ԿԱՐՃ ԼՈՒՐԵՐ

17:00 Աշխարհում
Մյունխենի անվտանգության համաժողովի աշխատանքներին մասնակցող ՀՀ արտգործնախարար Զ. Մնացականյանը և Լիխտենշտայնի արտաքին գործերի, մշակույթի և արդարադատության նախարար Ա. Ֆրիքը

կարևորել են Հայաստանի և Լիխտենշտայնի երկկողմ հարաբերությունների աշխուժացման ուղղությամբ ձեռնարկվելիք քայլերը: Զրուցակիցներն անդրադարձել են երկկողմ և բազմակողմ օրակարգին առնչվող մի շարք հարցերի՝ ընդգծելով միջազգային կառույցներում ակտիվ և արդյունավետ փոխգործակցության կարևորությունը: Զ. Մնացականյանը զրուցակցին ներկայացրել է ցեղասպանությունների և մարդկության դեմ հանցագործությունների կանխարգելման ուղղությամբ միջազգային հարթակներում Հայաստանի հետևողական քայլերը:
Աղբյուր՝ mfa.am

13:40 Հայաստան
Եթովպիայի Դաշնային Ժողովրդավարական Հանրապետության անցկացված «Սննդամթերքի անվտանգության առաջին FAO/WHO/AU միջազգային համաժողով»-ին`

կազմակերպված Աֆրիկյան միասնության կազմակերպության, ՄԱԿ-ի Պարենի և գյուղատնտեսության կազմակերպության (ՄԱԿ ՊԳԿ) և Առողջապահության համաշխարհային կազմակերպության համատեղ ջանքերով, մասնակցել են նաև ՀՀ ԿԵ սննդամթերքի անվտանգության տեսչական մարմնի ղեկավար Գ. Ավետիսյանը և ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար, Պարենային իրավունքի փորձագետ Դ. Պիպոյանը:
Աղբյուր՝ snund.am

 

13:25 Արցախ
Նախագահ Բակո Սահակյանը ստորագրել է հրամանագիր, համաձայն որի Արցախում փրկարար ծառայության ստեղծման, զարգացման ու կայացման գործում ներդրած նշանակալի ավանդի համար

և ծննդյան 70-ամյակի կապակցությամբ փրկարար ծառայության նախկին ղեկավար Ասլան Գրիգորյանը պարգևատրվել է «Մեսրոպ Մաշտոց» շքանշանով։
Մամուլի հաղորդագրություն

11:43 Հայաստան
Փետրվարի 11-ից 15-ը ՀՀ ՊՆ Վազգեն Սարգսյանի անվան ռազմական համալսարանում անցկացվել են առաջին խմբի սպայական կազմի հրամանատարական հավաքներ

Հավաքների մասնակիցներն ունկդրել են զեկույցներ զինված ուժերի կրթական համակարգում հեռավար ուսուցման ներդրման հեռանկարների, Հայաստանում ՆԱՏՕ-ի սոցիալական և կրթական ծրագրերի, ռազմարդյունաբերության զարգացման ուղիների և ՀՀ զինված ուժերի զարգացման հարցում այդ ոլորտի ունեցած դերի վերաբերյալ: Հավաքների ընթացքում Վազգեն Սարգսյանի անվան ռազմական համալսարանի դասախոսները սպայական կազմին են ցուցադրել էլեկտրոնային եղանակով ուսումնական պարապմունքների անցկացման օրինակելի տարբերակներ:
Աղբյուր՝ ՀՀ ՊՆ

 

11:28 Հայաստան
«Վարդաշեն» քրեակատարողական հիմնարկում փետրվարի 15-ին կազմակերպվել է սեղանի թենիս, որին մասնակցել է 30 դատապարտյալ

