ԿԱՐՃ ԼՈՒՐԵՐ

17:59 Աշխարհում
Եգիպտոսը պատրաստվում է արքայական մումիա տանել «Էքսպո-2020»

Նախատեսվում է 22 արքայական մումիաներից մեկը ցուցադրել Դուբայում անցկացվող World Expo 2020 ցուցահանդեսում: Բացի այդ, եգիպտական պատվիրակությունը մտադիր է ավելի քան 3 հազար տարվա հնություն ունեցող արքայական մումիաների ճշգրիտ պատճեններ բերել Դուբայի ցուցահանդես:

Աղբյուր՝ tass.ru

17:45 Հայաստան
120 եվրախորհրդարանականներ կոչ են անում ԵՄ-ին ուժեղացնել ճնշումը Ադրբեջանի վրա

որպեսզի Բաքուն ազատ արձակի Արցախում ռազմական գործողությունների ընթացքում ձերբակալված հայ ռազմագերիներին: Համապատասխան նամակում եվրախորհրդարանականները դիմում են Եվրահանձնաժողովին, Եվրոպայի խորհրդին և Եվրոպայի արտաքին գործողությունների ծառայությանը: Նրանց խոսքով՝ Ուրսուլա ֆոն դեր Լայենը, Շառլ Միշելը և Ժոզեֆ Բորելը պետք է ամեն ջանք գործադրեն և պահանջեն, որ Ադրբեջանը պաշտպանի միջազգային օրենսդրությունը:

Աղբյուր՝ 1tv.ge

17:22 Աշխարհում
Մեծ Բրիտանիան հեշտացրել է հեղինակավոր մրցանակների դափնեկիրների մուտքը դեպի երկիր

Միացյալ Թագավորության կառավարությունը մայիսի 5-ից մրցանակների դափնեկիր գիտնականների, նկարիչների, դերասանների և երաժիշտների համար հեշտացնում է աշխատանքային վիզաների ստացումը: Ըստ տվյալների, այդ քայլը ներգաղթային համակարգի փոփոխության մի մասն է`աշխարհի տարբեր երկրներից «լավագույն և ամենատաղանդավոր» մարդկանց Մեծ Բրիտանիա ուղղորդելու համար:

Աղբյուր՝ tass.ru

17:14 Աշխարհում
Ֆրանսիացի զույգը գտել է Առաջին համաշխարհային պատերազմի տարիներին անգլիացի զինվորին ուղղված նամակներ

Զույգը, որը հայտնաբերել էր Առաջին աշխարհամարտի անգլիացի զինվորին ուղարկված նամակները, սոցցանցերում որոնելուց հետո կապվել է նրա հեռավոր ազգականի հետ: Կրտսեր կապրալ Ուիլյամ Սվիֆթին ուղարկված նամակները, ով 1914 թ.-ին անչափահաս՝ 16 տարեկան, հասակում գրանցվել էր աշխատանքի, թաքնված էին ավելի քան 100 տարի, երբ զույգի տունը վերանորոգող բանվորները դրանք հայտնաբերեցին հատակի տախտակների տակ:

Աղբյուր՝ news.sky.com

16:53 Աշխարհում
Ղրղզստանում, սահմանադրական փոփոխությունից հետո, կառավարությունը հեռացվեց

Ղրղզստանի նախագահ Սադիր Ժապարովը պաշտոնաթող արեց երկրի կառավարությանը: Ուլուկբեկ Մարիպովը, որը 2021 թվականի փետրվարի 3-ից զբաղեցնում էր վարչապետի պաշտոնը, նշանակվել է Ղրղըզստանի նախարարների կաբինետի ղեկավար: Այդ աշխատանքից առաջ նա ղեկավարում էր Ղրղըզստանի հաշվիչ պալատը:

Աղբյուր՝ rbc.ru

16:44 Աշխարհում
Ինդոնեզիայի օդանավակայանում հայտնաբերվել է Covid-ի քթի քսուկի թեստերի կրկնակի օգտագործման խարդախության դեպք

Ձերբակալվել են դեղագործական ընկերության մի քանի աշխատակիցներ՝ Covid-ի ախտորոշման քթի քսուքի փորձանմուշների օգտագործված փաթեթները լվանալու և վերավաճառելու համար: Ոստիկանությունը հայտնել է, որ Մեդանի օդանավակայանում մինչև 9000 ուղևոր կարող է փորձարկված լինել կրկին օգտագործված շվաբրերով:

Աղբյուր՝ bbc.com

16:09 Աշխարհում
Ուկրաինացի արմատականները «որս» են սկսել ռեփեր Բաստայի նկատմամբ

Ուկրաինացի ազգայնականները պարգևատրում են խոստացել ռուս ռեփեր Բաստայի (Վասիլի Վակուլենկո) գտնվելու վայրը հայտնողին՝ Կիև կատարած նրա այցից հետո: Համացանցում հայտնվել է մի տեսանյութ, որում մի մարդ դիմում է ռեստորանից դուրս եկող երաժշտին՝ մեղադրելով նրան «գրավյալ» Ղրիմում ելույթ ունենալու մեջ: Իսկ Facebook-ում գրառում է կատարվել, թե «մտահոգ քաղաքացիները» պատրաստ են մոտ հազար դոլար տալ Բաստայի տեղաշարժի մասին տեղեկատվության համար:

Աղբյուր՝ ria.ru

15:42 Աշխարհում
Ինքնաթիռն ընկել է ամերիկյան Հաթիսբերգ քաղաքի տներից մեկի վրա. կան զոհեր

