ԿԱՐՃ ԼՈՒՐԵՐ

16:24 Հայաստան
ՀՀ ԱՆ քրեակատարողական ծառայությունում ծառայության պետ Ա. Մխոյանի գլխավորությամբ տեղի է ունեցել օպերատիվ խորհրդակցություն՝

ծառայության պետի տեղակալների, քրեակատարողական հիմնարկների պետերի, ծառայության կենտրոնական մարմնի ստորաբաժանումների պետերի և քրեակատարողական հիմնարկների այլ բարձրաստիճան ծառայողների մասնակցությամբ: Օրակարգում ՀՀ կառավարության 18.04.2019թ. նիստի ընթացքում վարչապետ Նիկոլ Փաշինյանի կողմից ՀՀ ԱՆ քրեակատարողական հիմնարկներում տիրող ապօրինությունների վերաբերյալ հնչեցված մտահոգությունների և տրված հանձնարարականների պատշաճ կատարման ուղղությամբ անհրաժեշտ միջոցառումներ ձեռնարկելու հարցերի քննարկումն է եղել:
Մամուլի հաղորդագրություն

12:14 Հայաստան
«Նարեկացի» արվեստի միությունում տեղի կունենա հերթական հանդիպում-դասախոսությունը`

նվիրված Գարեգին Նժդեհի կյանքին ու գործունեությանը, որը կվարի «Կարին» ազգագրական համույթի գեղարվեստական ղեկավար, ՀՀ մշակույթի վաստակավոր գործիչ Գագիկ Գինոսյանը: Հանդիպումը կրում է «Հայոց ռազմի մարգարեն» խորագիրը: Սկիզբը՝ ապրիլի 22- ին 18։30- ին։

20:00 Աշխարհում
Մոնրեալում երեք օր գոյություն չունեցող պոնի են փնտրել

Որոնումներին լրագրողներ, ոստիկանություն և անօդաչու թռչող սարքեր են միացել:

19:45 Հայաստան
Կոմիտասի անվան ազգային քառյակը «Մշակույթն՝ ուսանողներին» ծրագրի շրջանակում Երևանի պետական բժշկական համալսարանում Կոմիտասի 150-ամյակին նվիրված համերգային ծրագրով է հանդես եկել

ԵՊԲՀ հոգաբարձուների խորհրդի նախագահ Վահան Արծրունու խոսքով՝ այսօր բժշկական համալսարանը պատիվ ունի իր պատերի ներքո հյուրընկալելու լեգենդար քառյակը: Առաջին ջութակ Էդուարդ Թադևոսյանը ողջունելով ներկաներին՝ նշել է, որ Կոմիտասի անվան ազգային քառյակը, տարիներ շարունակ աշխարհին ներկայացնելով Կոմիտասի մանրանվագները, հանրահռչակում է կոմիտասյան երաժշտությունը:
Մամուլի հաղորդագրություն

19:16 Հայաստան
Միջոցներ են ձեռնարկվում՝ պարզելու քաղաքացու՝ գողացված քարտով կանխիկացման գործարք առերևույթ կատարած անձի ինքնությունը

Նախնական տվյալներով՝ 2019թ. փետրվարի 14-ին 13:20-ից մինչև 13:45-ն ընկած ժամանակահատվածում, ենթադրյալ հանցագործություն կատարած անձը Երևան քաղաքի Բաղրամյան պողոտայում, 58 համարի երթուղային ավտոբուսի սրահում, հափշտակել է քաղաքացու դրամապանակը, որի մեջ եղել է գումար, բանկային քարտեր, նույնականացման քարտ: Նույն օրը գողացված բանկային քարտով կատարվել է կանխիկացման գործարք՝ պատճառելով զգալի չափերի գույքային վնաս: Դեպքի առթիվ ՀՀ ոստիկանության Արաբկիրի բաժնում հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասի և 324-րդ հոդվածի 1-ին մասի հատկանիշներով:
ՀՀ քննչական կոմիտե

18:33 Հայաստան
Ամփոփվել է ՀՀ ԿԳՆ, ՀՀ կենտրոնական բանկի և «Հայաստանի պատանեկան նվաճումներ» ՀԿ կազմակերպած ամենամյա ֆինանսատնտեսագիտական խաղ-մրցույթի եզրափակիչ փուլը

Ծրագրին մասնակցել են ՀՀ 10 մարզերի և Երևան քաղաքի ավելի քան 350 դպրոց: Յուրաքանչյուր մարզից և մայրաքաղաքից կիսաեզրափակիչ փուլ է անցել 1 հավաքական թիմ, որոնցում ընդգրկված են եղել 10-11-րդ դասարանների 5-ական աշակերտներ: Մրցույթի նպատակն է զարգացնել և խորացնել դպրոցականների գիտելիքները ֆինանսատնտեսագիտական թեմաների վերաբերյալ, ինչպես նաև ձևավորել արագ և ճկուն մտածելու կարողություն, զարգացնել բիզնես հմտություններ:
Մամուլի հաղորդագրություն

14:41 Հայաստան
Ապրիլի 22-ին 19.00- ին, Արամ Խաչատրյան համերգասրահում Հայաստանի պետական սիմֆոնիկ նվագախմբի հետ ելույթ կունենա դաշնակահար Ալեքսանդր Ռոմանովսկին

Համերգը կղեկավարի նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը: Համերգային ծրագրում կհնչեն Սերգեյ Ռախմանինովի Դաշնամուրի կոնցերտը և Երկրորդ սիմֆոնիան։
Հայաստանի պետական սիմֆոնիկ նվագախումբ

13:40 Հայաստան
«ՀՀ հակակոռուպցիոն ռազմավարությունը՝ միջազգային լույսի ներքո» թեմայով կառավարություն-քաղաքացիական հասարակության փորձագիտական միջազգային համաժողովին ամփոփիչ ելույթով է հանդես եկել

ՀՀ արդարադատության նախարարի տեղակալ Տիգրան Խաչիկյանը: Փոխնախարարը շնորհակալություն է հայտնել Իրավաբանների հայկական ասոցիացիային և ՔՀԿ-ների հակակոռուպցիոն կոալիցիային համաժողովն արդյունավետ կազմակերպելու, իսկ մասնակիցներին՝ հնչեցված կարծիքների, գնահատականների, դատողությունների և մտավախությունների համար:
Տիգրան Խաչիկյանի համոզմամբ՝ դրանք բավական կարևոր են:
Աղբյուր՝ ՀՀ ԱՆ

12:28 Աշխարհում
Ապրիլի 18-ին ՀՀ ԱՆ «Նուբարաշեն» քրեակատարողական հիմնարկի աշխատակիցները, զննության ենթարկելով կալանավորված անձ Հ. Ն.-ի անվամբ քաղաքացի Գ. Դ.-ի կողմից բերված հանձնուքը, հայտնաբերել և առգրավել են

17 հատ դեղապատիճ՝ ընդհանուր 14.3 գր քաշով: Հայտնաբերվածն ուղարկվել է դատաքիմիական փորձաքննության: Փաստի առթիվ նախապատրաստվում են նյութեր:
ՀՀ ԱՆ քրեակատարողական ծառայության հանրային կապերի բաժին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}