ՀՀ ԱՆ քրեակատարողական հիմնարկներում նմանատիպ միջոցառումները ոչ միայն ապահովում են դատապարտյալների զբաղվածությունն ու առողջ ապրելակերպը, այլև նրանց հնարավորություն են տալիս վերագնահատելու սեփական անձի արժեհամակարգը: Առաջին երեք տեղը գրավել են Ն. Մարությանը, Ս. Սաքանյանը և  Հ. Կիրակոսյանը:
Աղբյուր՝ ՀՀ ԱՆ քրեակատարողական ծառայության հանրային կապերի բաժին

 

11:14 Հայաստան
Քննարկվել են Հայաստան-Վրաստան բարձրավոլտ էլեկտրահաղորդման գծի կառուցման ծրագրի ընթացքը, վերակագնվող էներգետիկայի զարգացման և էներգախնայողությանն ուղղված ծրագրերն ու դրանց իրականացման գործընթացը

ՀՀ Էներգետիկ ենթակառուցվածքների և բնական պաշարների նախարարի պաշտոնակատար Գ. Բաղրամյանը և Եվրոպական ներդրումային բանկի (ԵՆԲ) Հարավային Կովկասի տարածաշրջանային ներկայացուցչության ղեկավար Մ. Չուրայի գլխավորած պատվիրակությունն անդրադարձել են Հայաստանի էներգետիկայի բնագավառի ներդրումային նոր ծրագրերում բանկի մասնակցության, հետագա փոխգործակցության հնարավորություններին: Առաջարկվել է դիտարկել նաև Հայաստանի բարձրավոլտ ենթակայանների արդիականացման և վերազինման գործում բանկի մասնակցության հնարավորությունը:
Աղբյուր՝ ՀՀ Էներգետիկ ենթակառուցվածքների և բնական պաշարների նախարարություն

 

11:00 Հայաստան
Հայաստանի խորհրդարանի նախագահ Ա. Միրզոյանը Լեոնիդ Կալաշնիկովի գլխավորած պատվիրակության հետ հանդիպմանը վստահեցրել է, որ նորընտիր խորհրդարանը շահագրգռված է առավել խորացնելու

և զարգացնելու հայ-ռուսական հարաբերությունները։ Արձանագրելով ռազմավարական փոխգործակցությունն ու վստահության վրա հիմնված հարաբերությունները` օրենսդիր մարմնի ղեկավարը կարևորել է նաև միջազգային խորհրդարանական հարթակներում ակտիվ համագործակցության խորացումը: Լ. Կալաշնիկովը, շնորհակալություն հայտնելով ընդունելության համար, համոզմունք է հայտնել, որ հայ-ռուսական փոխշահավետ գործակցությունն ինչպես երկկողմ, այնպես էլ միջազգային խորհրդարանական կառույցներում այսուհետ ևս շարունակական կլինի:
Աղբյուր՝ ՀՀ ԱԺ

10:51 Հայաստան
ՀՀ ԱԺ նախագահ Ա. Միրզոյանը ՀՀ- ում Ֆրանսիայի դեսպան Ժ. Լաքոտի հետ հանդիպմանը խոսելով Լեռնային Ղարաբաղի հիմնախնդրի մասին՝

բարձր է գնահատել Ֆրանսիայի՝ որպես ԵԱՀԿ Մինսկի խմբի համանախագահող երկրի գործուն ջանքերը հակամարտության խաղաղ կարգավորման հարցում: Անդրադառնալով երկկողմ օրակարգին՝ Ազգային ժողովի նախագահը կարևորել է նաև  հայ-ֆրանսիական առեւտրատնտեսական  ու մշակութային կապերի խորացումը: Երկկողմ տնտեսական հարաբերությունների զարգացման տեսանկյունից արժևորվել է Հայաստանում Զարգացման ֆրանսիական գործակալության հիմնման վերաբերյալ համաձայնագրի ստորագրումը:
Աղբյուր՝ ՀՀ ԱԺ

10:39 Աշխարհում
Փետրվարի 15-ին Մյունխենյան անվտանգության համաժողովի շրջանակներում կայացել է Հայաստանի ԱԳ նախարար Զ. Մնացականյանի հանդիպումը Եգիպտոսի արտաքին գործերի նախարար Ս. Հ. Շուքրիի հետ