Ոստիկանությունը հաղորդել է, որ քաղաքացիական փոքր ինքնաթիռը երեքշաբթի ուշ երեկոյան բախվել է Միսիսիպի նահանգի Հաթիսբուրգ քաղաքում գտնվող տանը, որի հետևանքով 4 մարդ զոհվել է: Անմիջապես տեղեկություններ այն մասին, թե ինչն է հանգեցրել ինքնաթիռի կործանմանը, չեն հաղորդվել: 

Աղբյուր՝ cnn.com

15:23 Աշխարհում
Ռուսաստանի Զինված ուժերի թանգարանից գողացել են գերմանական խաչեր և անվանական (պարգևատրման) զենք

Մասնաճյուղի փոխտնօրեն Վլադիսլավ Պեդենկոն դիմել է ոստիկանությու, որտեղ նշել է, որ 5 հազար ցուցանմուշ նախքան բացումը տեղափոխվել է թանգարան: Կորուստը հայտնաբերվել է գույքագրումից հետո: Գողացված 400 ցուցանմուշների մեջ եղել են նաև համազգեստներ, գլխարկներ և այլ իրեր: Ըստ Պեդենկոյի, ենթադրյալ առեւանգիչը կարող է լինել շինարարը, որը մասնակցել է թանգարանի կառուցմանը: Գողությունից վնասի ընդհանուր գումարը կազմել է գրեթե 12 միլիոն ռուբլի:

Աղբյուր՝ lenta.ru

14:59 Տարածաշրջան
Վրաստանում 2020 թ.-ին ռեկորդային թվով քաղաքացի է նպաստ ստացել

Եթե 2019 թվականին երկրում 441 448 քաղաքացի է նպաստ ստացել, ապա այս տարի այս ցուցանիշն աճել է 42 254-ով և կազմել 483 702 մարդ, ինչը հավանական բնակչության 13 տոկոսն է: Վիճակագրության ազգային ծառայության տվյալներով, 2020 թվականին կենսապահովման նպաստ ստացող քաղաքացիների ցուցանիշը հասել է վերջին 10 տարիների պատմական առավելագույնին:

Աղբյուր՝ jnews.ge

14:26 Աշխարհում
Բուլղարիայի նախագահը կցրի խորհրդարանը հաջորդ շաբաթ

Բուլղարիայի նախագահ Ռումեն Ռադևը հայտարարել է, որ ցրելու է խորհրդարանը և մտադիր է հաջորդ խորհրդարանական ընտրությունները նշանակել հուլիսի 11-ին: Այս մասին հայտնել է Բուլղարիայի ազգային ռադիոն (BNR):

Աղբյուր՝ ria.ru

14:16 Աշխարհում
Տիեզերքում եղած գինին աճուրդի է հանվել 1 միլիոն դոլարով

«Քրիստիս» աճուրդի տունը տեղեկացրել է, որ վաճառում է ֆրանսիական գինի, որն ավելի քան մեկ տարի անցկացրել է միջազգային տիեզերակայանի ուղեծրում: Աճուրդի տան գնահատմամբ՝ գինու գիտակը կարող է մինչև 1 միլիոն դոլար վճարել այն ձեռք բերելու համար: Pétrus 2000-ը 12 շշերից մեկն է, որը 2019-ի նոյեմբերին տիեզերք է ուղարկվել հետազոտողների կողմից՝ ուսումնասիրելու գյուղատնտեսության արտերկրային ներուժը: Ըստ գինին համտեսած մասնագետների՝ 14 ամիս անց այն վերադարձել է փոքր-ինչ փոփոխված համով:

Աղբյուր՝ apnews.com

13:30 Աշխարհում
Գերմանիայում խնդրել են գործ հարուցել Լուկաշենկոյի դեմ

Բեռլինի չորս փաստաբաններ դիմել են Կառլսրուեի գլխավոր դատախազություն՝ պահանջելով գործ հարուցել Բելառուսի նախագահ Ալեքսանդր Լուկաշենկոյի և ուժայինների դեմ: Փաստաբանները ներկայացնում են 10 բելառուսների շահերը. նրանց տրամադրության տակ կան՝ երկրի իշխանությունների կողմից ավելի քան 100 փաստագրված խոշտանգումների դեպքեր: Փաստաբանները հայտարարել են, որ բոլոր հաճախորդները հայտնել են աննշան հիմքերով ձերբակալությունների, խոշտանգումների և վատ վերաբերմունքի մասին:

Աղբյուր՝ lenta.ru

13:04 Աշխարհում
Ֆրանսիան սպառնում է անջատել Բրիտանական կղզու էլեկտրաէներգիան՝ «Brexit»-ից հետո ձկնորսության հետ կապված վեճի պատճառով

Ֆրանսիան «պատրաստ է» հոսանքազրկել բրիտանական Ջերսի կղզին, որը գտնվում է Ֆրանսիայի ափերի մոտ, եթե Միացյալ Թագավորությունը չպահպանի ձկնորսության վերաբերյալ Brexit-ի համաձայնագրի կետերը, երեքշաբթի ասել է Անդրծովյան տարածքների նախարար Անիք Ժիրարդենը:

Աղբյուր՝ cnn.com

12:30 Աշխարհում
Ալթայում տեղի է ունեցել 4,5 մագնիտուդ ուժգնությամբ երկրաշարժ

Չորեքշաբթի օրը Ալթայի հանրապետությունում՝ Բելյաշի գյուղի մոտակայքում, գրանցվել է 4,5 մագնիտուդ ուժգնությամբ երկրաշարժ: Տեղի բնակչությունը թույլ ցնցումներ է զգացել: Ենթակառուցվածքների խափանումներ, զոհեր կամ ավերածություններ չկան:

Աղբյուր՝ tass.ru

12:16 Աշխարհում
Աշխարհի ամենատարեց մարդը դուրս է եկել Տոկիո-2020 օլիմպիական խաղերի ջահի փոխանցումավազքից

118-ամյա Կանե Տանական պետք է մասնակցեր մայիսի 11-ին՝ Ճապոնիայի հարավում գտնվող Ֆուկուոկա քաղաքում կայայանալիք հեղինակավոր միջոցառմանը, սակայն անվտանգության նկատառումներից ելնելով՝ ինքնաբացարկ է հայտնել, քանի որ չի ցանկանում COVID-19-ը տարածել իր խնամքի կենտրոնում:

Աղբյուր՝ news.sky.com

11:59 Տարածաշրջան
Վրաստանում հայտնաբերվել է կորոնավիրուսով վարակման 2.171 նոր դեպք

Երկրում վարակի առաջին դեպքից մինչ օրս COVID-19- ի հաստատված դեպքերի ընդհանուր քանակը 315 913 է: Վերջին օրվա ընթացքում ապաքինվել է 1074 մարդ, ընդհանուր առմամբ ապաքինվածների թիվը հասել է 296 532-ի: Վերջին 24 ժամվա ընթացքում Վրաստանում գրանցվել է կորոնավիրուսից մահվան 24 նոր դեպք: Համավարակի սկզբից մինչև այժմ Վրաստանում ընդհանուր առմամբ 4207 մարդ է դարձել կորոնավիրուսի զոհ:

Աղբյուր՝ apsny.ge

11:52 Աշխարհում
Ավստրալիան կդադարի օգտագործել Իսրայելի ռազմական տեխնոլոգիաները

Ավստրալիայի զինված ուժերը հունիսի կեսերից կդադարեն օգտագործել իսրայելական Elbit պաշտպանական ընկերության Մարտերի կառավարման համակարգը (Battle Management System BMS): Ըստ The Jerusalem Post-ի երկրի իշխանությունները Elbit-ին տեղեկացրել են որոշման մասին՝ առանց որևէ բացատրության:
 

11:36 Աշխարհում
Աֆրիկայում կինը միանգամից ինը երեխա է լույս աշխարհ բերել

Մալիի Հանրապետությունում մի կին միանգամից ինը երեխա է լույս աշխարհ բերել՝ հինգ աղջիկ և չորս տղա: Մայրն ու բոլոր նորածիններն ու իրենց լավ են զգում: Նախարարության տվյալներով, 25-ամյա Հալիմա Սիսեն երկու շաբաթ անցկացրել էր Մալիի մայրաքաղաք Բամակոյի հիվանդանոցում, ապա Նախագահ Բահ Նդաուի հրամանագրով տեղափոխվել էր Մարոկկոյում գտնվող կլինիկա: 

Աղբյուր՝ lenta.ru

11:15 Աշխարհում
Պեպ Գվարդիոլայի սաները պատմություն են կերտում՝ առաջին ամգամ Չեմպիոնների լիգայի եզրափակիչ դուրս գալով

«Մանչեսթեր Սիթին» իր պատմության մեջ առաջին անգամ հասավ Չեմպիոնների լիգայի եզրափակիչ այն բանից հետո, երբ «Էթիհադ» մարզադաշտում Ռիյադ Մահրեզի դուբլը 2-0 հաշվով (ընդհանուր՝ 4-1 հաշվով) ապահովեց՝ 10 հոգանոց «Պարի Սեն Ժերմենի» նկատմամբ հաղթանակը: Գվարդիոլան այժմ իր թիմը կգլխավորի կամ «Չելսիի», կամ «Ռեալի» դեմ մայիսի 29-ին Ստամբուլում կայանալիք եզրափակչում:

Աղբյուր՝ skysports.com

10:57 Աշխարհում
Բայդենը հույս է հայտնել հունիսին հանդիպել Պուտինի հետ

ԱՄՆ նախագահ Ջո Բայդենը հույս ունի, որ հունիսին կհանդիպի Վլադիմիր Պուտինի հետ Եվրոպա կատարելիք ուղևորության ժամանակ: «Այո, հուսով եմ և ակնկալում եմ, որ այդպես էլ կլինի», - լրագրողներին ասել է ԱՄՆ նախագահը:

Աղբյուր՝ ria.ru

10:39 Աշխարհում
Հազարավոր աֆղանցիներ սկսել են փախուստի դիմել. ռազմական գործողություններ են բռնկվում ԱՄՆ զորքերի դուրսբերման մեկնարկից հետո

Աֆղանական ուժերը հետ են մղել ապստամբների հարձակումները հարավային նահանգի անցակետերի վրա, որտեղ ԱՄՆ զինված ուժերը կիրակի օրը հենակետը հանձնեցին կառավարական զորքերին՝ մայիսի 1-ին սկսված պաշտոնական դուրսբերման շրջանակներում: Մոտ 1000 ընտանիքներ լքել են իրենց տները՝ խուսափելու մարտերից, որոնք բռնկվել էին Աֆղանստանի Հիլմենդ նահանգի Լաշքարգահ քաղաքում և այլ շրջաններում:

Աղբյուր՝ theguardian.com

10:20 Աշխարհում
Թրամփը կայք է ստեղծել՝ աջակիցների հետ շփվելու համար

ԱՄՆ նախկին նախագահ Դոնալդ Թրամփը, որի օգտահաշիվները արգելափակված են սոցիալական ցանցերի մեծ մասում, կայք է բացել, որտեղ նա մտադիր է շփվել աջակիցների հետ: Campaign Nucleus հարթակում https://www.donaldjtrump.com/desk կայքը հասանելի է «Դոնալդ Թրամփի գրասեղանից» խորագրի ներքո՝ սեղանի վրա փաստաթղթերով աշխատող նախկին նախագահի լուսանկարով:

Աղբյուր՝ ria.ru

10:05 Աշխարհում
Սոթբիսի աճուրդում Բենքսիի աշխատանքը կարող է վաճառվել բիթքոյնով

Սոթբիսը երեքշաբթի հայտնեց, որ կընդունի բիթքոյնն ու էթերիումը որպես Բենքսիի հայտնի «Love is in the Air» արվեստի գործի վճար: Սա ֆիզիկական արվեստի աճուրդում կրիպտոարժույթներ են ընդունման նախադեպն է, որով դրանց տարածման աճի հերթական ցուցանիշը:

Աղբյուր՝ reuters.com

17:57 Տարածաշրջան
Իրանում ջրհեղեղի պատճառով տասը մարդ է զոհվել

Առնվազն տասը մարդ Իրանում ջրհեղեղի զոհ է դարձել, հայտարարել է Իրանի Կարմիր մահիկի ընկերության փրկարար ծառայության ղեկավար Մեհդի Վալիպուրը: Նա նշել է, որ տեղատարափ անձրևների արդյունքում ջրհեղեղներ են նկատվել 47 բնակավայրերում և 6 շրջաններում, ներառյալ Սիստան և Բելուջիստան, Կերման, Յազդ, Թեհրան և այլ նահանգներ:

Աղբյուր՝ ria.ru

17:49 Հայաստան
Մշակվել է կոշտ թափոնների կառավարման մոդելավորման ծրագրային համակարգ

Այն  հնարավորություն է տալիս յուրաքանչյուր բնակավայրի համար մուտքագրելով տվյալները՝ հաշվարկել և առաջարկել աղբահանության գործընթացների օպտիմալ մոդել՝ աղբահանության արդյունավետ երթուղիներով,  աղբի հավաքման, կուտակման, տեղափոխման, տեսակավորման և հեռացման  համար։ Համակարգը թույլ է տալիս տվյալ համայնքի համար ծախսարդյունավետության տեսանկյունից աղբահանության ամենաարդյունավետ մոդելը ընտրել։  Ծրագրի իրականացման համար  ընտրվել են «Գոեռիսկ» ՍՊԸ-ն և համապատսխան փորձագետներ։ 

Աղբյուր՝ ՀՀ տարածքային կառավարման և ենթակառուցվածքների նախարարություն Հասարակայնության հետ կապերի բաժին 

17:30 Աշխարհում
Ժոզե Մոուրինյոն նշանակվել է իտալական «Ռոմայի» գլխավոր մարզիչ

58-ամյա մասնագետի հետ պայմանագիրն ուժի մեջ է մինչեւ 2024 թվականի ամառ:

Աղբյուր՝ tass.ru

17:24 Աշխարհում
Բելգիացի ֆերմերը պատահաբար տեղաշարժել է Ֆրանսիայի սահմանը

Բելգիացի ֆերմերը խառնաշփոթ է առաջացրել՝ Ֆրանսիայի հետ երկրի սահմանը ակամա փոփոխելուց հետո: Տեղի պատմության սիրահարներից մեկը շրջում էր անտառում, երբ նկատեց, որ երկու երկրների միջև սահմանը նշող քարը տեղափոխվել է 2.29 մ: Բելգիացի ֆերմերը, ըստ երեւույթին, նյարդայնացած իր տրակտորի ճանապարհի քարից, այն տեղափոխել էր ֆրանսիական տարածք: Միջադեպը, միջազգային աղմուկ բարձրացնելու փոխարեն, ժպիտով է ընդունվել սահմանի երկու կողմերում էլ:

Աղբյուր՝ bbc.com

17:07 Աշխարհում
Մոսկվայում Ուկրաինայի քաղաքացին դատապարտվել է երեք տարով՝ զենքի մաքսանենգության համար

Ուկրաինայի քաղաքացի Սերգեյ Լիվենցովը հաջորդ երեք տարիները կանցկացնի ընդհանուր ռեժիմի գաղութում՝ ՄիԳ -29 ռազմական ինքնաթիռների պահեստամասեր մաքսանենգ ճանապարհով տեղափոխելու փորձի համար: Որոշումն այսօր՝ մայիսի 4-ին, ընդունել է Մոսկվայի Գագարինսկի շրջանային դատարանը:

Աղբյուր՝ eadaily.com

16:59 Հայաստան
Յուրի Ջորկաեֆը Երեւանում է

Երևանում է գտնվում հայազագի հանրահայտ ֆուտբոլիստ, Ֆրանսիայի հավաքականի կազմում աշխարհի և Եվրոպայի չեմպիոնի կոչմանն արժանացած Յուրի Ջորկաեֆը: Նա  ՖԻՖԱ-ի հիմնադրամի ճամբարի ծրագրով  Հայաստան – 2021 - ի տնօրենն է: ՀՖՖ ակադեմիայում  երեկ մեկնարկեց ՀՖՖ –ի և ՖԻՖԱ – ի  հիմնադրամի համատեղ ծրագիրը։ Հիմնադրամը  Հայաստանն  ընտրել է որպես ծրագիրն իրականացնող առաջին երկիր։

