաև հեռահար ծրագրերի իրականացման համար: Արգենտինական կենտրոնի վերանորոգումն ու կահավորումն իրականացվել է «Կոնվերս» Բանկի աջակցությամբ:
Մամուլի հաղորդագրություն

16:20 Աշխարհում
Դեկտեմբերի 17-ին Լիտվայում ՀՀ դեսպան Տ. Մկրտչյանը հանդիպել է Լիտվայի էկոնոմիկայի նախարար Վ. Սինկյավիչիուսի հետ

Անդրադարձ է կատարվել 2019թ․ ընթացքում հայ-լիտվական միջկառավարական հանձնաժողովի նիստի անցկացման ժամկետներին, քննարկվել են տնտեսական համագործակցության ուղղություններն ու նոր ոլորտներ ներգրավելու հնարավորությունները:
Աղբյուր՝ mfa.am

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}