Զ. Մնացականյանը և Ս. Հ. Շուքրին բարձր են գնահատել ավանդական բարեկամական կապերի վրա հիմնված հայ-եգիպտական հարաբերությունները և ընդգծել են փոխադարձ պատրաստակամությունը համատեղ ջանքեր գործադրելու երկկողմ օրակարգի առավել հարստացման, քաղաքական երկխոսության ակտիվացման, առևտրատնտեսական փոխգործակցության խթանման ուղղությամբ: Այս առումով զրուցակիցները կարևորել են բարձրաստիճան փոխայցերի իրականացումը, ինչպես նաև տնտեսական հարցերով հայ-եգիպտական միջկառավարական հանձնաժողովի հերթական նիստի անցկացումը:
Աղբյուր՝ mfa.am

 

10:25 Հայաստան
Վարչապետ Ն. Փաշինյանը և ՀՀ- ում Շվեյցարիայի դեսպան Ս. Լազարոթոն քննարկել են հայ-շվեյցարական համագործակցության օրակարգին վերաբերող հարցեր

Վերահաստատելով համատեղ ընթացիկ ծրագրերը շարունակելու պատրաստակամությունը՝ կողմերն անդրադարձել են տարբեր ուղղություններով գործակցության զարգացման հնարավորություններին: Որպես այդպիսիք՝ երկուստեք հեռանկարային են համարվել գյուղատնտեսության, ջրային ռեսուրսների կառավարման, առողջարանային զբոսաշրջության, բնապահպանության, դեղագործության և մի շարք այլ ոլորտներ: Պայմանավորվածություն է ձեռք բերվել առաջիկայում կապեր հաստատել երկու կողմերի համապատասխան պետական մարմինների միջև և արդեն միջգերատեսչական մակարդակով մանրամասն քննարկել անելիքները:
Մամուլի հաղորդագրություն

20:18 Աշխարհում
Հնէաբանները Պոմպեյում Նարգիզի պատկերով որմնանկար են գտել

Հնէաբան Մասսիմո Օսանան նշել է, որ Նարգիսի մասին առասպելն այդտեղ շատ տարածված է եղել։

19:45 Աշխարհում
Շառլոտա Ռեմպլինգը Բեռլինալեում «Ոսկե արջ» է ստացել

Արարողության ժամանակ մրցանակը նրան հանձնել է տնօրեն Դիտեր Կոսլիկը:

18:06 Արցախ
Արցախի Հանրապետության ԱԺ նախագահ Ա. Ղուլյանը և ՀՀ Անվտանգության խորհրդի քարտուղար Ա. Գրիգորյանը քննարկել են

ղարաբաղյան հիմնախնդրի բանակցային գործընթացին, ընտրությունների կազմակերպման օրենսդրական կարգավորումներին, ինչպես նաև Հայաստանի և Արցախի միջև անվտանգության ոլորտում փոխգործակցությանը վերաբերող հարցեր:
Աղբյուր՝ Արցախի Հանրապետության ԱԺ լրատվության և հանրության հետ կապերի բաժին

 

18:01 Հայաստան
ՀՀ ԿԳ նախարար Ա. Հարությունյանը Հայաստանի պետական տնտեսագիտական համալսարանում մասնակցել է «Լավագույն ուսանող» հանրապետական մրցույթի հաղթողների պարգևատրման արարողությանը

Նախարարը «Լավագույն ուսանող» մրցույթի հաղթողներին է հանձնել մրցանակները: ՀՀ ԿԳ նախարարի հրամանով հաստատված մրցութային հանձնաժողովի եզրակացության հիման վրա, բակալավրի և մագիստրատուրայի կրթական ծրագրերով հաղթող է ճանաչվել ՀՀ 15 բուհի 37 ուսանող: Հաղթողներին անվանական կրթաթոշակներ շնորհելու նպատակով ՀՀ պետական բյուջեից հատկացվել է 12 մլն. ՀՀ դրամ:
Աղբյուր՝ ՀՀ ԿԳՆ