Աղբյուր՝ ՀԱՕԿ 

16:40 Աշխարհում
Ստալկերին երեք տարով արգելվել է մոտենալ Օլիվիա Ուայլդին

Օլիվիա Ուայլդի երկրպագուին դատարանը արգելել է մոտենալ դերասանուհուն: 30-ամյա Էրիկ Նաթանիել Ֆուսը պարբերաբար գնացել է դերասանուհու տուն, գրառումներ թողել նրա ու նրա նախկին ամուսնու՝ Ջեյսոն Սուդեյկիսի համար, և պնդել, ինքը նա հանդիպում է կինոաստղի հետ: Ֆուսին արգելված է նաեւ մոտենալ Սուդեյկիսին և նախկին զույգի երեխաներին:

Աղբյուր՝ gazeta.ru

16:21 Աշխարհում
«Գիտական միֆեր». Չինական մեծ պարիսպը տիեզերքից տեսանելի միակ մարդակերտ օբյեկտն է Երկրի վրա

Իր նոր շարքում «Գիտուժ»-ը ներկայացնում ու հերքում է տարածված պնդումներ, որոնք իրականությանը չեն համապատասխանում: Չինական մեծ պարիսպն, իհարկե, ահռելի երկարություն ունի՝ 21 196 կիլոմետր, այնուամենայնիվ, այն ԱՆԶԵՆ աչքով տեսանելի չէ տիեզերքից, քանի որ պարսպն ունի իր միջավայրի նույն գունային երանգը։ Տիեզերագնացները փաստում են, որ տիեզերքից՝ մասնավորապես երկրի ուղեծրի սահամններում, հիմնականում տեսանելի են  քաղաքները, մայրուղիները, օդանավակայանները, ու այն ամենը, ինչը մեծ չափերից բացի ունի նաև գունային կոնտրաստ։

Աղբյուր՝ «Գիտուժ» 

15:59 Տարածաշրջան
Hamilton ամերիկյան պարեկանավը ժամանել է Բաթումի նավահանգիստ

Նավի Սեւ ծով մտնելու նպատակը տարածաշրջանում «ՆԱՏՕ-ի դաշնակիցներին ու գործընկերներին աջակցելն է»,- հայտնել է ԱՄՆ ՌԾՈՒ վեցերորդ նավատորմը:

Աղբյուր՝ tass.ru

15:44 Աշխարհում
Կոլումբիայի ֆինանսների նախարարը հրաժարական է տվել հարկային բարեփոխումների դեմ բողոքի ցույցերից հետո

Առնվազն 19 մարդու կյանք խլած՝ հարկային բարեփոխումների առաջարկի դեմ օրեր տևած բողոքի ցույցերից հետո՝ երկուշաբթի, Ալբերտո Կարասկիլյան հեռացավ պաշտոնից: Դուկեի կառավարությունը օրինագիծը ներկայացրել էր ապրիլի 15-ին՝ պետական ծախսերը ֆինանսավորելու և տնտեսությունը վերափոխելու հույսով:

Աղբյուր՝ dw.com

15:31 Աշխարհում
Իռլանդիայի նախագահի շնիկը հարցազրույցի ընթացքում փորձել է խաղալ տիրոջ հետ

Մայքլ Հիգինսի հարցազրույցի տեսնայութը, որը տեղադրվել է TikTok-ի նրա պաշտոնական էջում, գրավել է ինտերնետ-օգտատերերի ուշադրությունը: Կադրերում երևում է, թե ինչպես է ամբողջ ժամանակ, երբ Հիգինսը ելույթ էր ունենում իռլանդացի դերասան Թոմ Հիկիի մահվան մասին, նրա շունը խաղում տիրոջ ձեռքի և բաճկոնի ծայրերի հետ: Միսնիխ անունով շունը նախագահի ընտանիքի անդամ է դարձել մարտին:

Աղբյուր՝ iz.ru

14:47 Աշխարհում
Ճապոնացի լրագրողին Մյանմայում մեղադրանք է առաջադրվել կեղծ լուրեր տարածելու համար

Յուկի Կիտազումին, որին ապրիլի 19-ին զորքերը բերման են ենթարկել իր տանից, առաջին օտարերկրյա լրագրողն է, որին մեղադրանք է առաջադրվել այն բանից հետո, երբ բանակը տապալեց Նոբելյան մրցանակակիր Աուն Սան Սու Չժիի կառավարությունը: Յանգոնի Ինսեյն բանտում պահվող Կիտազումիին մեղադրանք է առաջադրվել Քրեական օրենսգրքի 505Ա հոդվածի համաձայն, որը քրեականացնում է մեկնաբանությունները, որոնք կարող են վախ առաջացնել կամ կեղծ լուրեր տարածել, և պատժվում է մինչև երեք տարի ազատազրկմամբ:

Աղբյուր՝ reuters.com

14:16 Աշխարհում
ՈւԵՖԱ-ն հաստատել է, որ Եվրոյի հավաքականների կազմերը կդարձվեն 23-ից 26 ֆուտբոլիստի

Նշվում է, որ կազմերն ընդունվում են մինչ հունիսի 1-ը, բայց առաջին խաղից առաջ թիմերը կկարողանան անսահմանափակ քանակությամբ փոխարինումներ կատարել՝ լուրջ վնասվածքի կամ հիվանդության դեպքում:

Աղբյուր՝ tass.ru

14:04 Աշխարհում
Նեթանյահուի համար մոտենում է Իսրայելում նոր կառավարություն կառուցելու վերջնաժամկետը

Իսրայելի վարչապետը ևս մեկ օր ունի համոզելու հավանական գործընկերներին, որ միանան իրեն նոր կառավարությունում, այլապես նա ռիսկի կենթարկվի՝ տեսնելու, թե ինչպես է երկրի նախագահը մրցակցին փոխանցում հնարավորությունը: Առանցքային գործիչներից մեկը, ում պետք է գրավի Նեթանյահուն, «Յամինա» աջ կուսակցությաններկայացուցիչ, նախկին պաշտպանության նախարար Նաֆթալի Բենեթն է:

Աղբյուր՝ cnn.com

13:45 Աշխարհում
Հայտնի է մագնիսական փոթորիկները հաղթահարելու միջոցը

Ըստ թերապեւտ Տատյանա Ռոմանենկոյի, այս երեւույթի նկատմամբ առավել խոցելի են քրոնիկ հիվանդություններ ունեցող մարդիկ, օրինակ՝ սրտանոթային համակարգի: Նրանք պետք է հատուկ ուշադրություն դարձնեն եղանակային անոմալիաներին: «Հետեւեք օրվա օպտիմալ ռեժիմին և հանգստացեք: Բավարար քունը, հավասարակշռված սնունդը, մաքուր օդին զբոսանքը և հիմնական դեղամիջոցներ ընդունումը այն ամենն են, ինչը թույլ է տալիս մեզ հաղթահարել այս բնական աղետները», - վստահեցնում է թերապևտը:

Աղբյուր՝ lenta.ru

13:07 Տարածաշրջան
Թեհրանում մահացել է Շվեյցարիայի դեսպանության դիվանագետը

Իրանում ԱՄՆ շահերը ներկայացնող՝ Շվեյցարիայի դեսպանատան աշխատակիցը մահացել է Թեհրանում՝ բարձրահարկ շենքից ընկնելուց: Հաղորդվում է, որ մահացած 51-ամյա կինը ծառայել է որպես դեսպանության առաջին քարտուղար և ներկայացրել  ԱՄՆ շահերը: Ըստ արտակարգ իրավիճակների ծառայության խոսնակի, դեռ հայտնի չէ՝ դա դժբախտ պատահար է եղել, թե ինքնասպանություն:

Աղբյուր՝ ria.ru

12:42 Հայաստան
ՉԺՀ Տոնջիի Կայուն զարգացման շրջակա միջավայրի համալսարանն առաջարկում է

ՉԺՀ առևտրի նախարարության կողմից ֆինանսավորվող մագիստրոսական ծրագիր շրջակա միջավայրի կառավարում և կայուն զարգացում թեմայով: Ծրագիրն անգլերենով է, տևողությունը՝ 2021 թվականի սեպտեմբեր ամսից մինչև 2023 թվականի հուլիս ամիսը: Կրթաթոշակը՝ մոտ 12 000 ԱՄՆ դոլար որպես ուսման վճար, մեկանգամյա գումարային հատկացում, կեցության ապահովում, ամենամսյա կրթաթոշակ, ՉԺՀ-ում բժշկական ապահովագրություն և երկկողմանի ավիատոմս: Փաստաթղթերն անհրաժեշտ է ներկայացնել ՀՀ ԿԳՄՍ նախարարություն:

Աղբյուր՝ ՀՀ ԿԳՄՍ Նախարարության Հասարակայնության հետ կապերի եվ տեղեկատվության վարչություն 
 

12:26 Աշխարհում
Ռուսաստանն ու Վենեսուելան ուղիղ են չվերթներ սկսել

Վենեսուելայի զբոսաշրջության և արտաքին առևտրի նախարար Ալի Պադրոնը հայտարարել է Ռուսաստանի և Վենեսուելայի միջև ուղիղ չվերթների բացման մասին: Այս պահին համաձայնեցվել է այդ երթուղով շաբաթական երկու չվերթ իրականացումը: Համավարակից առաջ երկու երկրների միջեւ ուղիղ ավիահաղորդակցություն չի եղել:

Աղբյուր՝ russian.rt.com

 

12:19 Աշխարհում
Շուրջ 30 մարդ է զոհվել Բուրկինա Ֆասոյում գյուղի վրա հարձակման ժամանակ

Ազգային անվտանգության աղբյուրների տեղեկություններով ջիհադականները Բուրկինա Ֆասոյի արեւելքում սպանել են շուրջ 30 մարդու: ինված անձանց մեծ խումբ երկուշաբթի վաղ առավոտյան հարձակվել է Կոմանջարի նահանգի Կոդիլ գյուղի վրա: Եթե զոհերի թիվը ճիշտ է գնահատվում, ապա հարձակումը Բուրկինա Ֆասոյի ամենամահաբերներից է:

Աղբյուր՝ bbc.com

11:39 Տարածաշրջան
Վրաստանում հայտնաբերվել է կորոնավիրուսի 788 նոր դեպք

Անցած 24 ժամվա ընթացքում երկրում ապաքինվել է 1206 մարդ: 20 հիվանդ է մահացել կորոնավիրուսից անցյալ օրվա ընթացքում: Ընդհանուր առմամբ, Վրաստանում հայտնաբերվել է կորոնավիրուսային վարակի 313 742 դեպք, որից ապաքինվել է 295 458 մարդ, մահացել է 4 183-ը: 89 մարդ գտնվում է կարանտինային ռեժիմում, 4209 մարդ գտնվում է հիվանդանոցում՝ հսկողության ներքո, 788 մարդ գտնվում է կորոնա հյուրանոցում:

Աղբյուր՝ apsny.ge

11:28 Աշխարհում
Գերմանիայում հարցումները ցույց են տվել, որ ընտրությունների մեկնարկից հինգ ամիս առաջ առաջատարն է Կանաչների կուսակցությունը

Վերջին հարցումները ցույց են տալիս, որ սեպտեմբերի 26-ին պահպանողականները, ովքեր վերջին 16 տարիներին ղեկավարել են Գերմանիան, կարող են հեռացվել որպես Բունդեսթագի ամենաուժեղ կուսակցություն: Համապետական ընտրությունների մեկնարկից հինգ ամիս առաջ, ըստ exit-poll-ի՝ ձայների 10/ 6 հարաբերակցությամբ, «Միություն 90 / Կանաչները» առաջատար են՝ գերազանցելով ներկայիս կանցլեր Անգելա Մերկելի իշխող «Քրիստոնեա-դեմոկրատական միությանը»:

Աղբյուր՝ theguardian.com

10:55 Աշխարհում
Մեխիկոյի քաղաքապետը հաստատել է մետրոյի կամրջի փլուզումից 20 մարդու մահվան փաստը

Կլաուդիա Շեյնբաումը հաստատել է, որ Մեքսիկայի մայրաքաղաքում մետրոյի կամրջի վթարի արդյունքում զոհվել է 20 մարդ, հոսպիտալացվել 49 վիրավոր: Մետրոյի կամուրջը գնացքի հետ միասին փլվել է Մեքսիկայի մայրաքաղաքի հարավ-արևելքում՝ Օլիվոս և Տեսոնկո կայարանների հատվածում: Քաղաքապետը հայտնել է նաեւ, որ փլուզմից տուժածներից 7-ի վիճակը ծանր է:

Աղբյուր՝ ria.ru

10:36 Աշխարհում
Լիոնել Մեսսիի դուբլը «Վալենսիայի» հետ խաղում մեծացրել է «Բարսելոնայի» հույսերը տիտղոսի նկատմամբ

Լիոնել Մեսսիի երկու գոլերն օգնեցին «Բարսելոնային» ապահովել «Վալենսիայի» նկատմամբ կենսական հաղթանակը 3-2 հաշվով և մնալ Լա Լիգայի լավագույն եռյակում: Իսպանիայի ներքին առաջնության ավարտին այժմ ընդամենը երկու միավոր է բաժանում «Ատլետիկոյին», «Ռեալին» ու «Բարսելոնային», որը կհանդիպի «Ատլետիկոյին» շաբաթ օրը:

Աղբյուր՝ cnn.com

10:15 Աշխարհում
Կոլումբիայում անկարգությունների հետևանքով վիրավորվել է ավելի քան 840 մարդ

Համապետական ցույցերի ընթացքում վիրավորվել է ավելի քան 840 մարդ, որոնցից 540-ը ոստիկանության աշխատակիցներ են: Ավելի վաղ հայտնի էր դարձել՝ վերջին օրերին Կոլումբիայում տեղի ունեցած հարկային բարեփոխումների դեմ բողոքի ցույցերի ընթացքում սպանված 17 անձանց մասին:

Աղբյուր՝ russian.rt.com

10:03 Աշխարհում
Microsoft-ի հիմնադիր Բիլ Գեյթսը 27 տարի ամուսնությունից հետո բաժանվել է կնոջից

130 միլիարդ դոլար կարողություն ստեղծելուց հետո Բիլ Գեյթսը և նրա կինը՝ Մելինդան, ամուսնալուծվում են: Microsoft-ի 65-ամյա հիմնադիրը և նրա 56-ամյա կինը բաժանման մասին հայտարարել են Twitter-ում: Համատեղ հայտարարության մեջ ասված է. «Երկար մտորումներից և աշխատանքից հետո մենք որոշում կայացրեցինք ամուսնալուծվել:

Աղբյուր՝ dailymail.co.uk

17:50 Աշխարհում
Էլեկտրական մեքենայի յուրաքանչյուր հինգերորդ սեփականատերը վերադառնում է ավանդական ավտոմեքենայի

Կալիֆոռնիացի գիտնականների ուսումնասիրությունը ցույց է տվել, որ էլեկտրական մեքենաների սեփականատերերի գրեթե 20 տոկոսը վաճառելուց հետո կրկին գնում են ավանդական այրման շարժիչներով ավտոմեքենաներ: «Էլեկտրագնացների» տերերը դժգոհ են լիցքավորման ենթակառուցվածքներից:

Աղբյուր՝ motor.ru

17:33 Աշխարհում
Նոր հրթիռներով չինական սուզանավերը կարող են խոցել ԱՄՆ տարածքի ցանկացած հատված

094A «Ցզին» սուզանավի նախագիծը ներկայացվել է ապրիլի անցած ուրբաթ՝ ՉԺԱԲ-ի նավատորմի կազմավորման 72-ամյակին: Այն ի վիճակի է կրել JL-3 նորագույն պինդ շարժիչով միջմայրցամաքային հրթիռները, որոնց թռիչքի հեռավորությունը գերազանցում է 10 հազար կմ-ը:

Աղբյուր՝ scmp.com

17:20 Աշխարհում
Չինաստանի հյուսիս-արեւմուտքում 4,0 մագնիտուդ ուժգնությամբ երկրաշարժը գրանցվել

Երկրաշարժը տեղի է ունեցել տեղական ժամանակով 19: 42-ին Ցինհայ նահանգում գտնվող Գոլմուդ քաղաքի մոտակայքում: Ավերածությունների և զոհերի մասին տեղեկություններ չեն հաղորդվել:

Աղբյուր՝ tass.ru

17:00 Աշխարհում
Հռոմի Կոլիզեումը կունենա բարձր տեխնոլոգիաներով հագեցած արենա

Կառույցների նախագծմամբ և ճարտարապետությամբ զբաղվող Milan Ingegneria իտալական ընկերությունը շահել է Կոլիզեումի շարժական հատակի կառուցման և տեղադրման մրցույթը: Դրա համար կծախսվի 18,5 միլիոն եվրո: Նախատեսվում է, որ նախագիծը կավարտվի հաջորդ երկու տարիների ընթացքում:

Աղբյուր՝ theguardian.com

16:40 Աշխարհում
Հայտնի է Ռուսաստանի ամենահարուստ մարդու անունը

Ռուսաստանի ամենահարուստ մարդ է ճանաչվել «Նորիլսկի նիկել» լեռնահանքային և մետաղագործական ընկերության սեփականատեր և նախագահ Վլադիմիր Պոտանինը: Պոտանինի կարողությունն ընդհանուր առմամբ գնահատվում է 32 միլիարդ դոլար: Միևնույն ժամանակ, նշվում է, որ 2021 թվականի սկզբից նա կորցրել է 622 միլիոն դոլար, և վաստակել երկու միլիարդից մի փոքր ավելին:

Աղբյուր՝ lenta.ru

16:30 Աշխարհում
Սևամորթ թեկնածուն վիճարկում է Իսպանիայի քաղաքական ստատուս քվոն

Երկու երիտասարդ սենեգալացիները 2006 թ հանդիպեցին միգրանտների նավի վրա, որը Եվրոպա էր ուղևորվում: Նրանցից մեկը մահացել է սրտի կաթվածից՝ գտնվելով փախուստի մեջ իսպանական ոստիկանությունից, իսկ մյուսը այսօր մրցակցում է Մադրիդի տարածաշրջանային ընտրություններում: Սերին Մբայը ոչ միայն ցանկանում է պայքարել աֆրիկացի միգրանտների դեմ, իր կարծիքով, «կառուցվածքային ռասիզմի» դեմ, այլ նաև վիճարկել իսպանական քաղաքականության մեջ սեւ համայնքի և այլ գունավոր մարդկանց ցածր ներկայացուցչության պատմությունը: 

Աղբյուր՝ foxnews.com

15:48 Աշխարհում
Պատվաստված զբոսաշրջիկները ԵՄ-ում չեն ազատվի կարանտինից և թեստերից

Եվրահանձնաժողովի առաջարկը`պատվաստված օտարերկրյա զբոսաշրջիկներին թույլատրել մուտք գործել ԵՄ, չի բացառում, որ ԵՄ պետությունները կարող են պահանջել նրանց իրականացնել սանիտարական միջոցառումներ, ներառյալ կարանտին և ՊՇՌ թեստեր: Այս մասին երկուշաբթի Բրյուսելում կայացած ճեպազրույցում ասել է Եվրահանձնաժողովի պաշտոնական ներկայացուցիչ Ադալբերտ Յանսը:

Աղբյուր՝ tass.ru

15:28 Աշխարհում
Մոնղոլիայում 5,9 մագնիտուդ ուժգնությամբ երկրաշարժ է տեղի ունեցել


Իրկուտսկի մարզի Արտակարգ իրավիճակների նախարարությունը հայտնել է, որ երկուշաբթի՝ ժամը 12:46-ին, Մոնղոլիայում՝ Խուբսուգուլ լճի տարածքում, 5,9 մագնիտուդ ուժգնությամբ ստորգետնյա ցնցում է գրանցվել:

Աղբյուր՝ ria.ru

15:10 Աշխարհում
Կյանքից հեռացել է օսկարակիր դերասանուհի Օլիմպիա Դուկակիսը

ԱՄՆ դերասանուհի Օլիմպիա Դուկակիսը, ով Օսկար էր շահել 1987 թ.-ին՝ «Լուսնի իշխանություն» ռոմանտիկ կատակերգությունում կերտած դերի համար, մահացել է 89 տարեկան հասակում: Ֆիլմում նա հանդես էր գալիս հայազգի դերասանուհի Շերի հետ և մարմնավորում էր նրա մոր կերպարը:

Աղբյուր՝ bbc.com

14:54 Աշխարհում
Ութ երեխա վիրավորվել է Արևմտյան Ղազախստանում կարուսելի վրա տեղի ունեցած պատահարի հետևանքով

5-10 տարեկան երեխաներ ստացել են գանգուղեղային փակ վնասվածք և ցնցում: Նրանք բոլորը տեղափոխվել են մարզային մանկական բազմապրոֆիլային հիվանդանոց: Դեպքը տեղի է ունեցել մայիսի 2-ին Մշակույթի և հանգստի քաղաքային զբոսայգում գտնվող «Կալեյդոսկոպ» ատրակցիոնում: Ականատեսների խոսքով՝ մեծ արագությամբ պտտվելով ատրակցիոնը, կտրուկ կանգ է առել, երեխաները բախվել են մեկը մյուսին: Բախման պահը ֆիքվսել է տեսանյութում:

 

14:20 Աշխարհում
Ավստրալիայի կառավարությունը մեղադրվել է ռասիզմի մեջ

Մայիսի 3-ից Հնդկաստանում վերջին 14 օրվա ընթացքում Հնդկաստան այցելած անձանց արգելվելու է մուտք գործել Ավստրալիա: Շաբաթ օրը կայացած հայտարարության մեջ առողջապահության նախարար Գրեգ Հանթն ասել է, որ յուրաքանչյուրին, ով կանտեսի նոր սահմանափակումները, սպառնում է ընդհուպ հինգ տարվա ազատազրկում: Պահպանողական թերթի լրագրող Էնդրյու Բոլտը՝ այսօր հրապարակված հոդվածում ասել է, որ արգելքից «ռասիզմի հոտ է գալիս»՝ ավելացնելով, որ որոշումը կայացվել է «վախի, տգիտության և անկարողության պատճառով»:

Աղբյուր՝ edition.cnn.com

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}