17:59 Աշխարհում
Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ նորանշանակ դեսպան Ա. Կիրակոսյանն իր հավատարմագրերի պատճենն է հանձնե

Միացյալ Թագավորության դիվանագիտական կորպուսի Մարշալի օգնական ու արտաքին և համագործակցության հարցերի նախարարության արարողակարգի ծառայության տնօրենի տեղակալ Ֆ. Ֆլեսսատիին: Զրուցակիցներն անդրադարձ են կատարել հայ–բրիտանական բարեկամական հարաբերություններին, դրանց ընդլայնման հնարավորություններին, ինչպես նաև քննարկեցին երկկողմ օրակարգի մի շարք հարցեր։
Աղբյուր՝ mfa.am

17:53 Հայաստան
ՀՀ տնտեսական զարգացման և ներդրումների նախարար Տ. Խաչատրյանը և Հոսեին Սամիի գլխավորած Արժույթի միջազգային հիմնադրամի (ԱՄՀ) հայաստանյան առաքելությունը քննարկել են ՀՀ կառավարության ծրագիրը

ԱՄՀ պատվիրակության անդամները հետաքրքվել են կոռուպցիայի դեմ պայքարի, սոցիալական պաշտպանության և գործարար միջավայրի բարելավման մարտահրավերներում ՀՀ կառավարության տեսլականով և այդ ոլորտներում նախարարությունների գործառութային բաժանման հարցով: Միաժամանակ, Արժույթի միջազգային հիմնադրամը հայտնել է իր պատրաստակամությունն աջակցելու ՀՀ կառավարությանը ծրագրում ընդգրկված տնտեսական աճի ներառականության ապահովման գործում։
Աղբյուր՝ ՀՀ տնտեսական զարգացման և ներդրումների նախարարություն
 

17:40 Հայաստան
Վարչապետ Նիկոլ Փաշինյանը Երևանում ներկա է գտնվել IHG հյուրանոցային ցանցի «Հոլիդեյ Ինն Էքսպրես» հյուրանոցի բացման արարողությանը

Ներդրումային ծրագիրն իրականացրել է «Հարմոնի Ինթերնեյշընալ» ՍՊԸ-ի հիմնադիր/նախագահ Ղուկաս Գրիգորյանը: Հյուրանոցի կառուցման աշխատանքները տևել են երեք տարի, կատարվել է շուրջ տասնյակ մլն դոլարի ներդրում, ստեղծվել է 50 նոր աշխատատեղ: Կառավարության ղեկավարը շրջել է հյուրանոցով՝ ծանոթացել կատարված աշխատանքներին և ստեղծված պայմաններին:
Մամուլի հաղորդագրություն

 

17:25 Աշխարհում
Փետրվարի 14-ին Սիրիայում ՀՀ դեսպան Տ. Գևորգյանը և Սիրիայի Ժողովրդական ժողովի նախագահ Հ. Սաբբաղը կարևորել են

Հայաստանի և Սիրիայի միջխորհրդարանական համագործակցության աշխուժացումը, հատկապես` բարեկամության խմբերի փոխայցելությունների խթանումը։ Զրուցակիցներն ընդգծել են, որ խորհրդարանական դիվանագիտությունը կամուրջ է հանդիսանում երկկողմ հարաբերությունների համար։
Աղբյուր՝ mfa.am

17:11 Աշխարհում
Փետրվարի 14-ին աշխատանքային այցով Կալիֆորնիայի մայրաքաղաք Սակրամենտո մեկնած Լոս Անջելեսում ՀՀ գլխավոր հյուպատոս դոկտ. Ա. Բայբուրդյանը հանդիպլ է նահանգային սենատի նախագահ Թ. Աթկինսի

և սենատի Ֆինանսական հատկացումների հանձնաժողովի նախագահ Է. Փորթանթինոյի հետ: Հանդիպման առանցքում եղել է Հայաստանի և Կալիֆորնիայի միջև գործակցությունը բոլոր ուղղություններով, ներառյալ՝ տնտեսական, բարձր տեխնոլոգիաների, գյուղատնտեսության, զբոսաշրջության, կրթության ու մշակույթի ոլորտներում: Կողմերը քննարկել են Կալիֆորնիայի նահանգային սենատում գործող Կալիֆորնիա-Հայաստան-Արցախ առևտրի, արվեստի և մշակութային փոխանակումների հատուկ հանձնախմբի նախանշած ծրագրերը, ինչպես նաև Կալիֆորնիայի և Հայաստանի բազմաբնույթ գործնական կապերը խորացնելուն ուղղված քայլերը:
Աղբյուր՝ mfa.am

17:00 Հայաստան
Փետրվարի 18-ին 14:00-ին, ՀՀ ԳԱԱ- ում տեղի կունենա «Թումանյանագիտության արդի հիմնախնդիրները» թեմայով գիտագործնական համաժողով`

նվիրված գրող, Ամենայն հայոց բանաստեղծ Հովհաննես Թումանյանի 150-ամյա հոբելյանին: Գրողի կյանքի և ստեղծագործության վերաբերյալ ելույթներով հանդես կգան ՀՀ գիտաուսումնական տարբեր հաստատությունների ներկայացուցիչներ: Կներկայացվի Թումանյան գրողի գրական-հասարակական գործունեությունը պատմագիտական առումով, նրա կերպարի և ստեղծագործության արտացոլումը արվեստի բնագավառում, Թումանյանի կապը համաշխարհային գրականության հետ:
Աղբյուր՝ ՀՀ ԳԱԱ

16:33 Հայաստան
Ինչպե՞ս կանխարգելել սակավարյունությունը երեխայի մոտ

«Վարդանանց» նորարարական բժշկության մանկաբույժները հորդորում են ականջալուր լինել մասնագետների խորհուրդներին: Գերմանիայի Ֆրեզենյուսի հիմնադրամի ֆինանսավորմամբ Վորլդ Վիժն Հայաստան կազմակերպությունը պատրաստել է տեսանյութ:
Աղբյուր՝ Վարդանանց ՆԲԿ- ի ֆեյսբուքյան էջ

16:20 Աշխարհում
Ամերիկացի ռեփերին կասկածում են երկակի սպանության մեջ

Ոստիկանությունը կարծում է, որ երաժիշտը սպանել է իր ծանոթներին և ամեն ինչ այնպես արել, իբրև կրակոց է տեղի ունեցել:

15:44 Աշխարհում
Արարատի մարզպետ Գարիկ Սարգսյանը շրջել է Զոդի Բանավան թաղամասում, լսել քաղաքացիների մի շարք դժգոհություններ՝ խոստանալով լուծում տալ խնդիրներին

Տեղացիները մարզպետին ուղեկցել են իրենց նկուղներ, որտեղ ջուր է լցվում։ Մարզպետ Գարիկ Սարգսյանի ջանքերով դրենաժի շինարարական աշխատանքները կվերսկսն։ Նախատեսվում է այս աշխատանքները սկսել սույն թվականի մարտին և ավարտին հասցնել տարեվերջին։
Մամուլի հաղորդագրություն


 

15:30 Հայաստան
ՀՀ ԱԺ նախագահ Ա. Միրզոյանը և ՀՀ- ում Գերմանիայի դեսպան Բ. Մ. Քիսլերը կարևորել են միջխորհրդարանական կապերի առավել ակտիվացումը,

պատգամավորական բարեկամական խմբերի փոխայցերն ու փորձի փոխանակումը: Դեսպանը կարևորել է նաև խորհրդարանական կառավարման համակարգին անցած Հայաստանի Ազգային ժողովի հետ համագործակցությունը, մասնավորապես՝ ընդգծել Գերմանիայի Միջազգային համագործակցության ընկերության (GIZ), Ազգային ժողովի աշխատակազմի և բյուջետային գրասենյակի ետ համատեղ աշխատանքը` հավելելով, որ այն ընդլայնելու նպատակ ունեն:
Աղբյուր՝ ՀՀ ԱԺ
 

15:17 Հայաստան
Մեկնարկել է «Հարմարվողականության ազգային ծրագիր՝ Հայաստանում միջնաժամկետ և երկարաժամկետ հարմարվողականության պլանավորման առաջխաղացման համար» ծրագիրը,

որն իրականացվում է Կլիմայի կանաչ հիմնադրամի կողմից Հայաստանին տրամադրած 2.7 մլն դոլար դրամաշնորհով։ Ծրագրի նպատակն է Փարիզի համաձայնագրի ներքո մեր երկրի նախատեսած հարմարվողականության առաջնահերթությունների մշակումը։ Ծրագրի մեկնարկային աշխատաժողովին մասնակցել են ՀՀ բնապահպանության նախարարի առաջին տեղակալ Ի. Ղափլանյանը, Հայաստանում ՄԱԶԾ մշտական ներկայացուցիչ Դ. Մարիասինը, մի շարք գերատեսչությունների, միջազգային և հասարակական կազմակերպությունների ներկայացուցիչներ ու փորձագետներ։
Մամուլի հաղորդագրություն

 

13:40 Հայաստան
Հանրային խորհուրդը դիմել էր ՀՀ վարչապետին՝ առաջարկելով նոր ձևավորվող Հանրային խորհրդի Գիտության, կրթության, մշակույթի, երիտասարդության և սպորտի հարցերի հանձնաժողովից առանձնացնել

գիտությունն ու կրթությունը՝ ստեղծելով նոր հանձնաժողով։ Վարչապետի որոշմամբ փոփոխությունը հաստատվել է, և ձևավորվել է Հանրային խորհրդի Գիտության, կրթության հարցերի հանձնաժողով, որի կազմում ընդգրկած է 123 անդամ։ Փետրվարի 14-ին տեղի է ունեցել Գիտության, կրթության հարցերի հանձնաժողովի նիստ, որի ընթացքում առաջադրված 5 թեկնածուներից առավելագույն ձայներ հավաքել է մանկավարժական գիտությունների դոկտոր, պրոֆեսոր, Խ. Աբովյանի անվան պետական մանկավարժական համալսարանի Մասնագիտական կրթության և կիրառական մանկավարժության ամբիոնի վարիչ, Կանանց հանրապետական խորհրդի նախագահ Աիդա Թոփուզյանը։
Մամուլի հաղորդագրություն
 

 

13:25 Աշխարհում
Մեծ Բրիտանիայում ալբինոս սկյուռ են նկարահանել

Նկարի հեղինակն ի սկզբանե կենդանուն առնետի տեղ է դրել:

13:12 Հայաստան
«Նովոստի–Արմենիա» գործակալությունը գործարկել է ժապավեն, որտեղ հրապարակվելու են բացառապես պոզիտիվ նորություններ

Այսպիսով, newsarmenia.am կայք այցելելիս ցանկացած օգտատեր հնարավորություն կստանա սեղմելու լավ լուրերի կոճակն ու տեսնելու օրվա միայն դրական պատկերը։
«Վերջին շրջանում Հայաստանի տեղեկատվական դաշտը գերհագեցած է բացասական և ագրեսիվ տեղեկատվությամբ։ Մեր ընթերցողները սոցցանցերում պարբերաբար բողոքում էին, որ հոգնել են ընթերցել միայն բացասականը և ցանկանում են տեսնել բացառապես լավ նորություններ», – ասել է «Նովոստի–Արմենիա» գործակալության գլխավոր տնօրեն Գ. Դավիթյանը։

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}